സ്മാര്‍ട്രോണ്‍ ടിഫോണ്‍ പി വിപണിയില്‍
Posted by
16 February

സ്മാര്‍ട്രോണ്‍ ടിഫോണ്‍ പി വിപണിയില്‍

ഒട്ടേറെ പുതുമകള്‍ നിറഞ്ഞ സ്മാര്‍ട്ട്‌ഫോണ്‍, ടിഫോണ്‍ പി, ഇന്ത്യയിലെ പ്രഥമ ഗ്ലോബല്‍ പ്രീമിയര്‍ ഐഒടി ബ്രാന്‍ഡുമായ സ്മാര്‍ട്രോണ്‍ വിപണിയിലെത്തിച്ചു. ബജറ്റ് സ്മാര്‍ട്ട്‌ഫോണ്‍ ആയ ടി ഫോണ്‍ പിയുടെ വില 7999 രൂപ.

ഒറ്റ ചാര്‍ജില്‍ രണ്ടുദിവസത്തിലേറെ ചാര്‍ജ് ലഭിക്കുന്ന 5000 എംഎഎച്ച് ബാറ്ററിയാണ് പ്രധാന സവിശേഷത. മറ്റ് സ്മാര്‍ട്ട്‌ഫോണുകള്‍, സ്മാര്‍ട്ട് ബാന്‍ഡുകള്‍, സ്പീക്കര്‍ എന്നിവ ഇതില്‍ നിന്നും ചാര്‍ജ് ചെയ്യാം. പ്രീമിയം ഫുള്‍ മെറ്റല്‍ ബോഡി, 5-2 എച്ച്ഡി ഡിസ്‌പ്ലേ എന്നിവയാണ് സവിശേഷതകള്‍.

160 ഗ്രാം ഭാരം, 3 ജിബി റാം, 32 ജിബി റോം, ഫിംഗര്‍ പ്രിന്റ് സെന്‍സര്‍, 13 മെഗാപിക്‌സല്‍ എല്‍ഇഡി ഫ്‌ളാഷ്, പിന്‍ കാമറ, 5 മെഗാ പിക്‌സല്‍ മുന്‍കാമറ, ഇരട്ട സിം, ക്വാള്‍കോം സ്‌നാപ്ഡ്രാഗണ്‍ ഒക്ടാ പ്രോസസര്‍ ചിപ്‌സെറ്റ് എന്നിവയാണ് മറ്റ് ഘടകങ്ങള്‍.

ആപ്പിള്‍ ഐമാക് പ്രോ ഇന്ത്യയില്‍
Posted by
16 February

ആപ്പിള്‍ ഐമാക് പ്രോ ഇന്ത്യയില്‍

കമ്പ്യൂട്ടര്‍ ആരാധകരുടെ എക്കാലത്തെയും സ്വപ്നമാണ് ആപ്പിള്‍ ഐമാക്. എഡിറ്റിങ്ങ്, ഗെയ്മിംഗ്, സര്‍ഫിംഗ്, ആര്‍ട്ടിഫിഷ്യല്‍ ഇന്റലിജന്‍സ് എന്നിങ്ങനെ ഒരു കമ്പ്യൂട്ടറിനാല്‍ കഴിയുന്ന സാങ്കേതികതകളെല്ലാം ഒത്തിണങ്ങിയ ഐമാക്കിനപ്പുറം മറ്റൊരു പേരില്ല.

കഴിഞ്ഞ ഏതാനും വര്‍ഷമായി കമ്പ്യൂട്ടര്‍ നിര്‍മാണത്തില്‍ കമ്പനി വേണ്ടത്ര ശ്രദ്ധിക്കുന്നല്ലെന്ന് ആപ്പിളിന്റെ മാക് കംപ്യൂട്ടര്‍ പ്രേമികളുടെ നിരന്തര പരാതി ഉണ്ടായിരുന്നു.

എന്നാല്‍ 2017 അവസാനത്തോടെ മാകിന്റെ തിരിച്ചുവരവ് ഏവരെയും അത്ഭുതപ്പെടുത്തി. ഒടുവിലിതാ ഇപ്പോള്‍ ഇന്ത്യക്കാരെയും ഞെട്ടിക്കാനൊരുങ്ങുകയാണവര്‍.

