2019 മമ്മൂട്ടിയ്ക്ക് ഭാഗ്യവര്‍ഷമാണെന്നാണ് തോന്നുന്നത്. പുതുവര്‍ഷത്തില്‍ ഇറങ്ങിയ താരത്തിന്റെ പേരന്‍പും യാത്രയും പ്രേക്ഷക പ്രീതിയും നീരൂപണ പ്രശംസയും നേടി മുന്നേറിക്കൊണ്ടിരിക്കുകയാണ്. ഇരു ചിത്രങ്ങളിലെയും മമ്മൂട്ടിയുടെ അഭിനയത്തെ പ്രശംസിച്ച് എല്ലാ മേഖലയിലുള്ള സിനിമാ താരങ്ങളും രംഗത്തെത്തിയിരുന്നു. ഏറ്റവും ഒടുവിലായി മമ്മൂട്ടിയെയും സിനിമയെയും പ്രശംസിച്ച് രംഗത്തെത്തിയിരിക്കുന്നത് തമിഴ് സൂപ്പര്‍ സ്റ്റാര്‍ സൂര്യയാണ്.
എന്‍ റാം സംവിധാനം ചെയ്ത പേരന്‍പും മഹി വി രാഘവ് സംവിധാനം ചെയ്ത യാത്രയുമാണ് ഭാഷയുടെ അതിര്‍വരമ്പുകള്‍ ഭേതിച്ച് മുന്നേറുന്നത്. റാം ഒരുക്കിയ തമിഴ് ചിത്രം പേരന്‍പില്‍ സ്പാസ്റ്റിക് പരാലിസിസ് ബാധിച്ച പെണ്‍കുട്ടിയുടെ അച്ഛനായി മമ്മൂട്ടി കൈയ്യടി വാങ്ങിച്ചപ്പോള്‍ തെലുങ്ക് ചിത്രം ‘യാത്ര’യില്‍ മുന്‍ ആന്ധ്ര മുഖ്യമന്ത്രി വൈഎസ് രാജശേഖര റെഡ്ഡിയായാണ് മമ്മൂട്ടി പ്രേക്ഷകരുടെ കൈയ്യടി നേടിയത്.
‘അടുത്ത കാലത്ത് പേരന്‍പും ഇപ്പോള്‍ യാത്രയും.. കേട്ടതെല്ലാം മികച്ച അഭിപ്രായം മാത്രം. എന്തൊരു വേറിട്ട തെരഞ്ഞെടുപ്പാണ് മമ്മൂക്കാ. സത്യസന്ധവും കലര്‍പ്പില്ലാത്തതുമായ സിനിമകളാല്‍ ഞങ്ങളെ പ്രചോദിപ്പിക്കുന്നതിന് ഇരു സിനിമകളുടെയും പിന്നില്‍ പ്രവര്‍ത്തിച്ചവര്‍ക്ക് നന്ദി, ബഹുമാനം’ – സൂര്യ തന്റെ ട്വിറ്ററില്‍ കുറിച്ചു.
Recently #Peranbu n now #Yatra so many feedbacks and what a varied choice @mammukka .. Thank you team for inspiring us with this truth and purity of cinema! All respects 🙏🙏🙏 pic.twitter.com/qeNndXMRC5
— Suriya Sivakumar (@Suriya_offl) February 10, 2019
സൂര്യയുടെ ഈ ട്വിറ്ററിന് മറുപടിയായി തിരിച്ച് മമ്മൂട്ടിയും ട്വീറ്റ് ചെയ്തു. ‘സൂര്യ പറഞ്ഞതുകേട്ട് ഇരു ചിത്രങ്ങളുടെയും അണിയറ പ്രവര്‍ത്തകര്‍ക്ക് സന്തോഷമായിട്ടുണ്ടാകും. നിങ്ങളോടും കുടുംബത്തോടും സ്‌നേഹം’ എന്നാണ് മമ്മൂട്ടി ട്വീറ്ററില്‍ കുറിച്ചത്.
Thank you Suriya ! Love to you and family ! The teams of both films would be delighted to hear this ! https://t.co/tPpQIFV3u4
— Mammootty (@mammukka) February 10, 2019
