ചന്ദ്രയാന്‍-2 വിക്ഷേപണം ഏപ്രിലില്‍; ചന്ദ്രന്റെ ദക്ഷിണധ്രുവത്തില്‍ ഇറങ്ങും
Posted by
17 February

ചന്ദ്രയാന്‍-2 വിക്ഷേപണം ഏപ്രിലില്‍; ചന്ദ്രന്റെ ദക്ഷിണധ്രുവത്തില്‍ ഇറങ്ങും

ന്യൂഡല്‍ഹി: ഇന്ത്യയുടെ ബഹിരാകാശ ഗവേഷണ ഏജന്‍സി (ഇസ്രോ) യുടെ ചന്ദ്ര ദൗത്യമായ ചന്ദ്രയാന്‍-2 ഏപ്രിലില്‍ വിക്ഷേപിക്കുമെന്ന് ബഹിരാകാശ വകുപ്പ് മേധാവി ജിതേന്ദ്ര സിംഗ്.

800 കോടി രൂപ മുടക്കി നിര്‍മിക്കുന്ന റോവര്‍ ചന്ദ്രന്റെ ദക്ഷിണ ധ്രുവത്തിലാണ് ഇറക്കുകയെന്ന് ഇസ്രോ ചെയര്‍മാന്‍ കെ. ശിവന്‍ പറഞ്ഞു.

ഇന്ത്യയുടെ ആദ്യ ചന്ദ്രദൗത്യമായ ചാന്ദ്രയാന്‍-1 ചന്ദ്രനില്‍ വെള്ളത്തിന്റെ സാന്നിധ്യം കണ്ടെത്തിയിരുന്നു. ചന്ദ്രയാന്‍-1 ന്റെ കൂടുതല്‍ വിപുലമായ ദൗത്യമാണ് ചന്ദ്രയാന്‍-2 എന്നും മനുഷ്യനെ ചന്ദ്രനിലെത്തിക്കുന്നതിലും മികച്ച ദൗത്യമാണിതെന്നും ജിതേന്ദ്ര സിംഗ് പറഞ്ഞു.

ചന്ദ്രോപരിതലത്തില്‍ ചക്രങ്ങളില്‍ നിങ്ങുന്ന റോവര്‍ നിരവധി പരീക്ഷണങ്ങള്‍ നടത്തും. ഏപ്രിലില്‍ വിക്ഷേപണം സാധിച്ചില്ലെങ്കില്‍ നവംബറില്‍ വിക്ഷേപണം നടത്തുമെന്നും ഇസ്രോ ചെയര്‍മാന്‍ കെ. ശിവന്‍ അറിയിച്ചു. ചന്ദ്രോപരിതലത്തിലെ ഏറ്റവും കട്ടിയുള്ള പ്രദേശമാണ് ദക്ഷിണ ധ്രുവം.

ചന്ദ്രോപരിതലത്തിലെ ദശലക്ഷം വര്‍ഷങ്ങള്‍ക്കു മുന്പ് രൂപപ്പെട്ട പാറകളില്‍ റോവര്‍ ഇറക്കി പരീക്ഷണം നടത്തുകയാണു ചന്ദ്രയാന്‍-2 ന്റെ ലക്ഷ്യം. പാറകളില്‍ നടത്തുന്ന പരീക്ഷങ്ങള്‍ പ്രപഞ്ചോല്പത്തിയി ലേ ക്കും വെളിച്ചം വീശിയേക്കും.

ചന്ദ്രന്റെ ദക്ഷിണധ്രുവത്തെക്കുറിച്ച് ഇതുവരെ ആരും പരീക്ഷണം നടത്തിയിട്ടില്ലെന്നും ചന്ദ്രന്റെ ഭൂമധ്യരേഖയിലാണു മറ്റു രാജ്യങ്ങളുടെ ഭൂരിഭാഗം പരീക്ഷണങ്ങളും നടക്കുന്നതെന്നും ശിവന്‍ പറഞ്ഞു.

