കല്ലറയില്‍ നിന്നും തുടര്‍ച്ചയായി അലര്‍ച്ച; അടക്കം കഴിഞ്ഞ് പതിനൊന്നാം ദിവസം കല്ലറ പൊളിച്ചപ്പോള്‍ കണ്ടത് മൃതദേഹം മറിഞ്ഞുകിടക്കുന്നു, മരണശേഷം നാട്ടുകാരെ ഭീതിയിലാഴ്ത്തി യുവതി
Posted by
20 February

കല്ലറയില്‍ നിന്നും തുടര്‍ച്ചയായി അലര്‍ച്ച; അടക്കം കഴിഞ്ഞ് പതിനൊന്നാം ദിവസം കല്ലറ പൊളിച്ചപ്പോള്‍ കണ്ടത് മൃതദേഹം മറിഞ്ഞുകിടക്കുന്നു, മരണശേഷം നാട്ടുകാരെ ഭീതിയിലാഴ്ത്തി യുവതി

ബ്രസീല്‍: മരണശേഷം പ്രദേശവാസികളെയും നാട്ടുകാരേയും മുള്‍മുനയില്‍ നിര്‍ത്തി യുവതി. ബ്രസീല്‍ സ്വദേശിനിയായ അല്‍മെഡ സാന്റോസ് എന്ന യുവതിയുടെ മരണ ശേഷമാണ് ഞെട്ടിക്കുന്നതും വിചിത്രവുമായ സംഭവങ്ങള്‍ അരങ്ങേറിയത്.

രണ്ടു ഹൃദയാഘാതങ്ങളെ തുടര്‍ന്ന് ആന്തരീകാവയവങ്ങള്‍ തകരാറിലായതിനെ തുടര്‍ന്നാണു ഇക്കഴിഞ്ഞ ജനുവരി 28 ന് യുവതി മരിക്കുന്നത്. തുടര്‍ന്നു ബന്ധുക്കള്‍ ബ്രസിലീലെ സെന്‍ഹോറ സാന്റാന സെമിത്തേരിയില്‍ മതാചാരപ്രകാരം മൃതദേഹം സംസ്‌ക്കരിക്കുകയും ചെയ്തു. എന്നാല്‍ സംസ്‌ക്കരിച്ച് ദിവസങ്ങള്‍ക്ക് ശേഷം യുവതിയെ അടക്കം ചെയ്ത കല്ലറയില്‍ നിന്നു തുടച്ചയായി അലര്‍ച്ച കേള്‍ക്കുന്നതായി സമീപവാസികള്‍ ബന്ധുക്കളെ അറിയിക്കുകയായിരുന്നു. പക്ഷേ ആദ്യമൊക്കെ വെറും ഊഹാപോഹങ്ങളായി അവര്‍ അതിനെത്തള്ളി. എന്നാല്‍ ആളുകളുടെ പരാതിപറച്ചില്‍ സഹിക്കാന്‍ വയ്യാതെ യുവതിയെ അടക്കം ചെയ്ത് 11ാം ദിവസം ബന്ധുക്കള്‍ ചേര്‍ന്ന് കല്ലറ തുറന്നു.

അത്യധികം വിചിത്രവും ഭയമുളവാക്കുന്നതുമായ കാഴ്ചകളാണ് ബന്ധുക്കള്‍ കല്ലറയില്‍ കണ്ടത്. ശവപ്പെട്ടിയില്‍ മറിഞ്ഞു കിടക്കുന്ന രീതിയിലായിരുന്നു മൃതദേഹം കിടന്നിരുന്നത്. യുവതിയുടെ നെറ്റിയിലും കൈകളിലും നിറയെ മുറിവുകളുമുണ്ടായിരുന്നു. നഖങ്ങളും വിരലുകളും അടര്‍ന്നു മാറിക്കിടപ്പുണ്ടായിരുന്നു. അതോടെയാണ് ബന്ധുക്കള്‍ക്കളുടെ മനസ്സില്‍ ആ സംശയം മുളപൊട്ടിയത്. ഇനി തങ്ങള്‍ അവളെ അടക്കിയത് ജീവനോടെയായിരിക്കുമോ? ജീവന്റെ നേരിയ മിടുപ്പുകള്‍ സ്വയം തിരിച്ചറിഞ്ഞപ്പോള്‍ അവള്‍ രക്ഷപ്പെടാന്‍ നടത്തിയ ശ്രമങ്ങളുടെ ഭാഗമായിട്ടാണോ അത്തരത്തിലുള്ള മുറിവുകള്‍ അവളുടെ ശരീരത്തിലുണ്ടായത്.

