ജിയോയെ വെല്ലാനായ് ഐയുസി: മൊബൈല്‍ കോള്‍ നിരക്കുകള്‍ വീണ്ടും കുറയുന്നു
Posted by
23 August

ജിയോയെ വെല്ലാനായ് ഐയുസി: മൊബൈല്‍ കോള്‍ നിരക്കുകള്‍ വീണ്ടും കുറയുന്നു

ന്യൂഡല്‍ഹി: ജിയോയെ വെല്ലാനായ് ഐയുസി മൊബൈല്‍ കോള്‍ നിരക്കുകള്‍ വീണ്ടും കുറയ്ക്കുന്നു. ഒരു നെറ്റ് വര്‍ക്കില്‍ നിന്ന് മറ്റൊന്നിലേക്ക് വിളിക്കുമ്പോള്‍ ഈടാക്കുന്ന ഇന്റര്‍ കണക്ട് യൂസേജ് ചാര്‍ജ് (ഐയുസി) ഘട്ടംഘട്ടമായി ഇല്ലാതാക്കാനാണ് ഇതിലൂടെ ട്രായ് ശ്രമിക്കുന്നത്.

നിലവില്‍ മിനിറ്റിന് 14 പൈസയാണ് ഉപഭോക്താക്കളില്‍ നിന്ന് ഐയുസിയായി മൊബൈല്‍ സേവന ദാതാക്കള്‍ ഈടാക്കുന്നത്. ആദ്യഘട്ടത്തില്‍ ഇത് ഏഴ് പൈസയും പിന്നീട് മൂന്ന് പൈസയുമായി കുറയക്കാനാണ് ആലോചിക്കുന്നത്. അടുത്തഘട്ടത്തില്‍ ചാര്‍ജ് എടുത്തുകളയുകയും ചെയ്യും.

ജിയോ ഉപഭോക്താക്കള്‍ക്കായി ഏത് നെറ്റ് വര്‍ക്കിലേക്കും സൗജന്യ വോയ്‌സ് കോളുകളാണ് നല്‍കുന്നത്. ഇതോടെയാണ് ഐയുസിയില്‍ കുറവു വരുത്താന്‍ ട്രായ് തീരുമാനിച്ചത്. ജിയോ കടന്നുവരുന്നതിന് മുമ്പ് ഐഡിയ, വോഡഫോണ്‍, എയര്‍ടെല്‍ തുടങ്ങിയ കമ്പനികള്‍ ഐയുസി ഇനത്തില്‍ കോടികളാണ് ഉപഭോക്താക്കളില്‍ നിന്ന് നേടിയിരുന്നത്.

ഇന്ത്യയില്‍ ടെലികോം ഭീമനായ എയര്‍ടെല്‍ കഴിഞ്ഞവര്‍ഷം ഐയുസി ഇനത്തില്‍ ഉപഭോക്താക്കളില്‍ നിന്ന് നേടിയത് 10,279 കോടി രൂപയാണ്. മാത്രമല്ല നിലവില്‍ ഈടാക്കുന്ന തുകയില്‍ വര്‍ധനവ് വരുത്തണമെന്നാവശ്യപ്പെട്ട് എയര്‍ടെല്‍ ട്രായ് ചെയര്‍മാന് അയച്ച കത്ത് പരിഗണിക്കാതെയാണ് നിരക്ക് വീണ്ടും കുറയ്ക്കാന്‍ ട്രായ് തയ്യാറെടുക്കുന്നത്. അങ്ങനെയാണെങ്കില്‍ വോയിസ് കോളുകള്‍ക്ക് ഈടാക്കുന്ന നിരക്ക് വീണ്ടും കുത്തനെ കുറയുമെന്നാണ് പ്രതീക്ഷിക്കുന്നത്.

ഇത്തവണയും മധുരപേരു തന്നെ; ആന്‍ഡ്രോയ്ഡിന്റെ എട്ടാം പതിപ്പ് ‘ഓറിയോ’ പുറത്തിറങ്ങി
Posted by
22 August

ഇത്തവണയും മധുരപേരു തന്നെ; ആന്‍ഡ്രോയ്ഡിന്റെ എട്ടാം പതിപ്പ് 'ഓറിയോ' പുറത്തിറങ്ങി

പേരെന്തായിരിക്കുമെന്ന ആശങ്കല്‍ ഒഴിഞ്ഞു, ഗൂഗിള്‍ ആന്‍ഡ്രോയിഡിന്റെ പുതിയ പതിപ്പ് ‘ഓറിയോ’ എന്ന മധുരപ്പേരില്‍ പുറത്തിറങ്ങി. ന്യൂയോര്‍ക്കില്‍ നടന്ന ചടങ്ങിലാണ് പുതിയ ഒഎസ് പുറത്തിറക്കിയത്. ഓരോ പതിപ്പിനും മധുരപലഹാരങ്ങളുടെ പേരിടുന്ന പതിവ് ഇത്തവണയും ഗൂഗിള്‍ തെറ്റിച്ചില്ല. ഓട്ട്മീല്‍ കുക്കീ, ഒക്ടോപസ്, ഓറഞ്ച് തുടങ്ങിയ പേരുകളെ പിന്തള്ളിയാണ് ഓറിയോയെ ഗൂഗിള്‍ തിരഞ്ഞെടുത്തത്. കൂടുതല്‍ സ്മാര്‍ട്ട്, സേഫ്,സ്്‌ട്രോങ്, സ്വീറ്റ് എന്നീ വിശേഷണങ്ങളോടെയാണ് ആന്‍ഡ്രോയിഡ് എട്ടാം പതിപ്പായ ഓറിയോയുടെ വരവ്.

