തിരുവനന്തപുരം: വയലിനിസ്റ്റ് ബാലഭാസ്കറിന്റെ മരണത്തില് ദുരൂഹതയേറുന്നു. ബാലഭാസ്കറിന്റെ മരണം സംബന്ധിച്ചുള്ള അന്വേഷണത്തിന്റെ ഭാഗമായി പ്രകാശ് തമ്പിയെ ഇന്ന് ക്രൈംബ്രാഞ്ച് ചോദ്യം ചെയ്യും. ജയിലിലെ സൗകര്യമനുസരിച്ച് ചോദ്യം ചെയ്യാനാണ് അനുമതി നല്കിയിരിക്കുന്നത്. സ്വര്ണ്ണക്കടത്ത് കേസില് കാക്കനാട് ജയിലില് കഴിയുകയാണ് പ്രകാശ് തമ്പി. പുതിയ കണ്ടെത്തലുകളുടെ അടിസ്ഥാനത്തില് അന്വേഷണം കൂടുതല് പേരിലേക്ക് വ്യാപിപ്പിക്കാനൊരുങ്ങുകയാണ് ക്രൈം ബ്രാഞ്ച്.
ഡിആര്ഐയുടെ കസ്റ്റഡിയിലുള്ള പ്രകാശ് തമ്പിയെ ചോദ്യം ചെയ്യണമെന്ന് ആവശ്യപ്പെട്ട് ഡിവൈഎസ്പി ഹരികൃഷ്ണന് നേരത്തെ കോടതിയെ സമീപിച്ചിരുന്നു. ഇതിന്റെ അടിസ്ഥാനത്തിലാണ് പ്രകാശ് തമ്പിയുടെ മൊഴിയെടുക്കാന് കോടതി അനുമതി നല്കിയത്.
പോലീസ് അന്വേഷണം നടക്കുന്നതിനിടെ സിസിടിവി പരിശോധിച്ചത് എന്തിന്, ബാലഭാസ്കറുമായുള്ള സാമ്പത്തിക ബന്ധം, ബാലഭാസ്കറിന്റെ മരണശേഷം മൊബൈല് ഫോണ് ക്രെഡിറ്റ് കാര്ഡ് എന്നിവ ആരാണ് കൈകാര്യം ചെയ്തത് എന്നത് സംബന്ധിച്ചാകും പ്രകാശ് തമ്പിയില് നിന്ന് മൊഴിയെടുക്കുക.
അതേസമയം, നിര്ണായക തെളിവായ സിസിടിവി ദൃശ്യങ്ങള് ആരും കൊണ്ടുപോയിട്ടില്ലെന്ന് കൊല്ലത്തെ ജൂസ് കടക്കാരന് മൊഴിമാറ്റിയത് ആരെയോ പോടിച്ചിട്ടാകാം എന്നാണ് ബാലഭാസ്കറിന്റെ അച്ഛന് കെസി ഉണ്ണി പറയുന്നത്. ഈ ദൃശ്യങ്ങള് പ്രകാശ് തമ്പി കൊണ്ടുപോയി എന്നായിരുന്നു ക്രൈംബ്രാഞ്ചിനോട് ജൂസ് കടക്കാരന് ഷംനാദ് ആദ്യം പറഞ്ഞത്. പിന്നീട് മാധ്യമങ്ങള്ക്ക് മുന്നില് ഇയാള് നിലപാട് മാറ്റുകയായിരുന്നു.
Discussion about this post