ഒടിയന് മോശമാണെന്ന് മോഹന്ലാല് പറഞ്ഞാല് താന് ഈ പണി അവസാനിപ്പിക്കുമെന്ന് സംവിധായകന് ശ്രീകുമാര് മേനോന്. റിപ്പോര്ട്ടര് ചാനലിലെ മീറ്റ് ദി എഡിറ്റര് പങ്കെടുക്കുന്നതിനിടെയാണ് അദ്ദേഹം ഇക്കാര്യം വ്യക്തമാക്കിയത്. ചിത്രം ആരാധകരുടെ പ്രതീക്ഷയ്ക്ക് ഒത്ത് ഉയര്ന്നില്ലെന്ന ആക്ഷേപം നിലനില്ക്കുന്ന സാഹചര്യത്തിലാണ് സംവിധായകന് കടുത്ത തീരുമാനമെടുക്കുന്നവെന്ന സൂചന നല്കിയത്.
തനിക്കെതിരെ ചിലര്ക്ക് വ്യക്തമായ അജണ്ടയുണ്ടോ എന്ന് സംശയിക്കുന്നുവെന്നും ശ്രീകുമാര് മേനോന് അഭിമുഖത്തില് പറഞ്ഞു. ഒടിയനെക്കുറിച്ച് വാചാലനായ ശ്രീകുമാര് മേനോന് തന്റെ പരസ്യ കമ്പനികള് ഏറ്റെടുത്തിരിക്കുന്ന ജോലികള് പൂര്ത്തീകരിച്ച ശേഷം രണ്ടാമൂഴത്തിന്റെ ഷൂട്ടിംഗ് ആരംഭിക്കുമെന്നും പറയുന്നുണ്ട്. എന്നാല് ഇതിന് മുന്പ് ചിത്രത്തിനെപ്പറ്റിയുള്ള അഭിപ്രായം മോഹന്ലാല് വ്യക്തമാക്കുമെന്ന പ്രതീക്ഷയിലാണ് ആരാധകര്.
വലിയ പ്രതീക്ഷകളോടെ തീയേറ്ററുകളിലെത്തിയ ഒടിയന് ശരാശരി നിലവാരം മാത്രമെ പുലര്ത്തുന്നുള്ളു എന്ന അഭിപ്രായമാണ് മോഹന്ലാല് ആരാധകര്ക്ക് അടക്കമുള്ളത്. സംവിധായകന് ശ്രീകുമാര് മേനോന് ചിത്രത്തിന് അളവില് കവിഞ്ഞ് പ്രെമോഷന് നല്കിയതാണ് സിനിമയെ പ്രതികൂലമായി ബാധിച്ചതെന്നാണ് പൊതുവെയുള്ള വിലയിരുത്തല്.
Discussion about this post