ഇന്ത്യ സ്വന്തമാക്കുന്ന മിഗ് 35 യുദ്ധവിമാനത്തെ കുറിച്ചുള്ള വിവരങ്ങള്‍ ഇങ്ങനെ ആണ്
Posted by
24 July

ഇന്ത്യ സ്വന്തമാക്കുന്ന മിഗ് 35 യുദ്ധവിമാനത്തെ കുറിച്ചുള്ള വിവരങ്ങള്‍ ഇങ്ങനെ ആണ്

ന്യൂഡല്‍ഹി: ഇന്ത്യ ഏറ്റവും പുതിയ യുദ്ധവിമാനമായ ‘മിഗ്’വാങ്ങാന്‍ തയ്യാറെടുക്കുന്നു.

റഷ്യ വികസിപ്പിച്ച ഏറ്റവും പുതിയ (നാലാം തലമുറ) യുദ്ധവിമാനമാണ് മിഗ്-35. മിഗ്-35 വിമാനങ്ങള്‍ കഴിഞ്ഞ ജനുവരിയിലാണ് അവതരിപ്പിച്ചത്. മിഗ് 35ന്റെ ഒരു യൂണിറ്റിന് ഏതാണ്ട് 2600 കോടി രൂപ ചെലവ് വരുമെന്നാണു കണക്കു കൂട്ടല്‍.

മിഗ്-35 വിമാനങ്ങള്‍ ഇന്ത്യന്‍ വ്യോമസേനയ്ക്കു വില്‍ക്കാന്‍ മിഗ് കോര്‍പ്പറേഷന്‍ താല്‍പര്യം പ്രകടിപ്പിക്കുകയും ചെയ്തു. മിഗ് കോര്‍പറേഷന്റെ സിഇഒ ഇല്യ തരാസെന്‍കോ ആണ് ഇക്കാര്യം വ്യക്തമാക്കിയത്.

മിഗ്-35 വില്‍ക്കുന്നതു സംബന്ധിച്ച് ഇന്ത്യയുടെ വ്യോമസേനയുമായി പ്രാഥമിക ചര്‍ച്ചകള്‍ ആരംഭിച്ചതായും ടെന്‍ഡര്‍ സമര്‍പ്പിച്ചതായും സിഇഒ വ്യക്തമാക്കി. നിര്‍മാണം ആരംഭിക്കുന്നതിന് മുമ്പ് ആവശ്യങ്ങളെക്കുറിച്ചുള്ള ധാരണ കിട്ടേണ്ടതുണ്ടെന്നും ആ തരത്തിലുള്ള ചര്‍ച്ചകളാണ് നടക്കുന്നതെന്നും സിഇഒ പറഞ്ഞു.

എപ്പോഴും പുതിയ വിമാനം അവതരിപ്പിക്കുമ്പോള്‍ മിഗ് ആദ്യം പരിഗണിക്കുന്ന രാജ്യം ഇന്ത്യയാണ്. ഇപ്പോള്‍ വിലയെക്കുറിച്ചു ചര്‍ച്ച ചെയ്യുന്നില്ല. മിഗ്-35ന്റെ സാങ്കേതിക വിശദാംശങ്ങളെക്കുറിച്ചാണ് ആശയവിനിമയം നടക്കുന്നതെന്നും മിഗ് കോര്‍പറേഷന്‍ സിഇഒ പറഞ്ഞു. എന്നാല്‍ ഇതു സംബന്ധിച്ചു ഇന്ത്യന്‍ പ്രതിരോധ മന്ത്രാലയമോ വ്യോമസേനയോ ഔഗ്യോഗികമായി ഒരു വിവരവും ഇതുവരെ പുറത്തു വിട്ടിട്ടില്ല

ചന്ദ്രനിലേക്ക് ആദ്യമായി സ്വകാര്യ വാഹനം അയക്കാനൊരുങ്ങി ഇന്ത്യന്‍ കമ്പനി
Posted by
22 July

ചന്ദ്രനിലേക്ക് ആദ്യമായി സ്വകാര്യ വാഹനം അയക്കാനൊരുങ്ങി ഇന്ത്യന്‍ കമ്പനി

ബംഗളൂരു: ചന്ദ്രനിലേക്ക് ആദ്യമായി പേടകം അയയ്ക്കുന്ന സ്വകാര്യ കമ്പനിയാകാനൊരുങ്ങുകയാണ് ബംഗളൂരു ആസ്ഥാനമായ ഇന്‍ഡസ് കമ്പനി. നിലവില്‍ കമ്പനി നിര്‍മ്മിച്ച പേടകത്തിന്റെ സാമ്പിള്‍ ഐഎസ്ആര്‍ഒയുടെ പരിശോധനയ്ക്കായി അയച്ചിരിക്കുകയാണ്. പരിശോധന പൂര്‍ത്തിയായ ശേഷം യഥാര്‍ത്ഥ ബഹിരാകാശ പേടകത്തിന്റെ നിര്‍മാണം ആരംഭിക്കാനാണ് കമ്പനി ലക്ഷ്യമിടുന്നതെന്ന് അധികൃതര്‍ അറിയിച്ചു.