അമേരിക്കയില്‍ സൂര്യഗ്രഹണത്തിനിടെയായിരുന്നു ഓറിയോയുടെയും ലോഞ്ച്. ഗ്രഹണത്തിന് സൂര്യനും ചന്ദ്രനും ചേര്‍ന്ന് ആകാശത്ത് സൃഷ്ടിക്കപ്പെടുന്ന ഇംഗ്ലീഷ് അക്ഷരം ‘ഒ’ ആകൃതിക്കു സമാനമാണ് ആന്‍ഡ്രോയ്ഡ് ഒ എന്നതായിരുന്നു വിശദീകരണം.

കൂടുതല്‍ മികച്ച ബാറ്ററി പെര്‍ഫോമന്‍സായിരിക്കും ആന്‍ഡ്രോയ്ഡ് ഒയുടെ പ്രധാന ഗുണം. ബാക്ക്ഗ്രൗണ്ടിലുള്ള ആപ്ലിക്കേഷനുകളെ നിയന്ത്രിച്ചായിരിക്കും ബാറ്ററിയുടെ ആയുസ്സ്‌കൂട്ടുക. നോട്ടിഫിക്കേഷനുകള്‍ എങ്ങനെയാണ് ഫോണില്‍ ലഭിക്കേണ്ടത് എന്നതിന്മേല്‍ യൂസര്‍ക്ക് ‘ഒ’ വഴി കൂടുതല്‍ നിയന്ത്രണം ലഭിക്കും. ഇമോജികളില്‍ വരുന്ന മാറ്റങ്ങള്‍ ഉള്‍പ്പെടെ ഒട്ടേറെ ഫീച്ചറുകളാണ് ‘ഒ’യില്‍ കാത്തിരിക്കുന്നതും. ഗൂഗിള്‍ പിക്‌സല്‍, ഗൂഗിള്‍ പിക്‌സല്‍ എക്‌സ്എല്‍ എന്നിവയിലായിരിക്കും ആന്‍ഡ്രോയ് ഓറിയോ ഓപറേറ്റിങ് സിസ്റ്റം ആദ്യം എത്തുക. പിന്നീട് നെക്‌സസസ് മോഡലുകളിലും നോക്കിയയുടെ പുതിയ മോഡലുകളിലും ഒഎസ് എത്തും.

മൂന്നു വര്‍ഷത്തിനൊടുവില്‍ വിജയം; ഫോണില്‍ മാത്രമല്ല, വാട്ട്‌സ്ആപ്പ് സ്റ്റാറ്റസ് ഇനി വെബിലും ലഭ്യം
Posted by
20 August

മൂന്നു വര്‍ഷത്തിനൊടുവില്‍ വിജയം; ഫോണില്‍ മാത്രമല്ല, വാട്ട്‌സ്ആപ്പ് സ്റ്റാറ്റസ് ഇനി വെബിലും ലഭ്യം

കൊച്ചി: കഴിഞ്ഞ വര്‍ഷമാണ് ഫേസ്ബുക്ക് ഉടമസ്ഥതയിലുള്ള വാട്ട്‌സ്ആപ്പ് പുതിയ സ്റ്റാറ്റസ് സംവിധാനം അവതരിപ്പിച്ചത്. ഈ പുതിയ സംവിധാനം ഐ ഒഎസ്, ആന്‍ഡ്രോയിഡ് ഉപഭോക്താകള്‍ക്ക് ലഭ്യമായിരുന്നു. ഇപ്പോള്‍ ഇതാ വാട്ട്‌സ്ആപ്പിന്റെ ഡെസ്‌ക് ടോപ്പ് വേര്‍ഷനായ വെബിലും സ്റ്റാറ്റസ് അവതരിപ്പിച്ചിരിക്കുകയാണ് കമ്പനി. കഴിഞ്ഞ മൂന്ന് വര്‍ഷമായി ഇതിന്റെ പരിശ്രമത്തിലായിരുന്നു കമ്പനി.

ഡെസ്‌ക് ടോപ്പ് വേര്‍ഷനായ വെബില്‍ ഉപഭോക്താകളുടെ പ്രൊഫൈല്‍ ചിത്രത്തിന് സമീപത്തായാണ് സ്റ്റാറ്റസ് കാണുന്നതിനുള്ള ഐക്കണ്‍ വാട്ട്‌സ്ആപ്പ് നല്‍കിയിരിക്കുന്നത്. ഇതില്‍ ക്ലിക്ക് ചെയ്താല്‍ വാട്ട്‌സ്ആപ്പ് ഫ്രണ്ടസിന്റെ സ്റ്റാറ്റസ് കാണാം.

