തിരുവനന്തപുരം: സംസ്ഥാനം സമൂഹവ്യാപനത്തിന്റെ വക്കിലേത്തിയെന്ന് മുഖ്യമന്ത്രി പിണറായി വിജയന്. കൊവിഡ് വ്യാപനത്തില് നിര്ണ്ണായക ഘട്ടമാണ് ഇപ്പോഴുള്ളത്. നല്ല തോതില് ആശങ്കപ്പെടേണ്ട ഘട്ടമാണിതെന്നും മുഖ്യമന്ത്രി കൂട്ടിച്ചേര്ത്തു. വാര്ത്ത സമ്മേളനത്തില് സംസാരിക്കുകയായിരുന്നു മുഖ്യമന്ത്രി.
നിലവിലെ നിയന്ത്രണം സമൂഹത്തെ മൊത്തം കണക്കിലെടുത്ത് രക്ഷയ്ക്ക് വേണ്ടി കൊണ്ടുവന്നതാണ്. അത് കര്ശനമായി പാലിക്കണം. സ്വയം നിയന്ത്രണത്തിന്റെ തലം സൃഷ്ടിക്കണമെന്നും മുഖ്യമന്ത്രി പറഞ്ഞു. രോഗം സമൂഹവ്യാപനത്തിലെത്താന് അധികം സമയം വേണ്ട. പൂന്തുറയില് സൂപ്പര് സ്പ്രെഡിലേക്കെത്താന് അധികം സമയമെടുത്തില്ല. രോഗം ബാധിച്ച പലരുടെയും സമ്പര്ക്ക പട്ടിക വിപുലമാണ്. അത്തരം സാഹചര്യം ഉണ്ടാക്കരുതെന്നും മുഖ്യമന്ത്രി പറഞ്ഞു.
വലിയ ആള്ക്കൂട്ടം എത്തിപ്പെടുന്ന ഏത് സ്ഥലവും ഒന്നോ രണ്ടോ ആളുകള് രോഗബാധിതരാണെങ്കില് എല്ലാവരെയും അത് ബാധിക്കും.അതിനാല് ആള്ക്കൂട്ടം ഉണ്ടാകരുത്. ഇതിന് നാം നല്ല ഊന്നല് നല്കണം. അത്യാവശ്യ കാര്യത്തിന് മാത്രമേ പുറത്തിറങ്ങാന് പാടുള്ളൂവെന്നും മുഖ്യമന്ത്രി പറഞ്ഞു.
പ്രതീക്ഷിക്കാത്ത കേന്ദ്രങ്ങളിലും ആളുകളിലും രോഗബാധ ഉണ്ടായെന്ന് വരാം. ചില പ്രക്ഷോഭങ്ങളില് പങ്കെടുത്തവര്ക്ക് രോഗബാധയുണ്ടായിട്ടുണ്ട്. അതിന്റെ ഭാഗമായി സമ്പര്ക്ക പട്ടിക തയ്യാറാക്കുന്നത് വെല്ലുവിളിയായി.ആള്ക്കൂട്ടത്തിനോട് എന്തെങ്കിലും വിപ്രതിപത്തി ഉണ്ടായിട്ടല്ല. ഇന്നത്തെ സാഹചര്യം മനസിലാക്കാനുള്ള വിവേകം നാമെല്ലാവരും പ്രകടിപ്പിക്കണം. അത് നാടിന്റെ രക്ഷയ്ക്കും സമൂഹത്തില് രോഗം വ്യാപിക്കാതിരിക്കാനും സ്വീകരിക്കേണ്ട കാര്യമാണെന്നും മുഖ്യമന്ത്രി കൂട്ടിച്ചേര്ത്തു.
Discussion about this post