ഡല്‍ഹി ഐഐടി വിദ്യാര്‍ത്ഥിയായിരുന്ന രാഹുല്‍ നാരായണന്റെ നേതൃത്വത്തിലുള്ള കമ്പനിയില്‍ ഐഎസ്ആര്‍ഒ യില്‍ നിന്ന് വിരമിച്ച ഒരു കൂട്ടം ശാസ്ത്രജ്ഞന്മാരുടെ നേതൃത്വത്തിലാണ് പേടകത്തിന്റെ നിര്‍മ്മാണം.

പറന്നുയര്‍ന്നതിന്ന് 15 മിനിറ്റുകള്‍ക്കുള്ളില്‍ വിക്ഷേപണ വാഹനത്തില്‍ നിന്നും വേര്‍പെടുന്ന പേടകം ഭൂമിയെ ചുറ്റുകയും അതിനു ശേഷം സ്വയം പ്രവര്‍ത്തിച്ച് ചന്ദ്രനിലെത്തുകയും ചെയ്യും. അഞ്ച് ദിവസം കൊണ്ട് 3.8 ലക്ഷം കിലോമീറ്റര്‍ സഞ്ചരിച്ചാവും പേടകം ചന്ദ്രനിലെത്തുക. പേടകം ദൗത്യം പൂര്‍ത്തിയാക്കുകയാണെങ്കില്‍ ചന്ദ്രനിലേക്ക് പേടകമയക്കുന്ന ആദ്യ സ്വകാര്യ കമ്പനി ഇന്ത്യയില്‍ നിന്നാവും.

കാണാതായ വിമാനം അന്വേഷിച്ചപ്പോള്‍ കണ്ടെത്താനായത് ആഴക്കടലിലെ അമ്പരപ്പിക്കുന്ന ലോകം
Posted by
21 July

കാണാതായ വിമാനം അന്വേഷിച്ചപ്പോള്‍ കണ്ടെത്താനായത് ആഴക്കടലിലെ അമ്പരപ്പിക്കുന്ന ലോകം

സിഡ്‌നി: കാണാതായ മലേഷ്യന്‍ വിമാനം അന്വേഷിച്ച് ആഴക്കടലിലേക്കിറങ്ങിയ സംഘത്തെ വിസ്മയിപ്പിച്ച് സമുദ്രത്തിന്റെ അടിത്തട്ടില്‍ ആരും കാണാതെ മറഞ്ഞുകിടന്ന ലോകം.ഭൂമിക്കു മുകളിലേതുപോലെ അഗ്‌നിപര്‍വതങ്ങളും അഗാധ താഴ്‌വരങ്ങളും പര്‍വത ശിഖരങ്ങളും നിറഞ്ഞ അമ്പരപ്പിക്കുന്ന മായലോകമായിരുന്നു അത്.

ഇന്ത്യന്‍ മഹാസമുദ്രത്തിന്റെ ദക്ഷിണഭാഗത്തു നടന്ന ലോകത്തിലെ ഏറ്റവും ചെലവേറിയ തിരച്ചിലിനൊടുവില്‍ ലഭിച്ച വിവരങ്ങള്‍ വെച്ചാണ് സമുദ്രത്തിന്റെ അടിത്തട്ടിലെ മാപ്പ് ആസ്‌ട്രേലിയ തയാറാക്കിയത്. ഭൂമിയിലെ ഏറ്റവും ആഴംകൂടിയ സമുദ്രഭാഗങ്ങളില്‍ ഒന്നുകൂടിയാണ് ഇന്ത്യന്‍ മഹാസമുദ്രത്തിലെ ഈ ഭാഗം. വരുംകാലത്തെ ശാസ്ത്രീയ ഗവേഷണങ്ങള്‍ക്ക് ഈ മാപ്പുകള്‍ ഏറെ ഉപകാരപ്പെടുമെന്ന് ആസ്‌ട്രേലിയയുടെ പരിസ്ഥിതി ജിയോസയന്‍സ് മേധാവി സ്റ്റുവാര്‍ട്ട് മിന്‍ചിന്‍ ചൂണ്ടിക്കാട്ടുന്നു.

