നെയ്യാറ്റിന്കര: സനല്കുമാര് കൊലക്കേസ് പ്രതി ഡിവൈഎസ്പി ബി ഹരികുമാറിന്റെ ആത്മഹത്യാകുറിപ്പ് പോലീസ് കണ്ടെത്തി. ‘സോറി, ഞാന് പോകുന്നു. എന്റെ മകനെക്കൂടി ചേട്ടന് നോക്കിക്കോണം..’ എന്നാണ് ഭാര്യയ്ക്കും ബന്ധുക്കള്ക്കുമായി എഴുതിയ കത്തില് പറയുന്നത്. നീല ടീ ഷര്ട്ടിനൊപ്പം ധരിച്ച കറുത്ത പാന്റ്സിന്റെ പോക്കറ്റിലായിരുന്നു കുറിപ്പ്.
ചൊവ്വാഴ്ച രാവിലെ കല്ലമ്പലത്തെ വീട്ടിലാണ് ഹരികുമാറിനെ തൂങ്ങിമരിച്ച നിലയില് കണ്ടെത്തിയത്. ആത്മഹത്യക്ക് മുന്പ് പ്രതി വീട്ടില് കയറിയിട്ടില്ല എന്നാണ് പോലീസ് മനസ്സിലാക്കുന്നത്. തേങ്ങ കൂട്ടിയിടുന്ന മുറിയിലായിരുന്നു ആത്മഹത്യ. കൊലക്കുറ്റം ഉറപ്പിച്ചതിനാല് ജാമ്യം ലഭിക്കില്ലെന്ന മനോവിഷമത്തിലാകാം ജീവനൊടുക്കാന് കാരണമെന്നാണ് ബന്ധുക്കളുടെ വിലയിരുത്തല്.
ഹരികുമാറിനെ തേടി ക്രൈംബ്രാഞ്ച് സംഘം ഇതര സംസ്ഥാനങ്ങളില് തിരയുന്നതിനിടെയാണ് സ്വന്തം വീട്ടിലെത്തി ജീവനൊടുക്കിയത്. പോലീസിനെയും പരാതിക്കാരെയും ഞെട്ടിച്ച് രാവിലെ ഒമ്പതരയോടെയാണ് ഡിവൈഎസ്പി ബി ഹരികുമാറിന്റെ മരണവാര്ത്തയെത്തിയത്. കല്ലമ്പലത്തിന് സമീപം വേലൂരിലുള്ള വീടിന്റെ പിന്വശത്തെ ചായ്പ്പിനുള്ളില് മുണ്ടില് തൂങ്ങിയ നിലയില് കണ്ടെത്തുകയായിരുന്നു. നായകള്ക്ക് ആഹാരം നല്കാനെത്തിയ ഭാര്യയുടെ അമ്മയാണ് മൃതദേഹം കണ്ടത്.
Discussion about this post