പഴയ ഷര്‍ട്ടുകൊണ്ട് ഭംഗിയുള്ള കുഞ്ഞുടുപ്പുകള്‍ : നിങ്ങള്‍ക്കും പരീക്ഷിക്കാം
Posted by
15 August

പഴയ ഷര്‍ട്ടുകൊണ്ട് ഭംഗിയുള്ള കുഞ്ഞുടുപ്പുകള്‍ : നിങ്ങള്‍ക്കും പരീക്ഷിക്കാം

നമ്മുടെയൊക്കെ വീട്ടില്‍ പഴയഷര്‍ട്ടുകളുടെ സ്ഥാനം അടുക്കളയിലും, ബാത്ത്‌റൂമിലും ഒക്കെയാണ്. എന്നാല്‍ അമേരിക്കക്കാരിയായ ഒരു വീട്ടമ്മയുടെ ആശയം ലോകത്തെതന്നെ ഞെട്ടിച്ചിരിക്കുകയാണ്.

ഭര്‍ത്താവിന്റെ പഴയ ഷര്‍ട്ടുകള്‍കൊണ്ട് 3 വയസ്സുകാരിയായ തന്റെ മകള്‍ക്ക് തുന്നിയ കുഞ്ഞുടുപ്പുകള്‍ ആണ് ഇപ്പോള്‍ എല്ലാവരുടേയും ചര്‍ച്ചാവിഷയം.


ഭര്‍ത്താവിന്റെ പഴയ ഷര്‍ട്ടുകള്‍ എന്ത് ചെയ്യും എന്നുള്ള ചിന്തയില്‍ നിന്നാണ് അമേരിക്കക്കാരിയായ സ്‌റ്റെഫിനി മില്ലര്‍ എന്ന വീട്ടമ്മയ്ക്ക് ഈ കിടിലന്‍ ആശയം കിട്ടിയത്.
ചിത്രകാരികൂടിയായ സ്റ്റെഫിനിക്ക് മറ്റൊന്നും ചിന്തിക്കേണ്ടിവന്നില്ല വാള്‍മാര്‍ട്ടില്‍ നിന്ന് വാങ്ങിയ 50 ഡോളറിന്റെ തയ്യല്‍മെഷീന്‍ ഉപയോഗിച്ച് പഴയ ഷര്‍ട്ടുകള്‍ അവര്‍ കുഞ്ഞുടുപ്പുകളാക്കി മാറ്റി.


പ്രസവശേഷം വിഷാദരോഗത്തിനടിമയായ താന്‍, വ്യക്തിത്വം നഷ്ടപ്പെട്ടവളായി മാറിയിരുന്നു. സന്തോഷകരമായ ജീവിതത്തിലേയ്ക്ക് ഇനിയൊരു തിരിച്ചുവരവ് പ്രതീക്ഷിച്ചിരിക്കുമ്പോഴാണ് ഇത്തരമൊരു ആശയം മനസ്സിലേയ്ക്ക് വരുന്നത്, സ്‌റ്റെഫിനി പറയുന്നു.


ചിത്രകലാ അധ്യാപികകൂടിയായ തനിക്ക് യൂറ്റൂബ് വഴി ഈയൊരു ആശയം പഠിച്ചെടുക്കാന്‍ വളരെ എളുപ്പമായിരുന്നു എന്നും, ആദ്യം പഴയ ഷര്‍ട്ടുപയോഗിച്ച് ഉണ്ടാക്കിയത് ഒരു തലയിണ ആയിരുന്നു എന്നും സ്‌റ്റെഫിനി കൂട്ടിചേര്‍ത്തു.

പഴയതും പുതിയതുമായ ഷര്‍ട്ടുകളുമായി ഇപ്പോള്‍ സുഹൃത്തുക്കളും അയല്‍വാസികളും സ്റ്റെഫിനിയുടെ വീട്ടില്‍ തന്നെയാണ്. തങ്ങളുടെ കുട്ടികള്‍ക്കും വ്യത്യസ്തമായ ഉടുപ്പുകള്‍ ഉണ്ടാക്കാനായി.