മലേഷ്യന്‍ യാത്രവിമാനമായ ബോയിങ് 777 കാണാതായിട്ട് മൂന്നു വര്‍ഷം പിന്നിട്ടുകഴിഞ്ഞു. അതില്‍ യാത്രചെയ്തിരുന്ന 239 പേരെ കുറിച്ചും വിവരങ്ങളില്ലാതെ ദുരൂഹമായി തുടരുന്നു.

India’s largest rocket to carry hopes and take off successfully
Posted by
05 June

ഇതു ചരിത്ര നേട്ടം; ഇന്ത്യ തദ്ദേശീയമായി വികസിപ്പിച്ചെടുത്ത ജിഎസ്എല്‍വി മാര്‍ക്ക് 3 വിക്ഷേപണം വിജയം

ശ്രീഹരിക്കോട്ട: ഇന്ത്യക്ക് മറ്റൊരു ചരിത്ര നേട്ടം. ഇന്ത്യ തദ്ദേശീയമായി വികസിപ്പിച്ച ജിഎസ്എല്‍വി മാര്‍ക്ക് 3 യുടെ ആദ്യ വിക്ഷേപണം വിജയകരം. സതീഷ്ധവാന്‍ സ്പേസ് സെന്ററില്‍ വെച്ചാണ് വിക്ഷേപണം നടന്നത്. ഇന്ത്യന്‍ സമയം 5.28നായിരുന്നു വിക്ഷേപണം. ‘ഫാറ്റ് ബോയ്’ എന്നു വിളിപ്പേരുള്ള റോക്കറ്റിന്റെ വിക്ഷേപണം മനുഷ്യനെ ബഹിരാകാശത്തേക്കു കൊണ്ടുപോകുക എന്ന ഐഎസ്ആര്‍ഒയുടെ സ്വപ്നപദ്ധതിയിലെ നിര്‍ണായക ചുവടുകൂടിയാണ്. സിഇ 20 എന്ന ക്രയോജനിക് എന്‍ജിനുള്‍പ്പെടെ ഈ വിക്ഷേപണത്തോടെ ഇന്ത്യ സ്വന്തമാക്കിയ നേട്ടങ്ങളും പലതാണ്.

3,136 കിലോ ഭാരമുള്ള ജി സാറ്റ് 19 വാര്‍ത്താവിനിമയ ഉപഗ്രഹമാണ് വിക്ഷേപിച്ചത്. 16.2 മിനിട്ടില്‍ വിക്ഷേപണം പൂര്‍ത്തിയാകും. തിരുവനന്തപുരം വിഎസ്സിയില്‍ 25 വര്‍ഷത്തെ ശ്രമഫലമായി നിര്‍മിച്ച റോക്കറ്റിന്റെ ഭാരം 640 ടണ്‍ആണ്. 4 ടണ്‍ വരെയുള്ള ഉപഗ്രഹങ്ങള്‍ വിദൂര ഭ്രമണപഥത്തിലെത്തിക്കുന്ന മാര്‍ക്ക്3 റോക്കറ്റിന് 10 ടണ്‍ ഭാരം സമീപ ഭ്രമണ പഥത്തിലെത്തിക്കാനും സാധിക്കും. തദ്ദേശീമായി നിര്‍മിച്ച ക്രയോജനിക് എന്‍ജിനാണ് റോക്കറ്റിന് കരുത്തുപകര്‍ന്നത്.

വാര്‍ത്താവിനിമയ ഉപഗ്രഹമായ ജിസാറ്റ് 19 ഉപഗ്രഹവുമായാണ് റോക്കറ്റിന്റെ കന്നികുതിപ്പ്. വാര്‍ത്തവിനിമയം, ടെലിവിഷന്‍ സംപ്രേഷണം, അതിവേഗ ഇന്റര്‍നെറ്റ് എന്നിവക്കുള്ള അത്യാധുനിക ട്രാന്‍സ്പോണ്ടറുകള്‍ വഹിക്കുന്ന ഉപഗ്രഹം ഇന്ത്യന്‍ മണ്ണില്‍ നിന്ന് വിക്ഷേപിക്കുന്ന ഏറ്റവും ഭാരമേറിയ ഉപഗ്രഹമാണ്. റഷ്യ, ചൈന, അമേരിക്ക, യുറോപ്പ്, ജപ്പാന്‍ എന്നീ രാജ്യങ്ങള്‍ക്കാണ് 4 ടണ്‍ ഭാരമുള്ള ഉപഗ്രഹം വിക്ഷേപിക്കാന്‍ ശേഷിയുള്ളത്. ഈ നിരയിലേക്കുള്ള ഇന്ത്യന്‍ രംഗപ്രവേശമായാണ് മാര്‍ക്ക് 3 വിക്ഷേപണത്തെ കാണുന്നത്.

