‘ഗീത’ ചുഴലിക്കാറ്റ്; ന്യൂസിലന്‍ഡ് നഗരത്തില്‍ അടിയന്തരാവസ്ഥ
Posted by
21 February

'ഗീത' ചുഴലിക്കാറ്റ്; ന്യൂസിലന്‍ഡ് നഗരത്തില്‍ അടിയന്തരാവസ്ഥ

വെല്ലിംഗ്ടണ്‍: ഗീത ചുഴലിക്കാറ്റ് ആഞ്ഞടിച്ചതിനെത്തുടര്‍ന്ന് ന്യൂസിലന്‍ഡിലെ ക്രൈസ്റ്റ് ചര്‍ച്ച് നഗരത്തിലും രണ്ടു ഡിസ്ട്രിക്ടുകളിലും അടിയന്തരാവസ്ഥ പ്രഖ്യാപിച്ചു.

തലസ്ഥാനമായ വെല്ലിംഗ്ടണില്‍നിന്നുള്ള എല്ലാ വിമാനസര്‍വീസുകളും നിര്‍ത്തിവച്ചു. 150 കിലോമീറ്റര്‍ വേഗത്തില്‍ കാറ്റു വീശുമെന്നു കാലാവസ്ഥാ വകുപ്പു മുന്നറിയിപ്പു നല്‍കി. നിരവധി സ്‌കൂളുകള്‍ക്ക് അവധി നല്‍കി.

ചുഴലിക്കാറ്റ് വേഗം ആര്‍ജിക്കുന്നതിനു മുമ്പേ ക്രൈസ്റ്റ് ചര്‍ച്ചിലും പരിസരത്തും കനത്ത മഴയും വെള്ളപ്പൊക്കവുമുണ്ടായി. താഴ്ന്ന സ്ഥലങ്ങളില്‍ വെള്ളം കയറാന്‍ സാധ്യതയുള്ളതിനാല്‍ ജനങ്ങള്‍ കരുതിയിരിക്കണമെന്ന് ക്രൈസ്റ്റ് ചര്‍ച്ച് മേയര്‍ ലിയാന്‍ ഡല്‍സിയല്‍ മുന്നറിയിപ്പു നല്‍കി.

വിമാനത്തില്‍ യുവതി തന്റെ നനഞ്ഞ അടിവസ്ത്രം ഉണക്കുന്ന ദൃശ്യങ്ങള്‍ വൈറല്‍
Posted by
21 February

വിമാനത്തില്‍ യുവതി തന്റെ നനഞ്ഞ അടിവസ്ത്രം ഉണക്കുന്ന ദൃശ്യങ്ങള്‍ വൈറല്‍

മോസ്‌കോ: യുവതി തന്റെ നനഞ്ഞ അടിവസ്ത്രം വിമാനയാത്രക്കിടെ ഉണക്കുന്നതിന്റെ വീഡിയോ സമൂഹ മാധ്യമങ്ങളില്‍ വൈറലാകുന്നു. വിമാനം പറക്കുന്നതിനിടെ, എസി വിന്‍ഡോയിലൂടെ വരുന്ന കാറ്റില്‍ യുവതി തന്റെ അടിവസ്ത്രം ഉണക്കുകയായിരുന്നു.

ഈ സമയം പുറകിലുള്ള ഒരു യാത്രക്കാരന്‍ ദൃശ്യങ്ങള്‍ പകര്‍ത്തി. തുര്‍ക്കിയില്‍ നിന്ന് മോസ്‌കോയിലേക്ക് പുറപ്പെട്ട വിമാനത്തിലായിരുന്നു അത്യപൂര്‍വ്വ സംഭവം. മോസ്‌കോ സ്വദേശിയാണ് യുവതി. ഫെബ്രുവരി 14 നാണ് വീഡിയോ ചിത്രീകരിച്ചിരിക്കുന്നത്.