88 വയസ്സിലും ഫാഷന്‍ വിട്ട് ഒരു കളിയുമില്ല
Posted by
09 August

88 വയസ്സിലും ഫാഷന്‍ വിട്ട് ഒരു കളിയുമില്ല

88 വയസ്സിലും ഫാഷന്‍ വിട്ട് ഒരു കളിയില്ല ചൈനയിലെ തായ്‌വാന്‍കാരിയായ മൂണ്‍ലിന്. മൂണ്‍ലിന്‍0106 എന്ന ഇന്‍സ്റ്റാഗ്രാമ് അക്കൗണ്ടില്‍ കയറി നോക്കിയാല്‍ അറിയാം മൂണ്‍ലിന്‍ എന്ന 88 വയസ്സുകാരിയുടെ സൗന്ദര്യ സങ്കല്‍പ്പത്തെക്കുറിച്ച്.

തന്റെ ഫാഷന്‍സെന്‍സ് പുറംലോകത്തെ അറിയിക്കുകയാണ് അവര്‍ ചെയ്യുന്നത്. പ്രായവും ആരോഗ്യവും അവര്‍ക്കൊരു തടസമേയല്ല. ഏകദേശം 71000 ഫേളോവേഴ്‌സാണ് മൂണ്‍ലിനിനുളളത്. ടീഷര്‍ട്ടിലും ഷോട്ട്‌സിലും 3/4 ജീന്‍സിലുമൊക്കെ സ്ട്രീറ്റ് വെയറിന്റെ പുതുഫാഷന്‍ ഇന്നത്തെ തലമുറക്ക് കാണിക്കുകയാണ് വാര്‍ദ്ധക്യത്തിലും ഇവര്‍ ചെയ്യുന്നത്.സോഷ്യല്‍ മീഡിയയുടെ ആരാധനകഥാപാത്രമായിരിക്കുകയാണ് ഇവര്‍. ഇന്നത്തെ തലമുറയിലെ കുട്ടികള്‍ പോലും വസ്ത്രങ്ങളിലെ അവരുടെ ഫാഷന്‍ടിപ്‌സ് അനുകരിക്കാന്‍ ശ്രമിക്കും എന്ന് ഉറപ്പാണ്.

മത്സരത്തില്‍ മാര്‍ക്ക് നേടാന്‍ വേണ്ടി ബിക്കിനി എന്തിന് ധരിക്കണം? ബിക്കിനി റൗണ്ടില്‍ കഫ്ത്താന്‍ അണിഞ്ഞ് മുസ്ലീം സുന്ദരി
Posted by
09 August

മത്സരത്തില്‍ മാര്‍ക്ക് നേടാന്‍ വേണ്ടി ബിക്കിനി എന്തിന് ധരിക്കണം? ബിക്കിനി റൗണ്ടില്‍ കഫ്ത്താന്‍ അണിഞ്ഞ് മുസ്ലീം സുന്ദരി

വെയ്ല്‍സ് : ബിക്കിനി ധരിച്ചുകൊണ്ട് ബീച്ചില്‍ പോകാറില്ല. പിന്നെ എന്തിന് ഒരു മത്സരത്തില്‍ പങ്കെടുക്കുമ്പോള്‍ മാര്‍ക്ക് നേടാന്‍ വേണ്ടി ബിക്കിനി ധരിക്കണം? ജൂലൈയില്‍ ഗ്രേറ്റ് ബ്രിട്ടനില്‍ നടന്ന ലോക സുന്ദരി മത്സരത്തില്‍ പങ്കെടുക്കുന്നതിന് മുമ്പ് മുനജാമ എന്ന മുസ്ലീം യുവതി എടുത്ത തീരുമാനമാണിത്.