കല്ലറ പൊളിച്ച് മൃതദേഹമെടുക്കുമ്പോള്‍ ചൂടുണ്ടായിരുന്നു എന്നാണ് ചിലര്‍ വാദിക്കുന്നത്. വാദങ്ങളും കഥകളും പ്രചരിക്കുമ്പോള്‍ കല്ലറയ്ക്കുള്ളില്‍ നിന്ന് കേട്ട നിലവിളി മകളുടേതാണെന്നു വിശ്വസിക്കുകയാണ് യുവതിയുടെ അമ്മ. ആരെങ്കിലും തന്നെ വന്നു രക്ഷപ്പെടുത്തുമെന്നു വിചാരിച്ചാവും കല്ലറയ്ക്കുള്ളിലിരുന്ന് അവള്‍ നിലവിളിച്ചത്. കല്ലറക്കുള്ളില്‍ നിന്നെടുത്ത മൃതദേഹം ആശുപത്രിയില്‍ കൊണ്ടുപോയെങ്കിലും ഡോക്ടര്‍മാര്‍ മരണം സ്ഥിരീകരിച്ചു.

സംഭവത്തെക്കുറിച്ച് വിശദമായ അന്വേഷണം നടത്തണമെന്നും അതുവരെ ഊഹാപോഹങ്ങള്‍ നിര്‍ത്തണമെന്നുമാണ് അന്വേഷണ ഉദ്യോഗസ്ഥര്‍ പറയുന്നത്.

പൊറുതി മുട്ടിയപ്പോള്‍ ഭര്‍ത്താവിന്റ തല കൂട്ടിലടച്ച് തുര്‍ക്കിഷ് സ്ത്രി: കാരണം ഇതാണ്‌
Posted by
19 February

പൊറുതി മുട്ടിയപ്പോള്‍ ഭര്‍ത്താവിന്റ തല കൂട്ടിലടച്ച് തുര്‍ക്കിഷ് സ്ത്രി: കാരണം ഇതാണ്‌

തുര്‍ക്കി: സിഗരറ്റ് വലി അവസാനിപ്പിക്കാന്‍ ഭര്‍ത്താവിന്റെ തല കൂട്ടിലടച്ച് ടര്‍ക്കിഷ് വനിത. ചെയിന്‍ സ്‌മോക്കറായ ഇബ്രാഹിം യുസെലിന്റെ ഭാര്യയാണ് പല അടവ് പയറ്റി പരാജയപ്പെട്ട ശേഷം ഭര്‍ത്താവിന്റെ തല കൂട്ടിനുള്ളില്‍ അടയ്ക്കാന്‍ തീരുമാനിച്ചത്. ഭക്ഷണം കഴിക്കുന്ന അവസരത്തിലും, ഉറങ്ങുന്ന നേരത്തും മാത്രമാണ് ഇബ്രഹിമിന്റെ തലക്കൂട് തുറക്കുക. ഇതിന്റെ താക്കോലുള്ളത് ഭാര്യയുടെയും, മക്കളുടെയും കയ്യില്‍ മാത്രം.

അടവ് ഏതായാലും ഫലം കണ്ടു എന്ന് തന്നെയാണ് ഇബ്രാഹിമിന്റെ മക്കള്‍ പറയുന്നത്. അച്ഛന്റെ സിഗരറ്റ് വലിയില്‍ കുറവ് വന്നിട്ടുണ്ട്, അതിനോടുള്ള താത്പര്യവും കുറഞ്ഞിട്ടുണ്ടെന്ന് രണ്ടു മക്കളും ശുഭപ്രതീക്ഷയോടെ പറയുന്നു.

ഇബ്രാഹമിന്റെ പിതാവും ഒരു ചെയിന്‍ സ്‌മോക്കറായിരുന്നു. ശ്വാസകോശത്തില്‍ ക്യാന്‍സര്‍ വന്നായിരുന്നു പിതാവിന്റെ മരണം. പിതാവിന്റെ ജീവനെടുക്കാന്‍ കാരണം സിഗരറ്റ് വലിയാണെന്ന് അറിഞ്ഞിട്ടും ഈ ദുശ്ശീലം വിടാന്‍ ഇബ്രാഹിം തയ്യാറായില്ല. തുടര്‍ന്നാണ് ഈ കടന്ന കൈ പ്രയോഗവുമായി ഭാര്യ എത്തിയത്. ആദ്യമൊക്കെ ഇബ്രാഹിമിന്റെ തലക്കൂട് കാണുന്നത് വലിയ ബുദ്ധിമുട്ടായിരുന്നെങ്കിലും ക്രമേണ ഈ ലുക്ക് ഞങ്ങള്‍ക്ക് ഇഷ്ടപ്പെട്ട് തുടങ്ങിയെന്നാണ് കൂട്ടുകാരും, ബന്ധുക്കളുമെല്ലാം അഭിപ്രായപ്പെടുന്നത്.