വാട്സ് ആപിന്റെ പുതിയ സംവിധാന പ്രകാരം ഫോട്ടോ, ജിഫ്, വീഡിയോ, ഇമോജി എന്നിവ സ്റ്റാറ്റസായി നല്‍കാം. പണമിടപാടുകള്‍ക്കുള്ള സൗകര്യവും കൂടി ഉടന്‍ തന്നെ വാട്ട്‌സ്ആപ്പില്‍ എത്തുമെന്നാണ് സൂചന. ഇന്ത്യയില്‍ അടക്കം ഇതിന്റെ ലൈസന്‍സ് പോലുള്ള നടപടി ക്രമങ്ങള്‍ ഇതിനകം വാട്ട്‌സ്ആപ്പ് പൂര്‍ത്തിയാക്കി കഴിഞ്ഞു.

സെല്‍ഫി പ്രേമികള്‍ക്കായ് പാനസോണിക് എലൂഗാ ഐടു ആക്ടീവ്
Posted by
19 August

സെല്‍ഫി പ്രേമികള്‍ക്കായ് പാനസോണിക് എലൂഗാ ഐടു ആക്ടീവ്

സെല്‍ഫി പ്രേമികള്‍ക്കായ് സ്മാര്‍ട്ട്‌ഫോണ്‍ വിപണിയില്‍ പാനസോണിക് പുതിയ എലുഗാ ഐടു ആക്ടീവുമായി രംഗത്ത്. ലെനവോ വൈബ് കെ ഫൈവ് പ്ലസിനോടും ഷിവോമി റെഡ്മി ഫോര്‍ എയോടുമാണ് എലൂഗാ ഐ ടു ആക്ടീവ് വിപണിയില്‍ മത്സരിക്കുന്നത്.

പാനസോണിക് എലൂഗാ ഐടു ആക്ടീവ് രണ്ട് പതിപ്പുകളായാണ് അവതരിപ്പിക്കുന്നത്. 2 ജിബി റാമുള്ള ഒന്നാമത്തെ പതിപ്പിന് 7,990 രൂപയും 1 ജിബി റാമുള്ള രണ്ടാമത്തേതിന് 7,190 രൂപയുമാണ് വില. സ്മാര്‍ട്ട്‌ഫോണിന്റെ ലഭ്യതയെപ്പറ്റി കമ്പനി കൂടുതല്‍ വിവരങ്ങളൊന്നും പുറത്തു വിട്ടിട്ടില്ല.

ആന്‍ഡ്രോയിഡ് 7.0 ന്യൂഗട്ടിലാണ് പാനാസോണിക് എലൂഗാ ഐടു ആക്ടീവ് പ്രവര്‍ത്തിക്കുന്നത്. 1280x 720 പിക്‌സല്‍ റെസലൂഷനില്‍ 5 ഇഞ്ച് ഡിസ്‌പ്ലേയാണ് ആക്ടീവിന്റെ പ്രത്യേകത. 2,200 എംഎഎച്ച് ബാറ്ററിയാണുള്ളത്. 8 എംപി പിന്‍ക്യാമറയും സെല്‍ഫികള്‍ക്കായി 5 എംപി ഫ്രണ്ട് ക്യാമറയുമുണ്ട്. ഡ്യൂവല്‍ സിം ഹൈബ്രിഡ് ഡിവൈസില്‍, വൈഫൈ, ബ്ലൂടൂത്ത്, ജിപിഎസ് സംവിധാനങ്ങളുണ്ട്. കോഡ് കോര്‍ MT6737 മീഡിയ ടെക്ക് പ്രോസസറില്‍ പ്രവര്‍ത്തിക്കുന്ന ഫോണിന് 16 ജിബി ഇന്റേണല്‍ സ്‌റ്റോറേജ് സംവിധാനം ഉണ്ട്.

സെല്‍ഫി ക്യാമറകള്‍ക്കു മാത്രമായുള്ള സ്മാര്‍ട് ഫോണ്‍ പ്രേമികള്‍ക്കു വേണ്ടിയാണ് പാനാസോണിക് എലൂഗാ ഐടു ആക്ടീവ് അവതരിപ്പിക്കുന്നതെന്ന് പാനസോണിക് ഇന്ത്യയുടെ മൊബൈല്‍ ഡിവിഷന്‍ ബിസിനസ് തലവന്‍ പങ്കജ് റാണ പറഞ്ഞു. 5 ഇഞ്ച് എച്ച്ഡി ഡിസ്‌പ്ലേയായതിനാല്‍ ഈസിയായി കൈകാര്യം ചെയ്യാനും പോക്കറ്റില്‍ സൂക്ഷിക്കാനും കഴിയും. എല്ലാദിവസവും ഉപയോഗിക്കാനാവുന്ന പോക്കറ്റ് ക്യാമറയായാണ് മൊബൈല്‍ ഫോണുകളെ ഉപഭോക്താക്കള്‍ കാണുന്നതെന്നും അദ്ദേഹം കൂട്ടിച്ചേര്‍ത്തു.