ആപ്പിള്‍ ഇതുവരെ വിപണിയിലെത്തിച്ചെത്തില്‍ ഏറ്റവും ശക്തനായ മാക് ആയ ഐ മാക് പ്രോ ഇന്ത്യയിലേക്കും എത്തുകയാണ്. കഴിഞ്ഞ വര്‍ഷം അവസാനം അമേരിക്കയിലായിരുന്നു ഐ മാക് പ്രോ ആദ്യമായി ആപ്പിള്‍ അവതരിപ്പിച്ചത്.

ഇന്ത്യയിലെ തിരഞ്ഞെടുക്കപ്പെട്ട മാക് ഷോറൂമുകളില്‍ ഐ മാക് പ്രോ എത്തിയതായും ഏതാനും ദിവസങ്ങള്‍ക്കുള്ളില്‍ തന്നെ ഇവയുടെ വില്‍പ്പന ആരംഭിക്കുമെന്നും വാര്‍ത്തകളുണ്ട്. 4,15,000 രൂപയാകും ഐ മാക് പ്രോയുടെ ഇന്ത്യയിലെ വില. ഒറ്റ മോഡല്‍ മാത്രമേ ഇന്ത്യന്‍ വിപണിയിലുണ്ടാകൂ.

സവിശേഷതകള്‍

5 കെ (5120X2880 പിക്‌സല്‍സ്) റെസലൂഷനുള്ള 27 ഇഞ്ച് സ്‌ക്രീന്‍. 3.2 ജിഗാഹെര്‍ട്‌സ് 8 കോര്‍ ഇന്റല്‍ സിയോണ്‍ വര്‍ക്ക് സ്റ്റേഷന്‍ ക്ലാസ് ചിപ്പ് സെറ്റ്. ഇത് ടര്‍ബോ ബൂസ്റ്റിലൂടെ 4.2 ജിഗാഹെര്‍ട്‌സ് വരെ ഉയര്‍ത്താനാകും.

32ജി.ബി ഡി.ഡി.ആര്‍.ഫോര്‍ റാമും, 1 ടി.ബി എസ്.എസ്.ഡി സ്റ്റോറേജുമുണ്ട്. എ.എം.ഡി റേഡിയോണ്‍ പ്രോ വേഗയാണ് ഐമാക് പ്രോയില്‍ ഗ്രാഫിക്‌സിനെ അതിന്റെ അത്യുന്നതിയില്‍ എത്തിക്കുന്നത്.

വിഡിയോ, ഫോട്ടോ എഡിറ്റര്‍മാര്‍ നിരന്തരമായി ഉന്നയിച്ചിരുന്ന പരാതികള്‍ പലതും പരിഹരിച്ചാണ് പുതിയ മോഡലിന്റെ വരവ്.

ഇതിനെല്ലാം പുറമേ, ന്യൂമറിക്ക് കീപേഡ് അടങ്ങിയ മാജിക് കീബോര്‍ഡ്, മാജിക്ക് മൗസ്, വൈഫൈ, ബ്ലൂടൂത്ത് 4.2, 3.5 എംഎം ഹെഡ്‌ഫോണ്‍ ജാക്ക്, എസ്.ഡി. എക്‌സ്.സി കാര്‍ഡ് സ്ലോട്ട്, നാല് യുഎസ്ബി പോര്‍ട്ട്, നാല് തണ്ടര്‍ബോള്‍ട്ട് പോര്‍ട്ട്, എന്നിവയും ഐമാക് പ്രോയെ വ്യത്യസ്തമാക്കുന്നു.

വര്‍ഷാവര്‍ഷം മാറിവരുന്ന വിഡിയോ ഫോര്‍മാറ്റുകളെയും (4K/8K) 100Mആയും അതിനു മുകളിലും വലിപ്പമുള്ള നിരവധി ഫോട്ടോകളെയും ഒരേ സമയത്ത് എടുത്ത് അമ്മാനമാടാനാണ് ‘സാധാരണക്കാര്‍ക്ക്’ ഇത്തരമൊരു കംപ്യൂട്ടറിന്റെ ആവശ്യം.