Elon Musk’s Tesla Roadster might crash into Earth
Posted by
17 February

ബഹിരാകാശത്തെത്തിച്ച ടെസ്ല കാര്‍ ഭൂമിയിലോ മറ്റുഗ്രഹങ്ങളിലോ തകര്‍ന്ന് വീഴാന്‍ സാധ്യത

വാഷിങ്ടണ്‍: ഫാല്‍ക്കണ്‍ റോക്കറ്റിനൊപ്പം ബഹിരാകാശത്തെത്തിച്ച ടെസ്ല റോഡ്സ്റ്റര്‍ കാര്‍ ഭൂമിയിലേക്കോ ശുക്രനിലേക്കോ പതിക്കാന്‍ നേരിയ സാധ്യതയുള്ളതായി അമേരിക്കന്‍ ശാസ്ത്രജ്ഞര്‍. അടുത്ത പത്തുലക്ഷം വര്‍ഷത്തിനിടെ എപ്പോഴെങ്കിലും കാര്‍ ഭൂമിയിലോ ശുക്രനിലോ പതിക്കാനിടയുണ്ടെന്നാണ് ഓര്‍ബിറ്റല്‍ ഡൈനാമിക്സ് വിദഗ്ധരായ ഹാനോ റെയിന്‍, ഡാനിയേല്‍ ടമായോ. ഡേവിഡ് വി. എന്നിവര്‍ ഉള്‍പ്പെട്ട ശാസ്ത്രസംഘത്തിന്റെ നിഗമനം.

എന്നാല്‍ കാര്‍ ഭൂമിയില്‍ പതിക്കാനുള്ള സാധ്യത ആറു ശതമാനവും ശുക്രനില്‍ പതിക്കാനുള്ള സാധ്യത 2.5 ശതമാനവുമാണെന്നാണ് ശാസ്ത്രസംഘത്തിന്റെ നിഗമനം. മാത്രവുമല്ല ഇരുഗ്രഹങ്ങളുടെയും ഉപരിതലത്തില്‍ എത്തുന്നതിനു മുന്നേ കാര്‍ കത്തിപ്പോകാനും സാധ്യതയുണ്ട്. റോയല്‍ അസ്ട്രോണമിക് സൊസൈറ്റിയുടെ പ്രതിമാസ നോട്ടീസില്‍ ഉള്‍പ്പെടുത്തുന്നതിന് മുന്നേ പ്രീ പ്രിന്റ് സൈറ്റ് ആയ മൃതശ് യിലാണ് ഇവരുടെ നിഗമനം പ്രസിദ്ധപ്പെടുത്തിയിരിക്കുന്നത്.

ലോകത്തെ ഏറ്റവും ശക്തിയേറിയ റോക്കറ്റ് ഫാല്‍ക്കണ്‍ ഹെവി ഫെബ്രുവരി ആറിനാണ് സ്പേസ് എക്സ് ബഹിരാകാശത്ത് എത്തിച്ചത്. സ്പേസ് എക്സ് സ്ഥാപകന്‍ എലന്‍ മസ്‌കിന്റെ ഇലക്ട്രിക് കാറായ ടെസ്ല റോഡ്സ്റ്ററിനെയും വഹിച്ചായിരുന്നു റോക്കറ്റ് കുതിച്ചുയര്‍ന്നത്.

എന്നാല്‍ ബഹിരാകാശത്ത് എത്തിയ കാര്‍ അതിന്റെ നിയന്ത്രണ രേഖയില്‍നിന്ന് വഴിമാറിപ്പോയതായി റിപ്പോര്‍ട്ടുകള്‍ പുറത്തെത്തിയിരുന്നു. വാഷിങ്ടണ്‍ പോസ്റ്റാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്

ഈ വര്‍ഷത്തെ ആദ്യ സൂര്യഗ്രഹണം നാളെ; ഇന്ത്യയില്‍ കാണാനാവില്ല
Posted by
14 February

ഈ വര്‍ഷത്തെ ആദ്യ സൂര്യഗ്രഹണം നാളെ; ഇന്ത്യയില്‍ കാണാനാവില്ല

ന്യൂഡല്‍ഹി: ഈ വര്‍ഷത്തെ ആദ്യ സൂര്യഗ്രഹണം നാളെ. ഇതു ഭൂമിയുടെ ദക്ഷിണാര്‍ധഗോളത്തില്‍ മാത്രമേ കാണാനാവൂ. ഈ ഭാഗികഗ്രഹണം ഇന്ത്യയില്‍നിന്നു കാണാനാവില്ല.