ചിത്രീകരിച്ച ആള്‍ ഇത് സമൂഹ മാധ്യമങ്ങളില്‍ പോസ്റ്റ് ചെയ്യുകയായിരുന്നു. ഇതോടെ വീഡിയോ സോഷ്യല്‍ മീഡിയയില്‍ തംരഗമായി. വിമാനയാത്രക്കിടയിലെ സമയം ഇങ്ങനെയും ചെലവഴിക്കാമെന്നായിരുന്നു യുവതിയുടെ പക്ഷം.

സിറിയയിലെ കൂട്ടക്കൊല: ശൂന്യപ്രസ്താവനയുമായി യൂണിസെഫ്
Posted by
21 February

സിറിയയിലെ കൂട്ടക്കൊല: ശൂന്യപ്രസ്താവനയുമായി യൂണിസെഫ്

ഡമാസ്‌കസ്: സിറിയയില്‍ കുഞ്ഞുങ്ങള്‍ കൂട്ടക്കൊല ചെയ്യപ്പെടുമ്പോള്‍ അമര്‍ഷവും ദുഃഖവും പ്രകടിപ്പിക്കാന്‍ വാക്കുകളില്ലാതെ യുഎന്നിന്റെ കുട്ടികള്‍ക്കായുള്ള സംഘടന യൂണിസെഫ്.

ഇന്നലെ യൂണിസെഫ് പുറത്തിറക്കിയ പ്രസ്താവനാ കടലാസ് ശൂന്യമായിരുന്നു; ‘വാക്കുകള്‍ അവര്‍ക്കു നീതി നല്കില്ല’ എന്നൊരു അടിക്കുറിപ്പു മാത്രമാണ് പേപ്പറില്‍ ഉണ്ടായിരുന്നത്.

കൊല്ലപ്പെട്ട കുഞ്ഞുങ്ങള്‍ക്കും അവരുടെ ഉറ്റവര്‍ക്കും വാക്കുകള്‍ നീതി നല്കില്ലെന്ന് യൂണിസെഫിന്റെ പശ്ചിമേഷ്യാ ഡയറക്ടര്‍ ഗീര്‍ട്ട് കാപ്പലേറെ പറഞ്ഞു. കുട്ടികള്‍ അനുഭവിക്കുന്ന ദുരിതം വിവരിക്കാന്‍ പറ്റുന്ന വാക്കുകളും ഞങ്ങളുടെപക്കലില്ലെന്ന് അദ്ദേഹം കൂട്ടിച്ചേര്‍ത്തു.

ടീമില്‍ ഇടം നേടാനായില്ല; മുന്‍ ക്രിക്കറ്റ് താരത്തിന്റെ മകന്‍ ആത്മഹത്യ ചെയ്തു
Posted by
21 February

ടീമില്‍ ഇടം നേടാനായില്ല; മുന്‍ ക്രിക്കറ്റ് താരത്തിന്റെ മകന്‍ ആത്മഹത്യ ചെയ്തു

മുള്‍ട്ടാന്‍: മുന്‍ പാകിസ്താന്‍ ക്രിക്കറ്റ് താരത്തിന്റെ മകന്‍ ടീമിലിടം പിടിക്കാനാകാത്തതില്‍ മനംനൊന്ത് ആത്മഹത്യ ചെയ്തു. മുന്‍താരം അമീര്‍ ഹാനിഫിന്റെ മകന്‍ മുഹമ്മദ് സരിയാബ് ആണ് ആത്മഹത്യ ചെയ്തത്.

കറാച്ചി അണ്ടര്‍ 19 ക്രിക്കറ്റ് ടീമില്‍ സെലക്ഷന്‍ ലഭിക്കാത്തതിനെത്തുടര്‍ന്നാണ് ആത്മഹത്യയെന്ന് പാക് മാധ്യമങ്ങള്‍ റിപ്പോര്‍ട്ട് ചെയ്യുന്നു. സരിയാബ് ഒന്നാം വര്‍ഷ ബിരുദ വിദ്യാര്‍ത്ഥിയായിരുന്നു.