ആര്‍ട്ടിഫിഷ്യല്‍ ഇന്റലിജന്‍സ്, വെര്‍ച്വല്‍ റിയാലിറ്റി ആപ്ലിക്കേഷന്‍സ് എന്നിവയുടെ ഉപയോഗം അതിന്റെ മികവുറ്റ രീതിയില്‍ തന്നെ ഐമാക് പ്രോയില്‍ നടത്താനാകും.

മെസ്സേജിന് മറുപടി കൊടുക്കാന്‍ പറ്റിയില്ലേ? സാരമില്ല അതൊക്കെയിനി ഗൂഗിള്‍ റോബോട്ടിന് വിട്ടേക്കൂ
Posted by
16 February

മെസ്സേജിന് മറുപടി കൊടുക്കാന്‍ പറ്റിയില്ലേ? സാരമില്ല അതൊക്കെയിനി ഗൂഗിള്‍ റോബോട്ടിന് വിട്ടേക്കൂ

മെസ്സേജുകളുടെ തള്ളിക്കയറ്റം കാരണം അവയ്ക്കു മറുപടി കൊടുക്കാനുള്ള സാവകാശം കിട്ടാത്തവരായിരിക്കും ഭൂരിഭാഗം സ്മാര്‍ട്ട് ഫോണ്‍ ഉപഭോക്താക്കളും.

സമയാസമയം എല്ലാ മെസ്സേജുകള്‍ക്കും മറുപടി കൊടുക്കാന്‍ ഒരു റോബോട്ടിനെ കിട്ടിയിരുന്നെങ്കിലെന്ന് അറിയാതെയിങ്കിലും ആഗ്രഹിച്ചാല്‍ കുറ്റം പറയുന്നതെങ്ങനെ? എന്നാല്‍ ഇത് യാഥാര്‍ത്ഥ്യമാവുകയാണെങ്കിലോ?

ഇത്തരം സാഹചര്യങ്ങളില്‍ പുതിയ ടെക്‌നോളജി പരീക്ഷിക്കാന്‍ ഒരുങ്ങുകയാണ് ഗൂഗിള്‍. ആര്‍ട്ടിഫിഷ്യല്‍ ഇന്റലിജന്‍സ് സാങ്കേതിക വിദ്യ ഉപയോഗിച്ച് റോബോട്ടിന് ജന്മം നല്‍കാനുള്ള ശ്രമത്തിലാണ് ഗൂഗിള്‍.

ഏരിയ 120 എന്ന് വിളിക്കുന്ന ഗൂഗിളിന്റെ പരീക്ഷണ ശാലയില്‍ ‘റിപ്ലൈ’ എന്ന് പേരിട്ടിരിക്കുന്ന പുതിയ സംവിധാനത്തിന്റെ പ്രവര്‍ത്തനങ്ങള്‍ പുരോഗമിക്കുകയാണെന്ന് ദി ഗാര്‍ഡിയന്‍ റിപ്പോര്‍ട്ട് ചെയ്തിരുന്നു.

ഗൂഗിളിന്റെ ഹാങ്ഔട്ട്, അലോ ആപ്പുകളിലും വാട്ട്‌സാപ്പ്, ഫെയ്‌സ്ബുക്ക് മെസഞ്ചര്‍, ആന്‍ഡ്രോയിഡ് മെസേജസ്, സ്‌കൈപ്പ് തുടങ്ങിയ ആപ്ലിക്കേഷനുകളില്‍ പുതിയ സംവിധാനം പ്രാവര്‍ത്തികമാകും. ലഭിക്കുന്ന സന്ദേശങ്ങള്‍ക്ക് മറുപടി നിര്‍ദ്ദേശിക്കുന്ന സാങ്കേതിക വിദ്യ ഇന്ന് ലഭ്യമാണ്.

അതേസമയം, ഈ സംവിധാനത്തെ ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് പരിഷ്‌കരിക്കാനുള്ള ശ്രമത്തിലാണ് ഗൂഗിള്‍. ലൊക്കേഷന്‍, കലണ്ടര്‍ തുടങ്ങി ചാറ്റിനിടയില്‍ ആവശ്യമായി വരുന്ന വിവരങ്ങള്‍ പ്രയോജനപ്പെടുത്തിയാണ് റിപ്ലൈ റോബോട്ടിന്റെ ബുദ്ധി പ്രവര്‍ത്തിക്കുക.

