25 വർഷങ്ങൾക്കിടയിലെ ഈ ഫോട്ടോകൾ തമ്മിലൊരു സാമ്യമുണ്ട്? കണ്ടുപിടിക്കാമോയെന്ന് അഹാന കൃഷ്ണ

അഹാന കൃഷ്ണവളരെ ചുരുങ്ങിയ സിനിമകളിലൂടെ നിറയെ ആരാധകരെ നേടിയെടുത്ത യുവനടിയാണ് അഹാന. സോഷ്യൽ മീഡിയയിലും വളരെ ആക്ടീവാണ് താരം. തന്റെ ഇൻസ്റ്റഗ്രാം പേജിൽ പഴയൊരു ഫൊട്ടോ പോസ്റ്റ് ചെയ്ത് ആരാധകരോട് ഒരു ചോദ്യം ചോദിച്ചിരിക്കുകയാണ് അഹാനകൃഷ്ണ. 25 വർഷം മുൻപുള്ളൊരു ചിത്രവും തന്റെ ഇപ്പോഴത്തെ ഒരു ചിത്രവും ചേർത്തുളള ഒരു ഫൊട്ടോയാണ് അഹാന ഷെയർ ചെയ്തത്.

തന്റെ അച്ഛൻ കൃഷ്ണകുമാർ ഒരു കുഞ്ഞിനെ കയ്യിലെടുത്തിരിക്കുന്ന ഫൊട്ടോയാണ് അഹാന ഷെയർ ചെയ്തത്. കൃഷ്ണകുമാറിന് സമീപത്തായി സിന്ധു കൃഷ്ണകുമാറുമുണ്ട്.

25 വർഷങ്ങൾക്കിടയിൽ എടുത്ത രണ്ടു ചിത്രങ്ങൾ തമ്മിലുള്ള സമാനത കണ്ടെത്താമോയെന്നാണ് അഹാന ചോദിക്കുന്നത്. അച്ഛന്റെ കയ്യിലിരിക്കുന്ന കുഞ്ഞുവാവ താനാണെന്നും അഹാന വ്യക്തമാക്കിയിട്ടുണ്ട്. അഹാനയുടെ ചോദ്യത്തിന് സാരിയല്ലേ എന്നാണ് ആരാധകർ കമന്റ് ചെയ്തിരിക്കുന്നത്. പഴയ ഫൊട്ടോയിൽ അഹാനയുടെ അമ്മ ധരിച്ചിരിക്കുന്ന സാരിയാണ് പുതിയ ഫൊട്ടോയിൽ അഹാനയും അണിഞ്ഞിരിക്കുന്നത്.

Exit mobile version