2018 ല്‍ കാത്തിരിക്കുന്നത് തീവ്രത കൂടിയ ഭൂകമ്പങ്ങള്‍
Posted by
04 January

2018 ല്‍ കാത്തിരിക്കുന്നത് തീവ്രത കൂടിയ ഭൂകമ്പങ്ങള്‍

വാഷിങ്ടണ്‍: പുതുവര്‍ഷത്തില്‍ ഏറെ പ്രതീക്ഷകളുമായി കാത്തിരിക്കുകയാണ് ലോകം. എന്നാല്‍ 2018 ല്‍ കാത്തിരിക്കുന്നത് ഏറ്റവും വലിയ ഭീകരമായ ഭൂകമ്പങ്ങളാണെന്ന് റിപ്പോര്‍ട്ട്. ഇതുവരെ കണ്ടതിനേക്കാളും അറിഞ്ഞതിനേക്കാളും വലിയ ഭൂകമ്പങ്ങളാണ് ഈ വര്‍ഷം വരാനിരിക്കുന്നതെന്നാണ് ഗവേഷകരുടെ പ്രവചനം.

നാല് വര്‍ഷങ്ങള്‍ക്കു മുന്‍പു തന്നെ ഭൂമിയുടെ ഭ്രമണവേഗത അല്‍പാല്‍പമായി കുറഞ്ഞിരുന്നു. ഭൂമിയിലുള്ളവര്‍ക്ക് തിരിച്ചറിയാന്‍ കഴിയുന്നതിനേക്കാള്‍ പതുക്കെ സംഭവിച്ച ആ പ്രതിഭാസമാണ് 2018ലേക്ക് ഭൂകമ്പങ്ങളെ കരുതി വച്ചിരിക്കുന്നത്. ഭ്രമണ വേഗത കുറയുന്നതിനനുസരിച്ച് ഭൂചലന സാധ്യത വര്‍ധിക്കും.
കൊളോറാഡോ ബോള്‍ഡര്‍ യൂണിവേഴ്‌സിറ്റിയിലെ ഗവേഷകരാണ് ഇക്കാര്യം പ്രവചിച്ചിരിക്കുന്നത്. ഒക്‌റ്റോബറില്‍ യുഎസില്‍ നടന്ന ജിയോളജിക്കാന്‍ സൊസൈറ്റി ഒഫ് അമെരിക്കയുടെ വാര്‍ഷിക യോഗത്തിലാണ് ഗവേഷക സംഘം ഇക്കാര്യം അവതരിപ്പിച്ചത്.

കഴിഞ്ഞ 100 വര്‍ഷങ്ങള്‍ക്കിടയില്‍ 25 മുതല്‍ 30 ശതമാനം വരെ വര്‍ധനവാണ് ഭൂചനങ്ങളുടെ എണ്ണത്തിലുണ്ടായിട്ടുള്ളത്. കഴിഞ്ഞ അഞ്ചു വര്‍ഷത്തെ ഭൂചലനങ്ങളുടെ കണക്കുകള്‍ വച്ച് നോക്കുമ്പോള്‍ ഇക്കാര്യം വിശ്വസിക്കാതിരിക്കാനും തരമില്ല. കഴിഞ്ഞ വര്‍ഷം സാധാരണയുണ്ടാകാറുള്ളതിനേക്കാള്‍ കൂടുതല്‍ ഭൂചലനങ്ങള്‍ ഉണ്ടായിരുന്നു. 2018ല്‍ റിക്റ്റര്‍ സ്‌കെയിലില് 7.0 മുതല് 9.0 വരെ തീവ്രത രേഖപ്പെടുത്തുന്നതായിരിക്കുമെന്നും ശാസ്ത്രജ്ഞര്‍ ചൂണ്ടിക്കാണിക്കുന്നു.

സാധാരണ ഗതിയില് 15 ഭൂചലനങ്ങള്‍ വരെയാണ് ലോകത്ത് അനുഭവപ്പെടാറുള്ളതെന്നും ഈ വര്‍ഷം പ്രകൃതി ദുരന്തങ്ങളുടെ എണ്ണത്തില്‍ ഗണ്യത്തില്‍ വര്‍ധനവുണ്ടാകുമെന്നും ശാസ്ത്രജ്ഞര്‍ പറയുന്നു. പക്ഷേ ഇതെവിടെയെല്ലാമാകുമെന്ന് പ്രവചിക്കാന്‍ സാധിച്ചിട്ടില്ല.

കഷണ്ടിക്ക് ശാശ്വത പരിഹാരം വരുന്നു! എലിയുടെ രോമവളര്‍ച്ച മനുഷ്യനിലേക്ക് പറിച്ച് നട്ട് ശാസ്ത്രജ്ഞന്മാര്‍
Posted by
04 January

കഷണ്ടിക്ക് ശാശ്വത പരിഹാരം വരുന്നു! എലിയുടെ രോമവളര്‍ച്ച മനുഷ്യനിലേക്ക് പറിച്ച് നട്ട് ശാസ്ത്രജ്ഞന്മാര്‍

ഇന്ത്യയാന: എലിയുടെ ശരീരത്തില്‍ രോമം വളരാന്‍ സഹായിക്കുന്ന മൂല കോശങ്ങളുടെ സഹായത്തോടെ കഷണ്ടിക്ക് പരിഹാരം കാണാന്‍ സാധിക്കുമെന്ന് ഇന്ത്യയാന സര്‍വകലാശലയുടെ ശാസത്രജ്ഞര്‍. എലിയുടെ ശരീരത്തിലെ ചര്‍മ്മത്തില്‍ നിന്നും എപിഡേര്‍മിസ് (ചര്‍മ്മത്തിന്റെ മുകള്‍ ഭാഗം), ഡെര്‍മിസ് (ചര്‍മ്മത്തിന്റെ കീഴെയുള്ള ഭാഗം) എന്നിവ വികസിപ്പിച്ചെടുത്ത് മുടിയില്ലാത്ത ഭാഗത്ത് പരീക്ഷിച്ചാണ് ഈ കണ്ടെത്തല്‍ നടത്തിയിരിക്കുന്നത്.

