ചെന്നൈ: തമിഴ്നാട് തിരുച്ചിറപ്പള്ളിയിലെ ജ്വല്ലറി മോഷണത്തില് പിടിയിലായ ആറ് ജാര്ഖണ്ഡ് സ്വദേശികള് കേരളത്തിലും കവര്ച്ച നടത്തിയവരാണെന്ന് തമിഴ്നാട് പോലീസ്. കേരളത്തിലെ വിവിധ മോഷണക്കേസുകളുമായി ബന്ധപ്പെട്ട് ഇവര്ക്കെതിരെ എട്ട് ക്രിമിനല് കേസുകളുണ്ട്.
ഇന്നലെയാണ് തിരുച്ചിറപ്പള്ളിലെ ജ്വല്ലറിയില് മോഷണം നടത്തിയ ആറ് ജാര്ഖണ്ഡ് സ്വദേശികള് പോലീസ് പിടിയിലാവുന്നത്. കോയമ്പത്തൂരിലെയും പുതുക്കോട്ടയിലെയും ലോഡ്ജുകളില് നിന്നാണ് ഇവരെ കസ്റ്റഡിയില് എടുത്തത്. മോഷണത്തിന് ശേഷം തിരുച്ചിറപ്പള്ളിയിലെ ലോക്കല് സ്റ്റേഷനില് എത്തിയ കവര്ച്ചാ സംഘം ട്രെയിനില് വിവിധ ഇടങ്ങളിലേക്ക് കടക്കുകയായിരുന്നു.
നാല് പേരെ കോയമ്പത്തൂരില് നിന്നും രണ്ട് പേരെ പുതുക്കോട്ടെയിലെ ലോഡ്ജില് നിന്നുമാണ് കസ്റ്റഡിയിലെടുത്തത്. ഉത്തരേന്ത്യന് സ്വദേശികളായ കൂടുതല് പേര് കവര്ച്ചയ്ക്ക് പിന്നിലുണ്ടെന്ന് പോലീസ് സംശയിക്കുന്നുണ്ട്.
പോലീസ് ലോഡ്ജില് എത്തിയ ഉടനെ മോഷ്ടാക്കാള് രക്ഷപ്പെടാന് ശ്രമിച്ചെങ്കിലും ശ്രമകരമായി കീഴ്പ്പെടുത്തുകയായിരുന്നു. വിവിധ ഇടങ്ങളില് കവര്ച്ച നടത്തിയ ശേഷം ഒരു സ്ഥലത്ത് ഒത്തുകൂടുന്നതാണ് രീതി. പുതപ്പ് വില്പ്പനാക്കാരായാണ് ഇവര് തിരുച്ചിറപ്പള്ളിയില് എത്തിയത്. ദിവസങ്ങളോളം നിരീക്ഷണം നടത്തിയ ശേഷമായിരുന്നു കവര്ച്ച.
മൃഖങ്ങളുടെ രൂപമുള്ള മുഖംമൂടി ധരിച്ച് രണ്ട് പേര് ജ്വല്ലറിക്ക് അകത്ത് പ്രവേശിക്കുകയും, മറ്റുള്ളവര് പുറത്ത് നിന്ന് സഹായം നല്കുകയുമായിരുന്നു. ഭിത്തി തുരക്കാന് ഇവര് ഉപയോഗിച്ച ഇരുമ്പ് ദണ്ഡ് ജ്വല്ലറിക്ക് പുറകിലെ സ്കൂളിന് സമീപത്ത് നിന്ന് കണ്ടെത്തി.
Discussion about this post