ന്യൂഡല്ഹി: കഴിഞ്ഞ ദിവസം പ്രണയദിനത്തില് ആശംസകള് നേരുന്നതിനിടെ കോണ്ഗ്രസ് എംപി ശശി തരൂര് സംഘപരിവാറിനെ രൂക്ഷമായി വിമര്ശിച്ചിരുന്നു ഏതെങ്കിലും സംഘപരിവാര് പ്രവര്ത്തകര് പ്രണയിനികളെ അക്രമിക്കാന് ശ്രമിച്ചാല് പുരാതന ഭാരതീയ ആചാരമായ ‘കാമദേവ ദിവസ്’ ആഘോഷിക്കുകയാണെന്ന് പറഞ്ഞാല് മതിയെന്നായിരുന്നു അദ്ദേഹം ട്വിറ്ററില് കുറിച്ചത്.
Happy #ValentinesDay. If any Sangh Parivar trolls try to threaten you for being out with a friend, tell them you are celebrating the ancient Indian tradition of #KamadevaDivas ! https://t.co/US9D1unBwz
— Shashi Tharoor (@ShashiTharoor) February 14, 2019
അതേസമയം ശശി തരൂരിന്റെ പ്രണയദിന ട്വീറ്റിന് നല്ല മറുപടിയുമായി ബിജെപി നേതാവ് എംഎ നഖ്വി രംഗത്തെത്തിയിരിക്കുന്നു. ‘ശശി തരൂര് ലൗ ഗുരുവാണ്’. ആരെങ്കിലും പ്രണയദിനത്തിന് എതിരെ പ്രവര്ത്തിച്ചാല് അദ്ദേഹം അവര്ക്കെതിരെ പ്രതിഷേധിക്കുമെന്നായിരുന്നു നഖ്വിയുടെ പ്രതികരണം.
MA Naqvi on S Tharoor's tweet 'If Sangh Parivar trolls try to threaten you for being out with a friend, tell them you're celebrating Indian tradition of Kamadeva Divas':Shashi Tharoor bhai toh Love Guru hain. Ab koi Valentine day ka virodh kare toh Love Guru to uska virodh karega pic.twitter.com/EwGl7aG3DR
— ANI (@ANI) February 14, 2019
തെലങ്കാന നലഗോണ്ട ജില്ലയിലെ മിര്യാലഗുഡയിലെ ഒരു ഹോട്ടലില് ആഘോഷങ്ങള് നടക്കുന്നതിനിടെ പ്രകടനവുമായി എബിവിപി, ബജ്റംഗദള് പ്രവര്ത്തകര് എത്തുകയും പാശ്ചാത്യ പാരമ്പര്യങ്ങള് ഇവിടെ അനുവദിക്കില്ലെന്ന മുദ്രാവാക്യം മുഴക്കുകയും ചെയ്തിരുന്നു.
നേരത്തെ പ്രണയദിനത്തില് കമിതാക്കള് പൊതുസ്ഥലങ്ങളില് സ്നേഹപ്രകടനം നടത്തിയാല് വീഡിയോ എടുക്കുമെന്ന മുന്നറിയിപ്പുമായി ബജ്റംഗദള് രംഗത്ത് വന്നിരുന്നു. ആഘോഷത്തിന്റെ പേരില് മോശമായി ഒന്നും നടക്കുന്നില്ലെന്ന് ഉറപ്പ് വരുത്തുന്നതിന് വേണ്ടിയാണ് വീഡിയോ ഏടുക്കുന്നതെന്നും ഇതിനായി 250 വോളണ്ടിയര്മാരെ വിവിധ സ്ഥലങ്ങളിലായി നിയോഗിക്കുമെന്നുമായിരുന്നു മുന്നറിയിപ്പ്.
നേരത്തെയും വാലന്റൈന്സ് ഡേയ്ക്കെതിരെ ബജ്റംഗദള് ഭീഷണി മുഴക്കിയിട്ടുണ്ട്. വിഎച്ച്പിയും ബജ്റംഗദളും ഉള്പ്പെടെയുള്ള സംഘടനകള് വാലന്റൈന്സ് ഡേയില് പബ്ബുകള് ആക്രമിക്കുകയും കമിതാക്കളെ വിവാഹം കഴിപ്പിക്കുകയും ചെയ്തിരുന്നു. ‘ ബാന് വാലന്റൈന്സ് ഡേ, സേവ് ഇന്ത്യന് കള്ച്ചര്’ എന്ന മുദ്രാവാക്യവുമായി കോലം കത്തിക്കലും പ്രതിഷേധ പ്രകടനങ്ങളുമാണ് ഇവര് നടത്താറുള്ളത്.
Discussion about this post