തിരുവനന്തപുരം: വരുന്ന ലോക്സഭാ തെരഞ്ഞെടുപ്പില് കോണ്ഗ്രസിനായി മത്സരക്കളത്തിലേക്ക് ഇല്ലെന്ന സൂചന നല്കി മുന് മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ ഉമ്മന്ചാണ്ടി. എംഎല്എമാര് മത്സരിക്കേണ്ടെന്നാണ് പാര്ട്ടി തീരുമാനമെന്നും താനിപ്പോള് എംഎല്എ ആണെന്നും ഉമ്മന്ചാണ്ടി പറഞ്ഞു.
കോട്ടയം സീറ്റ് കേരള കോണ്ഗ്രസ് എമ്മിനാണെന്നത് നേരത്തെ തീരുമാനിച്ചതാണെന്നും ഇക്കാര്യത്തില് മാറ്റമില്ലെന്നും അദ്ദേഹം വ്യക്തമാക്കിയതായി മനോരമ റിപ്പോര്ട്ട് ചെയ്യുന്നു. നേരത്തെ ഉമ്മന്ചാണ്ടി മത്സരിക്കണമെന്നാണ് പാര്ട്ടിയുടെ ആഗ്രഹമെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന് പറഞ്ഞിരുന്നു.
‘കേരളത്തിലെ ഇരുപത് സീറ്റിലും മത്സരിപ്പിക്കാന് പറ്റിയ ആളാണ് ഉമ്മന്ചാണ്ടി. എല്ലാവര്ക്കും അദ്ദേഹത്തെ ഇഷ്ടമാണ്. ദേശീയ രാഷ്ട്രീയത്തില് വലിയ സാധ്യതകളാണ് ഇപ്പോള് അദ്ദേഹത്തിനുള്ളത്. ഉമ്മന്ചാണ്ടി ലോക്സഭാ തെരഞ്ഞെടുപ്പില് മത്സരിക്കണമെന്നാണ് പാര്ട്ടി ആഗ്രഹിക്കുന്നത്.’- എന്നായിരുന്നു മുല്ലപ്പള്ളിയുടെ പ്രസ്താവന.
Discussion about this post