ജൂലൈ 13-നും ഓഗസ്റ്റ് 11-നും ഉണ്ടാകുന്ന ഭാഗിക സൂര്യഗ്രഹണങ്ങളും ഇന്ത്യയില്‍ കാണാനാവില്ല.

ഭൂമിക്കരികിലൂടെ ഭീമന്‍ ഛിന്നഗ്രഹം കടന്നുപോകുന്നു
Posted by
10 February

ഭൂമിക്കരികിലൂടെ ഭീമന്‍ ഛിന്നഗ്രഹം കടന്നുപോകുന്നു

ന്യൂയോര്‍ക്ക്: ഭൂമിക്കരികിലൂടെ ശനിയാഴ്ച ഭീമന്‍ ഛിന്നഗ്രഹം കടന്നുപോകുന്നു. 64,000 കിലോമീറ്റര്‍ അകലത്തിലൂടെയാണ് 2018 സിബി എന്ന ഗ്രഹം കടന്നുപോകുന്നത്. എന്നാല്‍ ഛിന്നഗ്രഹം ഭൂമിക്കു ഭീഷണിയല്ലെന്നു നാസ വ്യക്തമാക്കി.

ഗ്രഹത്തിന് 40 മീറ്റര്‍ വ്യാസമാണുള്ളത്. അഞ്ച് ദിവസം മുമ്പ് മാത്രമാണ് ഈ ഛിന്നഗ്രഹം ഗവേഷകരുടെ ശ്രദ്ധയില്‍പ്പെട്ടത്. അരിസോണയിലെ കാറ്റലിന സ്‌കൈ സര്‍വേയിലെ ഗവേഷകരാണ് ഗ്രഹത്തെ കണ്ടെത്തിയത്.

ഭൂമിക്ക് സമീപത്തു കൂടെ മുമ്പും പല ചെറുഗ്രഹങ്ങളും കടന്നുപോയിട്ടുണ്ട്. ഫെബ്രുവരി ആറിന് 2018 സിസി എന്ന ഛിന്നഗ്രഹം ഭൂമിക്ക് 184,000 കിലോമീറ്റര്‍ അകലത്തിലൂടെ കടന്നുപോയിരുന്നു.

ഫാല്‍ക്കണ്‍ ഹെവി റോക്കറ്റില്‍ ബഹിരാകാശത്തേക്ക് അയച്ച ടെസ്‌ല കാര്‍ ഭ്രമണപഥത്തില്‍ എത്തിയില്ല
Posted by
09 February

ഫാല്‍ക്കണ്‍ ഹെവി റോക്കറ്റില്‍ ബഹിരാകാശത്തേക്ക് അയച്ച ടെസ്‌ല കാര്‍ ഭ്രമണപഥത്തില്‍ എത്തിയില്ല

കേപ് കനാവറല്‍: ഫാല്‍ക്കണ്‍ ഹെവി റോക്കറ്റില്‍ ബഹിരാകാശത്തേക്ക് അയച്ച ടെസ്‌ല റോഡ്സ്റ്റര്‍ കാറിനു വഴിതെറ്റി. നിശ്ചിത ഭ്രമണപഥത്തില്‍ എത്താന്‍ പറ്റാതെ ടെസ്‌ല ബഹിരാകാശത്തിന്റെ ആഴങ്ങളിലേക്കു പോകുകയാണ്.

ചൊവ്വയ്ക്കും വ്യാഴത്തിനുമിടയില്‍ ഛിന്നഗ്രഹമേഖലയിലേക്കു ചെല്ലുന്ന ഒരു ഭ്രമണപഥത്തിലാണ് ടെസ്ലയുടെ കാര്‍. ഡ്രൈവറുടെ സ്ഥാനത്ത് സ്റ്റാര്‍മാന്‍ എന്ന പാവ ഇരിപ്പുള്ള റോഡ്സ്റ്റര്‍ റോക്കറ്റില്‍ ഇരിക്കുന്ന ചിത്രം എലോണ്‍ മസ്‌ക് പോസ്റ്റ് ചെയ്തിരുന്നു.

