ഡൊണാള്‍ഡ് ട്രംപ് ലൈംഗിക വിവാദത്തില്‍; ഞരമ്പ് രോഗത്തിന് അടിമയാണെന്ന് ആരോപണം, പരാതിയുായി രംഗത്തെത്തിയത് 15 സ്ത്രീകള്‍
Posted by
13 December

ഡൊണാള്‍ഡ് ട്രംപ് ലൈംഗിക വിവാദത്തില്‍; ഞരമ്പ് രോഗത്തിന് അടിമയാണെന്ന് ആരോപണം, പരാതിയുായി രംഗത്തെത്തിയത് 15 സ്ത്രീകള്‍

വാഷിംഗ്ടണ്‍: യുഎസ് പ്രസിഡന്റ് ഡൊണാള്‍ഡ് ട്രംപിനെതിരെ കടുത്ത ലൈംഗികാരോപണം. 15 സ്ത്രീകളാണ് ലൈഗിംകാരോപണത്തില്‍ പരാതിയുമായി രംഗത്തെത്തിയിരിക്കുന്നത്. ട്രംപിന്റെ ഞരമ്പ് രോഗത്തെക്കുറിച്ച് പരസ്യമായി തന്നെ സ്ത്രീകള്‍ വിവരിച്ചു. 2006 ല്‍ മിസ് നോര്‍ത്ത് കരോലിനയായി തെരഞ്ഞെടുക്കപ്പെട്ട സാമന്ത ഹോല്‍വി ഉള്‍പ്പെടെയുള്ളവരാണ് ലൈംഗിക ആരോപണം ഉന്നയിക്കുന്നത്.

ട്രംപിന്റെ ലൈംഗിക പീഡനത്തിനിരയായ സ്ത്രീകളെ ആസ്പദമാക്കി സിനിമ തയാറാക്കിയ ബ്രേവ് ന്യൂസ് ഫിലിംസാണ് പത്രസമ്മേളനം നടത്തിയത്. നേരത്തെ പ്രസിഡന്റ് തെരഞ്ഞെടുപ്പ് നടക്കുന്ന ഘട്ടത്തിലും നിരവധി സ്ത്രീകള്‍ ട്രംപിനെതിരെ ലൈംഗിക ആരോപണമുന്നയിച്ചിരുന്നു. ലൈംഗികാരോപണങ്ങള്‍ അന്വേഷിക്കണമെന്ന് അവര്‍ യുഎസ് കോണ്‍ഗ്രസിനോട് ആവശ്യപ്പെട്ടു.

എന്നാല്‍ പ്രസിഡിന്റിനെതിരെയുള്ള ആരോപണം വൈറ്റ്ഹൗസ് പ്രസ് സെക്രട്ടറി സാറ സാന്‍ഡേഴ്സ് നിഷേധിച്ചു. പ്രസിഡന്റാകുന്നതിനു മുമ്പുള്ള സംഭവങ്ങളാണ് ഇതെന്നും നേരത്തെ തന്നെ ട്രംപ് മറുപടി പറഞ്ഞിട്ടുണ്ടെന്നും അവര്‍ വ്യക്തമാക്കി. അതേസമയം വിഷയം ലോകമാകെ ചര്‍ച്ചയാകുകയാണ്. അമേരിക്കയിലടക്കം അതിശക്തമായ പ്രതിഷേധം ഉയര്‍ന്നിട്ടുണ്ട്.

ഇറാനില്‍ ശക്തമായ ഭൂചലനം
Posted by
12 December

ഇറാനില്‍ ശക്തമായ ഭൂചലനം

ടെഹ്‌റാന്‍: തെക്കന്‍ ഇറാനില്‍ ശക്തമായ ഭൂചലനമുണ്ടായി. റിക്ടര്‍ സ്‌കെയിലില്‍ 6.2 രേഖപ്പെടുത്തിയ ഭൂചലനമാണ് ഉണ്ടായിരിക്കുന്നത്. കെര്‍മാന്‍ പ്രവശ്യയിലെ ഹൊജാക്കാണ് ഭൂകന്പത്തില്‍ വിറച്ചത്. ആളപായമോ നാശനഷ്ടങ്ങളോ ഇതുവരെ റിപ്പോര്‍ട്ട് ചെയ്തിട്ടില്ല. പ്രദേശത്തെ ആളുകള്‍ വീടുകളില്‍ നിന്നിറങ്ങി ഓടിയെന്നാണ് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഗ്രാമപ്രദേശങ്ങളിലെ വൈദ്യുതി, ജല വിതരണങ്ങള്‍ തകരാറിലായി. ഇറാന്‍ സുരക്ഷ സേന പ്രദേശത്ത് എത്തിയിട്ടുണ്ട്.

