കാന്ബേറ: ലോകത്ത് പടര്ന്ന് പിടിക്കുന്ന കൊറോണ വൈറസ് ഓസ്ട്രേലിയയിലും സ്ഥിരീകരിച്ചതായി റിപ്പോര്ട്ട്. ഓസ്ട്രേലിയയിലെ വിക്ടോറിയയിലാണ് ആദ്യ കൊറോണ വൈറസ് ബാധ സ്ഥിരീകരിച്ചത്. ഇതോടെ കൊറോണ വൈറസിന്റെ പ്രഭവകേന്ദ്രമായ ചൈനയിലെ വുഹാന് സമീപമുള്ള ഹുബെ പ്രവിശ്യയിലേക്കുള്ള സന്ദര്ശനം പൂര്ണ്ണമായും നിര്ത്തണമെന്ന് ജനങ്ങള്ക്ക് സര്ക്കാര് നിര്ദ്ദേശം നല്കി.
ചൈനീസ് സ്വദേശിയായ അമ്പതുകാരനാണ് കൊറോണ വൈറസ് ബാധ സ്ഥിരീകരിച്ചിരിക്കുന്നത്. ജനുവരി 19ന് ചൈനയിലെ വുഹാനില് നിന്നെത്തിയതാണ് ഇയാള്. കൊറോണ വൈറസ് രോഗ ലക്ഷണങ്ങളോടെ ചൈനയിലെ ഗ്വാങ്ഷ്വ വിമാനത്താവളത്തില് നിന്നെത്തിയ ഇയാളെ മെല്ബണിലെ ആശുപത്രിയില് പ്രവേശിപ്പിക്കുകയായിരുന്നു. എന്നാള് ഇയാളുടെ നില ഗുരുതരമല്ല.
അതേസമയം, കൊറോണ വൈറസ് പിടിപ്പെട്ട് മരിച്ചവരുടെ എണ്ണം 41 ആയി. 1300ലധികം ആളുകള്ക്ക് രോഗം പകര്ന്നതായും റിപ്പോര്ട്ടുകളുണ്ട്. വുഹാനിലാണ് ഏറ്റവും കൂടുതല് ആളുകള് മരിച്ചത്. കൊറോണ വൈറസ് പടര്ന്നതോടെ വുഹാന് അടച്ചിട്ടിരിക്കുയാണ്.
Discussion about this post