ന്യൂഡല്ഹി: കൊച്ചിയില് നടി ആക്രമിക്കപ്പെട്ട കേസില് മെമ്മറി കാര്ഡിന്റെ പകര്പ്പ് ആവശ്യപ്പെട്ട് ദിലീപ് സമര്പ്പിച്ച ഹര്ജി സുപ്രീംകോടതി ഇന്ന് പരിഗണിക്കും. ജസ്റ്റിസ് എഎന് ഖാന്വില്ക്കര്, അജയ് റസ്തോഗി എന്നിവരുടെ ബെഞ്ചാണ് ഹര്ജി പരിഗണിക്കുന്നത്.
നടിയെ ആക്രമിച്ച കേസില് തന്റെ നിരപരാധിത്വം തെളിയിക്കാന് വീഡിയോയിലെ സംഭാഷണങ്ങള് ഉപകരിക്കുമെന്നാണ് ദിലീപിന്റെ വാദം. കോടതിയില് സമര്പ്പിച്ച ദൃശ്യങ്ങളില് എഡിറ്റിങ് നടത്തിയെന്നും ദിലീപ് വാദിക്കുന്നുണ്ട്. അതേ സമയം ദിലീപിന് മെമ്മറി കാര്ഡിന്റെ പകര്പ്പ് നല്കാനാവില്ല എന്നാണ് സംസ്ഥാന സര്ക്കാര് കോടതിയെ അറിയിച്ചിരിക്കുന്നത്.
അതേസമയം, നടിയെ ആക്രമിച്ച കേസില് സംസ്ഥാന സര്ക്കാര് നല്കിയ സത്യവാങ് മൂലത്തിന് മറുപടി നല്കാന് ദിലീപ് സാവകാശം ചോദിച്ചിട്ടുണ്ട്. ഒരാഴ്ച കൂടി സമയം അനുവദിക്കണമെന്നാണ് ദിലീപിന്റെ അപേക്ഷ. അപേക്ഷ കോടതി ഇന്ന് പരിശോധിക്കും.
Discussion about this post