രണ്ടെണ്ണം അടിച്ചപ്പോള്‍ നഗ്നരായി പോത്തിന്റെ പുറത്ത് കയറി  മേയണം: വിദേശ ദമ്പതികള്‍ക്കെതിരെ പോലീസ് കേസെടുത്തു
Posted by
19 February

രണ്ടെണ്ണം അടിച്ചപ്പോള്‍ നഗ്നരായി പോത്തിന്റെ പുറത്ത് കയറി മേയണം: വിദേശ ദമ്പതികള്‍ക്കെതിരെ പോലീസ് കേസെടുത്തു

മനില: മദ്യലഹരിയില്‍ പൂര്‍ണനഗ്നരായി പോത്തിന്റെ പുറത്തിരുന്ന് സവാരി നടത്തിയ വിദേശ ദമ്പതികള്‍ക്കെതിരെ കേസെടുത്തു. ഫിലിപ്പീന്‍സിലാണ് സംഭവം. ലിയാമ് കോക്‌സ് എന്നയാള്‍ നടത്തുന്ന ടൂറിസ്റ്റ് കേന്ദ്രത്തിലെത്തിയ വിദേശികള്‍ മദ്യലഹരിയില്‍ പോത്തിന് പുറത്ത് നഗ്ന സവാരി നടത്തുകയായിരുന്നു.

ഫിലിപ്പീന്‍സിലെ ദേശീയ മൃഗമായ പോത്തിന്റെ പുറത്ത് നഗ്ന സവാരി നടത്തിയത് തങ്ങളുടെ സംസ്‌കാരത്തിനെ അപമാനിക്കുന്നതിന് തുല്യമാണെന്ന് ചൂണ്ടിക്കാട്ടിയാണ് ദമ്പതികള്‍ക്കെതിരെ കേസെടുത്തത്. ടൂറിസ്റ്റ് കേന്ദ്രത്തിന്റെ ഉടമയായ ലിയാം തന്നെയാണ് ഇവരുടെ ഫോട്ടോ സമൂഹമാധ്യമത്തിലൂടെ പുറത്ത് വിട്ടത്.

 

Elon Musk’s Tesla Roadster might crash into Earth
Posted by
17 February

ബഹിരാകാശത്തെത്തിച്ച ടെസ്ല കാര്‍ ഭൂമിയിലോ മറ്റുഗ്രഹങ്ങളിലോ തകര്‍ന്ന് വീഴാന്‍ സാധ്യത

വാഷിങ്ടണ്‍: ഫാല്‍ക്കണ്‍ റോക്കറ്റിനൊപ്പം ബഹിരാകാശത്തെത്തിച്ച ടെസ്ല റോഡ്സ്റ്റര്‍ കാര്‍ ഭൂമിയിലേക്കോ ശുക്രനിലേക്കോ പതിക്കാന്‍ നേരിയ സാധ്യതയുള്ളതായി അമേരിക്കന്‍ ശാസ്ത്രജ്ഞര്‍. അടുത്ത പത്തുലക്ഷം വര്‍ഷത്തിനിടെ എപ്പോഴെങ്കിലും കാര്‍ ഭൂമിയിലോ ശുക്രനിലോ പതിക്കാനിടയുണ്ടെന്നാണ് ഓര്‍ബിറ്റല്‍ ഡൈനാമിക്സ് വിദഗ്ധരായ ഹാനോ റെയിന്‍, ഡാനിയേല്‍ ടമായോ. ഡേവിഡ് വി. എന്നിവര്‍ ഉള്‍പ്പെട്ട ശാസ്ത്രസംഘത്തിന്റെ നിഗമനം.

എന്നാല്‍ കാര്‍ ഭൂമിയില്‍ പതിക്കാനുള്ള സാധ്യത ആറു ശതമാനവും ശുക്രനില്‍ പതിക്കാനുള്ള സാധ്യത 2.5 ശതമാനവുമാണെന്നാണ് ശാസ്ത്രസംഘത്തിന്റെ നിഗമനം. മാത്രവുമല്ല ഇരുഗ്രഹങ്ങളുടെയും ഉപരിതലത്തില്‍ എത്തുന്നതിനു മുന്നേ കാര്‍ കത്തിപ്പോകാനും സാധ്യതയുണ്ട്. റോയല്‍ അസ്ട്രോണമിക് സൊസൈറ്റിയുടെ പ്രതിമാസ നോട്ടീസില്‍ ഉള്‍പ്പെടുത്തുന്നതിന് മുന്നേ പ്രീ പ്രിന്റ് സൈറ്റ് ആയ മൃതശ് യിലാണ് ഇവരുടെ നിഗമനം പ്രസിദ്ധപ്പെടുത്തിയിരിക്കുന്നത്.

