കൊച്ചി: സംസ്ഥാനത്തെ മൂന്ന് ജില്ലകളില് മാത്രം ഫ്ളാറ്റുകളും റിസോര്ട്ടുകളും അടക്കം 628 നിര്മ്മാണങ്ങള് നിയമം ലംഘിച്ച് നടത്തിയതാണെന്ന് കണ്ടെത്തി. ആലപ്പുഴ, കോട്ടയം, എറണാകുളം ജില്ലകളിലായി 628 നിര്മാണങ്ങള് അനധികൃതമാണെന്നാണ് കണ്ടെത്തല്. 628 അനധികൃതനിര്മാണങ്ങളില് അഞ്ചെണ്ണം റിസോര്ട്ടുകളാണ്. ഇതോടെ ഇവ പൊളിച്ചു നീക്കുന്നതിന് തദ്ദേശസ്ഥാപനങ്ങള് നോട്ടീസ് നല്കി.
അതേസമയം, വേമ്പനാട് കായല് തീരത്തെ അനധികൃത നിര്മാണങ്ങള് പൊളിക്കുമെന്ന് സര്ക്കാര് വ്യക്തമാക്കി. നിയമലംഘനങ്ങളുടെ വിവരങ്ങള് തദ്ദേശവകുപ്പ് ഹൈക്കോടതിയില് നല്കി.
കോടതി ഉത്തരവ് നടപ്പാക്കുന്നതില് വീഴ്ച വരുത്തിയ ഉദ്യോഗസ്ഥര്ക്കെതിരെ നടപടി സ്വീകരിച്ചതായും സര്ക്കാര് കോടതിയില് അറിയിച്ചു.
അതേസമയം, കൊച്ചി മരടിലെ ഫ്ളാറ്റ് ഒഴിഞ്ഞുപോകാനുള്ള സമയം ഏതാനും മണിക്കൂറുകള് മാത്രമാണ്. ഇന്ന് രാത്രിയോടെ ഫ്ളാറ്റിലെ വെള്ളവും വൈദ്യുതിയും വിച്ഛേദിക്കുമെന്ന് അധികൃതര് ഫ്ളാറ്റ് ഉമകളെ അറിയിച്ചിട്ടുണ്ട്.
Discussion about this post