തിരുവനന്തപുരം: കാസര്കോട് കൊല്ലപ്പെട്ട യൂത്ത് പ്രവര്ത്തകന് കൃപേഷിന്റെ കുടുംബം സന്ദര്ശിച്ച് പൊട്ടിക്കരഞ്ഞ സംഭവത്തില് വിശദീകരണവുമായി കോണ്ഗ്രസ് അധ്യക്ഷന് മുല്ലപ്പള്ളി രാമചന്ദ്രന്. താനും ഒരു മനുഷ്യനല്ലേ, കരിങ്കല്ലിന്റെ ഹൃദയമുള്ള ആളല്ലല്ലോ കൃപേഷിന്റെ സഹോദരിയുടെ വാക്കുകള് കേട്ടപ്പോള് നിയന്ത്രണം വിട്ടുപോയെന്ന് മുല്ലപ്പള്ളി പറഞ്ഞു.
‘കഴിഞ്ഞ അമ്പത് വര്ഷമായി കൊലപാതകങ്ങളില് അന്ത്യോപചാരമര്പ്പിക്കാന് ഞാന് പോകാറുണ്ട്. വല്ലാത്ത ഹൃദയഭാരത്തോടെയാണ് കൃപേഷിന്റെ വീട്ടില് പോയത്. ആ വീട്ടിലെ ദുഖം വല്ലാതെ മനസ്സിനെ പിടിച്ചുകുലുക്കി. പൂര്ണ്ണമായി സമ്യമനം പാലിക്കുകയും ധൈര്യത്തോടെ കാര്യങ്ങളെ നോക്കിക്കാണുകയും ചെയ്യുന്ന ആളായിരുന്നു ഞാന്. എന്നാല് കൃപേഷിന്റെ സഹോദരിയെ കണ്ടപ്പോള് എന്റെ സഹോദരിയുടെ മകളായോ എന്റെ മകളായോ എനിക്ക് കാണാന് സാധിച്ചുള്ളൂ.’ മുല്ലപ്പള്ളി പറഞ്ഞു.
‘നിങ്ങളെല്ലാവരും വന്ന് പോകും. ഈ വീട്ടില് ഏട്ടനില്ല. തളര്ന്നു കിടക്കുന്ന അച്ഛനാണുള്ളത്. ഞാന് ഒറ്റയ്ക്കാണ് ഈ ചെറ്റ കുടിലില് ജീവിക്കുന്നത് എന്ത് സുരക്ഷിതത്വമാണ് എനിക്ക് ഉള്ളത്. ഈ കുടുംബത്തെ രക്ഷിക്കാന് ആരാണുള്ളത്’ എന്ന ആ കുട്ടിയുടെ വാക്കുകള് കേട്ട് നില്ക്കാനായില്ല. മുല്ലപ്പള്ളി പറഞ്ഞു.
Discussion about this post