ന്യൂഡല്ഹി: ചൈനീസ് സൈന്യവുമായുണ്ടായ ഏറ്റുമുട്ടലില് ലഡാക്കിലെ ഗാല്വന് താഴ്വരയില് കേണല് അടക്കം 20 ഇന്ത്യന് സൈനികരാണ് വീരമൃത്യു വരിച്ചത്. സംഭവത്തില് നിരവധി പേരാണ് പ്രതികരിച്ചത്. രാജ്യത്തിന് വേണ്ടിയുള്ള സമര്പ്പണ സേവനത്തിനിടയില് വീരമൃത്യു വരിച്ച ധീരജവാന്മാര്ക്ക് എഐസിസി ജനറല് സെക്രട്ടറി കെസി വേണുഗോപാല് ആദരാഞ്ജലികള് അര്പ്പിച്ചു.
അതിര്ത്തിയില് സ്ഥിഗതികള് രൂക്ഷമായിക്കൊണ്ടിരിക്കുകയാണ്. ഇരുപതോളം ധീരരായ നമ്മുടെ ജവാന്മാരാണ് വീരമൃത്യു വരിച്ചതെന്നും രാജ്യത്തിന്റെ എല്ലാ അതിര്ത്തികളും സംഘര്ഷഭരിതമാവുന്നത് ആശങ്കയുളവാക്കുന്നുണ്ടെന്നും കെസി വേണുഗോപാല് ഫേസ്ബുക്കില് പങ്കുവെച്ച കുറിപ്പില് പറയുന്നു.
നാലുപതിറ്റാണ്ടിനിടെ ആദ്യമായിട്ടാണ് ചൈനീസ് ആക്രമണത്തില് നമ്മുടെ ജവാന്മാര് കൊല്ലപ്പെടുന്നതെന്നും രാജ്യസുരക്ഷയുടെയും, അതിര്ത്തി സംരക്ഷണത്തിന്റെ വിഷയത്തിലും നാം ഒറ്റക്കെട്ടായി നില്ക്കേണ്ട സമയമാണെന്നും എഐസിസി ജനറല് സെക്രട്ടറി കെസി വേണുഗോപാല് പറയുന്നു.
ഈ സങ്കീര്ണ സാഹചര്യത്തില് ലഡാക്കില് ഉള്പ്പെടെ അതിര്ത്തിയില് എന്താണ് സംഭവിച്ചു കൊണ്ടിരിക്കുന്നതെന്നു രാജ്യത്തെ ജനങ്ങളോട് കൃത്യമായ വിശദീകരണം നല്കാന് പ്രധാനമന്ത്രിയും, പ്രതിരോധ മന്ത്രിയും തയ്യാറാവണമെന്നും കെസി വേണുഗോപാല് വ്യക്തമാക്കി.
ഫേസ്ബുക്ക് കുറിപ്പിന്റെ പൂര്ണരൂപം
അതിര്ത്തിയില് സ്ഥിഗതികള് രൂക്ഷമായിക്കൊണ്ടിരിക്കുകയാണ്. ഇരുപതോളം ധീരരായ നമ്മുടെ ജവാന്മാരാണ് വീരമൃത്യു വരിച്ചത്. രാജ്യത്തിന്റെ എല്ലാ അതിര്ത്തികളും സംഘര്ഷഭരിതമാവുന്നത് ആശങ്കയുളവാക്കുന്നുണ്ട്. നാലുപതിറ്റാണ്ടിനിടെ ആദ്യമായിട്ടാണ് ചൈനീസ് ആക്രമണത്തില് നമ്മുടെ ജവാന്മാര് കൊല്ലപ്പെടുന്നത്. രാജ്യസുരക്ഷയുടെയും, അതിര്ത്തി സംരക്ഷണത്തിന്റെ വിഷയത്തിലും നാം ഒറ്റക്കെട്ടായി നില്ക്കേണ്ട സമയമാണ്. ഈ സങ്കീര്ണ സാഹചര്യത്തില് ലഡാക്കില് ഉള്പ്പെടെ അതിര്ത്തിയില് എന്താണ് സംഭവിച്ചു കൊണ്ടിരിക്കുന്നതെന്നു രാജ്യത്തെ ജനങ്ങളോട് കൃത്യമായ വിശദീകരണം നല്കാന് പ്രധാനമന്ത്രിയും, പ്രതിരോധ മന്ത്രിയും തയ്യാറാവണം. രാജ്യത്തിന് വേണ്ടിയുള്ള സമര്പ്പണ സേവനത്തിനിടയില് വീരമൃത്യു വരിച്ച ധീരജവാന്മാര്ക്കു ആദരാഞ്ജലികള്.
Discussion about this post