കൊച്ചി: സ്വര്ണവില വീണ്ടും 72500ന് മുകളില്. ദിവസങ്ങളുടെ വ്യത്യാസത്തില് 3000ലധികം രൂപ ഇടിഞ്ഞ സ്വര്ണവിലയില് തുടര്ച്ചയായ രണ്ടാം ദിവസമാണ് കുതിപ്പ്.
ഇന്ന് പവന് 360 രൂപയാണ് വര്ധിച്ചത്. ഇതോടെ 72, 520 രൂപയായി ഒരു പവൻ സ്വർണത്തിൻ്റെ വില.
ഗ്രാമിന് 45 രൂപയാണ് വര്ധിച്ചത്. 9065 രൂപയാണ് ഒരു ഗ്രാം സ്വര്ണത്തിന്റെ വില.
രണ്ടാഴ്ചയ്ക്കിടെ 3000 രൂപയിലധികം കുറഞ്ഞ ശേഷമാണ് ഇന്നലെ മുതല് സ്വര്ണവില തിരിച്ചുകയറാന് തുടങ്ങിയത്. രണ്ടുദിവസത്തിനിടെ 1200 രൂപയാണ് വര്ധിച്ചത്.
സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് ഒഴുകി എത്തിയതാണ് സ്വര്ണവില ഇപ്പോഴും ഉയര്ന്നു നില്ക്കാന് കാരണമെന്ന് വിപണി വിദഗ്ധര് പറയുന്നു.
Discussion about this post