നിര്‍ബന്ധിത കുടിയേറ്റത്തിന് ഇടയാകുന്ന കുട്ടികള്‍ക്കെതിരെയുള്ള അതിക്രമം തടയുന്ന സ്റ്റാര്‍ട്ടപ്പിന്റെ സ്ഥാപകയാണ് മുനജാമ. മുമ്പ് ഇത്തരത്തിലുള്ള സാവകാശങ്ങളൊന്നും സൗന്ദര്യമത്സരത്തില്‍ മത്സരാര്‍ത്ഥികള്‍ക്ക് നല്‍കിയിരുന്നില്ല. എന്നാല്‍ ജാമയുടെ കാര്യത്തില്‍ അവര്‍ അല്‍പം ഇളവു നല്‍കി. തന്റെ ശരീരത്തിനിണങ്ങിയ കഫ്താന്‍ മതിയെന്ന് ജാമ തീരുമാനിക്കുകയും ചെയ്തു.മത്സരത്തിന്റെ ഭാഗമായ ബിക്കിനി റൗണ്ടില്‍ പല വര്‍ണ്ണത്തിലുള്ള കഫ്താന്‍ ധരിച്ചാണ് ജാമ എത്തിയത്. പ്ലാറ്റ് ഫോം ഹീല്‍ ചെരിപ്പും വലുപ്പമേറിയ ഇയര്‍ റിംഗും ധരിച്ചാണ് ജാമ ചരിത്രം തീര്‍ത്തത്. ഒരു സൗന്ദര്യ മത്സരത്തില്‍ ആദ്യമായാണ് ഒരു മത്സരാര്‍ത്ഥി കഫ്താന്‍ ധരിച്ചെത്തുന്നത്. ഒരു നീന്തല്‍ കുപ്പായം ധരിച്ച് വേദിയിലെത്തുന്നതിലും നല്ലത് വ്യത്യസ്തമായി ഒരു വസ്ത്രം ധരിച്ചെത്തുന്നതാണെന്ന് ജാമ പറയുന്നു.

ഇതെന്താ കണ്ണില്‍ തണ്ണിമത്തനോ !
Posted by
02 August

ഇതെന്താ കണ്ണില്‍ തണ്ണിമത്തനോ !

വിവിധ ഷേഡുകളിലുള്ള ലിപ്സ്റ്റിക്കുകളും ഐഷാഡോയും ഉപയോഗിച്ചാണ് അതിമനോഹരമായ ഡിസൈനുകളില്‍ സുന്ദരികള്‍ കണ്ണിലും ചുണ്ടിലും വാട്ടര്‍മെലണ്‍ വരച്ചിട്ട് പഠിക്കുകയാണിപ്പോള്‍.

ഓരോരുത്തരുടേയും അഭിരുചിക്ക് അനുസരിച്ച് കളര്‍ടോണില്‍ കാര്യമായ വ്യത്യാസം വരാത്ത രീതിയില്‍ പുതുമയാര്‍ന്ന നിരവധി പരീക്ഷണങ്ങള്‍ നടത്താവുന്നതാണ്. യഥാര്‍ത്ഥ വാട്ടര്‍മെലണ്‍ പോലെ തോന്നണമെന്ന് നിര്‍ബന്ധമുള്ളവര്‍ക്ക് കറുത്ത ഡോട്ടുകളും നല്‍കാം. എങ്ങനെയുണ്ട് കിടിലന്‍ ഐഡിയ അല്ലേ?
ഇന്‍സ്റ്റഗ്രാമില്‍ വാട്ടര്‍മെലണ്‍മേക്കപ്പ് എന്ന ഹാഷ്ടാഗില്‍ വാട്ടര്‍മെലണ്‍ മേക്കപ്പണിഞ്ഞുള്ള ചിത്രങ്ങള്‍ തുരുതുരാ പോസ്റ്റ് ചെയ്ത് തങ്ങളും ട്രെന്‍ഡിന് പിറകെത്തന്നെയാണ് പെണ്‍കുട്ടികള്‍.