നല്ല സെല്‍ഫി ക്യാമറയോ ഫിംഗര്‍ പ്രിന്റ് സെന്‍സര്‍ സംവിധാനമുള്ള മൊബൈല്‍ ക്യാമറയോ ആയിരിക്കും അടുത്ത പര്‍ച്ചെയ്‌സില്‍ സെലക്ടു ചെയ്യുക എന്നാണ് അടുത്ത കാലത്ത് കൗണ്ടര്‍ പോയിന്റ് റിസേര്‍ച്ചേര്‍സ് നടത്തിയ സര്‍വ്വേയില്‍ 33 ശതമാനം ഉപഭോക്താക്കളും അറിയിച്ചത്. ഈ സര്‍വ്വേയെ തുടര്‍ന്നാണ് പാനസോണിക് പുതിയ പതിപ്പുമായി വിപണിയിലെത്തിയിരിക്കുന്നത്.

ഫോണ്‍കോളുകള്‍ മുറിഞ്ഞാല്‍ ഇനി മുതല്‍ അഞ്ചുലക്ഷത്തില്‍ കുറയാത്ത പിഴ; കര്‍ശന നടപടിയുമായി ട്രായ്
Posted by
19 August

ഫോണ്‍കോളുകള്‍ മുറിഞ്ഞാല്‍ ഇനി മുതല്‍ അഞ്ചുലക്ഷത്തില്‍ കുറയാത്ത പിഴ; കര്‍ശന നടപടിയുമായി ട്രായ്

ന്യൂഡല്‍ഹി: ഇനി മുതല്‍ ഫോണ്‍ കോളുകള്‍ മുറിഞ്ഞു പോയാല്‍ വെട്ടിലാവുക ടെലികോം കമ്പനികള്‍. ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) ഫോണ്‍വിളി മുറിയലിനെതിരെ കര്‍ശന നടപടിയുമായി രംഗത്തെത്തിയിരിക്കുകയാണ്.

നിലവിലുള്ള മാര്‍ഗനിര്‍ദ്ദേശങ്ങള്‍ പാലിക്കാത്ത ടെലികോം കമ്പനികള്‍ക്കെതിരെ അഞ്ചുലക്ഷത്തില്‍ കുറയാത്ത പിഴ ചുമത്തുമെന്ന് ട്രായ് വ്യക്തമാക്കി. ഫോണ്‍വിളി മുറിയലിന്റെ സമയത്തിനനുസരിച്ചാണ് പിഴ ഈടാക്കുക. ദീര്‍ഘനേരം ഈ അവസ്ഥയാണെങ്കില്‍ പിഴ തുക ഇരട്ടിയാവുമെന്നാണ് ട്രായ്‌യുടെ മുന്നറിയിപ്പ്.

ഒക്ടോബര്‍ ഒന്നുമുതല്‍ പ്രാബല്യത്തില്‍ വരുമെന്ന് ഈ തീരുമാനം നടപ്പിലാക്കും. നേരത്തെ 50,000 രൂപ മാത്രമായിരുന്നു പിഴ. എന്നാല്‍ ഈ പിഴ ഈടാക്കിയിട്ടും ഫോണ്‍ വിളി മുറിയുന്നത് തുടരുന്നതു കൊണ്ടാണ് പുതിയ തീരുമാനം.

ട്രായിയുടെ പുതിയ തീരുമാനം നടപ്പിലാക്കുമെന്ന് സെല്ലുലാര്‍ ഓപ്പറേറ്റേഴ്‌സ് അസോസിയേഷന്‍ ഓഫ് ഇന്ത്യ പറഞ്ഞു.പക്ഷെ സേവനങ്ങളുടെ ഗുണനിലവാരം പൂര്‍ണ തോതില്‍ കമ്പനികളുടെ നിയന്ത്രണത്തിലല്ലെന്നും കാലാവസ്ഥ ഉള്‍പ്പെടെയുള്ള സാഹചര്യങ്ങള്‍ കണക്കിലെടുക്കണമെന്നും അസോസിയേഷന്‍ വ്യക്തമാക്കുന്നു.

ജിയോ ഫോണ്‍ സൗജന്യമായി ലഭിക്കാന്‍ അറിഞ്ഞിരിക്കേണ്ട കാര്യങ്ങള്‍
Posted by
16 August