 

ഈ വര്‍ഷം ഏറ്റവും കൂടുതല്‍ തിരഞ്ഞ വാക്ക് ‘ഫെമിനിസം’
Posted by
12 December

ഈ വര്‍ഷം ഏറ്റവും കൂടുതല്‍ തിരഞ്ഞ വാക്ക് 'ഫെമിനിസം'

വാഷിങ്ടണ്‍: ഈ വര്‍ഷം ഏറ്റവും കൂടുതല്‍ ആളുകള്‍ അന്വേഷിച്ച വാക്ക് ഫെമിനിസം. പ്രശസ്ത ഓണ്‍ലൈന്‍ ഡിക്ഷനറിയായ മെറിയം വെബ്സ്റ്റര്‍ ആണ് ഇത്തരത്തില്‍ റിപ്പോര്‍ട്ട് പുറത്തുവിട്ടിരിക്കുന്നത്.

സംഭാഷണങ്ങളില്‍ ഏറ്റവുമധികം ഉപയോഗിക്കപ്പെട്ട വാക്കായതിനാല്‍ അര്‍ത്ഥം അന്വേഷിച്ച് ആളുകള്‍ എത്തിയത് ഈ വാക്കായിരുന്നു അതിനാല്‍ തന്നെയാണ് ഇത്തരത്തില്‍ കണ്ടുപിടിക്കാന്‍ സാധിച്ചത്.

ഇതുകൊണ്ടുതന്നെ 2017ലെ വാക്കായി ഫെമിനിസത്തെ തെരഞ്ഞെടുത്തുവെന്നും മെറിയം അറിയിച്ചു. അമേരിക്ക ആസ്ഥാനമായി പ്രവര്‍ത്തിക്കുന്ന ഓണ്‍ലൈന്‍ ഡിക്ഷ്നറിയാണ് മെറിയം വെബ്സ്റ്റര്‍.

2017ലെ ജനുവരിയില്‍ നടന്ന വനിത മാര്‍ച്ചിനോടനുബന്ധിച്ചാണ് ഈ വാക്ക് ഏറ്റവുമധികം പേര്‍ തിരഞ്ഞത്. അതിനിടെ കെല്ല്യനെ കോണ്‍വെയ് ഞാനൊരു ഫെമിനിസ്റ്റല്ല എന്ന് പറഞ്ഞതും ഈ വാക്കിന്റെ മൂല്യം വര്‍ധിപ്പിച്ചു

കിം ജോങ് ഉന്നിന് പ്രകൃതിയെ നിയന്ത്രിക്കാന്‍ കഴിവുണ്ടെന്ന് അവകാശപ്പെട്ട് ഉത്തര കൊറിയ
Posted by
12 December

കിം ജോങ് ഉന്നിന് പ്രകൃതിയെ നിയന്ത്രിക്കാന്‍ കഴിവുണ്ടെന്ന് അവകാശപ്പെട്ട് ഉത്തര കൊറിയ

പ്യോങ്യാങ്: ഉത്തരകൊറിയന്‍ ഭരണാധികാരിയായ കിം ജോങ് ഉന്നിന് പ്രകൃതിയെ നിയന്ത്രിക്കാനുള്ള കഴിവുണ്ടെന്ന് അവകാശപ്പെട്ട് ഉത്തര കൊറിയ. ചൈന-ഉത്തരകൊറിയ അതിര്‍ത്തിയിലെ സജീവ അഗ്‌നിപര്‍വ്വതം കഴിഞ്ഞ വാരാന്ത്യം കിം ജോങ് ഉന്‍ സന്ദര്‍ശിച്ചിരുന്നു. അഗ്നി പര്‍വ്വതത്തിനു മുകളില്‍ നിന്നു കൊണ്ട് ചിരിക്കുന്ന കിം ജോങ് ഉന്നിന്റെ ചിത്രത്തിനടിയിലാണ് പ്രകൃതിയെ നിയന്ത്രിക്കാന്‍ കഴിവുള്ളയാളാണെന്ന രീതിയില്‍ അദ്ദേഹത്തെ വാനോളം പുകഴ്ത്തിയുള്ള അടിക്കുറിപ്പ് സ്റ്റേറ്റ് മീഡിയ നല്‍കിയത്.

