സിനിമാതാരങ്ങള്‍ ഫിറ്റനസ് സെന്ററുകളില്‍ വ്യായാമം ചെയ്യുന്ന ദൃശ്യങ്ങള്‍ പലപ്പോഴും സോഷ്യല്‍മീഡിയയില്‍ വൈറലാവാറുണ്ട്. അത്തരത്തില്‍ ഇത്തവണ സോഷ്യല്‍മീഡിയ ഏറ്റെടുത്തിരിക്കുന്നത് വ്യായാമത്തിനായി ഒരു കുന്ന് ഓടിക്കയറുന്ന ചാക്കോച്ചന്റെ വീഡിയോയാണ്. ഛായാഗ്രാഹകന്‍ ഷൈജു ഖാലിദാണ് ചാക്കോച്ചന്റെ പരിശീലനം ക്യാമറയിലാക്കിയത്.
മാര്‍ട്ടിന്‍ പ്രക്കാട്ട് ഒരുക്കുന്ന പുതിയ ചിത്രത്തിന്റെ ലൊക്കേഷനിലെ വീഡിയോയാണ് ജനശ്രദ്ധ നേടുന്നത്. ജോജുവും തിരക്കഥാകൃത്ത് ഷാഹി കബീറും ഛായാഗ്രാഹകന്‍ ഷൈജു ഖാലിദും ജീപ്പില്‍ യാത്ര ചെയ്യുമ്പോഴാണ് ചെറിയൊരു കുന്ന് ഓടിക്കറയുന്ന ചാക്കോച്ചനെ കാണുന്നത്. ഉടന്‍ തന്നെ ഷൈജു തന്റെ ക്യാമറയെടുത്ത് ദൃശ്യങ്ങള്‍ പകര്‍ത്തി.
കുന്ന് ഓടിക്കയറേണ്ട തിരിക്കിലായിരുന്നു ചാക്കോച്ചന്‍. ഇടക്ക് കാല് തെന്നി വീണെങ്കിലും അതൊന്നും കാര്യമാക്കാതെ എഴുന്നേറ്റ് ഓടുന്നതും വീഡിയോയില്‍ കാണാം. സോഷ്യല്‍മീഡിയയിലെ ഈ രസകരമായ വീഡിയോയ്ക്ക് താഴെ നിരവധി കമന്റുകളാണ് വന്നത്.
കുഞ്ചാക്കോ ബോബന്‍, ജോജു ജോര്‍ജ്, നിമിഷ സജയന്‍, യമ, അനില്‍ നെടുമങ്ങാട് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ഷൂട്ടിങ് കോലഞ്ചേരിയിലും മറ്റു പ്രദേശങ്ങളിലുമായി പുരോഗമിക്കുകയാണ്. നിരവധി പുതുമുഖങ്ങളും ചിത്രത്തില്‍ അണിനിരക്കുന്നുണ്ട്.
Discussion about this post