Don’t wash jean Chip Bergh  Levi’s CEO
Posted by
08 June

ജീന്‍സ് എന്നും കഴുകല്ലേ ! പ്രമുഖബ്രാന്‍ഡ് ലിവൈസിന്റെ സിഇഒ പറയുന്നത് ശ്രദ്ധിക്കൂ

ന്യൂയോര്‍ക്ക്:ജീന്‍സ് ദിവസവും കഴുകുന്ന ആളുകള്‍ പൊതുവെ കുറവാണ്. മാസത്തിലെങ്കിലും ജീന്‍സ് കഴികിക്കൂടെ എന്ന് കളിയാക്കുന്നവരും ഇല്ലാതില്ല. എന്നാല്‍, ഇതില്‍ നീരസം തോന്നിയിട്ടൊന്നും കാര്യമില്ല. ജീന്‍സ് കഴുകാതിരിക്കുന്നതാണ് നല്ലത്. ലോകപ്രശസ്ത ജീന്‍സ് ബ്രാന്റ് ലിവൈസിന്റെ സിഇഒ ചിപ് ബെര്‍ഗ് ആണ് ജീന്‍സ് കഴുകരുതെന്ന് നിര്‍ദ്ദേശിക്കുന്നത്.സാധാരണ നമ്മളെന്താണ് ചെയ്യുന്നത്? ജീന്‍സിട്ട് പുറത്തു പോകും. തിരിച്ചു വന്നാല്‍ ജീന്‍സൂരി അലയ്ക്കാന്‍ കൊടുക്കുകയോ വാഷിങ് മെഷീനില്‍ ഇടുകയോ ചെയ്യും. ഇത് അബദ്ധമാണ്. അപൂര്‍വമായി മാത്രമേ ജീന്‍സ് കഴുകേണ്ടതുളളൂവെന്നും ചിപ് ബെര്‍ഗ് പറയുന്നു.

ജീന്‍സ് തുടരെ തുടരെ കഴുകുന്നത് പെട്ടെന്ന് നാശമാകുന്നതിന് കാരണമാകും. എന്നാല്‍ ചെളി പറ്റുകയാണെങ്കിലോ? എല്ലായിടത്തും ചെളി പറ്റിയില്ലെങ്കില്‍ ജീന്‍സ് കഴുകേണ്ടതില്ല. ചെളി പറ്റിയ ഭാഗം മാത്രം വൃത്തിയാക്കിയാല്‍ മതി. ഇതുവഴി വെള്ളം പാഴാകുകയും ചെയ്യില്ല. താന്‍ ഇത്തരത്തിലാണ് ചെയ്യുന്നതെന്നും അ്‌ദേഹം പറഞ്ഞു.

Nose ring special story
Posted by
07 June

കണ്ണില്‍ കത്തിയാളുന്ന ഒറ്റക്കല്ല് മൂക്കുത്തി

കന്യാകുമാരി മുതല്‍ കശ്മീര്‍വരെയുളള പരമ്പരാഗത വിവാഹ ആഭരണങ്ങളിലെ ഒഴിച്ചുകൂടാനാകാത്ത ഘടകമാണ് മൂക്കുത്തി.മൂക്കുത്തിയിട്ടിരിക്കുന്നതൊക്കെ കാണാന്‍ രസം തന്നെ എന്നാല്‍ നല്ലവണ്ണം ശ്രദ്ധ വേണ്ട കാര്യമാണ് മൂക്കു കുത്തുക എന്നത്. മൂക്കുകുത്തും മുന്‍പും അതു കഴിഞ്ഞും ശ്രദ്ധിക്കേണ്ട കാര്യങ്ങള്‍ പലതുമുണ്ട്.

മൂക്കു കുത്തി പരിചയമുളള തട്ടാന്റെയടുത്തു കുത്തുന്നതാണ് ഏറ്റവും നല്ലത്, നാഡീ ഞരമ്പുകള്‍ക്ക് ക്ഷതമേല്‍ക്കാതെ കുത്താന്‍ അവര്‍ക്കറിയാം. ചില ഡോക്ടര്‍മാരും മൂക്കുകുത്തി കൊടുക്കുന്നുണ്ട്. ബ്യൂട്ടിപാര്‍ലറുകളില്‍ പോയി ഷൂട്ട് ചെയ്യിക്കുന്നതിനു മുന്‍പ് ഇക്കാര്യത്തിലുളള പരിചയവും വൃത്തിയും ഉറപ്പാക്കിയിട്ട് മാത്രം പോയാല്‍ മതി.

