ചോലയ്ക്ക് ശേഷം സനല്കുമാര് ശശിധരന് മഞ്ജുവാര്യരെ കേന്ദ്ര കഥാപാത്രമാക്കി ഒരുക്കിയ ‘കയറ്റ’ത്തിന്റെ ട്രെയിലര് പുറത്തുവിട്ടു. എആര് റഹ്മാന് തന്റെ ഫേസ്ബുക്ക് പേജിലൂടെയാണ് ട്രെയിലര് പുറത്തുവിട്ടത്. അപകടം പതിയിരിക്കുന്ന ഹിമാലയന് പര്വതനിരകളിലൂടെയുള്ള ട്രെക്കിംഗ് വിഷയമാക്കി ഒരുക്കിയചിത്രത്തിന്റെ തിരക്കഥ, എഡിറ്റിംഗ്, സൗണ്ട് ഡിസൈന് എന്നിവയും സംവിധായകന് തന്നെയാണ് നിര്വ്വഹിച്ചിരിക്കുന്നത്.
‘ജോസഫ്’ എന്ന ചിത്രത്തില് ശ്രദ്ധേയമായ വേഷം ചെയ്ത വേദ് വൈബ്സ്, പുതുമുഖം ഗൗരവ് രവീന്ദ്രന് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഇവരെക്കൂടാതെ സുജിത് കോയിക്കല്, രതീഷ് ഈറ്റില്ലം, ദേവനാരായണന്, സോനിത് ചന്ദ്രന്, ആസ്ത ഗുപ്ത, അഷിത, നന്ദു ഠാക്കൂര്, ഭൂപേന്ദ്ര ഖുറാന എന്നിവരാണ് ചിത്രത്തിലെ മറ്റ് താരങ്ങള്.
ചിത്രത്തിനു വേണ്ടി തയാറാക്കിയ അഹര്സംസ എന്ന ഭാഷയാണ് മറ്റൊരു പ്രത്യേകത. ഈ ഭാഷയില് കയറ്റം എന്നതിനുള്ള വാക്കായ ‘അഹര്’ ആണ് ചിത്രത്തിന്റെ മറ്റൊരു ടൈറ്റില്. അഹര് സംസയിലുള്ള പത്തു പാട്ടുകളിലൂടെ വ്യത്യസ്തമായ രീതിയില് കഥ പറയുന്ന ചിത്രത്തിലെ ഗാനങ്ങള് ചിട്ടപ്പെടുത്തിയിരിക്കുന്നത് രതീഷ് ഈറ്റില്ലമാണ്.
മഞ്ജു വാര്യര് പ്രൊഡക്ഷന്സ്, നിവ് ആര്ട്ട് മൂവീസ്, എന്നീ ബാനറുകളില് ഷാജി മാത്യു, അരുണ മാത്യു, മഞ്ജു വാര്യര് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്.
Discussion about this post