വണ്‍ പ്ലസിന്റെ 5ടി ലാവ റെഡ് ഫോണുകള്‍ വിപണിയില്‍; ആമസോണ്‍ വഴി വാങ്ങുന്നവര്‍ക്ക് ഫെബ്രുവരി 21 വരെ പ്രത്യേക റഫറല്‍ ഓഫറും
Posted by
14 February

വണ്‍ പ്ലസിന്റെ 5ടി ലാവ റെഡ് ഫോണുകള്‍ വിപണിയില്‍; ആമസോണ്‍ വഴി വാങ്ങുന്നവര്‍ക്ക് ഫെബ്രുവരി 21 വരെ പ്രത്യേക റഫറല്‍ ഓഫറും

സ്മാര്‍ട്ട് ഫോണ്‍ നിര്‍മാതാക്കളായ വണ്‍ പ്ലസിന്റെ സ്പെഷല്‍ എഡിഷന്‍ ഫോണായ 5 ടി ലാവാ റെഡ് വിപണിയിലിറക്കി. ആമസോണ്‍ ഡോട്ട് ഇന്‍ വഴി വണ്‍ പ്ല്സ് 5, 5 ടി എന്നിവ വാങ്ങുന്നവര്‍ക്കായി പുതിയ റഫറല്‍ പദ്ധതിയും അവതരിപ്പിച്ചിട്ടുണ്ട്.

ഇതിന്റെ അടിസ്ഥാനത്തില്‍ ഫെബ്രുവരി 21 വരെ ഈ റഫറല്‍ കോഡ് ഉപയോഗിച്ചു വാങ്ങല്‍ നടത്തുന്നവര്‍ക്കും റഫര്‍ ചെയ്തവര്‍ക്കും മൂന്നുമാസത്തെ കോംപ്ലിമെന്ററി വാറന്റി ദീര്‍ഘിപ്പിക്കലിനും അവസരമുണ്ടാകും.

രണ്ടുതവണയിലേറെ ഈ റഫറല്‍കോഡ് ഉപയോഗിക്കപ്പെട്ടാല്‍ റഫര്‍ ചെയ്യുന്നവര്‍ക്ക് ആറുമാസം വാറന്റി ദീര്‍ഘിപ്പിച്ചു നല്‍കുകയുംചെയ്യും.

8ജിബി റാം,128 ജിബി സ്റ്റോറേജ്, ബെസെല്‍-ലെസ്സ് ഡിസ്പ്ളേ, 6.1ഇഞ്ച് ഡിസ്പ്ളേ, കോര്‍ണിങ് ഗൊറില്ല ഗ്ളാസ്സ് 5 എന്നിവയാണ് വണ്‍ പ്ലസിന്റെ 5ടി ലാവ റെഡിന്റെ പ്രത്യേകതകള്‍. ആന്‍ഡ്രോയ്ഡ് 7.1.1 നൌഗട്ട് ഓപ്പറേറ്റിങ് സിസ്റ്റത്തിലാണ് 5ടി ലാവ റെഡ പ്രവര്‍ത്തിക്കുന്നത്.

ആന്‍ഡ്രോയ്ഡ് 8.0 ഓറിയോ അപ്ഡേറ്റ് ഉടന്‍ തന്നെ ലഭ്യമാകുമെന്നാണ് കമ്പനി അവകാശപ്പെടുന്നത്. ഒക്റ്റാ കോര്‍ ക്വാല്‍കം സ്നാപ്ഡ്രാഗണ്‍ 835 പ്രോസസര്‍ ആണ് മറ്റൊരു പ്രത്യേകത.കൂടാതെ ഫേസ് അണ്‍ലോക്ക് ഫീച്ചറും വണ്‍ പ്ലസ് 5 ടിക്കുണ്ട്.

16മെഗാപിക്സല്‍ സോണി IMX398 ഉള്ള 1.12-മൈക്രോണ്‍ പിക്സലുകളുള്ള ഒരു ഡ്യുവല്‍ റിയര്‍ ക്യാമറ സെറ്റപ്പാണ് സ്മാര്‍ട്ട് ഫോണിന് കരുത്ത് പകരുന്നത്.