മൂക്കു കുത്തിക്കഴിഞ്ഞ് സ്വര്‍ണം തന്നെ ഇടാന്‍ ശ്രദ്ധിക്കണം. മറ്റു ലോഹങ്ങള്‍ 70 ശതമാനം ആളുകള്‍ അലര്‍ജിയോ ഇന്‍ഫെക്ഷനോ ഉണ്ടാക്കും. അസ്വസ്ഥതകള്‍ തോന്നിയാല്‍ എത്രയും പെട്ടെന്ന് ഡോക്ടറെ കാണുക. സ്വയം ചികിത്സ പാടില്ല.മൂക്കു കുത്തിക്കഴിഞ്ഞാല്‍ കുത്തിയ ഭാഗം ഇടയ്ക്കിടയ്ക്ക് തൊട്ടു നോക്കുന്നത് ഒഴിവാക്കണം. തൊടുന്നതനുസരിച്ച് മുറിവുണങ്ങാന്‍ വൈകും.മുറിവ് പൂര്‍ണമായി ഉണങ്ങാതെ മൂക്കുത്തി ഇളക്കി മാറ്റരുത്. മാറ്റിയാല്‍ മൂക്കിലിട്ട തുള വേഗം അടഞ്ഞുപോകും.

മൂക്കു കുത്തിയിട്ട് തല തുവര്‍ത്തുമ്പോഴും മുടി ചീകുമ്പോഴും ഒക്കെ ശ്രദ്ധിക്കണം. മുടിയും കൈയും തട്ടി മൂക്കുത്തി വലിഞ്ഞ് വേദനയുണ്ടാകും. ചിലപ്പോള്‍ ചോര പൊടിഞ്ഞെന്നും വരാം.മൂക്കുകുത്തി ഒരു വിധം ഉണങ്ങുന്നതു വരെ മലര്‍ന്നു കിടന്ന് ഉറങ്ങുന്നതാണ് നല്ലത്. തലയിണയിലും ഷീറ്റിലും തട്ടി മൂക്കുത്തി വലിയാതിരിക്കും.മുഖം തുടയ്ക്കുമ്പോഴും തലവഴി ഉടുപ്പിടുമ്പോഴും മറ്റും മൂക്കുത്തി എവിടെയും ഉടക്കാതിരിക്കാന്‍ ശ്രമിക്കുക.ഒരു തരത്തിലുളള സ്പിരിറ്റ് ഉപയോഗിച്ചും മൂക്കും പരിസരവും തുടയ്ക്കരുത്. അതു കൂടുതല്‍ ഇന്‍ഫെക്ഷന്‍ ഉണ്ടാക്കുകയേ ചെയ്യൂ.സാധാരണ മൂന്നാഴ്ചയ്ക്കുളളില്‍ മൂക്കു കുത്തിയത് ഉണങ്ങും. അതിനു ശേഷവും രക്തംവരല്‍, നീര്, വീക്കം, ചൊറിച്ചില്‍, പഴുപ്പ് എന്നിവയുണ്ടെങ്കില്‍ ഡോക്ടറെ കാണുക.

ear piercing
Posted by
03 June

കാതുക്കുത്തിലെ മറഞ്ഞിരിക്കുന്ന ആരോഗ്യരഹസ്യം

പെണ്‍കുഞ്ഞുങ്ങളുടെ കാത് കുത്തുന്നത് സാധാരണയാണ്. ഇത് ഭംഗിയ്ക്കു മാത്രമല്ല, ആചാരത്തിന്റെ ഭാഗമായിക്കൂടിയാണ് നടത്തുന്നത്. ചിലയിടങ്ങളില്‍ ആണ്‍കുട്ടികളുടെ കാതും കുത്താറുണ്ട്.എന്നാല്‍ ഇതിനു പുറകില്‍ സത്യങ്ങളും വാസ്തവങ്ങളുമായ ആരോഗ്യരഹസ്യങ്ങള്‍ ഏറെയുണ്ട്.

