നിരൂപകപ്രീതിയും പ്രേക്ഷകശ്രദ്ധയും ഒരുപോലെ നേടിയ ‘ഇരുധി സുട്രു’വിന്റെ സംവിധായിക സുധ കൊങ്കര സൂര്യയെ നായകനാക്കി ഒരുക്കിയ ‘സൂരറൈ പൊട്രു’വിന്റെ റിലീസ് തീയതി പ്രഖ്യാപിച്ചു. ആമസോണ് പ്രൈമില് ഒക്ടോബര് 30 ന് ചിത്രം റിലീസ് ചെയ്യുമെന്നാണ് സൂര്യ ട്വിറ്ററിലൂടെ അറിയിച്ചിരിക്കുന്നത്.
ആഭ്യന്തര വിമാന സര്വീസായ ‘എയര് ഡെക്കാണി’ന്റെ സ്ഥാപകന് ജിആര് ഗോപിനാഥിന്റെ ജീവിതത്തെ ആസ്പദമാക്കിയുള്ളതാണ് സിനിമ. സംവിധായിക സുധ കൊങ്കരുവും ശാലിനി ഉഷ ദേവിയും ചേര്ന്നാണ് ചിത്രത്തിന് തിരക്കഥ ഒരുക്കിയത്.
മലയാളി താരം അപര്ണ ബാലമുരളിയാണ് ചിത്രത്തിലെ നായിക. ഉര്വശി, ജാക്കി ഷ്രോഫ്, പരേഷ് റാവല്, കരുണാസ്, വിവേക് പ്രസന്ന, മോഹന് ബാബു, കാളി വെങ്കട് എന്നിവരാണ് ചിത്രത്തിലെ മറ്റ് താരങ്ങള്. സൂര്യയുടെ 2 ഡി എന്റര്ടെയിന്മെന്റ്സും ഗുനീത് മോങ്കയുടെ ശിഖായ എന്റര്ടെയിന്മെന്റ്സും ചേര്ന്നാണ് ചിത്രം നിര്മ്മിച്ചിരിക്കുന്നത്.
Vinayagar Chathurthi wishes to all!#SooraraiPottruOnPrime @PrimeVideoIN pic.twitter.com/ZdYSF52ye2
— Suriya Sivakumar (@Suriya_offl) August 22, 2020
Discussion about this post