കൊച്ചി: ജോസ് കെ മാണി വിഭാഗത്തിന് രണ്ടില ചിഹ്നം നല്കിയ കേന്ദ്ര തിരഞ്ഞെടുപ്പ് കമ്മീഷന് വിധിക്ക് ഹൈക്കോടതി സ്റ്റേ. ജോസ് കെ മാണി വിഭാഗത്തിന് അനുകൂലമായുളള തെരഞ്ഞെടുപ്പ് കമ്മീഷന്റെ ഉത്തരവിനെതിരെ പിജെ ജോസഫ് നല്കിയ ഹര്ജിയിലാണ് ഹൈക്കോടതി നടപടി. ഒരു മാസത്തേയ്ക്കാണ് സ്റ്റേ ചെയ്തത്.
കേന്ദ്ര തിരഞ്ഞെടുപ്പ് കമ്മീഷന് വിധിക്ക് ഇടക്കാല സ്റ്റേ അനുവദിച്ച് ഹര്ജി ഫയലില് സ്വീകരിക്കണമെന്നായിരുന്നു പി.ജെ. ജോസഫിന്റെ ആവശ്യം. ഇക്കാര്യം ഹൈക്കോടതി അംഗീകരിച്ചു. ഹര്ജി ഫയലില് സ്വീകരിക്കുകയും തെരഞ്ഞെടുപ്പ് കമ്മീഷന്റെ ഉത്തരവ് സ്റ്റേ ചെയ്യുകയും ചെയ്തു.
വസ്തുതകള് പരിശോധിക്കാതെയാണ് തിരഞ്ഞെടുപ്പ് കമ്മിഷന് ജോസ് പക്ഷത്തിനു ചിഹ്നം അനുവദിച്ചത്. 450 അംഗ സംസ്ഥാന സമിതിയില് 305 പേരുടെ നിലപാട് മാത്രം കണക്കിലെടുത്താണ് തിരഞ്ഞെടുപ്പ് കമ്മിഷന് ഉത്തരവ്. കേരള കോണ്ഗ്രസ് എം ചെയര്മാന് ആയി ചുമതല ഏല്ക്കുന്നതില് നിന്ന് മജിസ്ട്രേറ്റ് കോടതി ജോസ് കെ മാണിയെ വിലക്കിയിട്ടുണ്ട്. തിരഞ്ഞെടുപ്പ് കമ്മീഷന്റെ തീരുമാനം നിയമപരമായി നിലനില്ക്കില്ലെന്നും പിജെ ജോസഫ് ഹര്ജിയില് പറഞ്ഞിരുന്നു.
അതേസമയം ഒക്ടോബര് ഒന്നിന് കേസ് വീണ്ടും കോടതി പരിഗണിക്കും. ഇരു വിഭാഗത്തിന്റെ വിശദമായ വാദം കോടതി കേട്ട ശേഷം അന്തിമ തീരുമാനം ഉണ്ടാകും.
Discussion about this post