ജിയോ ഫോണ്‍ സൗജന്യമായി ലഭിക്കാന്‍ അറിഞ്ഞിരിക്കേണ്ട കാര്യങ്ങള്‍

മാസം 1 ജിബി ഡാറ്റ ഉപയോഗിച്ച് ശീലിച്ച നമ്മുടെ ഇന്റര്‍നെറ്റ് ജീവിതം തന്നെ മാറ്റിമറിച്ചുകൊണ്ടാണ് ജിയോ സിം കടന്നുവന്നത്. ഇപ്പോള്‍ ഇന്ത്യയിലെ മൊബൈല്‍ ഉപഭോക്താക്കള്‍ക്ക് ദിവസം 1 ജിബി ഡാറ്റ ഇല്ലാതെ പറ്റില്ലെന്നായിരിക്കുന്നു. ജിയോ സിം വിപണിയില്‍ ഇറങ്ങിയപ്പോള്‍ അതിന്റെ ഒന്നും ആവശ്യം തങ്ങള്‍ക്കില്ല എന്ന് പറഞ്ഞ് നടന്നവര്‍ക്ക് തന്നെ പിന്നീട് മണിക്കൂറുകളോളം വരിനിന്ന് ജിയോ സിം വാങ്ങിക്കേണ്ടിവന്നിട്ടുണ്ട്. ജിയോ സിംമ്മിന്റെ വരവോടുകൂടിയാണ് ഉപഭോക്താക്കളെ പിഴിഞ്ഞ് കാശുണ്ടാക്കിയിരുന്ന പല മൊബൈല്‍ നെറ്റ്‌വര്‍ക്കുകളും മാന്യമായ ഡാറ്റ ചാര്‍ജ്ജ് ഈടാക്കാന്‍ തുടങ്ങിയത്.

ജിയോ സിം തരംഗം നിലനില്‍ക്കുമ്പോള്‍ തന്നെയാണ് റിലയന്‍സ് ഇന്‍ഡസ്ട്രീസ് ഇപ്പോള്‍ ജിയോ ഫോണുമായി വിപണി പിടിക്കാന്‍ ഇറങ്ങിയിരിക്കുന്നത്. ജിയോ ഫോണ്‍ വാങ്ങിക്കാന്‍ ഇപ്പോള്‍തന്നെ അനേകം ആളുകള്‍ കാത്തിരിക്കുകയാണ്. ഓണ്‍ലൈന്‍ രജിസ്‌ട്രേഷന്‍ ഇപ്പോള്‍ Jio.com ല്‍ നടക്കുന്നുണ്ട്. 4 ജി ഡാറ്റ സ്ട്രീമിങ്ങുമായി സൗജന്യമായിട്ടാണ് ജിയോ ഫോണ്‍ നിങ്ങള്‍ക്ക് ലഭിക്കുക. 1500 രൂപ സെക്യൂരിറ്റി ഡെപ്പോസിറ്റ് അടച്ചാല്‍ ഫോണ്‍ ലഭ്യമാകും. ഈ ഡെപ്പോസിറ്റ് 36 മാസത്തിനുശേഷം റീഫണ്ട് ചെയ്യും. 36 മാസങ്ങള്‍ക്ക് ശേഷം ഫോണ്‍ തിരിച്ചുകൊടുക്കുന്നവര്‍ക്കാണ് ഡെപ്പോസിറ്റ് തുകയായ 1500 രൂപ തിരിച്ച് കിട്ടുന്നത്.

ഓഫ്‌ലൈന്‍ റീട്ടെയ്‌ലര്‍ വഴി ജിയോ ഫോണ്‍ ബുക്ക് ചെയ്യുന്നതിനെ കുറിച്ച് നിങ്ങള്‍ അറിഞ്ഞിരിക്കേണ്ടത്:

  • ഒരു ജിയോ ഫോണ്‍ ഓര്‍ഡര്‍ ചെയ്യാന്‍, നിങ്ങളുടെ ആധാര്‍ കാര്‍ഡിന്റെ ഒരു പകര്‍പ്പുമായി അംഗീകൃത ജിയോ റീട്ടെയിലറെ സമീപിച്ചാല്‍ മതിയാകും.
  • ഒരു ആധാര്‍ നമ്പറില്‍ നിങ്ങള്‍ക്ക് ഒരു ഫോണ്‍ മാത്രമേ ലഭിക്കുകയൂള്ളൂ.
  • നിങ്ങളുടെ ആധാര്‍ നമ്പര്‍ സമര്‍പ്പിക്കുമ്പോള്‍ പണം നല്‍കേണ്ടതില്ല. ഓഫ്‌ലൈന്‍ സ്‌റ്റോറിയില്‍ നിന്ന് നിങ്ങള്‍ക്ക് ആവശ്യമായ ഫോണ്‍ തിരഞ്ഞെടുക്കുമ്പോള്‍ മാത്രമേ റീട്ടെയ്‌ലര്‍ക്ക് 1,500 രൂപ നല്‍കേണ്ടതുള്ളൂ.
  • 36 മാസത്തിനു ശേഷം 1500 രൂപ തിരികെ നല്‍കും.
  • ഗാഡ്ജറ്റ് 360ന്റെ റിപ്പോര്‍ട്ട് പ്രകാരം നിങ്ങള്‍ ഇപ്പോള്‍ ഓര്‍ഡര്‍ ചെയ്താല്‍, സെപ്തംബര്‍ 1 നും സെപ്റ്റംബര്‍ 4 നും ഇടയില്‍ ആയിരിക്കും നിങ്ങള്‍ക്ക് ജിയോ ഫോണ്‍ ലഭിക്കുന്നത്.

