കോട്ടയം: എന്എസ്എസ് കരയോഗ മന്ദിരങ്ങള്ക്കെതിരായിട്ടുണ്ടാകുന്ന ആക്രമണങ്ങളെ കുറിച്ച് അന്വേഷിക്കാന് സ്പെഷ്യല് പോലീസ് ടീമിനെ നിയോഗിക്കണമെന്ന് കേരളാ കോണ്ഗ്രസ് (എം) ചെയര്മാന് കെഎം മാണി.
കേരളീയ സമൂഹത്തിന് മഹത്തായ സംഭാവനകള് നല്കിയ എന്എസ്എസിന് എതിരായി നടത്തുന്ന ഇത്തരം അതിക്രമങ്ങളെ കേരളാ കോണ്ഗ്രസ് (എം) അതിശക്തമായി അപലപിക്കുന്നുവെന്നും, എന്എസ്എസ് ജനറല് സെക്രട്ടറിക്ക് റീത്ത് സമര്പ്പിക്കുന്നത് പോലെയുള്ള അതിനികൃഷ്ടമായ പ്രവര്ത്തികള്ക്ക് പിന്നിലെ അരാജകവാദികളെ നിയമത്തിന് മുന്നില് കൊണ്ടുവരേണ്ടത് സര്ക്കാരിന്റെ ഉത്തരവാദിത്വമാണെന്നും അദ്ദേഹം പറഞ്ഞു.
Discussion about this post