കഴിഞ്ഞ വര്ഷം കേരളം അതിജീവിച്ച മഹാപ്രളയത്തെ ആസ്പദമാക്കി ജയരാജ് ഒരുക്കുന്ന ഏറ്റവും പുതിയ ചിത്രമാണ് രൗദ്രം 2018. ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തുവിട്ടു. മലയാളത്തിന്റെ സ്വന്തം ടോവിനോ തോമസാണ് തന്റെ ഫേസ് ബുക്ക് പേജിലൂടെ പോസ്റ്റര് റിലീസ് ചെയ്തത്. ജയരാജ് തന്നെയാണ് ചിത്രത്തിന്റെ കഥയും സംവിധാനവും നിര്വഹിക്കുന്നത്.
രണ്ജി പണിക്കരും കെപിഎസി ലീലയുമാണ് രൗദ്രം 2018ല് പ്രധാന കഥാപാത്രങ്ങളെ അവതരിപ്പിക്കുന്നത്. വൃദ്ധ ദമ്പതികളുടെ വേഷത്തിലാണ് ഇരുവരും എത്തുക. ജയരാജിന്റെ കഴിഞ്ഞ ചിത്രമായ ഭയാനകത്തിലും രണ്ജി പണിക്കര് ആയിരുന്നു പ്രധാന കഥാപാത്രത്തെ അവതരിപ്പിച്ചത്. പ്രകൃതിയുടെ സംഹാരരൗദ്ര താളത്തിനുമുന്നില് നിസഹായരാകുന്ന മനുഷ്യരുടെ കഥയാണ് രൗദ്രം 2018 പറയുന്നതെന്ന് പോസ്റ്റര് പങ്കുവച്ചുകൊണ്ട് ടോവിനോ കുറിച്ചു.
Discussion about this post