കേരളത്തിന്റെ അഭിമാന പദ്ധതി കൊച്ചി മെട്രോ നിര്മ്മാണത്തിന് ചുക്കാന് പിടിച്ച മെട്രോമാന് ഇ ശ്രീധരന്റെ ജീവിതം വെള്ളിത്തിരയില് അവതരിപ്പിക്കാന് ഒരുങ്ങി നടന് ജയസൂര്യ. വികെ പ്രകാശ് സംവിധാനം ചെയ്യുന്ന സിനിമയുടെ ഫസ്റ്റ് ലുക്ക് പോസ്റ്ററും ടൈറ്റിലും പൊന്നാനിയിലെ വീട്ടില് വെച്ച് ഇ ശ്രീധരന് പുറത്തിറക്കും.
1964ലെ പാമ്പന് പാലം പുനര്നിര്മ്മാണം മുതല് കൊച്ചി മെട്രോവരെ നീളുന്ന ഔദ്യോഗിക ജീവിതകാലമാണ് സിനിമയുടെ പശ്ചാത്തലം. പാമ്പന് നിര്മാണകാലത്തില് തുടങ്ങി കൊച്ചി കപ്പല്ശാല, കൊങ്കണ്, ഡല്ഹി മെട്രോ നിര്മാണകാലങ്ങളിലൂടെയും സിനിമ സഞ്ചരിക്കുന്നുണ്ട്. സുരേഷ്ബാബുവാണ് കഥാകൃത്ത്. നിര്മ്മാതാവ് അരുണ് നാരായണന്. ഇന്ദ്രന്സ് മറ്റൊരു പ്രധാന വേഷം ചെയ്യും. 30 വയസ്സുകാരനായ ഇ ശ്രീധരനില് തുടങ്ങുന്ന കഥ കൊച്ചി മെട്രോ നിര്മ്മാണത്തില് ഏര്പ്പെടുന്ന എണ്പത്തേഴുകാരനായ മെട്രോമാനിലേക്ക് എത്തും. ജനുവരിയില് ചിത്രീകരണം തുടങ്ങി വിഷുവിന് ചിത്രം തീയ്യേറ്ററില് എത്തിക്കാനാണ് അണിയറപ്രവര്ത്തകള് ആലോചിക്കുന്നത്.
സിനിമയില് പ്രധാന വേഷം ചെയ്യുന്ന ജയസൂര്യ കഴിഞ്ഞയാഴ്ച പൊന്നാനിയിലെ വീട്ടിലെത്തി ഇ ശ്രീധരനെ കണ്ടിരുന്നു. സിനിമയുമായി ബന്ധമൊന്നുമില്ലെങ്കിലും ജയസൂര്യയുടെയും അണിയറപ്രവര്ത്തകരുടെയും ആവശ്യപ്രകാരം സിനിമയ്ക്ക് എല്ലാ പിന്തുണയും നല്കുമെന്ന് ഇ ശ്രീധരന് അറിയിച്ചു.
Discussion about this post