ഭരണസ്ഥിരത ഉറപ്പു വരുത്തി നേപ്പാളില്‍ കമ്യൂണിസ്റ്റ് പാര്‍ട്ടികള്‍ ലയിച്ചു
Posted by
21 February

ഭരണസ്ഥിരത ഉറപ്പു വരുത്തി നേപ്പാളില്‍ കമ്യൂണിസ്റ്റ് പാര്‍ട്ടികള്‍ ലയിച്ചു

കാഠ്മണ്ഡു: നേപ്പാളിലെ ഇരു കമ്യൂണിസ്റ്റ് പാര്‍ട്ടികളും ലയിച്ച് രാജ്യത്തെ ഏറ്റവും ശക്തമായ ഇടതുപക്ഷ രാഷ്ട്രീയ പാര്‍ട്ടിയാവുന്നു.

പ്രധാനമന്ത്രി കെപി ശര്‍മ ഒലിയുടെ നേതൃത്വത്തിലുള്ള സിപിഎന്‍-യുഎംഎല്ലിന്റെയും മുന്‍ പ്രധാനമന്ത്രി പ്രചണ്ഡയുടെ നേതൃത്വത്തിലുള്ള സിപിഎന്‍-മാവോയിസ്റ്റ് സെന്ററിന്റെയും നേതാക്കളുടെ യോഗമാണ് ലയനതീരുമാനത്തിന് അംഗീകാരം നല്‍കിയത്.

കഴിഞ്ഞ ഒക്ടോബറില്‍തന്നെ ലയനത്തിനുള്ള പ്രാരംഭ നടപടികള്‍ തുടങ്ങിയിരുന്നു. മാര്‍ച്ചില്‍ ഔദ്യോഗിക പ്രഖ്യാപനമുണ്ടാവും.

യുഎംഎല്ലിന് പാര്‍ലമെന്റില്‍ 121സീറ്റും മാവോയിസ്റ്റ് സെന്ററിന് 53 സീറ്റുമുണ്ട്. രണ്ടു കക്ഷികളും യോജിച്ചു രൂപീകരിക്കുന്ന കമ്യൂണിസ്റ്റ് പാര്‍ട്ടി ഓഫ് നേപ്പാളിന്(സിപിഎന്‍)174 സീറ്റുണ്ടാവും. മൂന്നില്‍ രണ്ടു ഭൂരിപക്ഷത്തിനു പത്തു സീറ്റിന്റെ മാത്രം കുറവ്.

കഴിഞ്ഞദിവസം ഒപ്പുവച്ച ലയനക്കരാറില്‍ സംഘടനാ സംവിധാനത്തെക്കുറിച്ചും നേതൃത്വത്തെക്കുറിച്ചും പരാമര്‍ശമില്ല. ഇപ്പോഴത്തെ ധാരണ പ്രകാരം ആദ്യ മൂന്നു വര്‍ഷം ഒലി പ്രധാനമന്ത്രിയായിരിക്കും.

ശേഷിച്ച രണ്ടു വര്‍ഷം പ്രചണ്ഡയായിരിക്കും പ്രധാനമന്ത്രി. ഇരു കമ്യൂണിസ്റ്റ് പാര്‍ട്ടികളും ഒന്നായതോടെ അടുത്ത അഞ്ചു വര്‍ഷവും കേന്ദ്രത്തിലും ആറു പ്രവിശ്യകളിലും ഭരണസ്ഥിരത ഉറപ്പായി.

നൈജീരിയയിലെ സര്‍വകലാശാലയില്‍ ചാവേറാക്രമണം
Posted by
21 February

നൈജീരിയയിലെ സര്‍വകലാശാലയില്‍ ചാവേറാക്രമണം

അബുജ: നൈജീരിയയിലെ സര്‍വകലാശാല ക്യാമ്പസില്‍ ചാവേര്‍ സ്‌ഫോടനം. എന്നാല്‍ ആളപായമില്ലെന്ന് പോലീസ് അറിയിച്ചു. ബോര്‍നോ സംസ്ഥാനത്തെ മൈദുഗിരി സര്‍വകലാശാലയിലാണ് സ്‌ഫോടനമുണ്ടായത്. ബൊക്കോ ഹറാമാണ് ആക്രമണത്തിനു പിന്നിലെന്നാണ് പോലീസ് നിഗമനം.