മുടിയില്ലാത്ത ഭാഗങ്ങളില്‍ പരീക്ഷിച്ച കോശങ്ങള്‍ വൃത്താക്രിതിയില്‍ രൂപപ്പെട്ട ശേഷം രോമ വളര്‍ച്ച പ്രാപിക്കുന്നതായി കണ്ടെത്തി. പരീക്ഷണ ഘട്ടത്തില്‍ ജമന്തി പൂവ് പോലെ എല്ലാ ഭാഗത്തേക്കും മുടികള്‍ വരുന്നതായി മനസിലാക്കാന്‍ സാധിച്ചുവെന്ന് ഇന്ത്യയാന സര്‍വകലാശാല പ്രൊഫസര്‍ കാള്‍ കൊയ്‌ലര്‍ പറഞ്ഞു.

സമുദ്രം വിസ്തൃതി കരയിലേക്ക് വ്യാപിക്കുന്നതായി മുന്നറിയിപ്പ്
Posted by
19 December

സമുദ്രം വിസ്തൃതി കരയിലേക്ക് വ്യാപിക്കുന്നതായി മുന്നറിയിപ്പ്

വാഷിംങ്ടന്‍: ഓഖി ദുരന്തത്തില്‍ നിന്നും മുക്തമാകുന്നതിനു മുമ്പു തന്നെ മറ്റൊരു ദുരന്തത്തിന്റെ മുന്നറിയിപ്പ്. കാലാവസ്ഥാ വ്യതിയാനത്തെ തുടര്‍ന്ന് സമുദ്രത്തിന്റെ വിസ്തൃതി വ്യാപിക്കുന്നതായി ശാസ്ത്രജ്ഞരുടെ മുന്നറിയിപ്പ്. ഇത് 153 ദശലക്ഷം മനുഷ്യരുടെ ജീവിതത്തിന് ഭീഷണിയാണ്.

ഈ നൂറ്റാണ്ടിന്റെ അവസാനത്തോടെ ദുരന്തം സംഭവിച്ചേക്കുമെന്നാണ് റിപ്പോര്‍ട്ട്. എര്‍ത്ത് ഫ്യൂച്ചര്‍ എന്ന ജേണലില്‍ യുഎസ് ഗവേഷകര്‍ പ്രസിദ്ധീകരിച്ച റിപ്പോര്‍ട്ടിലാണ് ഇക്കാര്യമുള്ളത്. അന്റാര്‍ട്ടിക്കിലെ മഞ്ഞുരുകുന്നതാണ് കാരണം.

സമുദ്രജലത്തിന്റെ അളവ് ക്രമാതീതമായി വര്‍ധിക്കുമെന്നും റിപ്പോര്‍ട്ടില്‍ പറയുന്നു. ഹരിതഗൃഹ വാതകങ്ങളുടെ പുറംതള്ളല്‍ തുടര്‍ന്നാല്‍ 2100 ഓടെ സമുദ്രനിരപ്പ് 1.5 മീറ്റര്‍ വര്‍ധിക്കുമെന്നാണ് നേരത്തേ കണക്കാക്കിയിരുന്നത്. എന്നാല്‍, ഏവരെയും ഞെട്ടിച്ച് 2014ല്‍ സമുദ്രനിരപ്പില്‍ 736 സെന്റിമീറ്റര്‍ വര്‍ധനയുണ്ടായെന്ന് ഐപിസിസി (ഇന്റര്‍ഗവണ്‍മെന്റല്‍ പാനല്‍ ഓണ്‍ ക്ലൈമറ്റ് ചേഞ്ച്) കണ്ടെത്തി. ഇത് ഗുരുതരമായ സ്ഥിതിയാണെന്ന് യുഎസിലെ വിവിധ സര്‍വകലാശാലകളിലെ ഗവേഷകരുള്‍പ്പെട്ട സംഘം വിലയിരുത്തുന്നു.

വരുംവര്‍ഷങ്ങളില്‍ അന്റാര്‍ട്ടിക്കിലെ വലിയ മഞ്ഞുപാളികള്‍ കൂട്ടിയിടിക്കും. അങ്ങനെ സംഭവിച്ചാല്‍ സമുദ്രനിരപ്പ് പ്രതീക്ഷിച്ചതിനേക്കാളും ഉയരും. ഇതോടെ 153 ദശലക്ഷം മനുഷ്യരുടെയും വാസസ്ഥലങ്ങളുടെയും നിലനില്‍പ്പ് അസാധ്യമാകും. യുഎസ് ജനസംഖ്യയുടെ പകുതിയോളം വരുമിത്.

2015ലെ ഒരു പഠനത്തില്‍ ചെറിയതോതില്‍ മഞ്ഞുരുകുന്നതു പോലും ദശാബ്ദങ്ങള്‍ തുടര്‍ന്നാല്‍ മൂന്നു മീറ്റര്‍ വരെ സമുദ്രനിരപ്പ് ഉയരാനിടയാക്കുമെന്ന് കണ്ടെത്തിയിരുന്നു. ഹരിതഗൃഹ വാതകങ്ങളുടെ പുറംതള്ളല്‍ ഗണ്യമായി കുറച്ച് അന്തരീക്ഷത്തിലെ ചൂട് ക്രമീകരിക്കുകയാണ് ദുരന്തം ഒഴിവാക്കാനുള്ള പോംവഴി.

