തിരുവനന്തപുരം: സംസ്ഥാന സര്ക്കാരിന്റെ സമ്പൂര്ണ്ണ പാര്പ്പിട സുരക്ഷാ പദ്ധതിയായ ലൈഫ് മിഷനില് അര്ഹരായ കുടുംബങ്ങള്ക്ക് വീടിനായി അപേക്ഷിക്കുന്നതിനുള്ള തീയതി നാളെ അവസാനിക്കും. അര്ഹത ഉണ്ടായിട്ടും വിവിധ കാരണങ്ങളാല് ആദ്യം തയാറാക്കിയ ലിസ്റ്റില് ഉള്പ്പെടാതെ പോയ കുടുംബങ്ങള്ക്ക് അപേക്ഷിക്കാനായിട്ടായിരുന്നു തീയതി നീട്ടി നല്കിയത്.
നേരത്തെ ഓഗസ്റ്റ് 1 മുതല് 27 വരെയായിരുന്നു അപേക്ഷിക്കുന്നതിനായി നല്കിയ സമയം. ഇത് സെപ്തംബര് 9 വരെ നീട്ടി നല്കുകയായിരുന്നു.
ആഗസ്റ്റ് 1 മുതല് ലൈഫ് പദ്ധതിയില് ഇതുവരെ 7.53 ലക്ഷം അപേക്ഷകളാണ് ലഭിച്ചത്. www.life2020.kerala.gov.in എന്ന വെബ്സൈറ്റിലൂടെയാണ് വീടിനായി അപേക്ഷകള് സമര്പ്പിക്കേണ്ടത്. അര്ഹരായ ഗുണഭോക്താക്കള്ക്ക് വീട്ടിലിരുന്നു സ്വന്തമായോ തദ്ദേശസ്വയംഭരണ സ്ഥാപനങ്ങളില് തയാറാക്കിയിരിക്കുന്ന ഹെല്പ് ഡെസ്ക് വഴിയോ മറ്റ് ഇന്റര്നെറ്റ് സേവന കേന്ദ്രങ്ങള് വഴിയോ അപേക്ഷകള് സമര്പ്പിക്കാവുന്നതാണ്.
Discussion about this post