റഷ്യ, അമേരിക്ക, ചൈന എന്നീ മൂന്ന് രാജ്യങ്ങള്‍ മാത്രമാണ് ഇതുവരെ ആളുകളെ ബഹിരാകാശത്തേക്ക് അയച്ചിട്ടുള്ളത്. ഈ നിരയിലെ നാലാമത്തെ രാജ്യമായി മാറാനാണ് ഇന്ത്യ ലക്ഷ്യമിടുന്നത്. ഇന്ത്യന്‍ റോക്കറ്റ് ഉപയോഗിച്ച് സ്പേസിലേക്ക് ആദ്യം അയക്കുക ഒരു വനിതാ ബഹിരാകാശ യാത്രികയെ ആയിരിക്കുമെന്ന് ഐഎസ്ആര്‍ഒ ഇതിനോടകം തന്നെ വ്യക്തമാക്കിയിട്ടുണ്ട്.

ജിഎസ്എല്‍വി മാര്‍ക്ക് 3 വിക്ഷേപണം ഒറ്റനോട്ടത്തില്‍:

200 ഏഷ്യന്‍ ആനകളുടെ ഭാരം – (630 ടണ്‍)

14 നില കെട്ടിടത്തിന്റെ പൊക്കം – (43 മീറ്റര്‍)

വ്യാസം – 13 അടി

നാലു ടണ്‍ ഭാരമുള്ള ഉപഗ്രഹങ്ങള്‍ ഭ്രമണപഥത്തിലെത്തിക്കും

യാഥാര്‍ഥ്യമാകുന്നത് 25 വര്‍ഷത്തെ ഗവേഷണം

സിഇ 20: തദ്ദേശീയ സാങ്കേതികവിദ്യ.

Wanna kiwi program will help to recover from wanna cry
Posted by
20 May

വാനാക്രൈ റാന്‍സംവെയറിനെ തുരത്താന്‍ വാനാകിവി; നഷ്ടപ്പെട്ട ഡാറ്റകള്‍ വീണ്ടെടുക്കാം

ഫ്രങ്ക്ഫ്രര്‍ട്ട്: ആഗോള ഡിജിറ്റല്‍ ലോകത്തെയാകെ ആശങ്കയിലാഴ്ത്തിയ വാനാക്രൈ റാന്‍സംവെയറിനെ തുരത്താന്‍ പ്രോഗ്രാം വികസിപ്പിച്ചു. ആക്രമണത്തിനിരയായ കമ്പ്യൂട്ടറുകളില്‍ നിന്നുള്ള വിവരങ്ങള്‍ വീണ്ടെടുക്കാന്‍ വാണാകിവി എന്നു പേരിലറിയപ്പെടുന്ന പ്രോഗ്രാം സഹായിക്കും. ഫ്രഞ്ച് ഗവേഷകരാണ് പുതിയ പ്രോഗ്രാം വികസിപ്പിച്ചത്. വാനാകിവി എന്ന ബ്ലോഗിലൂടെയാണ് പ്രോഗ്രാമിന്റെ വിവരങ്ങള്‍ സംഘം പുറത്ത് വിട്ടത്.

പ്രവര്‍ത്തന രഹിതമായ കമ്പ്യൂട്ടറുകളിലെ ഫയലുകള്‍ തുറക്കാനുള്ള കോഡ് കമ്പ്യൂട്ടറുകളില്‍ നിന്ന് തന്നെ വീണ്ടെടുക്കുകയാണ് പുതിയ രീതി. ഈ പ്രോഗ്രാം എല്ലാ കമ്പ്യൂട്ടറുകളിലും വിജയമായിരിക്കണമെന്നില്ലെന്നും വൈറസ് ബാധക്ക് ശേഷം റീസ്റ്റാര്‍ട്ട് ചെയ്യാത്ത കമ്പ്യൂട്ടറുകളില്‍ നിന്നു വാനാക്രൈ ഹാക്കേര്‍സ് സ്ഥിരമായി പൂട്ടാത്ത വിവരങ്ങള്‍ വീണ്ടെടുക്കാന്‍ കഴിയുമെന്നും അണിയറ പ്രവര്‍ത്തകര്‍ ബ്ലോഗില്‍ പറയുന്നു.