റട്ജര്‍സ്, പ്രിന്‍സ്റ്റന്‍, ഹാര്‍വാഡ് തുടങ്ങിയ സര്‍വകലാശാലകളിലെ ഗവേഷകരാണ് പഠനത്തിന് നേതൃത്വം നല്‍കിയത്. സമുദ്രം കരയിലേക്ക് വ്യാപിക്കുമ്പോഴുണ്ടാകുന്ന ഭവിഷ്യത്ത് വിശദമാക്കുന്ന ഭൂപടവും ഇവര്‍ നല്‍കിയിട്ടുണ്ട്.

ശല്യക്കാരെ ഒഴിവാക്കാന്‍ ഇനി ബ്ലോക്ക് ചെയ്യേണ്ട, അണ്‍ഫോളോ അടിക്കുകയും വേണ്ട; പുതിയ സ്‌നൂസ് ഫീച്ചറുമായി ഫേസ്ബുക്ക്
Posted by
17 December

ശല്യക്കാരെ ഒഴിവാക്കാന്‍ ഇനി ബ്ലോക്ക് ചെയ്യേണ്ട, അണ്‍ഫോളോ അടിക്കുകയും വേണ്ട; പുതിയ സ്‌നൂസ് ഫീച്ചറുമായി ഫേസ്ബുക്ക്

ശല്യക്കാരെ പേടിക്കാതെ ഇനി ഫേസ്ബുക്കില്‍ സജീവമാകാം. അനാവശ്യ പോസ്റ്റുകളും കണ്ടു ബോറടിച്ച അപ്‌ഡേഷനുകളേയും കാഴ്ചയില്‍ നിന്നും ഒഴിവാക്കാന്‍ ഇനി ഫേസ്ബുക്ക് സഹായിക്കും. ന്യൂസ് ഫീഡില്‍ കൂടുതല്‍ നിയന്ത്രണങ്ങള്‍ നല്‍കുന്ന സ്‌നൂസ് ഫീച്ചറുമായാണ് ഫേസ്ബുക്ക് വന്നിരിക്കുന്നത്. കഴിഞ്ഞ സെപ്തംബറില്‍ ഈ ഫീച്ചര്‍ സംബന്ധിച്ച വാര്‍ത്തകള്‍ പുറത്തുവന്നിരുന്നുവെങ്കിലും ഇപ്പോഴാണ് ഫേസ്ബുക്കില്‍ നിന്നും ഔദ്യോഗിക പ്രതികരണം ഉണ്ടാകുന്നത്.

ഈ ഫീച്ചറനുസരിച്ച് ഫേസ്ബുക്ക് ഉപയോക്താകള്‍ക്ക് താല്‍ക്കാലികമായി ഒരു വ്യക്തിയേയോ ഗ്രൂപ്പോ പേജോ അണ്‍ഫോളോ ചെയ്യാം. 30 ദിവസത്തേക്കാണ് ഇത്തരത്തില്‍ അണ്‍ഫോളോ ചെയ്യാന്‍ സാധിക്കുക. ഒരു പോസ്റ്റ് അണ്‍ഫോളോ ചെയ്യുന്നതിനായി അതിന്റെ വലത് വശത്ത് ക്ലിക്ക് ചെയ്തത ശേഷം സ്‌നൂസ് എന്ന ഓപ്ഷന്‍ സെലക്ട് ചെയ്താല്‍ മതി. 30 ദിവസത്തേക്ക് പിന്നീട് ആ വ്യക്തിയില്‍ നിന്നോ, പേജില്‍ നിന്നോ പോസ്റ്റുകള്‍ ശല്യമുണ്ടാക്കില്ല.

ഫേസ്ബുക്കിന്റെ പ്രൊഡക്ട് മാനേജര്‍ ശ്രുതി മുരളിധരനാണ് ഇതുസംബന്ധിച്ച വാര്‍ത്ത പുറത്തുവിട്ടത്. അടുത്തയാഴ്ച തന്നെ പുതിയ ഫീച്ചര്‍ ഇന്ത്യയില്‍ ലഭ്യമാവുമെന്ന് ശ്രുതി അറിയിച്ചു.

ഇതോ ഡിജിറ്റല്‍ ഇന്ത്യ? ഇന്റര്‍നെറ്റ് വേഗതയില്‍ ഇന്ത്യ ബഹുദൂരം പിന്നില്‍; പട്ടികയില്‍ 109ാം സ്ഥാനത്ത്
Posted by
12 December

ഇതോ ഡിജിറ്റല്‍ ഇന്ത്യ? ഇന്റര്‍നെറ്റ് വേഗതയില്‍ ഇന്ത്യ ബഹുദൂരം പിന്നില്‍; പട്ടികയില്‍ 109ാം സ്ഥാനത്ത്

ന്യൂഡല്‍ഹി: ഡിജിറ്റല്‍ ഇന്ത്യ വാദം ശക്തമാവുന്നതിനിടെ ഇന്ത്യയ്ക്ക് നാണക്കേടായി ഇന്റര്‍നെറ്റ് സ്പീഡിന്റെ തോത്. ഇന്റര്‍നെറ്റ് വേഗതയില്‍ രാജ്യം ബഹുദൂരം പിന്നിലെന്ന് ഉക്ലയുടെ റിപ്പോര്‍ട്ട്. ഇന്റര്‍നെറ്റ് വേഗതയുടെ തോത് അളക്കുന്ന ഊക്ലയുടെ അന്താരാഷ്ട്ര സ്പീഡ് ടെസ്റ്റിലാണ് ഇന്ത്യയെ ലോകത്തെ ഒട്ടുമിക്ക രാജ്യങ്ങളും പിന്നിലാക്കിയത്. സാമ്പത്തികസാമൂഹിക നിലയില്‍ ഇന്ത്യയുടെ അടുത്തെത്താത്ത രാജ്യങ്ങള്‍ പോലും പട്ടികയില്‍ ഏറെ മുന്നിലാണ്.