ഭൂമിക്കും ചൊവ്വയ്ക്കുമിടയില്‍ സൂര്യന്‍ കേന്ദ്ര ബിന്ദുവായുള്ള ഒരു ഭ്രമണപഥത്തില്‍ പ്രവേശിച്ച് വര്‍ഷങ്ങളോളം സൗരയൂഥത്തിലൂടെ റോഡ്സ്റ്റര്‍ സഞ്ചരിക്കാനാണ് ഉദ്ദേശിച്ചിരുന്നത്.

വിക്ഷേ പണം കഴിഞ്ഞ് ആറാം മണിക്കൂറില്‍ ഫാല്‍ക്കണ്‍ റോക്കറ്റ് മൂന്നാംഘട്ട എന്‍ജിന്‍ കത്തിച്ചപ്പോള്‍ ഉദ്ദേശിച്ചതിലും ശക്തി ഉണ്ടായതിനാല്‍ നിര്‍ദിഷ്ട ഭ്രമണപഥത്തില്‍ നില്‍ക്കാതെ റോഡ്സ്റ്റര്‍ പോയി.

സ്‌പേസ് എക്‌സ് എന്ന ബഹിരാകാശ കന്പനിയുടെയും ടെസ്ല എന്ന വൈദ്യുതകാര്‍ വൈദ്യുത ബാറ്ററി കന്പനിയുടെയും ഉടമയായ മസ്‌ക് പാവ ഡ്രൈവറെ വച്ച് തന്റെ ഒരു കാര്‍ മാത്രമാണ് ഫാല്‍ക്കണില്‍ അയച്ചത്.

ഛിന്നഗ്രഹമേഖലയില്‍ എത്തിയാല്‍ ഈ റോഡ്സ്റ്റര്‍ എന്തിനോടെങ്കിലും മുട്ടി തകരാനും സാധ്യതയുണ്ട്. സെറസ് എന്ന കുള്ളന്‍ ഗ്രഹത്തിന്റെ സമീപത്തു കൂടിയുള്ളതാണ് റോഡ്സ്റ്ററിന്റെ ഭ്രമണപഥമെന്ന് എലോണ്‍ മസ്‌ക് ട്വീറ്റില്‍ പറഞ്ഞു.

ക്ലോണിങിലൂടെ കുരങ്ങന്മാര്‍; മനുഷ്യരെയും സൃഷ്ടിക്കാമെന്ന പരീക്ഷണത്തിന്റെ ആദ്യ ഘട്ടം വിജയം
Posted by
26 January

ക്ലോണിങിലൂടെ കുരങ്ങന്മാര്‍; മനുഷ്യരെയും സൃഷ്ടിക്കാമെന്ന പരീക്ഷണത്തിന്റെ ആദ്യ ഘട്ടം വിജയം

ബീജിങ്: ക്ലോണിങ് സാങ്കേതിക വിദ്യയിലൂടെ കുരങ്ങുകള്‍ക്ക് ജന്മം നല്‍കി ശാസ്ത്രലോകം. ഈ വിജയ പരീക്ഷണം ക്ലോണിങ്ങിലൂടെ മനുഷ്യരെയും സൃഷ്ടിക്കാമെന്ന കാര്യത്തില്‍ കൂടുതല്‍ ഉറപ്പാണ് നല്‍കിയിരിക്കുന്നത്.

നീണ്ട വാലുകളുള്ള മക്വാക്വെ ഇനത്തില്‍പ്പെട്ട രണ്ട് കുരങ്ങുകളെയാണ് ക്ലോണിങ്ങിലൂടെ സൃഷ്ടിച്ചിരിക്കുന്നത്. ഷോങ് ഷോങ് എന്നും, ഹുവ ഹുവ എന്നുമാണ് ഇവര്‍ക്ക് പേരുകള്‍ നല്‍കിയിരിക്കുന്നത്. ഷോങ് എട്ടാഴ്ച മുമ്പും ഹുവ ആറാഴ്ച മുമ്പുമാണ് ചൈനയിലെ പരീക്ഷണശാലയില്‍ പിറന്നത്.