കഴിഞ്ഞവര്‍ഷവും മൈദുഗിരി സര്‍വകലാശാലയില്‍ ചാവേര്‍ സ്‌ഫോടനം നടന്നിരുന്നു. ബൊക്കോ ഹറാം നടത്തിയ ചാവേറാക്രമണത്തില്‍ പ്രൊഫസര്‍ അടക്കം നിരവധി പേര്‍ കൊല്ലപ്പെട്ടിരുന്നു.

ലോകത്ത് നവജാത ശിശു മരണ നിരക്ക് കൂടുതല്‍ പാകിസ്താനില്‍
Posted by
21 February

ലോകത്ത് നവജാത ശിശു മരണ നിരക്ക് കൂടുതല്‍ പാകിസ്താനില്‍

ന്യൂയോര്‍ക്ക്: ലോകത്തില്‍ വച്ച് ഏറ്റവും കൂടുതല്‍ നവജാത ശിശു മരണനിരക്ക് പാകിസ്താനിലെന്ന് യുഎന്നിന്റെ കുട്ടികള്‍ക്കായുള്ള സംഘടന യൂണിസെഫ്.

പാകിസ്താനില്‍ പിറക്കുന്ന 22 കുട്ടികളില്‍ ഒരാള്‍ വീതം മരണപ്പെടുന്നുണ്ടെന്ന് യൂണിസെഫ് പുറത്തിറക്കിയ പ്രസ്താവനയില്‍ പറഞ്ഞു. സെന്‍ട്രല്‍ ആഫ്രിക്കന്‍ റിപ്പബ്ലിക്കും അഫ്ഗാനിസ്ഥാനുമാണ് ഏറ്റവുമധികം ശിശുമരണ നിരക്കുള്ള മറ്റു രാജ്യങ്ങള്‍.

ഇന്ത്യയില്‍ ജനിക്കുന്ന 1000 കുട്ടികളില്‍ 25.4 കുഞ്ഞുങ്ങളാണ് മരിക്കുന്നത്. ഇന്ത്യയില്‍ 2.6 കോടി കുട്ടികള്‍ ഒരു വര്‍ഷം ജനിക്കുമ്പോള്‍ ഇതില്‍ 6.4 ലക്ഷം കുട്ടികള്‍ മരിക്കുന്നു.

രാജ്യത്ത് നവജാതശിശുമരണം ഏറ്റവും കുറവുള്ള സംസ്ഥാനങ്ങള്‍ കേരളവും ഗോവയുമാണ്. ആയിരം ജനനങ്ങളില്‍ പത്തു കുഞ്ഞുങ്ങള്‍ മാത്രമാണ് മരിക്കുന്നത്. ബിഹാര്‍, ഉത്തരാഖണ്ഡ് എന്നീ സംസ്ഥാനങ്ങളിലാണ് ശിശുമരണം കൂടുതലും നടക്കുന്നത്.

ലോകത്ത് ദിവസേന ഏഴായിരം നവജാതശിശുക്കള്‍ വീതം മരിക്കുന്നുണ്ട്. ആഫ്രിക്കന്‍ രാജ്യങ്ങളിലാണ് ഏറ്റവുമധികം ശിശുമരണങ്ങള്‍ നടക്കുന്നത്. ജപ്പാനാണു ശിശുക്കള്‍ക്ക് ജനിക്കാന്‍ ഏറ്റവും സുരക്ഷിതമായ രാജ്യം.

ജപ്പാനില്‍ ജനിക്കുന്ന 1,111 കുട്ടികളില്‍ ഒരാള്‍ മാത്രമാണ് മരണപ്പെടുന്നത്. ഐസ്ലന്‍ഡ്, സിംഗപ്പൂര്‍, ഫിന്‍ലന്‍ഡ് എന്നീ രാജ്യങ്ങളിലും നവജാത ശിശുമരണ നിരക്ക് വളരെ കുറവാണ്.