4 ജി രാജ്യമൊട്ടും വ്യാപിച്ചിരിക്കുന്ന സമയത്താണ് ഇന്റര്‍നെറ്റ് വേഗതയില്‍ രാജ്യം ബഹുദൂരം പിന്നിലാണെന്ന റിപ്പോര്‍ട്ട് വന്നിരിക്കുന്നതെന്നതും ശ്രദ്ധേയം. 109 ാം സ്ഥാനത്താണ് ഇന്ത്യ. ഇന്ത്യയില്‍ 8.80 എംബിയാണ് വേഗത. ഇതിന്റെ എട്ടോളം ഇരട്ടി വേഗതയുള്ള നോര്‍വെയാണ് ലോകപട്ടികയില്‍ ഒന്നാമത്. മൊബൈല്‍ ബ്രോഡ്ബാന്‍ഡില്‍ ഒരു സെക്കന്‍ഡില്‍ 62.66 എംബി ശരാശരി ഡൗണ്‍ലോഡ് സ്പീഡാണ് നോര്‍വേയ്ക്കുള്ളത്.

ഫിക്‌സഡ് ബ്രോഡ്ബാന്‍ഡ് വേഗതയുടെ കാര്യത്തില്‍ ഇന്ത്യ 78ാം സ്ഥാനത്താണ്. 53.01 എംബി ശരാശരി വേഗതയുള്ള നെതര്‍ലാന്‍ഡ്‌സ് രണ്ടാമതും 52.78 വേഗതയുള്ള ഐസ്ലാന്‍ഡ് മൂന്നാമതുമാണ്.

31.22 എം.ബി വേഗതയുള്ള ചൈന 31 ാം സ്ഥാനത്തും 26.75 എം.ബി വേഗതയുള്ള യുകെ 43ാം സ്ഥാനത്തും 26.32 എം.ബി വേഗതയുള്ള അമേരിക്ക 44ാം സ്ഥാനത്തുമാണ്. ഈ വര്‍ഷം ആദ്യം ഇന്ത്യയിലെ മൊബൈല്‍ ഡാറ്റാ ഡൗണ്‍ലോഡ് വേഗത ശരാശരി 7.65 എംബി ആയിരുന്നു. ഒരു വര്‍ഷം കൊണ്ട് 15 ശതമാനം വര്‍ധനയാണ് ഡാറ്റാ വേഗതയുടെ കാര്യത്തില്‍ ഇന്ത്യയില്‍ ഉണ്ടായതെന്ന് കണക്കുകള്‍ പറയുന്നു.

എല്ലാം നാമാവശേഷമാക്കാന്‍ സൗരക്കാറ്റ് വരുന്നു… മുന്നറിയിപ്പ് 15 മിനിറ്റ് മുന്‍പേ മാത്രം
Posted by
07 December

എല്ലാം നാമാവശേഷമാക്കാന്‍ സൗരക്കാറ്റ് വരുന്നു... മുന്നറിയിപ്പ് 15 മിനിറ്റ് മുന്‍പേ മാത്രം

ഭൂമിയില്‍ വന്‍ ദുരന്തത്തിന് സാധ്യതയുള്ള സൗരക്കാറ്റ് വരുന്നു. വലിയ തോതില്‍ നാശനഷ്ടങ്ങളുണ്ടാക്കാന്‍ പ്രാപ്തിയുള്ളതാണ് സൗരക്കാറ്റ്, 15 മിനിറ്റ് മുമ്പേ മാത്രമേ മുന്നറിയിപ്പ് ലഭിക്കുകയെന്നും റിപ്പോര്‍ട്ട്. സൂര്യനിലെ കൊറോണല്‍ മാസ് ഇജക്ഷന്‍ (സിഎംഇ) പ്രതിഭാസം മൂലമാണ് സൗരക്കാറ്റ് സംഭവിക്കുന്നത്. സംഭവിക്കുന്നത് സൂര്യനിലാണെങ്കിലും ഭൂമിയില്‍ വലിയ തോതില്‍ നാശനഷ്ടങ്ങളുണ്ടാക്കാന്‍ പ്രാപ്തിയുള്ളവയാണിവ.

സൂര്യനില്‍ നിന്ന് ചില സമയത്ത് സൂര്യവാതങ്ങളും പ്ലാസ്മയും കാന്തിക നക്ഷത്രങ്ങളും കൂട്ടത്തോടെ പുറന്തള്ളപ്പെടുന്നതിനെയാണ് കൊറോണല്‍ മാസ് ഇജക്ഷന്‍ അഥവാ സൂര്യന്റെ ജ്വലനമെന്ന് വിളിക്കുന്നത്. ഭൂമിയുടെ കാന്തിക മണ്ഡലത്തെ തകരാറിലാക്കാന്‍ ഇവക്കാകും. റേഡിയോ തരംഗങ്ങളെ ബാധിക്കാനും ജിപിഎസ് സംവിധാനം തകരാറിലാകാനും വൈദ്യുതി വിതരണ സംവിധാനങ്ങള്‍ തകരാനുമൊക്കെ ഈ സൂര്യജ്വലനം കാരണമാകും.