ലോകത്തെ ഏറ്റവും ശക്തിയേറിയ റോക്കറ്റ് ഫാല്‍ക്കണ്‍ ഹെവി ഫെബ്രുവരി ആറിനാണ് സ്പേസ് എക്സ് ബഹിരാകാശത്ത് എത്തിച്ചത്. സ്പേസ് എക്സ് സ്ഥാപകന്‍ എലന്‍ മസ്‌കിന്റെ ഇലക്ട്രിക് കാറായ ടെസ്ല റോഡ്സ്റ്ററിനെയും വഹിച്ചായിരുന്നു റോക്കറ്റ് കുതിച്ചുയര്‍ന്നത്.

എന്നാല്‍ ബഹിരാകാശത്ത് എത്തിയ കാര്‍ അതിന്റെ നിയന്ത്രണ രേഖയില്‍നിന്ന് വഴിമാറിപ്പോയതായി റിപ്പോര്‍ട്ടുകള്‍ പുറത്തെത്തിയിരുന്നു. വാഷിങ്ടണ്‍ പോസ്റ്റാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്

മൂന്നുമാസം നീണ്ട കൃത്യമായ ചികിത്സ; ലോകത്താദ്യമായി കുഞ്ഞിന് പാലൂട്ടുന്ന സ്വപ്നം സാക്ഷാല്‍ക്കരിച്ച് ട്രാന്‍സ്‌ജെന്‍ഡര്‍ യുവതി
Posted by
17 February

മൂന്നുമാസം നീണ്ട കൃത്യമായ ചികിത്സ; ലോകത്താദ്യമായി കുഞ്ഞിന് പാലൂട്ടുന്ന സ്വപ്നം സാക്ഷാല്‍ക്കരിച്ച് ട്രാന്‍സ്‌ജെന്‍ഡര്‍ യുവതി

വാഷിങ്ടണ്‍: ലോകത്താദ്യമായി കുഞ്ഞിന് പാലൂട്ടുകയെന്ന സ്വപ്നം സാക്ഷാല്‍ക്കരിച്ച് ട്രാന്‍സ്‌ജെന്‍ഡര്‍ യുവതി. അമേരിക്കയിലാണ് കഴിഞ്ഞ ആറാഴ്ചയായി മുപ്പതുകാരിയായ ട്രാന്‍സ്‌ജെന്‍ഡര്‍ യുവതി കുഞ്ഞിനെ പാലൂട്ടുന്നത്.

ഗര്‍ഭിണിയായ പങ്കാളി കുട്ടിക്കു മുലയൂട്ടാന്‍ താല്‍പ്പര്യപ്പെടാത്തതിനെ തുടര്‍ന്നാണ് ട്രാന്‍സ്‌ജെന്‍ഡര്‍ യുവതി ആശുപത്രി അധികൃതരെ സമീപിച്ചത്. ഇതോടെയാണ് ഡോക്ടര്‍മാര്‍ സുപ്രധാന വൈദ്യപരീക്ഷണത്തിന് തയ്യാറായത്. മൂന്നുമാസം നീണ്ട കൃത്യമായ ചികിത്സയ്‌ക്കൊടുവില്‍ പരീക്ഷണം വിജയം കാണുകയായിരുന്നു.

മുലപ്പാലില്ലാത്ത സ്ത്രീകളില്‍ ചെയ്യാറുള്ള ഹോര്‍മോണ്‍ ചികിത്സ ഉള്‍പ്പെടെയുള്ളവയാണ് ഇവരില്‍ നടത്തിയത്. ഇത് സംബന്ധിച്ചുള്ള ശാസ്ത്രീയപഠനം കഴിഞ്ഞദിവസം അമേരിക്കന്‍ ശാസ്ത്രജ്ഞര്‍ പുറത്തുവിട്ടിരുന്നു.

വൈദ്യശാസ്ത്രത്തിലെ അപൂര്‍വവും ആദ്യത്തേതുമായ നേട്ടമാണിതെന്ന് ന്യൂയോര്‍ക്കിലെ മൌണ്ട് സിനായി ആശുപത്രി അധികൃതര്‍ പറയുന്നു. ഈ നേട്ടം ട്രാന്‍സ്‌ജെന്‍ഡേഴ്‌സിന് പൂര്‍ണതോതില്‍ പ്രത്യുല്‍പ്പാദനശേഷി കൈവരിക്കുക എന്ന ലക്ഷ്യത്തിലേക്ക് അടുപ്പിക്കുമെന്നാണ് ശാസ്ത്ര ലോകത്തിന്റെ പ്രതീക്ഷ.

