പല സെലിബ്രിറ്റികളുടെ മക്കളും അവരെപ്പോലെത്തന്നെ ഏറെ ശ്രദ്ധിക്കപ്പെടാറുണ്ട്. അത്തരത്തില്‍ പ്രേക്ഷകര്‍ക്ക് ഏറെ സുപരിചിതയായി മാറിയ കുഞ്ഞുതാരമാണ് ക്രിക്കറ്റ് താരം ധോണിയുടെ മകള്‍ സിവ. മലയാളത്തില്‍ പാട്ട് പാടി നേരത്തെ മലയാളികളെ ഒന്നടങ്കം ഞെട്ടിച്ച സിവ സോഷ്യല്‍ മീഡിയയില്‍ നിറസാന്നിധ്യമാണ്.
സിവയുടെ കുസൃതി നിറഞ്ഞതും ഓമനത്തം തുളുമ്പുന്നതുമായ ഒത്തിരി വീഡിയോകള്‍ സോഷ്യല്‍മീഡിയയില്‍ വൈറലായിട്ടുണ്ട്. അത്തരത്തില്‍ ഇപ്പോള്‍ സോഷ്യല്‍മീഡിയ ഏറ്റെടുത്തിരിക്കുന്നത് അച്ഛന്‍ ധോണിക്ക് മേക്കപ്പ് ചെയ്തുകൊടുന്ന സിവയുടെ വീഡിയോയാണ്.
I think I have lost my job to this cutie pie #zivasingh #dhoni #MSDhoni #COVID2019 hai na ? @msdhoni @SaakshiSRawat @HasijaVikas @impoornapatel @madOwothair pic.twitter.com/gveeFoKujS
— 𝕓𝕦𝕞𝕓𝕒𝕚 𝕜𝕚 𝕣𝕒𝕟𝕚 (@sapnabhavnani) April 3, 2020
ക്യാപ്റ്റന്‍ കൂളിന്റെ മടിയില്‍ ഇരുന്ന് ശ്രദ്ധയോടെ താരത്തിന് മേക്കപ് ചെയ്ത് കൊടുക്കുന്ന സിവയെ വീഡിയോയില്‍ കാണാം. മകള്‍ പറയുന്നത് അനുസരണയോടെയാണ് ധോണി കേട്ടിരിക്കുന്നത്. അച്ഛന്റെ മുഖത്ത് മേക്കപ് ചെയ്യുന്ന കുഞ്ഞ് കുസൃതിക്കാരിയുടെ വീഡിയോ ട്വിറ്ററില്‍ പോസ്റ്റ് ചെയ്തിരിക്കുന്നത് ധോണിയുടെ തന്നെ ഹെയര്‍ സ്‌റ്റൈലിസ്റ്റായ സപ്ന ഭവ്നാനിയാണ്.
‘എന്റെ പണി പോയി എന്നാണ് തോന്നുന്നത്’ എന്ന അടിക്കുറിപ്പോടെയാണ് സപ്ന വീഡിയോ പങ്ക് വെച്ചിരിക്കുന്നത്. വീഡിയോയ്ക്ക് താഴെ നിരവധി പേരാണ് കമന്റ് ചെയ്തിരിക്കുന്നത്. പലരും സിവയെ അഭിനന്ദിക്കുകയാണ്. ധോണിയോളം തന്നെ ഫാന്‍സ് ഉള്ള കുട്ടി മിടുക്കിയാണ് സിവയും.
