ജിയോയെ വെല്ലുവിളിക്കുക ലക്ഷ്യം: ഐഡിയ-വൊഡാഫോണ്‍ ലയനം യാഥാര്‍ത്ഥ്യമായി

 ജിയോയെ വെല്ലുവിളിക്കുക ലക്ഷ്യം: ഐഡിയ-വൊഡാഫോണ്‍ ലയനം യാഥാര്‍ത്ഥ്യമായി
Posted by
Story Dated : March 20, 2017

മുംബൈ: എട്ടുമാസത്തെ ചര്‍ച്ചകള്‍ക്കൊടുവില്‍ ടെലികോം കമ്പനികളായ ഐഡിയയും വൊഡാഫോണും ലയിക്കാന്‍ ഔദ്യോഗികമായി ധാരണയിലെത്തി. വൊഡാഫോണുമായുള്ള ലയനത്തിന് ബോര്‍ഡ് അംഗങ്ങള്‍ അനുമതി നല്‍കിയതായി ആദിത്യ ബിര്‍ള ഗ്രൂപ്പ് ചെയര്‍മാന്‍ കുമാര്‍ മംഗളം ബിര്‍ള ഔദ്യോഗികമായി പ്രഖ്യാപിച്ചു.

ഏറെ നാളത്തെ അഭ്യൂഹങ്ങള്‍ക്കൊടുവിലാണ് ആദിത്യ ബിര്‍ള ഗ്രൂപ്പിന്റെ ഉടമസ്ഥതയിലുള്ള ഐഡിയയും ബ്രിട്ടീഷ് കമ്പനിയുടെ ഇന്ത്യന്‍ യൂണിറ്റായ വൊഡാഫോണും ലയിക്കുവാന്‍ ധാരണയായത്.

ജിയോ ഉയര്‍ത്തിയ വെല്ലുവിളിയെ നേരിടാനാണ് ഇരുവരും കൈകോര്‍ക്കുന്നതെന്നാണ് അനൗദ്യോഗികമായ അറിയിപ്പ്. ഇതോടെ രാജ്യത്തെ മൂന്നിലൊന്ന് ടെലികോം ഉപഭോക്താക്കള്‍ ഐഡിയ-വൊഡാഫോണ്‍ കൂട്ടുകെട്ടിന് കീഴിലാകും. ലയനത്തിലൂടെ വൊഡാഫോണിന് 45 ശതമാനം ഓഹരികള്‍ സ്വന്തമാകും. ചെയര്‍മാനെ നിയമിക്കാനുള്ള അവകാശം ഐഡിയയ്ക്കായിരിക്കും.

Comments

error: This Content is already Published.!!