പാര്വതി കേന്ദ്ര കഥാപാത്രത്തെ അവതരിപ്പിക്കുന്ന ‘ഉയരെ’യുടെ ഫസ്റ്റ് ലുക്ക് പോസ്റ്റര് പുറത്തിറങ്ങി. ആസിഡ് ആക്രമത്തിന് ഇരയായ പല്ലവി എന്ന പെണ്കുട്ടിയുടെ വേഷത്തിലാണ് പാര്വതി ചിത്രത്തില് എത്തുന്നത് എന്നാണ് റിപ്പോര്ട്ടുകള്.
രാജേഷ് പിള്ളയുടെ ചീഫ് അസോസിയേറ്റായിരുന്ന മനു അശോകനാണ് ചിത്രം സംവിധാനം ചെയ്യുന്നത്.ചിത്രത്തിന്റെ രചന നിര്വഹിക്കുന്നത് ബോബി സഞ്ജയ് ടീമാണ്. ടോവിനോ തോമസും ആസിഫ് അലിയും ചിത്രത്തില് പ്രധാന വേഷത്തില് എത്തുന്നുണ്ട്. മുകേഷ് മുരളീധരന് ക്യാമറയും എഡിറ്റിംഗ് മഹേഷ് നാരായണനും സംഗീതം ഗോപി സുന്ദറും നിര്വ്വഹിക്കുന്നു. ക്യൂബ് ഫിലിംസിന്റെ ബാനറില് ഷെനുക, ഷെഗ്ന, ഷെര്ഗ എന്നിവര് ചേര്ന്നാണ് ചിത്രം നിര്മ്മിക്കുന്നത്.
Discussion about this post