ഡമാസ്‌ക്കസിന്റെ വിമത മേഖലയില്‍ ശക്തമായ ബോംബ് ആക്രമണം; 77 പേര്‍ കൊല്ലപ്പെട്ടു
Posted by
20 February

ഡമാസ്‌ക്കസിന്റെ വിമത മേഖലയില്‍ ശക്തമായ ബോംബ് ആക്രമണം; 77 പേര്‍ കൊല്ലപ്പെട്ടു

ഡമാസ്‌ക്കസ്: സിറിയയുടെ തലസ്ഥാനമായ ഡമാസ്‌കസില്‍ വിമത മേഖലയില്‍ സൈന്യം നടത്തിയ ശക്തമായ ബോംബ് ആക്രമണത്തില്‍ 77 പേര്‍ കൊല്ലപ്പെട്ടു.

വിമതമേഖല തിരിച്ചുപിടിക്കാനുള്ള പോരാട്ടത്തില്‍ പീരങ്കിപ്പടയും യുദ്ധവിമാനങ്ങളും ആക്രമണം നടത്തി. ഡമാസ്‌ക്കസിലെ കിഴക്കന്‍ ഗ്വോട്ടയിലാണ് 24 മണിക്കൂര്‍ നീണ്ടുനിന്ന ആക്രമണം നടന്നത്.

ആക്രമണത്തില്‍ ഇരുപതോളം കുട്ടികള്‍ കൊല്ലപ്പെട്ടു. മുന്നൂറിലധികം പേര്‍ക്ക് പരിക്കേല്‍ക്കുകയും ചെയ്തു. ജനവാസ കേന്ദ്രങ്ങളിലാണ് പ്രധാനമായും ഷെല്ലിംഗ് നടന്നതെന്ന് യുകെ കേന്ദ്രമായി പ്രവര്‍ത്തിക്കുന്ന സിറിയന്‍ നിരീക്ഷക സംഘത്തിന്റെ തലവന്‍ റാമി അബ്ദേല്‍ റഹ്മാന്‍ പറഞ്ഞു.

ഞായറാഴ്ചയാണ് സൈന്യം ബോംബ് ആക്രമണം ആരംഭിച്ചത്. യുദ്ധവിമാനങ്ങള്‍ ജനവാസ കേന്ദ്രങ്ങളില്‍ ചലിക്കുന്ന എല്ലാത്തിനും നേരെ വെടിയുതിര്‍ത്തതായി പറയുന്നു.

നടുറോഡില്‍ വാഹനങ്ങള്‍ മണിക്കൂറുകളോളം  തടഞ്ഞുനിര്‍ത്തി ആന, കരിമ്പ് സദ്യ ക്യാമറയില്‍ പകര്‍ത്തി യാത്രക്കാരും
Posted by
20 February

നടുറോഡില്‍ വാഹനങ്ങള്‍ മണിക്കൂറുകളോളം തടഞ്ഞുനിര്‍ത്തി ആന, കരിമ്പ് സദ്യ ക്യാമറയില്‍ പകര്‍ത്തി യാത്രക്കാരും

തായ്‌ലാന്‍ഡ്: എക്‌സൈസ്‌കാരും പോലീസുമൊക്കെ അനധികൃത സാധനങ്ങളുമായി പോകുന്ന വാഹനങ്ങള്‍ തടയാറുണ്ട്, എന്നാല്‍ ഒരു ആന 12 ലോറികളെ തടഞ്ഞ് നിര്‍ത്തി, മണിക്കൂറുകളോളം നീണ്ട ഗതാഗത തടസ്സവും സൃഷ്ടിച്ചതാണ് സമൂഹമാധ്യമങ്ങളില്‍ വൈറലാകുന്നത്. കാരണം ആന തടഞ്ഞു നിര്‍ത്തിയ ലോറികള്‍ കരിമ്പ് കയറ്റി വന്നവയായിരുന്നു.

