തിരുവനന്തപുരം : സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പിന്റെ മുന്നറിയിപ്പ്. ഇതിന്റെ പശ്ചാത്തലത്തില് 11 ജില്ലകളില് യെല്ലോ അലര്ട്ട് പ്രഖ്യാപിച്ചു. വെള്ളിയാഴ്ച വരെ ശക്തമായ മഴ തുടര്ന്നേക്കുമെന്നാണ് പ്രവചനം.
ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് ജാഗ്രതാ നിര്ദേശം.ബംഗാള് ഉള്ക്കടലില് രൂപം കൊണ്ട തീവ്ര ന്യൂനമര്ദം ആന്ധ്ര തീരം വഴി കരയില് പ്രവേശിച്ചതായി കേന്ദ്ര കാലാവസ്ഥ വകുപ്പ് അറിയിച്ചു.
ഇതേതുടര്ന്നാണ് മഴ കനത്തത്. നാളെ തൃശൂര്, പാലക്കാട്,മലപ്പുറം,വയനാട്,കോഴിക്കോട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. അതിനിടെ ബംഗാള് ഉള്ക്കടലില് നാളെ പുതിയൊരു ന്യൂനമര്ദം കൂടി രൂപംകൊണ്ടേക്കുമെന്ന് വിലയിരുത്തലുണ്ട്.
മഴ കനത്തതോടെ ഇടുക്കി അണക്കെട്ടിലെ ജലനിരപ്പുയര്ന്ന് 2390.66 അടിയിലെത്തിയിട്ടുണ്ട്. ഇതേത്തുടര്ന്ന് ബ്ലൂ അലര്ട്ട് പുറപ്പെടുവിച്ചിരുന്നു. മഴ കനത്താല് അണക്കെട്ട് തുറക്കേണ്ടി വന്നേക്കുമെന്നാണ് അധികൃതര് നല്കുന്ന സൂചന.
Discussion about this post