കാതു കുത്തുന്നത് യൂട്രസിന്റെ ആരോഗ്യത്തിന് ഏറെ പ്രധാനമാണ്.ചെവിയുടെ നടുവിലായി ഒരു പോയന്റുണ്ട്. ഇത് യൂട്രസിന്റെ ആരോഗ്യവുമായി ബന്ധപ്പെട്ടു കിടക്കുന്നു.ഭാവിയില്‍ കൃത്യമായ മാസമുറയ്ക്കും ഇത് സഹായിക്കും.ആണ്‍കുട്ടികളില്‍ കാതു കുത്തുന്നത് ആദ്യം വലതു ചെവിയിലായിരിക്കും. പെ്ണ്‍കുട്ടികളില്‍ ഇടതു ചെവിയിലും.ഇതിന് കാരണം ഇടതുഭാഗം അതായത് വാമഭാഗം സ്ത്രീയായും വലതു ഭാഗം പുരുഷനായും ബന്ധപ്പെട്ടിരിക്കുന്നതുക്കൊണ്ടാണ്. ശുശ്രുതസംഹിത പ്രകാരം കാതു കുത്തുന്നത് അണുബാധയകറ്റാനും ആണ്‍കുട്ടികളില്‍ വൃഷണങ്ങളില്‍ വെള്ളം വന്നു നിറയുന്ന ഹൈഡ്രോസില്‍ പോലുള്ള പ്രശ്‌നങ്ങള്‍ അകറ്റാനും നല്ലതാണ്.ചെവിയുടെ നടുവിലുള്ള പോയന്റ് തലച്ചോറിന്റെ ആരോഗ്യവുമായി ബന്ധപ്പെട്ടു കിടക്കുന്നു. ഇവിടെ കുത്തുന്നത് ബുദ്ധിവികാസത്തിനും സഹായിക്കും.

അക്യുപ്രഷര്‍ തത്വവുമായും കാതുകുത്ത് ബന്ധപ്പെട്ടിരിയ്ക്കുന്നു. കാത് കുത്തുമ്പോള്‍ മര്‍ദമുണ്ടാകുന്നു. ഈ മര്‍ദം തലച്ചോറിന്റെ പ്രവര്‍ത്തനങ്ങളെ ത്വരിതപ്പെടുത്തുന്നു. അക്യുപ്രഷര്‍ തത്വപ്രകാരം ചെവിയുടെ ഈ പോയന്റില്‍ മാസ്റ്റര്‍ സെന്‍സോറിയല്‍, മാസ്റ്റര്‍ സെറിബ്രല്‍ പോയന്റുകളുണ്ട്. ഇത് കേള്‍വിശക്തിയ്ക്കും വളരെ പ്രധാനമാണ്.ഈ പോയന്റിലുണ്ടാകുന്ന മര്‍ദം ഹിസ്റ്റീരിയ, പരിഭ്രമം തുടങ്ങിയ പ്രശ്‌നങ്ങള്‍ നിയന്ത്രിയ്ക്കാനും ഏറെ സഹായിക്കുമെന്നാണ് പറയുന്നത്.

newjen wedding photography
Posted by
20 May

വ്യത്യസ്തതയ്ക്ക് വേണ്ടി വധുവിന്റെ ഗൗണിന് തീ കൊളുത്തി ന്യൂജന്‍ വെഡ്ഡിങ്ങ് ഫോട്ടോഗ്രാഫി: വീഡീയോ വൈറല്‍

ബെയ്ജിങ് : വിവാഹ ഫോട്ടോകളുടെ പൂര്‍ണതയ്ക്കുവേണ്ടി ഫോട്ടോഗ്രാഫര്‍മാര്‍ നിര്‍ദ്ദേശിക്കുന്ന എന്ത് സാഹസത്തിനും ഇപ്പോള്‍ നവദമ്പതികളും തയ്യാറാണ്. എങ്ങനെയെങ്കിലും വ്യത്യസ്തത കൊണ്ടുവരാനാണ് ഏവരും ശ്രമിക്കുന്നത്. അങ്ങനൊരു വ്യത്യസ്തതയ്ക്ക് വേണ്ടി വധുവിന്റെ ഗൗണിന് തീ കൊളുത്തിയാലോ?