തായ്‌ലാന്‍ഡ്ലാണ് സംഭവം. റോഡിലിറങ്ങി നിന്ന് പല വാഹനങ്ങളും തടയുന്നതിനിടയിലാണ് ആനയുടെ മുന്നില്‍ കരിമ്പ് ലോറികള്‍ ചെന്നു പെട്ടത്. ഹോണ്‍ ഉപയോഗിക്കുന്നത് ആനയെ ഭയപ്പെടുത്തുമെന്നതിനാല്‍ ആന തടഞ്ഞ വാഹനങ്ങളൊന്നും തന്നെ ഹോണ്‍ മുഴക്കി കടന്നു പോകാന്‍ ശ്രമിച്ചില്ല. കരിമ്പ് ലോറികളുടെ ഡ്രൈവര്‍മാരും ഇതു തന്നെയാണ് ചെയ്തത്.

കരിമ്പ് ലോറികള്‍ കണ്ടതോടെ ആനയുടെ മുഴുവന്‍ ശ്രദ്ധയും അങ്ങോട്ടായി. തുമ്പിക്കൈ ഉയര്‍ത്തി കരിമ്പ് ഓരോന്നായി പുറത്തെടുത്ത് റോഡില്‍ വെച്ചുതന്നെ കക്ഷി അകത്താക്കാന്‍ തുടങ്ങി. ഡ്രൈവര്‍ക്കും മറ്റു വാഹനങ്ങളിലുള്ളവര്‍ക്കും ഇത് നോക്കി നിന്നു രസിക്കുകയേ നിവര്‍ത്തി ഉണ്ടായിരുന്നുള്ളൂ. കരിമ്പ് ലോറിയുടെ എതിര്‍വശത്തുണ്ടായിരുന്ന വാഹനത്തിലുള്ളവര്‍ ആനയുടെ ഈ നടുറോഡിലെ കരിമ്പ് സദ്യ ക്യാമറയില്‍ പകര്‍ത്തുകയും ചെയ്തു.


ആന കരിമ്പ് മോഷിടിക്കുന്നതിനിടെയില്‍ പതിയെ വാഹനം ഓടിച്ച് പോകാനായിരുന്നു ഡ്രൈവര്‍മാരുടെ ശ്രമം. ചിലരെല്ലാം ഇതില്‍ വിജയിക്കുകയും ചെയ്തു. ഏതാണ്ട് പന്ത്രണ്ട് കരിമ്പു ലോറികളാണ് രണ്ട് മണിക്കൂര്‍ സമയം കൊണ്ട് ഈ ആന തടഞ്ഞതും ഇവയില്‍ നിന്ന് കരിമ്പ് മോഷ്ടിച്ചതും. വീഡിയോ സമൂഹമാധ്യമങ്ങളില്‍ പ്രചരിച്ചതോടെ തായ്ലന്‍ഡിലെ മുഖ്യവനപാലകര്‍ ഉള്‍പ്പടെ നിരവധി പേര്‍ ഡ്രൈവര്‍മാരുടെ സംയമനത്തെ അഭിനന്ദിച്ചു രംഗത്തെത്തി.

എല്ലാ പൗരന്മാരുടെയും അക്കൗണ്ടുകളിലേക്ക് 15000, ഇന്ത്യയില്‍ ബിജെപി പറഞ്ഞ വാഗ്ദാനങ്ങള്‍ നടപ്പിലാക്കി സിംഗപ്പൂര്‍
Posted by
20 February

എല്ലാ പൗരന്മാരുടെയും അക്കൗണ്ടുകളിലേക്ക് 15000, ഇന്ത്യയില്‍ ബിജെപി പറഞ്ഞ വാഗ്ദാനങ്ങള്‍ നടപ്പിലാക്കി സിംഗപ്പൂര്‍

ക്വാലാലംപൂര്‍: തങ്ങളുടെ പൗരന്മാര്‍ക്ക് ബോണസ് നല്‍കാനൊരുങ്ങി സിംഗപ്പൂര്‍. രാജ്യത്തെ മിച്ചബജറ്റിനു ശേഷമാണ് സര്‍ക്കാറിന്റെ തീരുമാനം. 21 വയസിനു മുകളില്‍ പ്രായമുള്ള എല്ലാ സിംഗപ്പൂര്‍ പൗരന്മാര്‍ക്കും 300 സിംഗപ്പൂര്‍ ഡോളര്‍ (15,000 ഇന്ത്യന്‍ രൂപ) വരെയാണ് ലഭിക്കുക.