ഇതിനകം തന്നെ വാനാകിവി ഉപയോഗിച്ച് വിവരങ്ങള്‍ വീണ്ടെടുത്തിട്ടുണ്ട്. വിന്‍ഡോസ്7, എക്സ്പി. വിന്‍ഡോസ്2003 പതിപ്പുകളില്‍ നിന്നാണ് വിവരങ്ങള്‍ വീണ്ടെടുത്തത്. 150 രാജ്യങ്ങളില്‍ നിന്നുള്ള മൂന്ന് ലക്ഷത്തോളം കമ്പ്യൂട്ടറുകളെ ബാധിച്ച വാനാക്രൈക്കെതിരെയുള്ള ആദ്യത്തെ ചുവട് വെപ്പാണ് ഇത്. എന്നാല്‍ ഇതുവരെ ഭീഷണിപ്പെടുത്തി ആക്രമികള്‍ 60.6ലക്ഷത്തോളം രൂപ സമ്പാദിച്ചതായാണ് റിപ്പോര്‍ട്ടുകള്‍.

Is North Korea behind Ransomeware Cyber attack?
Posted by
16 May

റാന്‍സംവെയര്‍ ആക്രമണത്തിനു പിന്നില്‍ ഉത്തര കൊറിയയോ? സംശയങ്ങളുമായി സൈബര്‍ വിദഗ്ദര്‍

ആഗോള സൈബര്‍ ലോകത്തെ നിശ്ചലമാക്കിയ റാന്‍സംവെയര്‍ സൈബര്‍ ആക്രമണത്തിനു പിന്നില്‍ ഉത്തരകൊറിയ ആണെന്ന സംശയവുമായി ലോകമാധ്യമങ്ങള്‍ രംഗത്ത്. ആഗോള തലത്തിലുള്ള സൈബര്‍ സുരക്ഷാ വിദഗ്ദരാണ് ഇത്തരത്തിലൊരു സംശയവും അതിനുള്ള സാധ്യതകളും പങ്കുവയ്ക്കുന്നത്.

വാനാ ക്രൈ വേര്‍ഷന്‍ ഒന്നിനെ കണ്ടെത്തി വിശകലനം ചെയ്തതതിനു പിന്നാലെയാണ് വിദഗ്ദര്‍ സംശയം പ്രകടിപ്പിച്ചത്. വൈറസിനെ വിശകലനം ചെയ്തതില്‍ നിന്നും നോര്‍ത്ത് കൊറിയന്‍ ഹാക്കേഴ്സ് മുന്‍പ് ഉപയോഗിച്ചിരുന്ന വൈറസുമായി വാനാ ക്രൈക്ക് സാമ്യമുണ്ടെന്ന് ദക്ഷിണ കൊറിയയില്‍ നിന്നുള്ള സൈബര്‍ ലാബായ ഹൗറി ലാബിലെ വിദഗ്ധര്‍ പറയുന്നു. സമാനമായ പരിശോധനഫലമാണ് സിമാന്റെക് ലാബില്‍ നിന്നും കാസ്പേര്‍സ്‌കി ലാബില്‍ നിന്നും ലഭിച്ചതെന്നും ഇവര്‍ ചൂണ്ടിക്കാട്ടുന്നുണ്ട്. രണ്ടിലും ഉപയോഗിച്ചിരിക്കുന്നത് സമാനമായ കോഡ് ആണെന്നും ഉത്തരകൊറിയയില്‍ നിന്നുള്ള പല ഹാക്കര്‍മാരും നേരത്തെ ഈ കോഡ് ഉപയോഗിച്ചിരുന്നതായും ഇവര്‍ കണ്ടെത്തിയിട്ടുണ്ട്.

അതേസമയം ലോകത്തിലെ പ്രമുഖ ആന്റി വൈറസ് കമ്പനികളെല്ലാം സമാനമായ കണ്ടെത്തലുകളാണ് പങ്കുവയ്ക്കുന്നത്. വാനാക്രൈ വൈറസിന് ഉത്തരകൊറിയയുമായി ബന്ധമുണ്ടെന്ന സംശയത്തെ സാധൂകരിക്കുന്നതാണ് ഈ സൈബര്‍ വിശകലനങ്ങള്‍. പല രാജ്യങ്ങളില്‍ നിന്നുമുള്ള പരിശോധനകള്‍ പുരോഗമിക്കുകയാണ്. അതേസമയം ഇപ്പോള്‍ പുറത്തുവരുന്ന ഈ റിപ്പോര്‍ട്ടുകള്‍ക്ക് വളരെ മുമ്പ് തന്നെ തങ്ങള്‍ ഈ ഉത്തരകൊറിയന്‍ സൈബര്‍ ആക്രമണത്തെക്കുറിച്ച് മുന്നറിയിപ്പ് നല്‍കിയിരുന്നതായി കാസ്പേര്‍സ്‌കി വൃത്തങ്ങള്‍ പറഞ്ഞു.