എഫ്/ 1.7 ആണ് അപ്പര്‍ച്ചര്‍. 3300ാഅവ ബാറ്ററിയാണ് കമ്പനി വാഗ്ദാനം ചെയ്യുന്നത്, കമ്പനിയുടെ ഫാസ്റ്റ് ചാര്‍ജ്ജിംഗ് സാങ്കേതികവിദ്യയായ ഡാഷ് ചാര്‍ജ്ജിങ്ങാണ് വണ്‍ പ്ലസ് 5 ടിക്കുള്ളത്

ടിക്കറ്റ് ബുക്ക് ചെയ്യാന്‍ പുതിയ ആപ്പുമായി റെയില്‍വേ
Posted by
14 February

ടിക്കറ്റ് ബുക്ക് ചെയ്യാന്‍ പുതിയ ആപ്പുമായി റെയില്‍വേ

സീസണ്‍ ടിക്കറ്റുകളും ജനറല്‍, പ്ലാറ്റ്‌ഫോം ടിക്കറ്റുകളും ബുക്ക് ചെയ്യുന്നതിന് റെയില്‍വേയുടെ പുതിയ മൊബൈല്‍ ആപ്ലിക്കേഷന്‍ അവതരിപ്പിച്ചു. ആന്‍ഡ്രോയിഡ്, വിന്‍ഡോസ് സ്മാര്‍ട്ട് ഫോണുകളില്‍ ആപ്പ് ലഭ്യമാകും.

ആര്‍ വാലറ്റ്, പേ ടിഎം, മൊബിക്വിക് എന്നിവ വഴി ടിക്കറ്റ് തുക നല്‍കാം. ആര്‍ വാലറ്റില്‍ 100 രൂപ മുതല്‍ 5000 രൂപ വരെ നിക്ഷേപിക്കാം.

പ്ലാറ്റ് ഫോം ടിക്കറ്റ് ബുക്ക് ചെയ്ത് രണ്ടു മണിക്കൂര്‍ മാത്രമായിരിക്കും ഉപയോഗിക്കാനാവുക. എന്നാല്‍ ബുക്ക് ചെയ്ത ടിക്കറ്റ് റദ്ദാക്കാന്‍ സാധിക്കില്ല.

പുതിയ ആപ്ലിക്കേഷന്‍ വഴി യാത്രക്കാരന് പേപ്പര്‍ ടിക്കറ്റും പേപ്പര്‍ രഹിത ടിക്കറ്റും എടുക്കാനാകും. ദക്ഷിണ പശ്ചിമ റെയില്‍വേയ്ക്ക് കീഴിലെ സ്റ്റേഷനുകളില്‍ മാത്രമേ പേപ്പര്‍രഹിത ടിക്കറ്റ് എടുക്കാന്‍ സാധിക്കുകയുള്ളൂ.

ഇന്ത്യന്‍ റെയില്‍വേയുടെ ഏതു സ്റ്റേഷനുകളിലെ ആവശ്യങ്ങള്‍ക്കും പേപ്പര്‍ ടിക്കറ്റ് ഉപയോഗിക്കാം.

ആപ്ലിക്കേഷന്‍ വഴി ബുക്ക് ചെയ്ത ശേഷം ഫോണില്‍ ഇന്റര്‍നെറ്റ് സൗകര്യം നഷ്ടപ്പെട്ടാല്‍ ആപ്പിലെ ഷോ ടിക്കറ്റ് ഭാഗം ഇന്റര്‍നെറ്റ് ഇല്ലാതെയും പ്രവര്‍ത്തിക്കും.

ടിക്കറ്റ് ബുക്ക് ചെയ്തതിന്റെ സ്‌ക്രീന്‍ ഷോട്ട് എടുക്കാനോ ബുക്ക് ചെയ്ത ശേഷം മറ്റൊരാള്‍ക്ക് അയച്ചു കൊടുക്കാനോ സാധിക്കില്ല.