‘പ്രകൃതിയെപ്പോലും നിയന്ത്രിക്കാന്‍ കഴിവുള്ള അതുല്യനും പുകള്‍പെറ്റവനുമായ സൈന്യാധിപന്‍’ എന്നാണ് കിം ജോങ് ഉന്നിന്റെ ഫോട്ടോയ്ക്ക് കീഴില്‍ സ്റ്റേറ്റ് മീഡിയ അടിക്കുറിപ്പായി നല്‍കിയത്. ‘കട്ടി കോട്ട് ധരിച്ച് കൊണ്ട് 9000 അടി ഉയരത്തിലുള്ള പര്‍വ്വതത്തിലേക്ക് കനത്ത മഞ്ഞിനെ അവഗണിച്ച് കിം നടന്നു കയറുമ്പോള്‍ ഹിമപാതം നിലച്ച് പ്രകൃതി സാധാരണ കാലാവസ്ഥയിലേക്ക് അഭൂതപൂര്‍വ്വമാം വിധം വഴിമാറുകയായിരുന്നു’

എന്നാണ് കിമ്മിനു പ്രകൃതിയെ നിയന്ത്രിക്കാനുള്ള കഴിവുണ്ടെന്ന് സ്ഥാപിക്കാന്‍ സ്റ്റേറ്റ് മീഡിയ ഉയര്‍ത്തിക്കാണിക്കുന്നത്. അപ്രതീക്ഷിതമായി ഹിമപാതം നീങ്ങി വെയില്‍ തെളിഞ്ഞതിനുള്ള കാരണക്കാരന്‍ കിം ജോങ് ഉന്‍ ആണെന്നും ഉത്തരകൊറിയയുടെ ഔദ്യോഗിക മാധ്യമം റിപ്പോര്‍ട്ടു ചെയ്യുന്നു. സൈനിക മിലിട്ടറി ക്യാമ്പില്‍ താന്‍ ജനിച്ചപ്പോള്‍ ആകാശത്ത് ഇരട്ട മഴവില്‍ വിരിഞ്ഞിരുന്നെന്നും കിമ്മിന്റെ പിതാവ് കിം ജോങി അവകാശപ്പെട്ടിരുന്നു.

ബി ഫോര്‍ ബുള്ളറ്റ് ആര്‍ ഫോര്‍ റോക്കറ്റ്; കുട്ടികളെ ലക്ഷ്യമിട്ട് ഐഎസിന്റെ ആപ്പ്
Posted by
12 December

ബി ഫോര്‍ ബുള്ളറ്റ് ആര്‍ ഫോര്‍ റോക്കറ്റ്; കുട്ടികളെ ലക്ഷ്യമിട്ട് ഐഎസിന്റെ ആപ്പ്

വാഷിംങ്ടണ്‍: കുട്ടികളെ ആകര്‍ഷിക്കാന്‍ ലക്ഷ്യമിട്ട് ഐഎസിന്റെ ആപ്പ്. ബി ഫോര്‍ ബുള്ളറ്റ് ആര്‍ ഫോര്‍ റോക്കറ്റ് എന്നതാണ് കുട്ടികളെ ലക്ഷ്യമിട്ടുള്ള ഐഎസിന്റെ ആപ്ലിക്കേഷന്‍.

ഇന്റര്‍നെറ്റിലൂടെ ഐഎസിനെ പിന്തുടരുമെന്ന അമേരിക്കന്‍ രഹസ്യാന്വേഷണ വിഭാഗത്തിന്റെ നിരീക്ഷണത്തിന് ശക്തി പകരുന്നതാണ് ഈ കണ്ടെത്തല്‍.

