തങ്ങളുടെ പ്രിയപ്പെട്ട താരങ്ങളുടെ പഴയകാല ചിത്രങ്ങള് കാണാന് പ്രേക്ഷകര്ക്ക് ഏറെ താല്പര്യമാണ്. പലപ്പോഴും താരങ്ങളുടെ പഴയകാല ചിത്രങ്ങളും വീഡിയോയും സോഷ്യല് മീഡിയയില് വൈറലാവാറുണ്ട്. ഈ അടുത്ത കാലത്ത് മമ്മൂട്ടി പെണ്വേഷം കെട്ടിയുള്ള ഒരു പഴയകാല ചിത്രം സോഷ്യല് മീഡിയയില് വൈറലായിരുന്നു. ഇപ്പോഴിതാ അതുപോലെ മലയാളികളുടെ ഒരു പ്രിയപ്പെട്ട താരത്തിന്റെ കല്യാണച്ചിത്രമാണ് സോഷ്യല് മീഡിയയില് വൈറലായിരിക്കുന്നത്.
നടന് ഇന്ദ്രന്സിന്റെ കല്യാണ ചിത്രമാണ് സോഷ്യല് മീഡിയയില് വൈറലായിരിക്കുന്നത്. ഭാര്യ ശാന്തകുമാരിയ്ക്കൊപ്പമുള്ള കല്യാണ ചിത്രത്തില് അല്പ്പം ഗൗരവത്തിലാണ് നമ്മുടെ ഇന്ദ്രന്സേട്ടന് ഉള്ളത്. ‘സുരേന്ദ്രന് വെഡ്സ് ശാന്തകുമാരി’ എന്ന അടിക്കുറിപ്പോടെയാണ് ചിത്രം സോഷ്യല് മീഡിയയില് വൈറലായിരിക്കുന്നത്. 1985 ഫെബ്രുവരി 23നായിരുന്നു ഇന്ദ്രന്സ് ശാന്തകുമാരിയുടെ കഴുത്തില് മിന്നുചാര്ത്തിയത്.
ആദ്യകാലം സിനിമയില് വസ്ത്രാലങ്കാരനായിരുന്ന ഇന്ദ്രന്സിന്റെ യഥാര്ത്ഥ പേര് സുരേന്ദ്രന് കൊച്ചുവേലു എന്നായിരുന്നു. ‘സിഐഡി ഉണ്ണികൃഷ്ണന് ബിഎ, ബിഎഡ്’ എന്ന ചിത്രത്തിലെ വേഷമാണ് ഇന്ദ്രന്സിന്റെ സിനിമാ ജീവിതത്തില് വഴിത്തിരിവായത്. തുടര്ന്നിങ്ങോട്ട് മലയാളത്തിലെ മികച്ച ഹാസ്യനടന്മാരില് ഒരാളായി മലയാളികളുടെ ഹൃദയത്തില് താരം ഇടം പിടിച്ചു. ‘ആളൊരുക്കം’ എന്ന ചിത്രത്തിലൂടെ മികച്ച നടനുള്ള സംസ്ഥാന അവാര്ഡും ഈ മികച്ച കലാകാരനെ തേടിയെത്തി. 2019-ല് ഡോ. ബിജു സംവിധാനം ചെയ്ത ‘വെയില്മരങ്ങള്’ എന്ന ചിത്രത്തിലെ അഭിനയത്തിന് സിംഗപ്പൂര് സൗത്ത് ഏഷ്യന് ഇന്റര്നാഷണല് ഫിലിം ഫെസ്റ്റിവലില് മികച്ച നടനുള്ള അന്താരാഷ്ട്ര പുരസ്കാരവും ഇന്ദ്രന്സിനെ തേടിയെത്തി.
Discussion about this post