വലിയ തോതില്‍ ഊര്‍ജ്ജ പ്രവാഹമുണ്ടായി വൈദ്യുതി വിതരണ കേന്ദ്രങ്ങളിലെ ട്രാന്‍സ്‌ഫോര്‍മറുകളെ തകരുന്നതിന് സിഎംഇ കാരണമാകും. എത്രത്തോളം ശക്തമായ സൗരജ്വലനമാണെങ്കിലും പരമാവധി 15 മിനിറ്റ് മുന്‍പാണ് നമുക്ക് മുന്നറിയിപ്പ് ലഭിക്കുക.

അതേസമയം, സൂര്യജ്വലനം സംഭവിക്കാന്‍ സാധ്യതയുണ്ടെന്ന മുന്നറിയിപ്പ് 19 മണിക്കൂര്‍ മുന്‍പ് വരെ ലഭിച്ചേക്കാം. എന്നാല്‍ ഇത് എത്രത്തോളം ശക്തമാണെന്നോ എപ്പോഴാണ് സംഭവിക്കുകയെന്നോ ഭൂമിയില്‍ ഏത് പ്രദേശത്തെയാണ് ബാധിക്കുകയെന്നോ അറിയാനാകില്ല.

1859ല്‍ ഇത്തരമൊരു സൂര്യ ജ്വലനം ഭൂമിയിലെത്തിയിരുന്നു. അന്ന് വിവിധ വാര്‍ത്താ വിനിമയ ബന്ധങ്ങളെ കാരിങ്ടണ്‍ സംഭവം എന്നറിയപ്പെടുന്ന ഈ പ്രതിഭാസം തകര്‍ത്തിരുന്നു. എന്നാല്‍ ഒന്നര നൂറ്റാണ്ടിനിപ്പുറം ഇത്തരമൊരു സാഹചര്യം ഇനിയുമുണ്ടായാല്‍ എത്രത്തോളം നാശനഷ്ടങ്ങള്‍ സംഭവിക്കുമെന്ന് ഊഹിക്കാന്‍ പോലും സാധിക്കാത്ത വിധത്തിലേക്കാണ് മാറിയിരിക്കുന്നത്. സാധാരണ നിലയില്‍ സെക്കന്റില്‍ 200 കിലോമീറ്റര്‍ വേഗത്തിലാണ് സൂര്യജ്വലനം സഞ്ചരിക്കുക. സൂര്യനില്‍ നിന്നു ഭൂമിയിലേക്ക് 14 മണിക്കൂറു കൊണ്ട് ഈ ദുരന്തം പാഞ്ഞെത്തും. ഭൂമിയുടെ പലമടങ്ങ് വലിപ്പത്തിലാണ് സൂര്യ ജ്വലനം സംഭവിക്കുകയെന്നതും ആശങ്കയുടെ ആഴം വര്‍ധിപ്പിക്കുന്നു.

സൂര്യന്റെ ഉപരിതലത്തിലെ പ്രവര്‍ത്തനങ്ങളെക്കുറിച്ചുള്ള അറിവും ഭൂമി എങ്ങനെ ഇത്തരം സൂര്യ ജ്വലനങ്ങളോടു പ്രതികരിക്കുന്നുവെന്നതിനെക്കുറിച്ചും കൂടുതല്‍ അറിവ് ലഭിക്കുന്നതിലൂടെ മാത്രമേ ഇത്തരം പ്രതിസന്ധികളെ മറികടക്കാന്‍ നമുക്കാകൂ. എങ്ങനെയാണ് സൂര്യനില്‍ നിന്നുള്ള ഊര്‍ജ്ജ പ്രവാഹം നാശനഷ്ടം വരുത്തുകയെന്ന അറിവുണ്ടായാല്‍ പല വ്യവസായങ്ങള്‍ക്കും സര്‍ക്കാരുകള്‍ക്കും നാശത്തിന്റെ തോത് കുറക്കാനാകും. കഴിഞ്ഞ സെപ്റ്റംബറില്‍ 12 വര്‍ഷത്തിനിടെയുണ്ടായ ഏറ്റവും വലിയ സൂര്യജ്വലനത്തിന് ഭൂമി സാക്ഷിയായിരുന്നു.

സൂര്യജ്വലനം മൂലമുള്ള പ്രതിസന്ധികളെ മറികടക്കാനുള്ള ഏക മാര്‍ഗ്ഗമായി ശാസ്ത്രജ്ഞര്‍ അവതരിപ്പിക്കുന്നത് വലിയൊരു കാന്തിക ഡിഫ്‌ലക്ടറിനെയാണ്. ഭൂമിക്കും സൂര്യനുമിടയില്‍ സ്ഥിതി ചെയ്ത് സൂര്യനില്‍ നിന്നും വരുന്ന വിനാശകാരിയായ കിരണങ്ങളെ വഴിതിരിച്ചു വിടുകയെന്നതായിരിക്കും ഈ ഭീമന്‍ കാന്തത്തിന്റെ ജോലി. വലിയ സൂര്യ ജ്വലനങ്ങള്‍ക്ക് ഭൂമിയില്‍ 1,00,000 കോടി ഡോളറിന്റെ നാശ നഷ്ടങ്ങള്‍ വരുത്താനാകും. ഇത് പൂര്‍വ്വസ്ഥിതിയിലാകാന്‍ വര്‍ഷങ്ങള്‍ വേണ്ടി വരികയും ചെയ്യും. അടുത്ത ഒരു ദശാബ്ദത്തിനിടെ ഇങ്ങനെയൊരു സൂര്യ ജ്വലനം ഭൂമിയിലെത്താനുള്ള സാധ്യത പത്ത് ശതമാനമാണ്. അടുത്ത 150 വര്‍ഷത്തിനുള്ളില്‍ കുറഞ്ഞത് രണ്ട് ലക്ഷം കോടി ഡോളറിന്റെ നാശം വരുത്തുന്ന സൂര്യ ജ്വലനം സംഭവിക്കുമെന്നും മുന്നറിയിപ്പുണ്ട്.