യാത്രക്കാരന് ടിക്കറ്റ് ബുക്ക് ചെയ്തതിന്റെ വിവരങ്ങള്‍ മൊബൈലില്‍ എസ്എംഎസ് ആയി ലഭിക്കും. ടിക്കറ്റ് പരിശോധനയ്ക്കു വരുമ്പോള്‍ യാത്രക്കാരന്‍ മൊബൈല്‍ ആപ്പിലെ ഷോ ടിക്കറ്റ് ഭാഗം ചെക്കറെ കാണിച്ചാല്‍ മതി.

എന്നാല്‍, പേപ്പര്‍ ടിക്കറ്റ് എടുക്കുന്നവര്‍ യാത്രയ്ക്കു മുമ്പായി ബുക്കിങ് വിവരങ്ങള്‍ സ്റ്റേഷനുകളിലെ കൗണ്ടറില്‍ കാണിച്ച് ടിക്കറ്റ് പ്രിന്റ് എടുക്കണം.

ലോകത്തെ ആദ്യ ട്രിപ്പിള്‍ ക്യാമറ സ്മാര്‍ട്ട്‌ഫോണുമായി ഹുവായ് വരുന്നു
Posted by
12 February

ലോകത്തെ ആദ്യ ട്രിപ്പിള്‍ ക്യാമറ സ്മാര്‍ട്ട്‌ഫോണുമായി ഹുവായ് വരുന്നു

ലോകത്തിലെ ആദ്യത്തെ ട്രിപ്പിള്‍ ക്യാമറ സ്മാര്‍ട്ട്‌ഫോണുമായി ഹുവായ് എത്തുന്നു. ഹുവായിയുടെ പി20 സ്മാര്‍ട്ട് ഫോണിനെ കുറിച്ച് നേരത്തെ തന്നെ റിപ്പോര്‍ട്ടുകള്‍ ഉണ്ടായിരുന്നു.

എന്നാല്‍ പി20 മാര്‍ച്ച് 27 ന് അവതരിക്കുമെന്ന് അറിയിച്ചിരിക്കുകയാണ് കമ്പനി.

P20, P20 പ്ലസ്, P20 ലൈറ്റ് എന്നിങ്ങനെ മൂന്ന് സ്മാര്‍ട്ട്‌ഫോണുകളെയാണ് ഈ ശ്രേണിയില്‍ ഹുവായ് അവതരിപ്പിക്കുന്നത്.

ഹുവായ് വികസിപ്പിച്ചെടുത്ത Hi-Silicon Kirin 970 പ്രോസസ്സറായിരിക്കും ഈ സ്മാര്‍ട്ട്‌ഫോണുകളില്‍ ഉപയോഗിക്കുക.

ആന്‍ഡ്രോയ്ഡ് 8.0 ഒറിയോ ഓപ്പറേറ്റിംഗ് സിസ്റ്റമായിരിക്കുംപി20 ശ്രേണിയിലെ മൂന്ന് ഫോണുകളും പ്രവര്‍ത്തിക്കുക.

മൂന്ന് ഫോണുകളിലും Leica സര്‍ട്ടിഫിക്കറ്റോട് കൂടിയ മൂന്ന് ക്യാമറകള്‍ ഉണ്ടായിരിക്കും. 24 MP സെല്‍ഫി ക്യാമറയും ഇതിലുള്‍പ്പെടുന്നതായിരിക്കും.

ഹുവായ് പി20ക്ക് എമിലി എന്ന പേരാണ് നല്‍കിയിരിക്കുന്നത്. സെറാമിക് ബ്ലാക്ക്, ട്വിലെറ്റ് നിറങ്ങളിലായിരിക്കും ഇതു ലഭ്യമാവുക. പി20 പ്ലസ് ഷാര്‍ലെറ്റ് എന്ന പേരിലാണ് അറിയപ്പെടുക. ഇതേ നിറങ്ങളില്‍ തന്നെയായിരിക്കും ഷാര്‍ലെറ്റും ലഭ്യമാവുക.

ആന്‍ എന്ന പേരിലായിരിക്കും പി20 ലൈറ്റ് അറിയപ്പെടുക. മിഡ്‌നൈറ്റ് ബ്ലാക്ക്, ക്ലെയ്‌ന് ബ്ലൂ, സാക്കുറ പിങ്ക് എന്നീ നിറങ്ങളില്‍ പി20 ലൈറ്റ് ലഭ്യമാകും.