ഒരു കൈ സ്റ്റിയറിങില്‍, മറുകൈ ബൈക്ക് ഓടിക്കുന്ന കൂട്ടുകാരന്റെ കൈയ്യില്‍; സാഹസിക ഡ്രൈവിങ് നടത്തിയ കാറും ബൈക്കും മൂക്കുംകുത്തി കാനയിലേക്ക്; പരിക്കുമായി യുവാക്കളും, ഭാഗ്യം കൊണ്ട് രക്ഷപ്പെട്ട് തൊഴിലുറപ്പുകാരും
Posted by
16 February

ഒരു കൈ സ്റ്റിയറിങില്‍, മറുകൈ ബൈക്ക് ഓടിക്കുന്ന കൂട്ടുകാരന്റെ കൈയ്യില്‍; സാഹസിക ഡ്രൈവിങ് നടത്തിയ കാറും ബൈക്കും മൂക്കുംകുത്തി കാനയിലേക്ക്; പരിക്കുമായി യുവാക്കളും, ഭാഗ്യം കൊണ്ട് രക്ഷപ്പെട്ട് തൊഴിലുറപ്പുകാരും

നെടുമ്പാശേരി: ഒരു കൈ കൊണ്ട് കാറിന്റെ സ്റ്റിയറിങ്ങ് നിയന്ത്രിച്ച് മറുകൈ ഒറ്റക്കൈകൊണ്ടു ബൈക്കോടിക്കുന്ന കൂട്ടുകാരന്റെ കയ്യോട് ചേര്‍ത്തും യുവാക്കളുടെ സാഹസിക ഡ്രൈവിങ്. ഒടുവില്‍ പരസ്പരം കൈകോര്‍ത്ത് ‘അഡ്വഞ്ചര്‍ ഡ്രൈവിങ്’ നടത്തിയ ബൈക്കും കാറും കാനയിലേക്ക് മറിഞ്ഞു ഓടിച്ചിരുന്ന യുവാക്കല്‍ക്ക് സാരമല്ലാത്ത പരിക്കും പറ്റി. വാഹനങ്ങള്‍ക്കു സാരമായ തകരാര്‍ സംഭവിച്ചെങ്കിലും വലിയ പരിക്കേല്‍ക്കാതെ ഡ്രൈവര്‍മാരും കാറിലുണ്ടായിരുന്ന മറ്റു രണ്ടുപേരും അത്ഭുതകരമായി രക്ഷപ്പെട്ടു.

ഇന്നലെ എളവൂര്‍ ഭാഗത്തുനിന്നു വന്ന ചമ്പന്നൂര്‍ സ്വദേശികളായ യുവാക്കളാണു പൊതു നിരത്തില്‍ മറ്റുള്ളവരെക്കൂടി അപകടത്തില്‍പ്പെടുത്തും വിധം വാഹനമോടിച്ചത്. മള്ളുശേരി പാലം മുതല്‍ ഇവര്‍ കൈകള്‍ പരസ്പരം കോര്‍ത്താണു വാഹനമോടിച്ചതെന്നു നാട്ടുകാര്‍ പറഞ്ഞു. മധുരപ്പുറം സെന്റ് ജോര്‍ജ് കപ്പേളയ്ക്കു മുന്നിലെ വളവു കഴിയുമ്പോഴുള്ള വലിയ കാനയില്‍ കാര്‍ നിയന്ത്രണം വിട്ടു ചാടി. അതോടെ ബാലന്‍സ് നഷ്ടപ്പെട്ട് ബൈക്കും കാറിനടിയിലേക്കു വീണു.

ഇവിടെ കാനശുചീകരണം നടത്തുകയായിരുന്ന തൊഴിലുറപ്പു തൊഴിലാളികള്‍ അപകടത്തിന് അല്‍പസമയം മുന്‍പ് അവിടെനിന്നു മാറിയതിനാല്‍ വലിയ ദുരന്തവുമൊഴിവായി. അപകടത്തെത്തുടര്‍ന്ന് ഓടിയെത്തിയ നാട്ടുകാര്‍ അപകടത്തില്‍പ്പെട്ടവരെ തടഞ്ഞുവച്ച് പോലീസിനു കൈമാറി. രണ്ടു ഡ്രൈവര്‍മാര്‍ക്കുമെതിരെ അപകടകരമായ രീതിയില്‍ വാഹനമോടിച്ചതിനു കേസെടുത്തതായി ചെങ്ങമനാട് എസ്‌ഐ എകെ സുധീര്‍ അറിയിച്ചു.