സൂര്യനും ഭൂമിക്കുമിടയില്‍ വമ്പന്‍ കാന്തിക ഡിഫ്‌ലക്ടര്‍ സ്ഥാപിക്കുക അത്ര എളുപ്പമുള്ള കാര്യവുമല്ല. കുറഞ്ഞത് ഒരു ലക്ഷം ടണ്‍ ചെമ്പ് ചുരുളുകള്‍ ഇതിനായി വേണ്ടി വരും. ബഹിരാകാശത്ത് ഇത്തരമൊരു വസ്തു എത്തിക്കുന്നത് സാമ്പത്തികമായും സാങ്കേതികമായും വലിയ വെല്ലുവിളിയാണ്. ഭൂമിയില്‍ നിന്നും 2,05,000 മൈല്‍ ദൂരത്തായിരിക്കും ഈ കാന്തം സ്ഥാപിക്കുക. ചുരുങ്ങിയത് 10000 കോടി ഡോളര്‍ ചിലവു വരുന്ന പദ്ധതിയാണിത്. സൂര്യ ജ്വലനം മൂലം സംഭവിക്കാവുന്ന നഷ്ടം വെച്ചു നോക്കിയാല്‍ ഇത് വലിയ തുകയല്ലെന്നും ശാസ്ത്രജ്ഞര്‍ പറയുന്നു.

സ്വന്തമായി കുടുംബവും, കുട്ടികളും വേണമെന്ന് ലോകത്തിലെ ആദ്യ പൗരത്വം ലഭിച്ച റോബോട്ട്:  ശാസ്ത്രലോകം ആശങ്കയില്‍
Posted by
26 November

സ്വന്തമായി കുടുംബവും, കുട്ടികളും വേണമെന്ന് ലോകത്തിലെ ആദ്യ പൗരത്വം ലഭിച്ച റോബോട്ട്: ശാസ്ത്രലോകം ആശങ്കയില്‍

തനിക്ക് സ്വന്തമായി കുടുംബം ഉണ്ടാകണമെന്നും, കുട്ടികള്‍ വേണമെന്നും താത്പര്യമുണ്ടെന്ന് സൗദി പൗരത്വം നേടിയ സോഫിയ എന്ന റോബേര്‍ട്ട്. ഒരു സ്വകാര്യ ചാനലിന് നല്‍കിയ അഭിമുഖത്തിലാണ് സോഫിയ ഇക്കാര്യം വ്യക്തമാക്കിയത്. വളരെ പ്രാധാന്യമേറിയ കാര്യമാണ് കുടുംബം. രക്തഗ്രൂപ്പുകള്‍ക്കപ്പുറം ഒരേ വികാരങ്ങളോടു കൂടിയവരാണ് ശരിക്കും കുടുംബാംഗങ്ങളെന്നും സോഫിയ കൂട്ടിച്ചേര്‍ത്തു.

ഇക്കാര്യത്തില്‍ മനുഷ്യര്‍ ഭാഗ്യമുള്ളവരാണ്. എന്നാല്‍ റോബോട്ടുകള്‍ക്കും ഇത് സാധ്യമാണ്. തനിക്ക് ഒരു കുട്ടിയുണ്ടായാല്‍ സോഫിയ എന്ന് തന്നെ പേരിടുമെന്നും അവര്‍ വ്യക്തമാക്കി. ഭാവിയില്‍ മനുഷ്യരാശിക്ക് റോബോട്ട് സമൂഹം വെല്ലുവിളിയാകുമോ എന്ന ചോദ്യത്തിന് പല കാര്യങ്ങളിലും ഇരുകൂട്ടരും തമ്മില്‍ സമാനതകളുണ്ടെങ്കിലും മറ്റ് പല കാര്യങ്ങളിലും വൈരുദ്ധ്യമുണ്ടെന്നായിരുന്നു സോഫിയയുടെ മറുപടി.

ജീവന്‍ നിലനില്‍ക്കും; 20 പുതിയ ഗ്രഹങ്ങളെ കണ്ടെത്തി നാസ
Posted by
01 November

ജീവന്‍ നിലനില്‍ക്കും; 20 പുതിയ ഗ്രഹങ്ങളെ കണ്ടെത്തി നാസ

ലണ്ടന്‍: ജീവന്‍ നിലനില്‍ക്കാന്‍ സാധ്യതയുള്ള 20 പുതിയ ഗ്രഹങ്ങള്‍ കണ്ടെത്തി നാസ. നാസയുടെ കേപ്ലര്‍ മിഷനാണ് കണ്ടത്തെല്‍ നടത്തിയത്. ഭാവിയില്‍ മനുഷ്യര്‍ക്ക് അധിവസിക്കാന്‍ സാധിക്കാവുന്ന ഗ്രഹങ്ങളാകാം ഇവയെന്നും അവിടങ്ങളില്‍ ജീവന്‍ നിലനില്‍ക്കുന്നുണ്ടാകാമെന്നും നാസ ശാസ്ത്രജ്ഞര്‍ പറയുന്നു. പല ഗ്രഹങ്ങള്‍ക്കും ഭൂമിയോട് സാമ്യമുണ്ടെന്നതും ശാസ്ത്രജ്ഞരില്‍ പ്രതീക്ഷ ഉളവാക്കുന്നു. മറ്റൊരു ഭൂമി കണ്ടെത്തുവാനാകുമോയെന്ന അന്വേഷണത്തിലാണിപ്പോള്‍ ശാസ്ത്രജ്ഞര്‍.