4 വയസ്സുമുതലുള്ള കുട്ടികളെ ആകര്‍ഷിക്കാനാണ് ഐഎസിന്റെ നീക്കം എന്നത് ശ്രദ്ധേയമാണ്. ഇംഗ്ലീഷ്, അറബിക് ഭാഷകളിലാണ് ഐഎസിന്റെ ആപ്പ്.

സുരക്ഷാ ക്രമീകരണങ്ങള്‍ ഇല്ലാതെ അംബരചുമ്പികള്‍ കീഴടക്കിയ ചൈനയുടെ ‘ആകാശയാത്രികന്‍’ 62 -ാം നിലയില്‍ നിന്നും വീണു മരിച്ചു
Posted by
12 December

സുരക്ഷാ ക്രമീകരണങ്ങള്‍ ഇല്ലാതെ അംബരചുമ്പികള്‍ കീഴടക്കിയ ചൈനയുടെ 'ആകാശയാത്രികന്‍' 62 -ാം നിലയില്‍ നിന്നും വീണു മരിച്ചു

ങ്ഷാ: യാതൊരു സുരക്ഷാ ക്രമീകരണവുമില്ലാതെ അംബരചുമ്പികള്‍ കീഴടക്കിയ ചൈനയുടെ വൂ യുങ്യിങ് 62 നില കെട്ടിടത്തില്‍ നിന്നും വീണ് മരിച്ചു. സാമൂഹ്യമാധ്യമങ്ങളിലെ വീഡിയോകളിലൂടെ ലോക പ്രശസ്തനാണ് 26 കാരനായ വൂ. ചങ്ഷാ നഗരത്തിലെ കെട്ടിടത്തിന്റെ മുകളില്‍ നിന്നാണ് വൂ താഴെക്ക് വീണത്.

അമ്മയുടെ രോഗത്തിന് ചികിത്സ തേടാനായി ഒരു ലക്ഷം യുവാന്‍ ബെറ്റ് വച്ചായിരുന്നു വൂ യുങ്യിങ് ആ 62 നില കെട്ടിടത്തിലേക്ക് കയറിയതെന്ന് റിപ്പോര്‍ട്ടുകളുണ്ട്. ഈ പ്രകടനത്തിന് ശേഷം കാമുകിയോട് വിവാഹാഭ്യര്‍ത്ഥന നടത്താനിരിക്കുകയായിരുന്നു വൂ എന്ന് അദ്ദേഹത്തിന്റെ അമ്മാവന്‍ മാധ്യമങ്ങളോട് പറഞ്ഞു.

വൂവിന്റെ മരണത്തെ കുറിച്ച് നേരത്തെ അഭ്യൂഹങ്ങള്‍ ഉണ്ടായിരുന്നെങ്കിലും സ്ഥിതീകരണം ഉണ്ടായിരുന്നില്ല. എന്നാല്‍ കഴിഞ്ഞ 8 -ാം തിയതി വൂവിന്റെ കാമുകിയുടെ ട്വീറ്റാണ് വൂ യുങ്യിങിന്റെ മരണം സ്ഥിതീകരിച്ചത്. കാമുകിയുടെ കുറിപ്പ് ഇങ്ങനെയായിരുന്നു. ‘ഇന്ന് ഡിസംബര്‍ 8. അത് എന്നെ നവംബര്‍ 8 ഓര്‍മ്മിപ്പിക്കുന്നു, നീ ഞങ്ങളെയും ഈ ലോകത്തെയും വിട്ടുപോയ ആ ദിവസം.’

സൗദി അറേബ്യയില്‍ സിനിമ തിയ്യേറ്ററുകള്‍ തുറക്കുന്നു
Posted by
11 December

സൗദി അറേബ്യയില്‍ സിനിമ തിയ്യേറ്ററുകള്‍ തുറക്കുന്നു

റിയാദ്: സൗദി അറേബ്യയയില്‍ സിനിമ തിയേറ്ററുകള്‍ തുറക്കുന്നു. 2018 മാര്‍ച്ചില്‍ സിനിമ തിയേറ്ററുകള്‍ തുറക്കാനാണ് സൗദി ഭരണകൂടം തീരുമാനം. സിനിമ തിയ്യേറ്ററുകള്‍ തുറക്കുന്നത് സാമ്പത്തിക വളര്‍ച്ചയ്ക്ക് ഉത്തേജകമാകുമെന്ന് വാര്‍ത്ത വിതരണ സാംസ്‌കാരിക മന്ത്രി അവാദ് ബിന്‍ സാലെ അലവാദ് പറഞ്ഞു.

