തെലുങ്ക് സൂപ്പര് സ്റ്റാര് ചിരഞ്ജീവി നായകനായി എത്തുന്ന ബ്രഹ്മാണ്ഡ ചിത്രം ‘സെയ് റാ നരസിംഹ റെഡ്ഡി’യിലെ ആദ്യ വീഡിയോ ഗാനം അണിയറപ്രവര്ത്തകര് പുറത്തുവിട്ടു. ‘ഓ സെയ് റാ’ എന്ന് ആരംഭിക്കുന്ന ഗാനത്തിന് സംഗീതം നല്കിയിരിക്കുന്നത് അമിത് ത്രിവേദിയാണ്.
ബ്രിട്ടീഷുകാര്ക്കെതിരെ പടപൊരുതിയ ആദ്യ പോരാളിയായ ഉയ്യലവാഡ നരസിംഹ റെഡ്ഡിയുടെ കഥയാണ് ‘സെയ് റാ നരസിംഹ റെഡ്ഡി’യില് പറയുന്നത്. ചിരഞ്ജീവിയെ കൂടാതെ അമിതാഭ് ബച്ചന്, ജഗപതി ബാബു, നയന്താര, വിജയ് സേതുപതി, തമന്ന, കിച്ച സുദീപ്, ബ്രഹ്മാജി, രവി കിഷന്, ഹുമ ഖുറേഷി, ലക്ഷ്മി ഗോപാലസ്വാമി എന്നിങ്ങനെ വമ്പന് താരനിരയാണ് ചിത്രത്തില് അണിനിരക്കുന്നത്.
സുരേന്ദര് റെഡ്ഡി സംവിധാനം ചെയ്ത ചിത്രം 250 കോടി മുതല് മുടക്കില് കോയിന്ഡെല്ലാ പ്രൊഡക്ഷന്സിന്റെ കീഴില് രാംചരണാണ് നിര്മ്മിച്ചിരിക്കുന്നത്. മലയാളം, കന്നട, തെലുങ്ക്, തമിഴ്, ഹിന്ദി എന്നീ അഞ്ച് ഭാഷകളിലായി ചിത്രം ഒക്ടോബര് രണ്ടിന് തീയ്യേറ്ററുകളിലെത്തും.
Discussion about this post