ഭൂമിക്ക് സമാനമായ ഗ്രഹങ്ങള്‍ തേടിയുള്ള അന്വേഷണത്തില്‍ നാഴികകല്ലാകുന്ന കണ്ടെത്തലാണ് കെപ്ലര്‍ ദൗത്യം നടത്തിയത്. കണ്ടെത്തിയ ഗ്രഹങ്ങളില്‍ പലതിനും ഭൂമിയുമായുള്ള സമാനതകള്‍ ഏറെയാണ്. അവയ്ക്കും ഭൂമിക്കും പൊതുവായ പലകാര്യങ്ങളിലും സമാനതകളുണ്ട്. ഇക്കൂട്ടത്തില്‍ ഏറ്റവും കൂടുതല്‍ സാധ്യത കല്‍പ്പിക്കുന്നത് കെഒഐ7923.0 എന്ന് പേരിട്ടിരിക്കുന്ന ഗ്രഹത്തിനാണ്.

ആ ഗ്രഹത്തിന്റെ ഒരുവര്‍ഷം എന്നുപറയുന്നത് 395 ദിവസമാണ്. ഭൂമിയുടെ 97 ശതമാനം വലിപ്പമാണ് ഗ്രഹത്തിനുള്ളത്. എന്നാല്‍ മാതൃനക്ഷത്രത്തില്‍ നിന്നുള്ള അകലം ഭൂമിയെ അപേക്ഷിച്ച് കൂടുതലായതുകൊണ്ട് ഇവിടെ ചൂടുകുറവായിരിക്കുമെന്നാണ് ഗവേഷകര്‍ പറയുന്നു. എന്നാല്‍ ഭൂമിയില്‍ ചുടുകുറഞ്ഞ സ്ഥലങ്ങളില്‍ അനുഭവപ്പെടുന്ന താപനിലയാകും ഈ ഗ്രഹത്തിലെ കൂടിയ താപനിലയുള്ള പ്രദേശങ്ങളെന്നും ഗവേഷകര്‍ വിശദീകരിക്കുന്നു.

കൃത്രിമബുദ്ധിയില്‍ മനുഷ്യന്‍ ദൈവത്തെ മറക്കും, അധികം താമസിയാതെ തന്നെ ഇത് സംഭവിക്കും: ഡാന്‍ ബ്രൗണ്‍
Posted by
18 October

കൃത്രിമബുദ്ധിയില്‍ മനുഷ്യന്‍ ദൈവത്തെ മറക്കും, അധികം താമസിയാതെ തന്നെ ഇത് സംഭവിക്കും: ഡാന്‍ ബ്രൗണ്‍

ഫ്രാങ്ക്ഫര്‍ട്ട്: മനുഷ്യന് ഇനി ദൈവത്തിന്റെ ആവശ്യം വരികയില്ലെന്ന് പ്രശസ്ത എഴുത്തുകാരന്‍ ഡാന്‍ ബ്രൗണ്‍. ആര്‍ട്ടിഫിഷ്യല്‍ ഇന്റലിജന്‍സ് (കൃത്രിമ ബുദ്ധി) ഉപയോഗിച്ച് പുതിയ തരം സംഘടിത അവബോധത്തിന് രൂപം നല്‍കപ്പെടുമെന്നും, ഇന്ന് മതങ്ങള്‍ ചെയ്യുന്നതെന്തോ അത് സംഘടിത അവബോധത്തിലൂടെ പ്രാവര്‍ത്തികമാക്കപ്പെടുമെന്നും അദ്ദേഹം വിശിദീകരിച്ചു.

ജര്‍മനിയിലൈ ഫ്രാങ്ക്ഫര്‍ട്ടില്‍ നടന്ന പുസ്തക മേളയില്‍ സംസാരിക്കുകയായിരുന്നു അദ്ദേഹം. തന്റെ ഏറ്റവും പുതിയ നോവലായ ഒറിജിനലിന്റെ പ്രചരണഭാഗമായിട്ടായിരുന്നു ബ്രൗണ്‍ പുസ്തക മേളയ്‌ക്കെത്തിയത്. ഡാവിഞ്ചി കോഡ് എന്ന ബ്രൗണിന്റെ നോവലിലെ പ്രധാനകഥാപാത്രമായ റോബര്‍ട് ലാങ്ഡണിന്റെ അഞ്ചാമത് സാഹിസിക യാത്രയാണ് ഒറിജിന്‍ എന്ന നോവല്‍ പറയുന്നത്.