സാംസ്‌കാരിക മേഖല വികസിപ്പിക്കുന്നതിലൂടെ പുതിയ തൊഴില്‍ അവസരങ്ങള്‍ സൃഷ്ടിക്കാന്‍ സാധിക്കുമെന്നും ഇതിലൂടെ രാജ്യത്തെ ടൂറിസം മേഖല മെച്ചപ്പെടുത്താന്‍ സാധിക്കുമെന്നും അലവാദ് പറഞ്ഞു. 2030തോടെ 300 തിയേറ്ററുകളിലായി 2,000 സ്‌ക്രീനുകള്‍ നിര്‍മിക്കുവാനാണ് സൗദി പദ്ധതിയിടുന്നത്. ഇതിനായി 9,000 കോടി റിയാലാണ് സൗദി ചെലവഴിക്കുന്നത്. തിയ്യേറ്ററുകള്‍ ആരംഭിക്കുന്നതോടെ 30,000 തൊഴില്‍ അവസരങ്ങള്‍ സൃഷ്ടിക്കാന്‍ സാധിക്കുമെന്നും അലവാദ് പറഞ്ഞു.

35 വര്‍ഷത്തിനിടെ ആദ്യമായിട്ടാണ് സിനിമ സൗദിയില്‍ പ്രദര്‍ശനത്തിന് വരുന്നത്. മുസ്ലിം പണ്ഡിതന്‍മാര്‍ക്കിടയില്‍ ഇക്കാര്യത്തില്‍ അഭിപ്രായ വ്യത്യാസമുണ്ടെന്നാണ് റിപ്പോര്‍ട്ടുകള്‍. വിഷന്‍ 2030 എന്ന പേരില്‍ സമ്പൂര്‍ണ പരിഷ്‌കാരങ്ങള്‍ സൗദി ഭരണകൂടം നടപ്പാക്കി വരികയാണ്. ഇതിന്റെ തുടര്‍ച്ചയായിട്ടാണ് വിനോദങ്ങള്‍ക്ക് പ്രാധാന്യം നല്‍കുന്നത്.

ഗുജറാത്ത് തെരഞ്ഞെടുപ്പില്‍ സ്വന്തം കഴിവുകൊണ്ട് ജയിക്കൂ… അനാവശ്യ വിവാദങ്ങളിലേയ്ക്ക് ഞങ്ങളെ വലിച്ചിഴയ്ക്കരുത്; നരേന്ദ്ര മോഡിയെ രൂക്ഷമായി വിമര്‍ശിച്ച് പാകിസ്താന്‍
Posted by
11 December

ഗുജറാത്ത് തെരഞ്ഞെടുപ്പില്‍ സ്വന്തം കഴിവുകൊണ്ട് ജയിക്കൂ... അനാവശ്യ വിവാദങ്ങളിലേയ്ക്ക് ഞങ്ങളെ വലിച്ചിഴയ്ക്കരുത്; നരേന്ദ്ര മോഡിയെ രൂക്ഷമായി വിമര്‍ശിച്ച് പാകിസ്താന്‍

ഇസ്ലാമാബാദ്: ഗുജറാത്ത് തിരഞ്ഞെടുപ്പില്‍ വിജയം കൈവരിക്കാന്‍ വേണ്ടി നടത്തുന്ന അപവാദ പ്രചരണങ്ങളിലേയ്ക്ക് തങ്ങളെ വലിച്ചിഴയ്ക്കരുതെന്ന് പാകിസ്താന്‍. തിരഞ്ഞെടുപ്പില്‍ സ്വാധീനം ചെലുത്താന്‍ പാകിസ്താന്‍ ശ്രമിക്കുന്നുണ്ടെന്ന പ്രധാനമന്ത്രി നരേന്ദ്ര മോഡിയുടെ ആരോപണത്തിനെതിരെയാണ് വിമര്‍ശനവുമായി പാകിസ്താന്‍ രംഗത്തെത്തിയിരിക്കുന്നത്.