ഓണ്‍ലൈന്‍ രജിസ്‌ട്രേഷന്‍ ചെയ്യുന്നതിന് :

  • ജിയോ ഫോണ്‍ വാങ്ങാന്‍ താല്പര്യമുള്ളവര്‍ ഇപ്പോള്‍ Jio.comല്‍ ഓണ്‍ലൈനായി രജിസ്റ്റര്‍ ചെയ്യണം
  • നേരിട്ട് രജിസ്‌ട്രേഷന്‍ പേജിലേയ്ക്ക് പോകാന്‍ : http://www.jio.com/en-in/jp-keep-me-posted
  • റിലയന്‍സ് ഇന്‍ഡസ്ട്രീസിന്റെ നാലാം തലമുറയില്‍ പെട്ട ടെലികോം കമ്പനിയായ റിലയന്‍സ് ജിയോ മാസത്തില്‍ 153 രൂപയ്ക്ക് പരിധിയില്ലാത്ത ഡാറ്റ നല്‍കും.
  • കഴിഞ്ഞ വര്‍ഷം സെപ്റ്റംബറില്‍ വിപണിയില്‍ ഇറങ്ങിയ ജിയോക്ക് 125 ദശലക്ഷം ഉപയോക്താക്കളുണ്ട്.

78 കോടിയോളം ആളുകള്‍ ഇന്ത്യയില്‍ മൊബൈല്‍ ഫോണ്‍ ഉപയോഗിക്കുന്നുണ്ട്. അതില്‍ തന്നെ 50 കോടിയോളം ആളുകള്‍ ഇന്റര്‍നെറ്റ് ഉപയോഗിക്കാന്‍ സാധിക്കാത്തവരാണ്. അത്തരക്കാരെ ഉദ്ദേശിച്ചാണ് ജിയോ ഫോണ്‍ ഇന്ത്യന്‍ വിപണിയില്‍ ഇറക്കുന്നതെന്ന് അംബാനി പറഞ്ഞിരുന്നു. പുതിയ ഫോണ്‍ ഈ 50 കോടി ഉപയോക്താക്കള്‍ക്ക് ‘താങ്ങാവുന്ന വില’ നല്‍കി വാങ്ങാവുന്നതാണ്.

സ്വാതന്ത്ര്യദിനത്തില്‍ ഉപഭോക്താക്കള്‍ക്ക് നോക്കിയയുടെ സമ്മാനം
Posted by
15 August

സ്വാതന്ത്ര്യദിനത്തില്‍ ഉപഭോക്താക്കള്‍ക്ക് നോക്കിയയുടെ സമ്മാനം

ഉപഭോക്താക്കള്‍ക്ക് നല്‍കിയ വാക്കുപാലിച്ച് നോക്കിയയുടെ സ്വാതന്ത്രദിന സമ്മാനം ആന്‍ഡ്രോയിഡ് സീരിസിലെ നോക്കിയ 5 സ്മാര്‍ട്‌ഫോണ്‍ വിപണിയിലെത്തി. ഓഗസ്റ്റ് 15 ന് ഫോണ്‍ വിപണിയിലിറക്കുമെന്ന വാര്‍ത്ത നോക്കിയാ ഫോണ്‍നിര്‍മ്മാതാക്കളായ എച്ച്എംഡി ഗ്ലോബല്‍ സ്ഥിരീകരിച്ചിട്ടുണ്ടെന്ന് ഓണ്‍ലൈന്‍ ടെക്ക് മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

ജൂലായ് 7 മുതല്‍ ഫോണിനായുള്ള പ്രീ ബുക്കിംഗ് സൗകര്യം ഏര്‍പ്പെടുത്തിയിരുന്നു. ഡല്‍ഹി, മുംബൈ, ചെന്നൈ, ബംഗളുരു, ഹൈദരാബാദ്, കൊല്‍ക്കത്ത, പൂനെ തുടങ്ങിയ നഗരങ്ങളിലാണ് ബ്രീ ബുക്കിംഗ് സൗകര്യം ഏര്‍പ്പെടുത്തിയിരുന്നത്. 12,499 രൂപ വിലയാകും നോക്കിയ 5 നെന്നാണ് റിപ്പോര്‍ട്ട്. ആന്‍ഡ്രോയിഡ് ന്യൂഗട്ട് 7.1.1 ലാണ് നോക്കിയ 5 പ്രവര്‍ത്തിക്കുന്നത്.
നോക്കിയയുടെ പുതിയ പതിപ്പായ ആന്‍ഡ്രോയിഡ് ഓ അപ്‌ഡേറ്റ് ലഭ്യമാക്കുമെന്നും എച്ച്എംഡി അറിയിച്ചിട്ടുണ്ട്. 13 മെഗാ പിക്‌സല്‍ ക്യാമറയും 8 എംപി മുന്‍ ക്യാമറയുമാണ് നോക്കിയ 5 ന്റെ പ്രത്യേകത. 5.2 ഇഞ്ച് ഡിസ്‌പ്ലേയും 720പിക്‌സല്‍ റെസലൂഷനും 3000 എംഎഎച്ച് ബാറ്ററിയുമാണ് ഫോണിനുള്ളത്. നോക്കിയ 5 ഓഗസ്റ്റ് പകുതിയോടെ വിപണിയിലെത്തുമെന്ന് എച്ച്എംഡി ഗ്ലോബല്‍ നേരത്തെ തന്നെ അറിയിച്ചിരുന്നു.