സിംഗിള്‍ സെല്‍ ന്യൂക്ലിയര്‍ ട്രാന്‍സ്ഫര്‍ (എസ്സിഎന്‍ടി) സാങ്കേതിക വിദ്യയിലൂടെ പിറവിയെടുത്ത ആദ്യ ക്ലോണ്‍ കുരങ്ങുകള്‍ എന്ന പേരും ഇനി ഇവര്‍ക്ക് സ്വന്തമായിരിക്കും. മറ്റൊരു അണ്ഡത്തിലേക്ക് കോശങ്ങളുടെ ന്യൂക്ലിയസ് ഡിഎന്‍എ ട്രാന്‍സ്ഫര്‍ ചെയ്യുകയും അത് ഭ്രൂണമാക്കി വിരിയിക്കുകയും ചെയ്യുന്ന പ്രക്രിയയാണ് സിംഗിള്‍ സെല്‍ ന്യൂക്ലിയര്‍ ട്രാന്‍സ്ഫര്‍. വിവിധ പ്രക്രിയകളിലൂടെ 79 തവണ ശ്രമിച്ചതിനുശേഷമാണ് കുരങ്ങുകളുടെ ക്ലോണിങ് വിജയിച്ചത്.

മനുഷ്യനുമായി ജനിതകപരമായി സാമ്യമുള്ള കുരങ്ങുകളെ ക്ലോണ്‍ ചെയ്യാനായത് വൈദ്യശാസ്ത്രരംഗത്ത് വലിയ ഗവേഷണങ്ങള്‍ക്ക് വഴി തുറക്കുമെന്ന കാര്യത്തില്‍ സംശയമില്ല.

രണ്ട് ദശാബ്ദം മുമ്പ് ഡോളി ചെമ്മരിയാടിനെ ക്ലോണ്‍ ചെയ്‌തെടുത്തിരുന്നു

എനിക്ക് കുട്ടികളില്ല, എന്നാല്‍ മരുമകനെ സോഷ്യല്‍ മീഡിയ ഉപയോഗിക്കുന്നതില്‍ നിന്നും വിലക്കിയിട്ടുണ്ടെന്ന് ആപ്പിള്‍ മേധാവി ടിം കുക്ക്‌
Posted by
22 January

എനിക്ക് കുട്ടികളില്ല, എന്നാല്‍ മരുമകനെ സോഷ്യല്‍ മീഡിയ ഉപയോഗിക്കുന്നതില്‍ നിന്നും വിലക്കിയിട്ടുണ്ടെന്ന് ആപ്പിള്‍ മേധാവി ടിം കുക്ക്‌

ലണ്ടന്‍: സോഷ്യല്‍ മീഡിയ ഉപയോഗത്തോടുള്ള തന്റെ വിയോജിപ്പ് തുറന്ന് പ്രകടിപ്പിച്ച് ആപ്പിള്‍ മേധാവി ടിം കുക്ക്. എനിക്ക് കുട്ടികളില്ല, എന്നാല്‍ മരുമകന്റെ സോഷ്യല്‍ മീഡിയ ഉപയോഗിക്കുന്നതില്‍ നിന്നും വിലക്കിയിട്ടുണ്ടെന്ന് അദ്ദേഹം പറഞ്ഞു.

ഇംഗ്ലണ്ടിലെ എക്‌സസില്‍ വിദ്യാര്‍ത്ഥികളുമായി നടത്തിയ സംവാദത്തിലാണ് അദ്ദേഹം ഇക്കാര്യം വെളിപ്പെടുത്തിയത്. പിങ്ങ് എന്ന പേരില്‍ ഒരു സോഷ്യല്‍ മീഡിയ പ്ലാറ്റ്‌ഫോം മുന്‍പ് ആപ്പിള്‍ ആരംഭിച്ചിരുന്നെങ്കിലും പിന്നീട് അത് പിന്‍വലിച്ചിരുന്നു.