ആരോപണം അടിസ്ഥാനരഹിതമാണെന്നും തങ്ങളെ അനാവശ്യവിവാദങ്ങളിലേക്ക് വലിച്ചിഴയ്ക്കുന്നത് അവസാനിപ്പിക്കണമെന്നുമാണ് പാകിസ്താന്‍ പ്രതികരിച്ചത്. ‘തിരഞ്ഞെടുപ്പ് വിവാദങ്ങളിലേക്ക് പാകിസ്താനെ വലിച്ചിഴയ്ക്കുന്നത് ഇന്ത്യ അവസാനിപ്പിക്കണമെന്നും പാകിസ്താന്‍ വ്യക്തമാക്കി. പാര്‍ട്ടികള്‍ വിജയം നേടേണ്ടത് അവരവരുടെ ശക്തി കൊണ്ടാണ്.

അല്ലാതെ മെനഞ്ഞുണ്ടാക്കിയ ഗൂഢാലോചനകളിലൂടെയാവരുത്. അവ തീര്‍ത്തും അടിസ്ഥാനരഹിതവും നിരുത്തരവാദപരവുമാണ്.’ പാകിസ്താന്‍ വിദേശകാര്യമന്ത്രാലയ വക്താവ് ഡോ മുഹമ്മദ് ഫൈസല്‍ ട്വിറ്ററിലൂടെ പ്രതികരിച്ചു. പാകിസ്താന്‍ പ്രതിനിധികളുമായി കോണ്‍ഗ്രസ് രഹസ്യകൂടിക്കാഴ്ച്ച നടത്തിയെന്ന മോദിയുടെ ആരോപത്തോട് പ്രതികരിക്കുകയായിരുന്നു അദ്ദേഹം.

അഹമ്മദ് പട്ടേല്‍ ഗുജറാത്ത് മുഖ്യമന്ത്രിയാകണമെന്ന മുന്‍ പാകിസ്താന്‍ സൈനികമേധാവി സര്‍ദാര്‍ അര്‍ഷദ് റാഫികിന്റെ ഫേസ്ബുക് പോസ്റ്റിനെക്കുറിച്ച് മോഡി പരാമര്‍ശിച്ചത് വിവാദമായിരുന്നു. ഇതിന്റെ അടിസ്ഥാനത്തിലാണ് തിരഞ്ഞെടുപ്പില്‍ സ്വാധീനം ചെലുത്താന്‍ പാകിസ്താന്‍ ശ്രമിക്കുന്നുണ്ടെന്ന് ബിജെപി ആരോപിച്ചത്. മണിശങ്കര്‍ അയ്യരുടെ വസതിയില്‍ വച്ച് പാകിസ്താന്‍ പ്രതിനിധികളുമായി കോണ്‍ഗ്രസ് രഹസ്യകൂടിക്കാഴ്ച്ച നടത്തിയെന്നും മോദി ആരോപിച്ചിരുന്നു.

ഓഖി ദുരന്തത്തില്‍ അനുശോചനം അറിയിച്ച് ഫ്രാന്‍സിസ് മാര്‍പാപ്പ
Posted by
11 December

ഓഖി ദുരന്തത്തില്‍ അനുശോചനം അറിയിച്ച് ഫ്രാന്‍സിസ് മാര്‍പാപ്പ

വത്തിക്കാന്‍: ഓഖി ദുരന്തത്തില്‍ അനുശോചനവും ആശങ്കയും അറിയിച്ച് ഫ്രാന്‍സിസ് മാര്‍പാപ്പ. കേരളത്തിലും തമിഴ്‌നാട്ടിലും ദുരിതമനുഭവിക്കുന്നവര്‍ക്കൊപ്പമാണ് തന്റെ ഹൃദയമെന്ന് മാര്‍പാപ്പ വത്തിക്കാനില്‍ പറഞ്ഞു.

