തിരുവനന്തപുരം: പ്രസംഗത്തില് സ്ത്രീവിരുദ്ധ പരാമര്ശം നടത്തിയതിന് കെപിസിസി അധ്യക്ഷന് മുല്ലപ്പള്ളി രാമചന്ദ്രനെതിരേ പോലീസ് കേസെടുത്തു. മുല്ലപ്പളളിയുടെ പരാമര്ശത്തിനെതിരേ ആരോപണവിധേയയായ സോളാര് കേസിലെ പ്രതി നല്കിയ പരാതിയിലാണ് തിരുവനന്തപുരം വനിതാ പോലീസ് കേസ് രജിസ്റ്റര് ചെയ്തിരിക്കുന്നത്.
സ്ത്രീത്വത്തെ അപമാനിച്ചതടക്കമുളള കുററങ്ങള് ചുമത്തിയാണ് കേസെടുത്തിരിക്കുന്നത്. ഒരു അഭിസാരികയെ ഇറക്കി നാണംകെട്ട കളിക്ക് ഇടത് സര്ക്കാര് ശ്രമിക്കുകയാണ്. ഇതുകൊണ്ട് രക്ഷപ്പെടാമെന്ന് സര്ക്കാര് കരുതേണ്ട. സംസ്ഥാനം മുഴവന് നടന്ന് പീഡിപ്പിക്കപ്പെട്ടു എന്ന് പറഞ്ഞ ഒരു സ്ത്രീയെ ആരും വിശ്വസിക്കില്ല. ബലാത്സംഗത്തിനിരയായ ആത്മാഭിമാനമുള്ള സ്ത്രീ മരിക്കുമെന്നുമായിരുന്നു മുല്ലപ്പള്ളി രാമചന്ദ്രന് പറഞ്ഞത്.
സോളാര് കേസ് മുന്നിര്ത്തി യുഡിഎഫിനെതിരെ സര്ക്കാര് നീക്കം ശക്തമാക്കുന്നു എന്ന് ആരോപിച്ചായിരുന്നു കെപിസിസി പ്രസിഡന്റിന്റെ പരാമര്ശം. സോളാര് കേസിലെ പരാതിക്കാരിയെ യുഡിഎഫിനെതിരെ രാഷ്ട്രീയമായി ഉപയോഗിക്കരുതെന്ന് പറഞ്ഞ ശേഷമായിരുന്നു മുല്ലപ്പള്ളി വിവാദ പരാമര്ശങ്ങള് നടത്തിയത്.
നാക്ക് പിഴച്ചുവെന്ന് മനസിലാക്കിയ മുല്ലപ്പള്ളി വേദിയില്വച്ചു തന്നെ ഖേദം പ്രകടിപ്പിച്ചു.
Discussion about this post