കടുത്ത തലവേദനയെ തുടര്‍ന്ന് ഉറങ്ങാന്‍ കിടന്ന യുവതി ഉറങ്ങി എഴുന്നേറ്റപ്പോള്‍ മറ്റൊരാളായി; ഒറ്റരാത്രി കൊണ്ട് മിഷേലിന് സംഭവിച്ചത്
Posted by
16 February

കടുത്ത തലവേദനയെ തുടര്‍ന്ന് ഉറങ്ങാന്‍ കിടന്ന യുവതി ഉറങ്ങി എഴുന്നേറ്റപ്പോള്‍ മറ്റൊരാളായി; ഒറ്റരാത്രി കൊണ്ട് മിഷേലിന് സംഭവിച്ചത്

വാഷിങ്ടണ്‍: കടുത്ത തലവേദനയെ തുടര്‍ന്ന് ഉറങ്ങാന്‍ കിടന്ന യുവതി ഉറങ്ങി എഴുന്നേറ്റപ്പോള്‍ മറ്റൊരാളായി. ഒറ്റരാത്രി കൊണ്ട് യുവതിക്ക് സംഭവിച്ച മാറ്റത്തില്‍ ഞെട്ടലോടെ കുടുംബം. 45 കാരിയായ മിഷേല്‍ മയര്‍ എന്ന അമേരിക്കന്‍ യുവതിയാണ് ഒന്ന് ഉറങ്ങി എഴുന്നേറ്റപ്പോള്‍ മറ്റൊരാളായി സംസാരിക്കാന്‍ തുടങ്ങിയത്.

അമേരിക്കയല്ലാതെ മറ്റൊരു രാജ്യത്തും പോയിട്ടില്ലത്ത മിഷേല്‍ തലവേദനയ്ക്കു ശേഷം ഉറക്കം തെളിഞ്ഞപ്പോള്‍ പിന്നീട് രണ്ടാഴ്ച്ചയോളം സംസാരിച്ചത് ഐറിഷ് ഭാഷയിലായിരുന്നു. ശേഷം രണ്ടു വര്‍ഷത്തോളം ബ്രിട്ടീഷ് ഉച്ചാരണരീതിയിലും സംസാരിച്ചു.

മിഷേലിന്റെ ഈ പ്രത്യേക രോഗാവസ്ഥ ഫോറിന്‍ അക്‌സന്റ് സിന്‍ഡ്രോം ആണെന്നാണ് ഡോക്ടര്‍മാരുടെ വിശദീകരണം. സ്‌ട്രോക്കുപോലെ തലച്ചോറില്‍ ഏല്‍ക്കുന്ന കനത്ത ആഘാതങ്ങളാണ് ഇത്തരം രോഗാവസ്ഥകളിലേയ്ക്കു നയിക്കുന്നത്. ഉച്ചരണം പൂര്‍ണ്ണമായും മാറി പോകുന്ന അവസ്ഥയാണിത്. നിരന്തരമായ മൈഗ്രെയിന്‍ കാരണമാണ് മിഷേലിന് ഈ രോഗം വന്നത് എന്നു ഡോക്ടര്‍മാര്‍ പറയുന്നു.

കടല്‍ യുദ്ധത്തിന്റെ ഇരകള്‍; വ്യത്യസ്ത ഇനത്തില്‍പ്പെട്ട ഡോള്‍ഫിനുകള്‍ തമ്മില്‍ കടലില്‍ ഘോരയുദ്ധം; ജഡം കൂട്ടത്തോടെ കരയിലേക്ക്
Posted by
15 February

കടല്‍ യുദ്ധത്തിന്റെ ഇരകള്‍; വ്യത്യസ്ത ഇനത്തില്‍പ്പെട്ട ഡോള്‍ഫിനുകള്‍ തമ്മില്‍ കടലില്‍ ഘോരയുദ്ധം; ജഡം കൂട്ടത്തോടെ കരയിലേക്ക്

മെക്‌സിക്കോ സിറ്റി: വ്യത്യസ്ത ഇനത്തില്‍പ്പെട്ട ഡോള്‍ഫിനുകള്‍ തമ്മില്‍ കടലില്‍ ഏറ്റുമുട്ടല്‍. ഇതേതുടര്‍ന്ന് 21ഓളം ഡോള്‍ഫിനുകളുടെ ജഡം മെക്‌സിക്കന്‍ കടല്‍ തീരത്ത് അടിഞ്ഞു. ബോട്ടില്‍ നോസ് എന്നറിയപ്പെടുന്ന ഡോള്‍ഫിനുകളുടെ ആക്രമണത്തിനിരയായ 21 സാധാരണ ഇനം ഡോള്‍ഫിനുകളുടെ ജഡമാണ് മെക്സിക്കോ തീരത്തടിഞ്ഞത്.

