ന്യൂഡല്ഹി: പ്രധാനമന്ത്രി നരേന്ദ്ര മോഡിയുടെ അനൗദ്യോഗിക യാത്രാ ചെലവ് പുറത്ത്. 2019 ജനുവരി വരെ മോഡി നടത്തിയത് 240 വിമാന യാത്രകളെന്ന് വിവരം. ഈ നത്തില് ബിജെപി 1.4 കോടി രൂപ ഇന്ത്യന് എയര് ഫോഴ്സിന് നല്കിയെന്നും വിവരാവകാശ രേഖ പ്രകാരം നല്കിയ ചോദ്യത്തിനുള്ള മറുപടിയില് എയര്ഫോഴ്സ് വ്യക്തമാക്കി.
പ്രധാനമന്ത്രി ആയശേഷം 2019 ജനുവരി 19ന് നടത്തിയ ബാലന്ഗിര്-പതര്ചേറ യാത്രക്ക് 744 രൂപ മാത്രമാണ് ഈടാക്കിയിരിക്കുന്നത്. 2017 ഏപ്രില് 27ന് നടത്തിയ ചണ്ഡിഗഢ്-ഷിംല-അന്നദലെ-ചണ്ഡിഗഢ് യാത്രക്ക് വെറും 845 രൂപയും ഈടാക്കിയതായി പറയുന്നു. സാധാരണയായി ചണ്ഡിഗഢ്-ഷിംല കൊമേഴ്സ്യല് ടിക്കറ്റിന് 2500-5000 രൂപയാണ് ഈടാക്കുന്നത്. എന്ത് മാനദണ്ഡത്തിലാണ് നിരക്കുകള് കണക്കുകൂട്ടിയതെന്നും വ്യക്തമല്ല.
കൊമേഴ്സ്യല് ടിക്കറ്റ് വില മാനദണ്ഡമാക്കിയാണ് നിരക്കുകള് പുതുക്കിയത്. പ്രധാനമന്ത്രിക്ക് മാത്രമാണ് അനൗദ്യോഗിക യാത്രകള്ക്ക് വിമാനം ഉപയോഗിക്കാനുള്ള അധികാരം. അതും അടിയന്തര ഘട്ടങ്ങളില് മാത്രമെന്നും ചട്ടത്തില് വ്യക്തമാക്കുന്നു.
Discussion about this post