പുനര്‍ജ്ജനിക്കാന്‍ സാധിക്കുമെന്ന് അവകാശവാദവുമായി അമേരിക്കന്‍ ശാസ്ത്രജ്ഞര്‍: മരണഭയം മൂലം ലക്ഷങ്ങള്‍ മുടക്കാന്‍ തയാറായി നിരവധി ആളുകള്‍
Posted by
18 January

പുനര്‍ജ്ജനിക്കാന്‍ സാധിക്കുമെന്ന് അവകാശവാദവുമായി അമേരിക്കന്‍ ശാസ്ത്രജ്ഞര്‍: മരണഭയം മൂലം ലക്ഷങ്ങള്‍ മുടക്കാന്‍ തയാറായി നിരവധി ആളുകള്‍

ഒരാള്‍ക്ക് ജീവന്‍ നല്‍കാനും, അത് തിരിച്ചെടുക്കാനുമുള്ള സിദ്ധി ഇൗശ്വരന് മാത്രമാണുള്ളതെന്ന മനുഷ്യ സങ്കല്‍പങ്ങളെ ചോദ്യം ചെയ്യുന്നതാണ് ശാസ്ത്ര ലോകത്തെ മുള്‍മുനയില്‍ നിര്‍ത്തുന്ന പുതിയ കണ്ടുപിടിത്തം. മരിച്ച മനുഷ്യന് ഇനി പുനര്‍ജന്മം കൂടി സാധ്യമാകുന്നു എന്നതാണത്. മിഷിഗണ്‍ കേന്ദ്രമായി പ്രവര്‍ത്തിക്കുന്ന ക്രയോണിക്‌സ് ഇന്‍സ്റ്റിറ്റ്യൂട്ടിലെ പ്രസിഡന്റ് ഡെന്നീസ് കൊവല്‍സ്‌കിയാണ് ഈ അവകാശവാദം ഉന്നയിക്കുന്നത്.

ക്രയോണിക്‌സ് എന്ന സാങ്കേതിക വിദ്യയടെ സഹായത്തോടെയാണ് ലോകത്തെ തന്നെ മാറ്റിമറിക്കാന്‍ സാധ്യതയുള്ള പരീക്ഷണം നടത്തപ്പെടുന്നത്. മരിച്ച മൃതദേഹം ഉടനെ രക്തം കട്ടപിടിക്കുന്നത് തടയാന്‍ പ്രത്യേക രാസപദാര്‍ത്ഥം കുത്തിവെക്കുന്നു. പിന്നീട് ഐസ് നിറച്ച് ബാഗിലേക്ക് ശരീരം മാറ്റും. കടുത്ത തണുപ്പിലാണ് ശരീരം പിന്നീട് സൂക്ഷിക്കുന്നത്. ഇതിനിടയില്‍ ശരീരത്തില്‍ നിന്നുള്ള രക്തം മുഴുവന്‍ നീക്കം ചെയ്ത് ആന്തരീക അവയവങ്ങള്‍ക്ക് കേടുപ്പറ്റാതിരിക്കാന്‍ മറ്റൊരു ദ്രാവകം കുത്തിവെക്കും.

കൊടും തണുപ്പില്‍ സൂക്ഷിച്ച ശരീരം പിന്നീട് ദ്രവ്യ നൈട്രജന്‍ നിറച്ച ടാങ്കിലേക്ക് മാറ്റും. ഇതിനുള്ളില്‍ നാളുകളോളം സൂക്ഷിച്ച ശേഷം ശരീരത്തിന് ജീവനോടെ ഒരു മടക്കം സാധമാകുമെന്നാണ് ക്രയോണിക്‌സ് ശാസത്രഞ്ജന്‍മാരുടെ അവകാശവാദം.