150 രാജ്യങ്ങളിലായി മൂന്ന് ലക്ഷത്തോളം കമ്പ്യൂട്ടറുകളെയാണ് വാനൈക്രൈ ബാധിച്ചിരിക്കുന്നത്. ലോകത്ത് എക്കാലവും നടന്നതില്‍ ഏറ്റവും വലിയ സൈബര്‍ ആക്രമണമെന്നാണ് റാന്‍സംവെയര്‍ ആക്രമണത്തെ കണക്കുകൂട്ടുന്നത്. കമ്പ്യൂട്ടറുകളെ ലോക്ക് ചെയ്ത് ഫയലുകളെ ഓപ്പണ്‍ ചെയ്യാന്‍ സാധിക്കാത്ത തരത്തില്‍ രഹസ്യകോഡാക്കി മാറ്റുകയാണ് ഈ ആക്രമണത്തിലൂടെ നടക്കുന്നത്. ഫയലുകള്‍ തിരികെ ലഭിക്കാനായി 300 ഡോളര്‍ ബിറ്റ് കോയിന്‍ ബിഡ് ചെയ്തുകൊണ്ടാണ് ലോകത്താകമാനം ഈ ആക്രമണം വ്യാപിക്കുന്നത്.

ഇന്ത്യന്‍ ബാങ്കിംഗ് മേഖലയേയും റാന്‍സംവെയര്‍ ആക്രമണം സാരമായി ബാധിച്ചേക്കാമെന്നും സൈബര്‍ വിദഗ്ധര്‍ മുന്നറിയിപ്പ് നല്‍കുന്നുണ്ട്. മുന്നറിയിപ്പിന്റെ പശ്ചാത്തലത്തില്‍ കനത്ത സൈബര്‍ സുരക്ഷയാണ് ഇന്ത്യന്‍ ഐടി വിദഗ്ധര്‍ സജ്ജീകരിച്ചിരിക്കുന്നത്. കമ്പനികള്‍ സ്വീകരിക്കേണ്ട മാര്‍ഗ്ഗനിര്‍ദ്ദേശങ്ങള്‍ വിദഗ്ധര്‍ പുറപ്പെടുവിച്ചിട്ടുണ്ട്

Ransome ware computer virus; mobile phones are not secure
Posted by
16 May

വാനാ ക്രൈ സൈബര്‍ ആക്രണം: മൊബൈല്‍ ഫോണുകളും സുരക്ഷിതമല്ലെന്ന് സൈബര്‍ ഡോം

വാനാ ക്രൈ സൈബര്‍ ആക്രമണത്തില്‍ ആശങ്കയിലായ ലോക രാഷ്ട്രങ്ങള്‍ക്ക് റാന്‍സംവെയര്‍ കംപ്യൂട്ടര്‍ വൈറസിന്റെ ശക്തി താല്‍ക്കാലികമായി കുറഞ്ഞതോടെ ആശ്വാസമായെങ്കിലും ആക്രമണം കൂടുതല്‍ രൂക്ഷമാകാമെന്ന മുന്നറിയിപ്പുമായി സൈബര്‍ ഡോം. അടുത്ത ഘട്ടത്തില്‍ കംപ്യൂട്ടര്‍ ഡാറ്റയില്‍ തിരിമറി നടന്നേക്കാമെന്നാണ് മുന്നറിയിപ്പ്. മൊബൈല്‍ ഫോണിനെ ബാധിക്കുന്ന റാന്‍സംവെയര്‍ പടരാന്‍ സാധ്യതയുണ്ടെന്നും സൈബര്‍ ഡോം മുന്നറിയിപ്പ് നല്‍കുന്നു.

ഇപ്പോള്‍ നടക്കുന്ന വാനാക്രൈ ആക്രമണത്തില്‍ കംപ്യൂട്ടര്‍ പൂര്‍ണമായും ബന്ദിയാകുകയാണ് ചെയ്യുന്നത്. അതായത് ഒരു ഡാറ്റയും കംപ്യൂട്ടര്‍ ഉപയോഗിക്കുന്നയാള്‍ക്ക് ലഭിക്കില്ല. എന്നാല്‍ ഇതിലും വലിയ അപകടമുണ്ടാകാമെന്നാണ് സൈബര്‍ ഡോമിന്റെ മുന്നറിയിപ്പ്. കേരളപൊലീസിന്റെ സാങ്കേതിക ഗവേഷണവിഭാഗമായ സൈബര്‍ ഡോം റാന്‍സംവെയര്‍ ആക്രമണസാധ്യത മുന്‍കൂട്ടിക്കണ്ട് നിരീക്ഷണത്തിനായി പ്രത്യേക സംഘം രൂപീകരിച്ചിരുന്നു.