വരുന്നു 4D കണ്ണടകള്‍; ഇനി സിനിമ തൊട്ടറിഞ്ഞ് കാണാം
Posted by
11 February

വരുന്നു 4D കണ്ണടകള്‍; ഇനി സിനിമ തൊട്ടറിഞ്ഞ് കാണാം

ആകാശത്തിലെ മേഘങ്ങളും കാടിന്റെ പച്ചപ്പും കണ്‍മുന്നിലൂടെ കുതിച്ചുപായുന്ന വാഹനങ്ങളും ഇങ്ങനെ 3ഡി വിസ്മയങ്ങള്‍ അനുഭവിക്കാത്തവരായി ആരുമുണ്ടാകില്ല. ഇവയൊക്കെ അതേപോലെ തീയ്യേറ്ററില്‍ നമ്മുടെ മുന്നിലെത്തിച്ചത് പ്രത്യേക 3ഡി കണ്ണടകളാണ്.

എന്നാല്‍, ഇത്തരം ദൃശ്യാനുഭവത്തിനൊപ്പം ഇവയെല്ലാം സ്പര്‍ശിക്കുന്നതായിക്കൂടി തോന്നിയാലോ സംഭവം ഗംഭീരമായിരിക്കും. അതിനായാണ് 4ഡി കണ്ണടകളെത്തുന്നത്.

സിനിമ കാണുമ്പോള്‍ സ്‌ക്രീനില്‍ തെളിയുന്ന ദൃശ്യങ്ങള്‍ അടുത്തുകാണുന്നതു കൂടാതെ അവ നേരിട്ട് സ്പര്‍ശിക്കുന്നതായുള്ള അനുഭവമായിരിക്കും ഈ കണ്ണടയിലൂടെ സാധിക്കുക. ബ്രെയിന്‍ മാപ്പിങ്ങിലൂടെയാണ് ഈ വിദ്യ സാധ്യമാവുന്നത്.

യൂനിവേഴ്‌സിറ്റി ഓഫ് കാലിഫോര്‍ണിയയിലെ ന്യൂറോ ശാസ്ത്രജ്ഞര്‍ വികസിപ്പിച്ചെടുത്ത 4ഡി കണ്ണടകള്‍ വിപണിയിലെത്തുന്നതോടെ സിനിമ ആസ്വാദകര്‍ക്ക് ഇനിമുതല്‍ പുത്തന്‍ അനുഭവമായിരിക്കും സമ്മാനിക്കുക.

നേരത്തേ വിര്‍ച്വല്‍ റിയാലിറ്റി ഹെഡ്‌സെറ്റുകര്‍ അടക്കമുള്ളവ ഇത്തരത്തില്‍ പ്രചാരം നേടിയിരുന്നു. എന്നാല്‍, വ്യത്യസ്തമായ ദൃശ്യാനുഭവത്തിനപ്പുറം കാര്യമായ ആളുകളെ സ്വാധീനിക്കാന്‍ ഇവക്ക് കഴിഞ്ഞില്ല. 4ഡി കണ്ണടകള്‍ വലിയശ്രദ്ധ നേടുമെന്നാണ് വിലയിരുത്തപ്പെടുന്നത്.

വിപണിയില്‍ അധാര്‍മിക ഇടപെടല്‍; ഇന്ത്യയില്‍ ഗൂഗിളിന് 136 കോടി പിഴ
Posted by
09 February

വിപണിയില്‍ അധാര്‍മിക ഇടപെടല്‍; ഇന്ത്യയില്‍ ഗൂഗിളിന് 136 കോടി പിഴ

ന്യൂഡല്‍ഹി: ഇന്ത്യന്‍ വിപണിയില്‍ ‘അധാര്‍മിക’ ഇടപെടല്‍ സ്വീകരിച്ചെന്നാരോപിച്ച് ഗൂഗിളിന് 135.86 കോടി രൂപ പിഴ. കോംബിനേഷന്‍ കമ്മീഷന്‍ ഓഫ് ഇന്ത്യയാണ് പിഴ ചുമത്തിയത്. 2012ല്‍ മാട്രിമണി.കോം, കണ്‍സ്യൂമര്‍ യൂണിറ്റി ആന്‍ഡ് ട്രസ്റ്റ് സൊസൈറ്റി എന്നിവ നല്‍കിയ പരാതിയിലാണ് വിധി.