ചൈനയിലാണ് സംഭവം നടന്നത്. പുഴയുടെ പശ്ചാത്തലത്തില്‍ ഫോട്ടോ എടുക്കുന്നതിനിടെയാണ് ഫോട്ടോഗ്രാഫര്‍ വ്യത്യസ്തതയ്ക്കുവേണ്ടി വധുവിന്റെ ഗൗണില്‍ തീ കൊളുത്തിയത്. പുഴയോരത്ത് ശക്തമായ കാറ്റുണ്ടായതിനാല്‍ നിമിഷങ്ങള്‍ കൊണ്ട് വസ്ത്രത്തിലേക്ക് തീജ്വാലകള്‍ ആളിപ്പടരുകയായിരുന്നു. ഫോട്ടോഗ്രാഫറുടെ സഹായി അഗ്‌നിശമന ഉപകരണം ഉപയോഗിച്ച് തീ കെടുത്തിയതിനാല്‍ വധു പൊള്ളലേല്‍ക്കാതെ രക്ഷപ്പെടുകയായിരുന്നു.വൈവിധ്യത്തിനുവേണ്ടി അപകടം വിളിച്ചുവരുത്തുന്ന ന്യൂജന്‍ വെഡ്ഡിങ്ങ് ഫോട്ടോഗ്രാഫിയുടെ വീഡിയോ ഇപ്പോള്‍ സാമൂഹികമാധ്യമങ്ങളില്‍ തരംഗമാണ്. ആയിരക്കണക്കിനാളുകളാണ് വീഡിയോ ഇതിനോടകം കണ്ടുകഴിഞ്ഞത്.

pop singer beeber
Posted by
15 February

പോപ് ഗായകന്‍ ജസ്റ്റിന്‍ ബീബര്‍ ഇന്ത്യയിലെത്തുന്നു

ന്യൂഡല്‍ഹി: ലോക സംഗീതയാത്രയുടെ ഭാഗമായി മേയ് 10ന് ലോകപ്രശസ്ത പോപ് ഗായകന്‍ ജസ്റ്റിന്‍ ബീബര്‍ ഇന്ത്യയില്‍ എത്തുന്നു. മുംബൈയിലെ ഡിവൈ പാട്ടീല്‍ സ്റ്റേഡിയത്തില്‍ ബീബര്‍ ഷോ നടത്തും.

പരിപാടിയുടെ ടിക്കറ്റ് വില്‍പ്പന ഫെബ്രുവരി 22ന് ആരംഭിക്കും. 4000 രൂപ മുതലാണ് ടിക്കറ്റ് നിരക്കുകള്‍. ഏഷ്യയില്‍ മുംബൈയെ കൂടാതെ ടെല്‍ അവീവ്, ദുബായ് എന്നിവിടങ്ങളിലുമാണ് പരിപാടി അവതരിപ്പിക്കുന്നത്. 150 പേരടങ്ങുന്ന സംഘത്തിനൊപ്പമാണ് ബീബര്‍ എത്തുന്നത്. പരിപാടിക്ക് ശേഷം, ബീബര്‍ ഡല്‍ഹി, ജയ്പ്പൂര്‍ തുടങ്ങിയ സ്ഥലങ്ങളില്‍ സന്ദര്‍ശനം നടത്തുമെന്നും റിപ്പോര്‍ട്ടുകളുണ്ട്.

Kerala frekens hair style
Posted by
03 January

ലേറ്റായി നിന്നാല്‍ ലേറ്റസ്റ്റായി പോകാം : ചില്ലറക്കാര്യമല്ല മുടിവെട്ട്

കോഴിക്കോട് :നാട്ടിന്‍പുറങ്ങളിലെ ബാര്‍ബര്‍ഷോപ്പുകള്‍ മുഖം മിനുക്കി സ്‌റ്റൈലന്‍ കട്ട് നടത്തി വ്യത്യസ്തരാകുകയാണ്. വരുന്നവര്‍ ഏത്‌മോഡല്‍ വേണമെന്നുപറഞ്ഞാല്‍ മതി നെയ്മര്‍ തൊട്ട് സുല്‍ത്താന്‍കട്ട് വരെ റെഡി. ആവശ്യക്കാരുടെ മനമറിയുന്ന ഫാഷനുകള്‍ ഏറെയാണ് നാട്ടുമ്പുറത്തെ ബാര്‍ബര്‍ഷോപ്പുകളിലും ഫാഷന്‍ കട്ടുകള്‍ ചേക്കേറിക്കഴിഞ്ഞു. പത്തുമിനുട്ടുകൊണ്ട് മുടിവെട്ടിമടങ്ങാന്‍ യുവാക്കളെകിട്ടില്ല. മുടിയില്‍ അല്പം കരവിരുതൊക്കെവേണം.

