ഒട്ടാവ: കാനഡയിലെ ഒട്ടാവയില് നിന്ന് 30 കിലോമീറ്റര് പടിഞ്ഞാറ് മക് ഗീ സൈഡ് റോഡിന് സമീപം ചെറുവിമാനങ്ങള് ആകാശത്തുവെച്ച് കൂട്ടിയിടിച്ചു. സംഭവത്തില് ഒരു വിമാനത്തിലെ പൈലറ്റ് മരിച്ചു.
രണ്ട് യാത്രക്കാരുമായി പോയ 11 സീറ്റുകളുള്ള ചെറു യാത്രാ വിമാനവും പരിശീലനപ്പറക്കല് നടത്തുകയായിരുന്ന സെസ്ന വിമാനവുമാണ് കൂട്ടിയിടിച്ചത്. മരിച്ചത് സെസ്ന വിമാനത്തിന്റെ പൈലറ്റാണ്.
റിപ്പോര്ട്ട് പറയുന്നത് സെസ്ന വിമാനം ചെറു യാത്രാ വിമാനത്തിന്റെ അടിഭാഗത്ത് വന്നിടിക്കുകയായിരുന്നുവെന്നാണ്. ഇടിയെത്തുടര്ന്ന് സെസ്ന വിമാനം തകര്ന്ന് വീണു. യാത്രാ വിമാനം ഒട്ടാവ അന്താരാഷ്ട്ര വിമാനത്താവളത്തില് ഇറക്കി. സംഭവത്തെക്കുറിച്ച് അന്വേഷിക്കുമെന്ന് ട്രാന്സ്പോര്ട്ട് കാനഡ വക്താവ് അറിയിച്ചിട്ടുണ്ട്.
Discussion about this post