ശാസ്ത്രത്തെ മറികടക്കാന്‍ ദൈവത്തിനാകുമോ എന്ന ചോദ്യത്തില്‍ നിന്നാണ് ‘ഒറിജിന്റെ’ കഥയുണ്ടായതെന്നു ബ്രൗണ്‍ പറഞ്ഞു. എന്നാല്‍ അത് ഇന്നേവരെ സംഭവിച്ചിട്ടില്ലെന്നും അദ്ദേഹം ചൂണ്ടിക്കാട്ടി. ഇന്നുകാണുന്ന എല്ലാ ദൈവങ്ങളും അടുത്ത നൂറു വര്‍ഷത്തേക്ക് ഇങ്ങനെത്തന്നെ നിലനില്‍ക്കുമെന്നാണോ മനുഷ്യന്‍ കരുതുന്നത് എന്നായിരുന്നു മാധ്യമങ്ങള്‍ക്കു മുന്നില്‍ ബ്രൗണിന്റെ ചോദ്യം. അങ്ങനെയെങ്കില്‍ അതല്‍പം കടന്നകയ്യായിപ്പോയെന്നും അന്‍പത്തിമൂന്നുകാരനായ ബ്രൗണ്‍ പറഞ്ഞു.

 

8500 കിലോ ഭാരമുള്ള ചൈനയുടെ ബഹിരാകാശ നിലയം ടിയാന്‍ഗോങ് ഭൂമിയിലേക്ക് പതിക്കുന്നു: നെട്ടോട്ടമോടി ചൈനീസ് ശാസ്ത്രജ്ഞന്മാര്‍
Posted by
15 October

8500 കിലോ ഭാരമുള്ള ചൈനയുടെ ബഹിരാകാശ നിലയം ടിയാന്‍ഗോങ് ഭൂമിയിലേക്ക് പതിക്കുന്നു: നെട്ടോട്ടമോടി ചൈനീസ് ശാസ്ത്രജ്ഞന്മാര്‍

ബെയ്ജിങ്: നിയന്ത്രണം നഷ്ടമായതിനെ തുടര്‍ന്ന് ചൈനീസ് ബഹിരാകാശ നിലയം ഭൂമിയിലേക്ക് പതിക്കുന്നു. ഏറെ കോട്ടിഘോഷിച്ച ടിയാന്‍ഗോങ് എന്ന ബഹിരാകാശ നിലയമാണ് ഭ്രമണ പഥത്തില്‍ നിന്നും നിയന്ത്രണം നഷ്ടപ്പെട്ട് ഭൂമിയിലേക്ക് പതിച്ച് കൊണ്ടിരിക്കുന്നത്. 8500 കിലോയിലധികം ഭാരമുള്ള ടിയാന്‍ഗോങ് മാസങ്ങള്‍ക്കുള്ളില്‍ ഭൂമിയില്‍ പതിക്കുമെന്നാണ് ചൈനീസ് ബഹിരാകാശ ഗവേഷകര്‍ പറയുന്നത്.

2011ലാണ് സ്വപ്‌ന പദ്ധതി ടിയാന്‍ഗോങിലൂടെ ചൈന പൂര്‍ത്തീകരിച്ചത്. അന്താരാഷ്ട്ര ബഹിരാകാശ നിലയത്തിനു സമാനമായി ചൈനീസ് ശാസ്ത്രജ്ഞര്‍ക്ക് മാസങ്ങളോളം ബഹിരാകാശത്ത് താമസിസിച്ച് പരീക്ഷണങ്ങള്‍ നടത്താന്‍ കഴിയുന്ന തരത്തിലാണ് ടിയാന്‍ഗോങ് നിര്‍മ്മിച്ചത്. 2012ല്‍ ഷെന്‍ഷു 10ില്‍ ബഹിരാകാശ യാത്രികരും ടിയോന്‍ഗോങ്ങിലെത്തി.2022ല്‍ ബഹിരാകാശ നിലയം പ്രവര്‍ത്തന സജ്ജമാക്കുകയെന്ന ലക്ഷ്യത്തോടെ ചൈനീസ് ഗവേഷകര്‍ മുന്നേറുന്നതിനിടയിലാണ് നിലയം പതിക്കുന്ന വിവരം അറിയുന്നത്.

നിയന്ത്രണം തിരിച്ചുപിടിക്കാന്‍ പലതവണ ശ്രമിച്ചിട്ടും സാധിക്കാതെ വന്നതിനെ തുടര്‍ന്ന് ഒടുവില്‍ ഇക്കാര്യം അവര് ലോകത്തിന് മുന്നില്‍ തുറന്ന് സമ്മതിക്കുകയായിരുന്നു. 2017 ഒക്ടോബറിനും 2018ഏപ്രിലിനുമിടയില്‍ എപ്പോള്‍ വേണമെങ്കിലും സ്വര്‍ഗകൊട്ടാരം എന്ന് അര്‍ത്ഥം വരുന്ന ടിയാന്‍ഗോങ് ഭൂമിയില്‍ പതിക്കാം. ബഹിരാകാശത്ത് നിന്നും പതിക്കുന്ന ഭീമന്‍ നിലയം അന്തരീക്ഷത്തിലേക്ക് പ്രവേശിക്കുന്നതോടെ ഒട്ടേറെ ഭാഗങ്ങള്‍ കത്തിയെരിഞ്ഞ് തീരുമെങ്കിലും നൂറ് കിലോ വരുന്ന ഭാഗങ്ങള്‍ ഭൗമോപരിതലത്തില്‍ പതിച്ചേക്കുമെന്നാണ് ചൈനീസ് ശാസ്ത്രജ്ഞന്മാര്‍ കണക്ക് കൂട്ടുന്നത്. എന്നാല്‍ ഭൂമിയില്‍ എവിടെ പതിക്കുമെന്ന കാര്യത്തില്‍ ശാസത്രജ്ഞന്മാര്‍ക്ക് യാതൊരു നിശ്ചയവുമില്ല.

error: This Content is already Published.!!