സൈബര്‍ ഡോം നല്‍കുന്ന മുന്നറിയിപ്പുകള്‍:

*വിന്‍ഡോസിന്റെ വ്യാജപതിപ്പ് ഉപയോഗിക്കുന്നവര്‍ എത്രയുംവേഗം ഒറിജിനല്‍ ഇന്‍സ്റ്റോള്‍ ചെയ്യണം.

*ബാങ്കിലാണെങ്കില്‍ പ്രതിദിന ഇടപാടുകളും അക്കൗണ്ട് വിവരങ്ങളും എല്ലാം ചോരാന്‍ സാധ്യതയുണ്ട്.

*സോഫ്റ്റ്വെയറുകള്‍ യഥാര്‍ഥ സൈറ്റില്‍ നിന്നേ ഡൗണ്‍ലോഡ് ചെയ്യാവൂ. അപ്‌ഡേറ്റ് ചെയ്യുകയും വേണം.

*പരിചയമില്ലാത്ത വിലാസങ്ങളില്‍ നിന്നുള്ള ഇമെയിലുകള്‍ തുറക്കരുത്.

*അനാവശ്യ ലിങ്കുകളില്‍ ക്ലിക് ചെയ്യരുത്.

*പെന്‍ഡ്രൈവുകള്‍ ഉപയോഗിക്കുമ്പോള്‍ കരുതല്‍ വേണം.

*വേര്‍ഡ്, എക്‌സല്‍, പവര്‍പോയിന്റ് ഫയലുകള്‍ എന്‍ക്രിപ്റ്റഡ് ആകാന്‍ സാധ്യത കൂടുതലാണ്.

*വിന്‍ഡോസ് ഉപയോഗിക്കുന്നവര്‍ വൈറസ് ആക്രമണം തടയാന്‍ മൈക്രോസോഫ്റ്റ് ഇറക്കിയ പാച്ച് ഫയലുകള്‍ ഇന്‍സ്റ്റോള്‍ ചെയ്യണം. ആന്റി റാന്‍സം സോഫ്റ്റ്വെയറും ഇന്‍സ്റ്റോള്‍ ചെയ്യണം.

*ഡാറ്റ നഷ്ടപ്പെടാതിരിക്കാന്‍ തുടര്‍ച്ചയായി ബാക്കപ് ചെയ്യേണ്ടിവരും.

*വിവരങ്ങള്‍ ക്ലൗഡിലോ എക്‌സ്റ്റേണല്‍ ഹാര്‍ഡ് ഡിസ്‌കിലോ കൂടി സൂക്ഷിക്കുന്നത് ഉചിതമാകുമെന്നും സൈബര്‍ ഡോം നിര്‍ദേശിക്കുന്നു.

The United Arab Emirates wants to build a city on Mars
Posted by
24 February

ചൊവ്വയില്‍ നഗരം നിര്‍മ്മിക്കാന്‍ യുഎഇ: പദ്ധതിയുടെ വിശദമായ രൂപരേഖ തയ്യാറാക്കാന്‍ ടഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം നിര്‍ദേശം നല്‍കി

ദുബായ്: 2117ല്‍ മനുഷ്യരെ ചൊവ്വയില്‍ എത്തിക്കാനും ചെറുനഗരം യാഥാര്‍ഥ്യമാക്കാനും യുഎഇ പദ്ധതിയിടുന്നതായി റിപ്പോര്‍ട്ടുകള്‍. പദ്ധതിയുടെ വിശദമായ രൂപരേഖ അഞ്ചുവര്‍ഷം കൊണ്ട് പൂര്‍ത്തിയാക്കാന്‍ യുഎഇ വൈസ്പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം നിര്‍ദേശം നല്‍കി.

city-on-mars

സാങ്കേതിക വിശദാംശങ്ങള്‍ ഉള്‍പ്പെടെയുള്ള കാര്യങ്ങള്‍ പ്രതിപാദിക്കുന്ന രൂപരേഖ തയാറാക്കാനാണു മുഹമ്മദ് ബിന്‍ റാഷിദ് സ്‌പേസ് സെന്ററിനു നിര്‍ദേശം. നൂറുവര്‍ഷത്തെ കര്‍മപദ്ധതികള്‍ വിവിധ തലങ്ങളിലായി പൂര്‍ത്തിയാക്കും. 2021ല്‍ ലക്ഷ്യമിടുന്ന ചൊവ്വാദൗത്യത്തോടെ രാജ്യം സാങ്കേതിക, വൈജ്ഞാനിക മേഖലകളിലടക്കം വന്‍കുതിപ്പു നടത്തുമെന്നാണു പ്രതീക്ഷ.