54 ഡോള്‍ഫിനുകളാണ് കരയ്ക്കടിഞ്ഞത്. ബാക്കി 33 ഡോള്‍ഫിനുകളെ പരിസ്ഥിതി പ്രവര്‍ത്തകര്‍ ജീവനോടെ കടലിലേക്ക് തിരിച്ചയച്ചു. ആക്രമണകാരികളായ ബോട്ടില്‍നോസ് ഡോള്‍ഫിനുകള്‍ കടിച്ച പാടുകള്‍ കരയിലെത്തിയ ഡോള്‍ഫിനുകളുടെ ദേഹത്തുണ്ട്. മെക്സിക്കന്‍ പരിസ്ഥിതി സംരക്ഷണ അതോറിറ്റിയാണ് ഇത് സംബന്ധിച്ച വിവരം പുറത്തുവിട്ടത്.

ദേഹത്ത് ചോരയൊലിച്ചാണ് ഓരോ ഡോള്‍ഫിനുകളും കരയ്ക്കടിഞ്ഞതെന്നും മിക്കവയും ജഡമായാണ് കരയ്ക്കെത്തിയതെന്നും പരിസ്ഥിതി പ്രവര്‍ത്തകര്‍ പറയുന്നു. ബാക്കിയുള്ളവയെയാണ് കടലിലേക്ക് തിരിച്ചയത്. ആക്രമണം നടത്തിയ കുപ്പിമൂക്കന്‍ ഡോള്‍ഫിനുകള്‍ മറ്റ് ഡോള്‍ഫിനുകളില്‍ നിന്നും വ്യത്യസ്ഥരാണ്. ആക്രമണ സ്വഭാവം കാണിക്കുന്ന ഇവ ആഹാരത്തിനല്ലാതെ സഹജീവികളുടെ ജീവനെടുക്കാറുണ്ട്.

പ്രണയദിനത്തില്‍ പ്രിയതമയ്‌ക്കൊരു ഞെട്ടിക്കുന്ന സമ്മാനം; ആയിരം റോസാപൂക്കളും ചുവന്ന ഫെറാറി സൂപ്പര്‍ കാറും, വീഡിയോ കാണാം
Posted by
15 February

പ്രണയദിനത്തില്‍ പ്രിയതമയ്‌ക്കൊരു ഞെട്ടിക്കുന്ന സമ്മാനം; ആയിരം റോസാപൂക്കളും ചുവന്ന ഫെറാറി സൂപ്പര്‍ കാറും, വീഡിയോ കാണാം

ദുബായ്: പ്രണയദിനത്തില്‍ പ്രിയപ്പെട്ടവര്‍ക്ക് സമ്മാനം കൈമാറുന്നത് പുതിയ കാര്യമല്ല. എന്നാല്‍, ആ അപ്രതീക്ഷിത സമ്മാനം ഞെട്ടിക്കുന്നതായാലോ,
അത്തരത്തില്‍ ദുബായിലുള്ള അലക്‌സ് ഹിര്‍സാഷി എന്ന യുവതിയെ തേടിയെത്തിയ അപ്രതീക്ഷിത സമ്മാനം ശരിക്കും ഞെട്ടിക്കുന്നതാണ്. ചുവന്ന നിറത്തിലുള്ള ഒരു ഫെറാറി സൂപ്പര്‍ കാറും ആയിരം റോസാപ്പൂക്കളുമായിരുന്നു ഭര്‍ത്താവ് സമ്മാനമായി നല്‍കിയത്.

യുവതിയെ ഫോണില്‍ വിളിച്ച് പുറത്തേക്കിറക്കി ഒരു റോസാപ്പൂ നല്‍കി ആശംസിക്കുകയും ചെയ്തു. സൂപ്പര്‍ കാറായ ഫെറാറി നിറയെ ആയിരം ചുവന്ന റോസാപൂക്കള്‍ നിറയ്ക്കുകയും മറ്റൊരു വാഹനത്തില്‍ കയറ്റി യുവതി താമസിക്കുന്ന ഹോട്ടലിനു മുന്നില്‍ എത്തിക്കുകയും ചെയ്താണ് അപ്രതീക്ഷിത പ്രണയദിന സമ്മാനം നല്‍കിയത്. യുവതി സമ്മാനം കണ്ട് ഞെട്ടുന്നതും വീഡിയോയില്‍ കാണാം. ഈ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുകയാണ്.

റേഡിയോ അവതാരികയും കാറുകളുടെ റിവ്യൂ നടത്തുകയും ചെയ്യുന്ന ഓസ്‌ട്രേലിയന്‍ പൗരയാണ് അലക്‌സ്. ദുബായിലാണ് ഇവര്‍ സ്ഥിര താമസം.