പോക്കറ്റിലിരുന്ന റെഡ്മി നോട്ട് 4 പൊട്ടിത്തെറിച്ച്, യുവാവിന് പരിക്ക്
Posted by
14 August

പോക്കറ്റിലിരുന്ന റെഡ്മി നോട്ട് 4 പൊട്ടിത്തെറിച്ച്, യുവാവിന് പരിക്ക്

ഗോദാവരി: ചാര്‍ജ് കുത്തിയ വെച്ച ഫോണ്‍ മാത്രമല്ല പൊട്ടിതെറിക്കുക എന്ന് ചൈനീസ് കമ്പനിയായ ഷവോമിയുടെ ജനപ്രിയ ഹാന്‍ഡ്‌സെറ്റ് റെഡ്മി നോട്ട് 4 തെളിയിച്ചിരിക്കുകയാണ്. പോക്കറ്റിലിരുന്ന ഫോണ്‍ പൊട്ടിതെറിച്ച് സൂര്യ കിരണ്‍ എന്ന യുവാവിനു പരിക്കേറ്റു. ആന്ധ്രാപ്രദേശിലെ ഗോദാവരിയിലാണ് സംഭവം. ബൈക്കില്‍ സഞ്ചരിക്കവെയാണ് പാന്റ്‌സിന്റെ പോക്കറ്റിലിരുന്ന ഫോണ്‍ പൊട്ടിതെറിച്ചത്. അപകടത്തില്‍ യുവാവിന് പൊള്ളലേറ്റിട്ടുണ്ട്. പൊട്ടിത്തെറിച്ച ഫോണ്‍ പുറത്തെടുക്കാന്‍ കഴിഞ്ഞില്ല. തുടര്‍ന്ന് നാട്ടുകാരാണ് സൂര്യ കിരണിനെ രക്ഷിച്ചത്.

ഇരുപത് ദിവസം മുന്‍പ് വാങ്ങിയ റെഡ്മി നോട്ട് 4 പൂര്‍ണമായും തകര്‍ന്നിട്ടുണ്ട്. ഫ്‌ലിപ്കാര്‍ട്ട് വഴിയാണ് റെഡ്മി നോട്ട് 4 വാങ്ങിയത്. സംഭവം കണ്‍സ്യൂമര്‍ ഫോറത്തില്‍ അറിയിക്കുമെന്ന് സൂര്യ പറഞ്ഞു. ഫോണിനു പ്രശ്‌നമൊന്നും ഉണ്ടായിരുന്നില്ലെന്ന് അദ്ദേഹം പറഞ്ഞു.

സ്വാതന്ത്ര്യദിന സന്ദേശത്തിനായി നിര്‍ദേശങ്ങള്‍ ആരാഞ്ഞ മോഡിയുടെ ഇന്‍ബോക്‌സ് നിറച്ച് പൗരന്മാര്‍
Posted by
14 August

സ്വാതന്ത്ര്യദിന സന്ദേശത്തിനായി നിര്‍ദേശങ്ങള്‍ ആരാഞ്ഞ മോഡിയുടെ ഇന്‍ബോക്‌സ് നിറച്ച് പൗരന്മാര്‍

ന്യൂഡല്‍ഹി: സ്വാതന്ത്രദിന സന്ദേശത്തില്‍ ഉള്‍പ്പെടുത്താന്‍ പൊതുജനങ്ങളില്‍ നിന്നും നിര്‍ദ്ദേശങ്ങള്‍ ആരാഞ്ഞ പ്രധാനമന്ത്രിക്ക് ലഭിച്ചത് അഭിപ്രായങ്ങളുടെയും, നിര്‍ദ്ദേശങ്ങളുടെയും കൂമ്പാരം. പ്രധാനമന്ത്രിയുടെ അഭ്യര്‍ത്ഥന മാനിച്ച് 8000ത്തോളം നിര്‍ദ്ദേശങ്ങളാണ് ഇതിനോടകം എത്തിയിട്ടുളളതെന്ന് പ്രധാനമന്ത്രിയുടെ ഓഫീസ് അറിയിച്ചു.

നരേന്ദ്ര മോദി ആപ്പിലൂടെയും മൈ ഗവ.ഇന്‍ പോര്‍ട്ടിലിലൂടെയുമാണ് നിര്‍ദേശങ്ങളെത്തിയത്. ആറായിരം നിര്‍ദേശങ്ങള്‍ നരേന്ദ്ര മോദി ആപ്പിലൂടെയും മൈ ഗവ.ഇന്‍ പോര്‍ട്ടലിലൂടെ രണ്ടായിരം നിര്‍ദേശങ്ങളുമെത്തി.

പ്രധാനമന്ത്രിയുടെ പ്രതിമാസ റേഡിയോ പ്രഭാഷണപരമ്പരയായ മന്‍ കി ബാത്തിന്റെ കഴിഞ്ഞ ലക്കത്തിലാണ് പൗരന്മാരോട് പ്രധാനമന്ത്രി നിര്‍ദേശങ്ങള്‍ അയയ്ക്കാന്‍ ആവശ്യപ്പെട്ടത്. പ്രസംഗം ഒരുമണിക്കൂറിനുള്ളില്‍ പൂര്‍ത്തിയാക്കുമെന്നും അദ്ദേഹം പറഞ്ഞിട്ടുണ്ട്.