എന്നാല്‍ വാര്‍ത്ത വന്നതിന് ശേഷം ക്രയോണിക്‌സ് ഇന്‍സ്റ്റിറ്റ്യൂട്ടിലേക്ക് മരിച്ച ശേഷം ജീവിക്കാന്‍ ആഗ്രഹമുള്ള ആളുകളുടെ കുത്തൊഴുക്കാണ്. ഈ പരീക്ഷണത്തിന് മുതിരാന്‍ ആവശ്യപ്പെടുന്ന 35000 ഡോളര്‍ മുടക്കാനും അവര്‍ക്ക് മടിയില്ല.

കാര്‍ട്ടോസാറ്റ്-2 ചിത്രങ്ങളെടുത്തു തുടങ്ങി; പകര്‍ത്തിയ ചിത്രങ്ങള്‍ ഐഎസ്ആര്‍ഒ പുറത്തുവിട്ടു
Posted by
17 January

കാര്‍ട്ടോസാറ്റ്-2 ചിത്രങ്ങളെടുത്തു തുടങ്ങി; പകര്‍ത്തിയ ചിത്രങ്ങള്‍ ഐഎസ്ആര്‍ഒ പുറത്തുവിട്ടു

ബംഗളൂരു: ഐഎസ്ആര്‍ഒയുടെ നൂറാമത് ഉപഗ്രഹമായ കാര്‍ട്ടോസാറ്റ്-2 പകര്‍ത്തിയ ചിത്രങ്ങള്‍ പുറത്തുവിട്ടു. ഇന്‍ഡോറിലെ ഹോള്‍ക്കര്‍ ക്രിക്കറ്റ് സ്റ്റേഡിയം ഉള്‍പ്പെടുന്ന സ്ഥലത്തിന്റെ ചിത്രമാണ് ഐഎസ്ആര്‍ഒ പുറത്തുവിട്ടത്.

ബഹിരാകാശത്തുനിന്ന് ഉന്നത നിലവാരമുള്ള സ്‌പോട്ട് ചിത്രങ്ങളെടുക്കുകയാണു കാര്‍ട്ടോസാറ്റ്-2ന്റെ ലക്ഷ്യം. കഴിഞ്ഞ വെള്ളിയാഴ്ചയാണ് പിഎസ്എല്‍വി-സി 40 റോക്കറ്റ് ഉപയോഗിച്ച് കാര്‍ട്ടോസാറ്റ്-2 വിക്ഷേപിച്ചത്.

പ്രപഞ്ചോല്‍പ്പത്തിക്ക് 50 കോടി വര്‍ഷങ്ങള്‍ക്കു ശേഷം ഉത്ഭവിച്ച നക്ഷത്രസമൂഹത്തെ കണ്ടെത്തി
Posted by
15 January

പ്രപഞ്ചോല്‍പ്പത്തിക്ക് 50 കോടി വര്‍ഷങ്ങള്‍ക്കു ശേഷം ഉത്ഭവിച്ച നക്ഷത്രസമൂഹത്തെ കണ്ടെത്തി

വാഷിംഗ്ടണ്‍: പ്രപഞ്ചോല്‍പ്പത്തിക്ക് 50 കോടി വര്‍ഷങ്ങള്‍ക്കുശേഷം ഉദ്ഭവിച്ച ഗ്യാലക്‌സിയെ(നക്ഷത്രസമൂഹം) നാസ കണ്ടെത്തി. ഹബ്ബിള്‍, സ്പിറ്റ്‌സര്‍ ടെലിസ്‌കോപ്പുകള്‍ ഉപയോഗിച്ചു നടത്തിയ ഗവേഷണത്തിലാണു എസ്പിടി 0615 ജെഡി എന്നുപേരിട്ട ഗ്യാലക്സി കണ്ടെത്തിയത്.

നക്ഷത്രസമൂഹത്തിന്റെ വ്യക്തതയുള്ള ചിത്രങ്ങള്‍ ഗ്രാവിറ്റേഷനല്‍ ലെന്‍സിംഗ് മൂലം ലഭിച്ചു. ഭൂമി ഉള്‍പ്പെടുന്ന സൗരയൂഥത്തോട് താരതമ്യേന അടുത്താണെങ്കിലും ശ്രദ്ധയില്‍പ്പെട്ടിരുന്നില്ല.

error: This Content is already Published.!!