കാണാതായ മത്സ്യത്തൊഴിലാളികളുടെ കുടുംബങ്ങള്‍ക്ക് അദ്ദേഹം പിന്തുണ അറിയിച്ചു. സെന്റ് പീറ്റേഴ്‌സ് ചത്വരത്തിലെ പ്രാര്‍ത്ഥനയ്ക്കുശേഷമാണ് മാര്‍പാപ്പ ഓഖി ദുരിതബാധിതരെ സ്മരിച്ചത്.

ഒടുവില്‍ അവള്‍ ഉറങ്ങുന്നിടം കണ്ടെത്തി; കല്ലറയില്‍ കൊത്തിയിരിക്കുന്നത് ‘ഷെറിന്‍ സൂസന്‍ മാത്യൂസ്’
Posted by
11 December

ഒടുവില്‍ അവള്‍ ഉറങ്ങുന്നിടം കണ്ടെത്തി; കല്ലറയില്‍ കൊത്തിയിരിക്കുന്നത് 'ഷെറിന്‍ സൂസന്‍ മാത്യൂസ്'

ഹൂസ്റ്റണ്‍: നാളുകള്‍ക്കൊടുവില്‍ യുഎസില്‍ കൊല്ലപ്പെട്ട മൂന്നുവയസ്സുകാരി ഷെറിന്‍ മാത്യൂസിന്റെ മൃതദേഹം സംസ്‌കരിച്ച സ്ഥലം വെളിപ്പെടുത്തി. ഷെറിന്റെ വളര്‍ത്തു മാതാപിതാക്കളും എറണാകുളം സ്വദേശികളുമായ വെസ്ലി-സിനി ദമ്പതികളുടെ ഡാളസ്സിലുള്ള വീടിനടുത്താണ് ഷെറിനെ സംസ്‌കരിച്ചിരിച്ചിരിക്കുന്നത്. സംസ്‌കാരത്തിനു ശേഷം ഈ സ്ഥലം രഹസ്യമാക്കി വെച്ചിരിക്കുകയായിരുന്നു. ഷെറിന്‍ സൂസന്‍ മാത്യൂസ് എന്നാണ് കല്ലറയില്‍ പതിച്ചിട്ടുള്ള കല്ലില്‍ കൊത്തിയിരിക്കുന്നത്.

വളരെ കുറച്ച പേര്‍ മാത്രമായിരുന്നു ഷെറിന്റെ സംസ്‌കാരത്തില്‍ പങ്കെടുത്തത്. യുഎസിലെ ഇന്ത്യന്‍ ദമ്പതികള്‍ ദത്തെടുത്ത് വളര്‍ത്തുകയായിരുന്ന ഷെറിനെ നവംബര്‍ ആദ്യമാണ് കാണാതായത്. തുടര്‍ന്ന് വീടിന്റെ മുക്കാല്‍ കിലോ മീറ്റര്‍ അകലെയുള്ള കലുങ്കിന് അടിയില്‍ കുട്ടിയെ മരിച്ച നിലയില്‍ കണ്ടെത്തുകയായിരുന്നു. സംഭവത്തില്‍ അറസ്റ്റിലായിട്ടുള്ള ദമ്പതികളെ ഇവരുടെ സ്വന്തം കുഞ്ഞിനെ കാണുന്നതില്‍ നിന്നും വിലക്കിയിട്ടുണ്ട്.

വീട്ടിലെ ഗാരേജില്‍ വച്ച് നിര്‍ബന്ധിച്ച് പാല്‍ കുടിപ്പിച്ചപ്പോള്‍ കുഞ്ഞിന്റെ തൊണ്ടയില്‍ പാല്‍ കുരുങ്ങുകയായിരുന്നുവെന്നായിരുന്നു വെസ്സി മൊഴി നല്‍കി. എന്നാല്‍, അടിയന്തര ആരോഗ്യ സര്‍വീസിന്റെ സേവനം വെസ്സി തേടിയില്ല. നഴ്സ് കൂടിയായ ഭാര്യ സിനിയെപ്പോലും വെസ്സി ഈ വിവരം അറിയിച്ചിരുന്നില്ല എന്നു മാത്രമല്ല, ശരീരത്തില്‍ നിന്നു ചൂടു പോകും മുന്‍പേ മൃതദേഹം ഉപേക്ഷിക്കുകയും ചെയ്തിരുന്നു.