2014 ലെ തിരഞ്ഞെടുപ്പ് വേളയില്‍ വിദേശത്തെ കളളപ്പണം ഇന്ത്യയില്‍ തിരിച്ചെത്തിക്കുമെന്നും ഇന്ത്യയിലെ ഓരോ പാവപ്പെട്ടവന്റെയും അക്കൗണ്ടില്‍ 15 ലക്ഷം വീതം നിക്ഷേപിക്കും എന്നൊക്കെയായിരുന്നു ബിജെപിയുടെയും നരേന്ദ്രമോഡിയുടെയും പ്രധാന വാഗ്ദാനങ്ങള്‍, ഇന്നും വാഗ്ദാനം മാത്രമായി തുടരുന്നതിനിടെയാണ് സിംഗപ്പൂര്‍ സര്‍ക്കാറിന്റെ നടപടി ശ്രദ്ധേയമാകുന്നത്.

രാജ്യത്തെ മിച്ച ബജറ്റിനു ശേഷമാണ് സിംഗപ്പൂര്‍ സര്‍ക്കാറിന്റെ ഈ തീരുമാനം. 21 വയസിനു മുകളില്‍ പ്രായമുള്ള എല്ലാ സിംഗപ്പൂര്‍ പൗരന്മാര്‍ക്കും ഈ ആനുകൂല്യം ലഭിക്കും. ഇത്തരത്തില്‍ ഏകദേശം ഒരാളുടെ അക്കൗണ്ടിലെത്തുക 15000 രൂപയാണ്. പൗരന്മാരുടെ ആദായത്തിന് ആനുപാതികമായാണ് ബോണസ് നല്‍കുക. ഈ വര്‍ഷം അവസാനത്തോടെ എല്ലാ പൗരന്മാര്‍ക്കും ബോണസ് തുക കൊടുത്തു തീര്‍ക്കാനാണ് സര്‍ക്കാര്‍ ആലോചന. 27 ലക്ഷത്തോളം പേര്‍ക്കാണ് ആനൂകൂല്യം ലഭിക്കുക. 2018ല്‍ തന്നെ ബോണസ് കൊടുത്തുതീര്‍ക്കുമെന്ന് ധനകാര്യമന്ത്രി ഹെംഗ് സ്വീ ക്വീറ്റ് പറഞ്ഞു.

സിംഗപ്പൂരിന്റെ വികസനത്തിന്റെ ഗുണഫലം ജനങ്ങളിലേക്കെത്തിക്കാനുള്ള സര്‍ക്കാറിന്റെ ദീര്‍ഘകാല പ്രതിബദ്ധതയാണ് ഇത് കാണിക്കുന്നതെന്നും ധനമന്ത്രി ഹെങ് സ്വീ കീറ്റ് പറഞ്ഞതായി ചാനല്‍ ന്യൂസ് ഏഷ്യ റിപ്പോര്‍ട്ട് ചെയ്തു. പാര്‍ലമെന്റില്‍ നടത്തിയ ബജറ്റ് പ്രസംഗത്തില്‍ ധനമന്ത്രി ‘ഹോങ്ബോ’ എന്നാണ് ഈ ബോണസിനെ വിശേഷിപ്പിച്ചത്.

പൗരന്മാര്‍ക്കു ബോണസ് നല്‍കുന്നതിനൊപ്പം മറ്റു വികസന പദ്ധതികളും മിച്ചമുള്ള പണം ഉപയോഗിച്ച് നടത്താന്‍ സര്‍ക്കാറിന പദ്ധതിയുണ്ട്. 500 കോടി സിംഗപ്പൂര്‍ ഡോളര്‍ റെയില്‍വേയുടെ അടിസ്ഥാന സൗകര്യങ്ങള്‍ വികസിപ്പിക്കാനായി മാറ്റിവെച്ചുവെന്നും ധനമന്ത്രി അറിയിച്ചു.

error: This Content is already Published.!!