പത്തനംതിട്ട: പത്തനംതിട്ടയില് ഗൃഹനാഥനെ കരടി ആക്രമിച്ചു. വാഴവിളയില് വീട്ടില് രാജന്കുട്ടി എന്ന 46കാരനാണെയാണ് കരടി ആക്രമിച്ചത്. പരിക്കേറ്റ രാജന്കുട്ടിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
പത്തനംതിട്ട ജില്ലയിലെ തണ്ണിത്തോട് മണ്ണീറയിലാണ് സംഭവം. അതേസമയം രാജന്കുട്ടിയെ കരടി ആക്രമിച്ച സംഭവത്തില് വനം വകുപ്പിനെതിരെ സിപിഎം രംഗത്തെത്തി. വനം വകുപ്പിന്റെ അനാസ്ഥയാണ് കരടി ആക്രമണത്തിന് കാരണമെന്ന് സിപിഎം കുറ്റപ്പെടുത്തി. വനം വകുപ്പിനെതിരെ കൊക്കാത്തോട് ഫോറസ്റ്റ് സ്റ്റേഷന് സിപിഎം പ്രവര്ത്തകരുടെ നേതൃത്വത്തില് ഉപരോധിച്ചു.സംഭവത്തിന്റെ കൂടുതല് വിവരങ്ങള് പുറത്തുവന്നിട്ടില്ല.
Discussion about this post