 

പണമിടപ്പാട് ഇനി വാട്‌സ്ആപ്പിലൂടെ ആകാം
Posted by
11 August

പണമിടപ്പാട് ഇനി വാട്‌സ്ആപ്പിലൂടെ ആകാം

ഇനി മുതല്‍ പണമിടപ്പാടും വാട്‌സ്ആപ്പ് വഴിയാക്കാം. വാട്‌സ്ആപ്പിന്റെ ഏറ്റവും പുതിയ പതിപ്പായ 2.17.285 ബീറ്റയില്‍ ഭാവിയില്‍ പണമിടപാട് നടത്തുന്നതിനുള്ള സംവിധാനമാണ് പരീക്ഷിക്കുന്നത്. ഈ ആഴ്ച മുതല്‍ അതിനുള്ള സംവിധാനങ്ങള്‍ ആന്‍ഡ്രോയിഡ് ആപ്ലിക്കേഷന്റെ ബീറ്റാവെര്‍ഷനില്‍ അവതരിപ്പിച്ചിട്ടുണ്ട്. വാട്‌സ്ആപ്പ് പേമെന്റ്‌സ് എന്ന പേരിലായിരിക്കും പുതിയ ഫീച്ചര്‍ അവതരിക്കുക. ഇതുമായി ബന്ധപ്പെട്ട ഒരു ചിത്രം WABetaInfo എന്ന ബ്ലോഗും പ്രസിദ്ധീകരിച്ചു കഴിഞ്ഞു.

ആധാര്‍ സംവിധാനം ഉപയോഗപ്പെടുത്തിയാകും വാട്‌സ്ആപ്പ് ബാങ്കിങ് പ്രവര്‍ത്തിക്കുക. വാട്‌സ്ആപ്പ് ഈ സംവിധാനം അവതരിപ്പിക്കുന്നതിലൂടെ പെട്ടെന്ന് പണം അയക്കാന്‍ സാധിക്കുന്നതാണ്. ഇമ്മീഡിയറ്റ് പേമെന്റ് സര്‍വീസ് അനുസരിച്ചാകും വാട്‌സ്ആപ്പില്‍ സാമ്പത്തിക ഇടപാടുകള്‍ നടക്കുക.വര്‍ഷാവസാനത്തോടെ വാട്‌സ്ആപ്പ് പണമിടപാട് സംവിധാനം ആരംഭിക്കുമെന്ന് ഗാഡ്‌ജെറ്റ്‌സ് 360 നേരത്തെ റിപ്പോര്‍ട്ട് ചെയ്തിരുന്നു. ഈ സംവിധാനം ഉള്‍പ്പെടുത്തുന്നതിന് നാഷണല്‍ പേമെന്റ് കോര്‍പ്പറേഷന്‍ ഓഫ് ഇന്ത്യയുമായും വാട്‌സ്ആപ്പ് അധികൃതര്‍ സംസാരിച്ചതായും റിപ്പോര്‍ട്ടുകള്‍ പറയുന്നു.

മറ്റ് മെസേജിങ് ആപ്പുകളായ വിചാറ്റും ഹൈക്ക് മെസഞ്ചെറും നേരത്തെ തന്നെ പേമെന്റ് സര്‍വ്വീസ് ആരംഭിച്ചിട്ടുണ്ട്. 20 കോടി ആക്ടീവ് ഉപയോക്താക്കളാണ് നിലവില്‍ വാട്‌സ്ആപ്പിനുള്ളത്. പേമെന്റ് സംവിധാനം വാട്‌സ്ആപ്പില്‍ ഉണ്ടായാല്‍ കൂടുതല്‍ പേര്‍ ഡിജിറ്റല്‍ സാമ്പത്തിക സംവിധാനം ഉപയോഗപ്പെടുത്തുമെന്നാണ് വിലയിരുത്തപ്പെടുന്നത്. കഴിഞ്ഞ വര്‍ഷം നടന്ന നോട്ട് നിരോധനത്തിനു ശേഷം പേടിഎം, മൊബിക്വിക്ക് തുടങ്ങിയ ഡിജിറ്റല്‍ മണി ട്രാന്‍സ്ഫറിംഗ് സംവിധാനങ്ങള്‍് പ്രചാരം ലഭിച്ചിരുന്നു. എന്നാല്‍ ഇവയക്കൊന്നും വാട്‌സ്ആപ്പിനുള്ളതുപോലെ ആക്ടീവ് ഉപയോക്താക്കള്‍ ഇല്ല.

രാജ്യത്ത് ഏറെ ഉപയോക്താക്കളുള്ള പേടിഎമ്മിനാവും വാട്‌സ്ആപ്പിന്റെ പേമെന്റ് സേവനം വെല്ലുവിളിയാവുക. വാട്‌സാആപ്പ് പേടിഎമ്മിനെ പോലെ സാമ്പത്തിക ഇടപാടുകളിലേക്ക് കടക്കുമ്പോള്‍ സ്വന്തമായി മെസ്സേജിങ് സംവിധാനം അവതരിപ്പിക്കാനുള്ള ശ്രമത്തിലാണ് പേടിഎം.