ജനിച്ച ദിവസം മുതല്‍ അമ്മിഞ്ഞപ്പാല്‍ നുകരാനാവാതെ മൂന്ന് മാസം പ്രായമായ കുഞ്ഞ്; കുരുന്നിനെയും കൊണ്ട് ആംബുലന്‍സ് ഡ്രൈവര്‍ രതീഷ് പാഞ്ഞത് ജീവന്‍ രക്ഷിക്കാനുള്ള വഴി തേടി
Posted by
14 February

ജനിച്ച ദിവസം മുതല്‍ അമ്മിഞ്ഞപ്പാല്‍ നുകരാനാവാതെ മൂന്ന് മാസം പ്രായമായ കുഞ്ഞ്; കുരുന്നിനെയും കൊണ്ട് ആംബുലന്‍സ് ഡ്രൈവര്‍ രതീഷ് പാഞ്ഞത് ജീവന്‍ രക്ഷിക്കാനുള്ള വഴി തേടി

കാസര്‍കോട്: മൂന്ന് മാസം പ്രായമായിട്ടും അമ്മിഞ്ഞപ്പാല്‍ നുകരാനാവാതെ ഒരു കുഞ്ഞ്. അന്നനാളത്തിന്റെ ദ്വാരത്തിന് ആവശ്യമായ വികാസമില്ലാതെ, അമ്മ നല്‍കുന്ന മുലപ്പാല്‍ ശ്വാസനാളത്തില്‍ കയറുന്ന ഗുരുതര രോഗം ബാധിച്ചാണ് മടിക്കൈയിലെ ചാളക്കടവ് ധന്യ സുഭീഷ് ദമ്പതികളുടെ മൂന്ന് മാസം പ്രായമായ മകള്‍ ചികിത്സ തേടിയത്.

ഒരു മാസത്തോളം ലക്ഷങ്ങള്‍ ചിലവിട്ട് മംഗളൂരു ആശുപത്രിയില്‍ ചികിത്സ നടത്തിയെങ്കിലും ഫലം ഉണ്ടായിരുന്നില്ല. ഒടുവില്‍ അമൃത ആശുപത്രിയുമായി ബന്ധപ്പെടുകയും തുടര്‍ന്ന് അവിടേക്ക് കൊണ്ടു പോകാന്‍ തീരുമാനിക്കുകയുമായിരുന്നു. മടിക്കൈയിലെ പാലിയേറ്റീവ് രോഗികള്‍ക്ക് ആശ്വാസമായി പ്രവാസികള്‍ സമ്മാനിച്ച ആംബുലന്‍സിന്റെ ഡ്രൈവറായ രതീഷുമായി ബന്ധപ്പെട്ട ബന്ധുക്കള്‍ കുട്ടിയെ എത്രയും പെട്ടെന്ന് എറണാകുളത്ത് എത്തിച്ച് തരാന്‍ അഭ്യര്‍ത്ഥിച്ചു.

തുടര്‍ന്ന് അധികം പ്രചരണം നടത്തി ജനങ്ങളെ പരിഭ്രാന്തരാക്കാതിരിക്കാന്‍ ഓള്‍ കേരള ആംബുലന്‍സ് ഓണേഴ്‌സ് ആന്‍ഡ് ഡ്രൈവേഴ്‌സ് അസോസിയേഷന്‍ ജില്ലാ സെക്രട്ടറി നാരായണന്റെ ഇടപെടലോടെ സംഘടനാ തലത്തില്‍ മാത്രം വിവരം കൈമാറിയായിരുന്നു യാത്രയുടെ ഏകോപനം.

ഇന്നലെ വൈകിട്ടോടെയാണ് മടിക്കൈ പാലിയേറ്റീവ് കെയര്‍ ആംബുലന്‍സിന്റെ മംഗളൂരു മുതല്‍ എറണാകുളം വരെയുള്ള അതിവേഗ ഓട്ടത്തിന് നാടും നഗരവും സാക്ഷ്യം വഹിച്ചത്. ഉച്ചയ്ക്ക് 2.15 ന് തിരക്കേറിയ പാതയിലൂടെ ആരംഭിച്ച ഓട്ടം ആറ് മണിക്കൂറും 40 മിനിട്ടും കൊണ്ട് പൂര്‍ത്തിയാക്കി. ഇതിനിടയില്‍ രണ്ട് തവണ കുട്ടിയ്ക്ക് മൂക്കിലൂടെ പാല്‍ നല്‍കാന്‍ വണ്ടി നിര്‍ത്തിയിരുന്നു. ഓരോ ജില്ലയിലെയും അംഗങ്ങളുടെയും ഗ്രൂപ്പുകളില്‍ മാത്രം വിവരം കൈമാറി അവിടങ്ങളിലെ ഗതാഗത കുരുക്ക് ഒഴിവാക്കിയും വഴി തെറ്റാതിരിക്കാന്‍ എസ്‌കോര്‍ട്ട് പോയുമാണ് യാത്ര ലക്ഷ്യം കണ്ടത്.

error: This Content is already Published.!!