തിരുവനന്തപുരം: മൂന്ന് മാസം ഗർഭിണിയായ യുവതി ഭർതൃവീട്ടിലെ കിടപ്പുമുറിയിൽ മരിച്ചനിലയിൽ. അട്ടക്കുളങ്ങര സ്വദേശി ഗോപികൃഷ്ണന്റെ ഭാര്യ ദേവിക (22) യാണ് മരിച്ചത്. ഒരുവർഷം മുൻപായിരുന്നു ദേവികയുടെയും ഗോപികൃഷ്ണന്റെയും വിവാഹം. സംഭവത്തിൽ ദുരൂഹത ആരോപിച്ച് ദേവികയുടെ കുടുംബം പോലീസിൽ പരാതി നൽകി.
ഇക്കഴിഞ്ഞ വെള്ളിയാഴ്ചയാണ് ദേവിക മരിച്ചത്. കുടുംബ പ്രശ്‌നങ്ങളെ തുടർന്നാണ് ദേവിക ജീവനൊടുക്കിയതെന്നാണ് പോലീസിന്റെ പ്രാഥമിക നിഗമനം. എന്നാൽ മരണത്തിൽ ദുരൂഹതയുണ്ടെന്നാണ് ദേവികയുടെ കുടുംബം ആരോപിക്കുന്നത്.
ദേവികയ്ക്ക് ജീവനൊടുക്കേണ്ട സാഹചര്യം ഉണ്ടായിരുന്നില്ലെന്ന് ദേവികയുടെ പിതാവ് ഷാജി പറയുന്നു. മൂന്ന് മാസം ഗർഭിണിയായ മകൾ ജീവനൊടുക്കിയതിന് പിന്നിൽ ഭർതൃ വീട്ടുകാർക്ക് പങ്കുണ്ടെന്നും അത് അന്വേഷിക്കണമെന്നും ഷാജി പോലീസിൽ നൽകിയ പരാതിയിൽ പറയുന്നു.
Discussion about this post