നടി തപ്‌സി പന്നുവിനെതിരെ വീണ്ടും പരിഹാസവുമായി ബോളിവുഡ് നടി കങ്കണ റണാവത്ത്. ദേശീയ മാധ്യത്തിന് തപ്‌സി പന്നുവിന്റെ പ്രതികരണത്തിലാണ് കങ്കണ പരിഹാസവുമായി രംഗത്തെത്തിയത്.
നല്‍കിയ അഭിമുഖത്തിലാണ് താരത്തിന്റെ പരിഹാസം. ട്വിറ്ററില്‍ കങ്കണയുടെ അഭാവം താന്‍ അറിയുന്നില്ലെന്നും (കങ്കണയുടെ ട്വിറ്റര്‍ അക്കൗണ്ട് സസ്പെന്‍ഡ് ചെയ്യപ്പെട്ടിരുന്നു) തന്റെ ജീവിതത്തില്‍ അവര്‍ അപ്രസക്തയാണെന്നുമായിരുന്നു തപ്‌സിയുടെ പ്രതികരണം. പിന്നാലെയാണ് കങ്കണയുടെയും പ്രതികരണം.
‘ഒരു കാലത്ത് ഞാന്‍ വേണ്ടെന്ന് വച്ച വേഷങ്ങള്‍ക്ക് വേണ്ടി താപ്സി നിര്‍മാതാക്കളുടെ അടുത്ത് കെഞ്ചുമായിരുന്നു. ഇന്ന് ഞാന്‍ അപ്രസക്തയാണെന്ന് പറയുന്നു. ആളുകളും അവരുടെ വിചിത്രസ്വഭാവവും.. നിങ്ങളുടെ സിനിമ എന്റെ പേരില്ലാതെ പ്രൊമോട്ട് ചെയ്യാന്‍ ശ്രമിക്കൂ’- കങ്കണ പരിഹസിച്ചു. മറ്റൊരു കുറിപ്പില്‍ തപ്സിയെ ബി ഗ്രേഡ് നടി എന്നും കങ്കണ വിളിക്കുന്നുണ്ട്.
‘എന്റെ പേരോ സ്റ്റൈലോ ഉപയോഗിച്ച് ബി ഗ്രേഡ് നടിമാര്‍ അഭിമുഖങ്ങള്‍ വൈറലാക്കുന്നതിലോ സിനിമ വില്‍ക്കുന്നതിലോ എനിക്ക് എതിര്‍പ്പില്ല. അവര്‍ ഇന്‍ഡസ്ട്രിയില്‍ വളരുവാനായി പല കാര്യങ്ങളും ചെയ്യും. ഞാന്‍ ഇവര്‍ക്കൊക്കെ പ്രചോദനമാണ്. ശ്രീദേവി, വഹീദ റഹ്മാന്‍ പോലുള്ളവരായിരുന്നു എനിക്ക് പ്രചോദനം. എന്നാല്‍ എന്റെ വളര്‍ച്ചയില്‍ അവരെ ഞാന്‍ മോശക്കാരാക്കി ചിത്രീകരിച്ചിട്ടില്ല’- കങ്കണ പറഞ്ഞു.
അതേസമയം, കങ്കണയോട് പ്രതികരിക്കാനില്ലെന്ന് തപ്‌സി പന്നു പ്രതികരിച്ചു. ഇതിനെല്ലാം മറുപടി നല്‍കി, തന്റെ വിലപ്പെട്ട സമയം കളയാതെ, നല്ല കാര്യങ്ങള്‍ക്ക് വേണ്ടി ചെലവഴിക്കാനാണ് ഉദ്ദേശിക്കുന്നതെന്ന് താരം പ്രതികരിച്ചു.