ദുബായയില്‍ അടുത്തിടെ സമാപിച്ച രാജ്യാന്തര സര്‍ക്കാര്‍ ഉച്ചകോടിയിലാണു 2117ലെ ചൊവ്വാ പദ്ധതിയെക്കുറിച്ചു പ്രഖ്യാപിച്ചത്. ചൊവ്വയില്‍ നിര്‍മ്മിക്കാന്‍ ഉദ്ദേശിക്കുന്ന നഗരത്തിന്റെ മാതൃകയും പുറത്തുവിട്ടിരുന്നു. സ്വയംപര്യാപ്ത നഗരം സൃഷ്ടിക്കാനാണു യുഎഇയുടെ ശ്രമം.

Gene Cernan, Last man, who walked on moon passed away
Posted by
17 January

ചന്ദ്രനില്‍ കാലുകുത്തിയ അവസാന ബഹിരാകാശ സഞ്ചാരിയും മരണത്തിന് കീഴടങ്ങി

വാഷിങ്ടണ്‍: ചന്ദ്രനില്‍ കാലുകുത്തിയ അവസാന ബഹിരാകാശ സഞ്ചാരിയും മരണത്തിന് കീഴടങ്ങി. 1972ലെ അപ്പോളോ-17 ദൗത്യത്തിലൂടെ ചന്ദ്രനില്‍ കാലുകുത്തിയവരിലെ അവസാന ബഹിരാകാശ സഞ്ചാരിയായിരുന്ന ജിന്‍ സെര്‍നാന്‍ (82) ആണ് അന്തരിച്ചത്. വാര്‍ദ്ധക്യസഹജമായ അസുഖങ്ങളെ തുടര്‍ന്നായിരുന്നു മരണം.

astro

അപ്പോളോ ദൗത്യങ്ങളില്‍ അവസാനത്തേതായിരുന്നു അപ്പോളോ 17. 1972 ഡിസംബര്‍ 11ന് ചന്ദ്രനിലെ ടോറസ് ലിട്രോവ് എന്ന സ്ഥലത്താണ് കമാന്‍ഡോ പൈലറ്റായ റൊണാള്‍ഡ് ഇവാന്‍സ്, ലൂണാര്‍ മോഡ്യൂള്‍ പൈലറ്റായ ഹാരിസണ്‍ സ്മിത്ത് എന്നിവരുടെ കൂടെ സെര്‍നാന്‍ ചാന്ദ്ര ദൗത്യത്തില്‍ പങ്കാളിയായത്. ചന്ദ്രനിലെ അഗ്‌നിപര്‍വതങ്ങളെക്കുറിച്ചുള്ള പഠനമായിരുന്നു ഇവരുടെ ദൗത്യം.

resource  sat2A satellite
Posted by
07 December

റിസോഴ്‌സ് സാറ്റ്2എ ഉപഗ്രഹം വിക്ഷേപിച്ചു

ചെന്നൈ: ഇന്ത്യയുടെ റിമോട്ട് സെന്‍സറിങ്ങ് ഉപഗ്രഹമായ റിസോഴ്‌സ് സാറ്റ്2എ വിജയകരമായി വിക്ഷേപിച്ചു.ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററില്‍ നിന്ന് പിഎസ്എല്‍വിസി 36 റോക്കറ്റാണ് രാവിലെ 10.25ന് 1235 കിലോഗ്രാം ഭാരമുള്ള ഉപഗ്രഹവുമായി കുതിച്ചത്.

18 മിനുട്ടു കൊണ്ട് ഉപഗ്രഹം 817 കിലോമീറ്റര്‍ ദൂരത്തുളള സൗരകേന്ദ്രീകൃതമായ ഭ്രമണപഥത്തില്‍ എത്തി.1994- 2016 കാലഘട്ടത്തില്‍ പിഎസ്എല്‍വി 121 ഉപഗ്രഹങ്ങള്‍ വിക്ഷേപിച്ചു. അതില്‍ 79 എണ്ണം വിദേശ ഉപഗ്രഹങ്ങളും 42 എണ്ണം ഇന്ത്യയുടെതുമാണ്.