ഈപേരുകളിലൊന്നും തീരുന്നില്ല ഫാഷനുകള്‍. നല്ല പൊളപ്പന്‍ സ്‌റ്റൈലുകള്‍ വേറെയുണ്ട് വണ്‍സൈഡ് തുടങ്ങി അറബികട്ട് വരെയുണ്ട്. ലേറ്റസ്റ്റ് കട്ട് വേണമെങ്കില്‍ പഴയസംവിധാനങ്ങള്‍ പോര. ഇത് തിരിച്ചറിഞ്ഞാണ് ആധുനികീകരണത്തിന്റെ പാതയിലേക്ക് ബാര്‍ബര്‍ഷോപ്പുകള്‍ വഴിമാറുന്നത് യുവാക്കളുടെ ഹരമായ നെയ്മറും മെസ്സിയും സല്‍മാനുമൊക്കെയാണ് ബാര്‍ബര്‍ ഷോപ്പുകളുടെ കുളിരുകോരുന്ന സ്വീകരണമുറി അലങ്കരിക്കുന്നത്.

കോഴിക്കോട് നഗരത്തില്‍ അത്യാധുനിക സംവിധാനങ്ങളോടെയുള്ള 200ലധികംബാര്‍ബര്‍ഷോപ്പുകളുണ്ട് കൊയിലാണ്ടി, വടകര, ബാലുശ്ശേരി, മുക്കം, താമരശ്ശേരി, കുന്ദമംഗലം, രാമനാട്ടുകര ഭാഗങ്ങളും ഈ കാര്യത്തിലൊട്ടും പിന്നിലല്ല. ലേറ്റസ്റ്റാകുമ്പോള്‍ കാശും അല്പം കൂടും. ഹെയര്‍ കളറിങ്ങിന് 300 തൊട്ട് 600 രൂപവരെയുണ്ട് ബോക്‌സ് ഫ്‌ളവര്‍, വണ്‍സൈഡ്കട്ടിങ്ങുകള്‍ക്ക് 120 രൂപ തൊട്ടാണ്‌നിരക്ക് 150 രൂപ നല്‍കിയാല്‍ സുല്‍ത്താന്‍സിനിമയിലെ സല്‍മാനെപ്പോലെയാകാം. 100 രൂപയിലാണ് അറബി സ്‌റ്റൈലിന്റെ തുടക്കം. മുടിവെട്ടിന് പുറമേ മുഖം മിനുക്കണമെങ്കില്‍ അതിനും സംവിധാനങ്ങളുണ്ട്

യു.പി, ബിഹാര്‍, മധ്യപ്രദേശ് എന്നിവിടങ്ങളില്‍നിന്നുള്ള ഇതര സംസ്ഥാനതൊഴിലാളികള്‍ ഈ രംഗത്ത്ഏറെയുണ്ട്. ബാര്‍ബര്‍ഷോപ്പുകള്‍ പുനരുദ്ധരിക്കുന്നതിന് പിന്നാക്കവിഭാഗത്തില്‍പ്പെടുത്തി നേരത്തെ 25,000 രൂപവരെ സര്‍ക്കാര്‍ സഹായം നല്‍കിയിരുന്നു. ഷോപ്പുകളെ മികച്ചതാക്കാന്‍ സര്‍ക്കാരിന്റെ ഭാഗത്തുനിന്ന് ഒരുകൈ സഹായം വേണമെന്നാണ് സംഘടനകള്‍ ആവശ്യപ്പെടുന്നത് അല്പം മിനക്കെട്ടാല്‍ ആര്‍ക്കും അടിപൊളിയാകാം. ലേറ്റായി നിന്നാല്‍ ലേറ്റസ്റ്റായിപ്പോകാം. ചില്ലറകാര്യമല്ല, ഈ മുടിവെട്ട്