ന്യൂഡല്ഹി: നടി അക്രമണ കേസില് ദിലീപിന്റെ ഹര്ജി സുപ്രീം കോടതി തിങ്കളാഴ്ച പരിഗണിക്കും. നടി ആക്രമണ കേസിലെ ദൃശ്യങ്ങള് അടങ്ങിയ മെമ്മറി കാര്ഡിന്റെ പകര്പ്പ് ആവശ്യപ്പെട്ടാണ് ദിലീപ് സുപ്രീം കോടതിയെ സമീപിച്ചത്.
ജസ്റ്റിസ് മാരായ എ എം ഖാന്വില്ക്കര് ഹേമന്ത് ഗുപ്ത എന്നിവര് അടങ്ങിയ ബെഞ്ചാണ് ഹര്ജി പരിഗണിക്കുന്നത്.
തന്നെ മനപ്പൂര്വം കേസില് കുടുക്കാനായി കേസുമായി ബന്ധപ്പെട്ട് നല്കിയ ദൃശ്യങ്ങളില് എഡിറ്റിങ് നടന്നിട്ടുണ്ട്. അതിനാല് ദൃശ്യങ്ങള് പരിശോധിക്കണം. കേസിലെ തെളിവുകള് ലഭിക്കാന് തനിക്ക് അവകാശമുണ്ടെന്നും ദിലീപ് ഹര്ജിയില് പറഞ്ഞിരുന്നു. ദിലീപിന് വേണ്ടി മുന് അറ്റോര്ണി ജനറല് മുകുള് റോത്തഗി ഹാജര് ആകും
മെമ്മറി കാര്ഡിന്റെ പകര്പ്പ് വേണമെന്ന ദിലീപിന്റെ ആവശ്യം നേരത്തെ വിചാരണ കോടതിയും ഹൈക്കോടതിയും തള്ളിയിരുന്നു. തുടര്ന്നാണ് സുപ്രീംകോടതിയെ സമീപിച്ചത്
Discussion about this post