തിരുവനന്തപുരം: പാലാരിവട്ടം പാലത്തിന്റെ പുനര്നിര്മ്മാണം ഡല്ഹി മെട്രോ റെയില് കോര്പ്പറേഷനെ ഏല്പിക്കാന് മന്ത്രിസഭാ യോഗം തീരുമാനിച്ചു. ഇന്ന് ചേര്ന്ന മന്ത്രിസഭായോഗത്തിലാണ് തീരുമാനമായത്.
പാലാരിവട്ടം പാലത്തിന്റെ പുനര്നിര്മ്മാണം സംബന്ധിച്ച് ഇ ശ്രീധരന് സമിതി സമര്പ്പിച്ച ശുപാര്ശകളുടെ അടിസ്ഥാനത്തിലാണ് തീരുമാനം. പാലം പുതുക്കി പണിതാല് പാലത്തിന് 100 വര്ഷം ആയുസ് ലഭിക്കുമെന്നാണ് ശ്രീധരന് സര്ക്കാരിനു നല്കിയ റിപ്പോര്ട്ട്.
പാലത്തിന്റെ പുനര്നിര്മ്മാണം ഏറ്റെടുക്കാന് തയ്യാറാണെന്ന് ഡിഎംആര്സി നേരത്തെ സംസ്ഥാന സര്ക്കാരിനെ അറിയിച്ചിരുന്നു. കൂടാതെ പാലത്തിന്റെ തകരാര് കാരണം നഷ്ടം വന്ന തുക ബന്ധപ്പെട്ട കോണ്ട്രാക്ടറില് നിന്നും ഈടാക്കാന് റോഡ്സ് ആന്റ് ബ്രിഡ്ജസ് ഡവലപ്മെന്റ് കോര്പ്പറേഷനോട് സംസ്ഥാന സര്ക്കാര് ആവശ്യപ്പെട്ടു. ഈ തീരുമാനങ്ങള് ഹൈക്കോടതിയെ അറിയിക്കാനും മന്ത്രിസഭ തീരുമാനിച്ചു.
Discussion about this post