ഇന്റര്‍നെറ്റ് തിരച്ചില്‍സൈറ്റുകളില്‍ ഏറ്റവും പ്രശസ്ത കമ്പനിയായ ഗൂഗിള്‍, തിരച്ചില്‍ ഫലങ്ങളില്‍ തിരിമറിയും വിവേചനവും കാണിക്കുന്നുവെന്നാരോപിച്ചാണ് പരാതിക്കാര്‍ കമ്മിഷനെ സമീപിച്ചത്. ഇത് ഉപഭോക്താക്കള്‍ക്കും മറ്റ് കമ്പനികള്‍ക്കും ദോഷകരമാണ്. വിശ്വാസ്യതയെ തകര്‍ക്കുന്ന നടപടിയാണ് ഗൂഗിളിന്റേതെന്ന് കമ്മിഷന്‍ വിലയിരുത്തി.

സെര്‍ച്ച് ഫലങ്ങളില്‍ തെറ്റായ ബിസിനസ് രീതികള്‍ പിന്‍തുടര്‍ന്നതായി കണ്ടത്തിയാതിനെ തുടര്‍ന്നാണ് നടപടി. 2013-15 കാലത്ത് ഇന്ത്യയില്‍നിന്നുള്ള ഗൂഗിളിന്റെ വരുമാനത്തിന്റെ അഞ്ചുശതമാനമാണ് പിഴത്തുകയായി നിശ്ചയിച്ചത്. അടുത്ത 60 ദിവസത്തിനുള്ളില്‍ പിഴയായി ചുമത്തിയിരിക്കുന്ന 135 കോടി രൂപ കമ്മീഷനില്‍ നിക്ഷേപിക്കണമെന്നാണ് ഉത്തരവ്.

കോംബിനേഷന്‍ കമ്മീഷന്‍ ഓഫ് ഇന്ത്യയുടെ അധ്യക്ഷന്‍ ഡികെ സിക്രിയടക്കം കമ്മിഷനിലെ മൂന്നംഗങ്ങളാണ് ഗൂഗിളിനെതിരേ വിധിയെഴുതിയത്. രണ്ടംഗങ്ങള്‍ വിയോജിച്ചു. സമാനമായ പരാതി ഉന്നയിച്ച് യുറോപ്യന്‍ കമ്മീഷന്‍ ഓഫ് ഇന്ത്യ ഗൂഗിളില്‍ നിന്ന് 18000 കോടി രൂപ പിഴ ഈടാക്കുമെന്ന് വാര്‍ത്തകള്‍ പുറത്ത് വന്നിരുന്നു. എന്നാല്‍ നിയമപോരാട്ടം നടത്തി നടപടികള്‍ നീട്ടിവെപ്പിക്കാനായിരുന്നു ഗൂഗിളിന്റെ നീക്കം.

കസ്റ്റംസ് ഡ്യൂട്ടി വര്‍ധിപ്പിച്ചു; ഇന്ത്യയില്‍ ആപ്പിള്‍ ഐഫോണുകളുടെ വില കൂടും
Posted by
05 February

കസ്റ്റംസ് ഡ്യൂട്ടി വര്‍ധിപ്പിച്ചു; ഇന്ത്യയില്‍ ആപ്പിള്‍ ഐഫോണുകളുടെ വില കൂടും

കേന്ദ്ര സര്‍ക്കാര്‍ കസ്റ്റംസ് ഡ്യൂട്ടി 20 ശതമാനം വര്‍ധിപ്പിച്ചതിന് പിന്നാലെ ഇന്ത്യയില്‍ ആപ്പിള്‍ ഐഫോണുകളുടെ വില കൂട്ടുന്നു.ഫോണുകള്‍ രാജ്യത്ത് തന്നെ നിര്‍മിക്കുന്നത് പ്രോത്സാഹിപ്പിക്കുന്നതിന്റെ ഭാഗമായാണ് വിദേശ നിര്‍മിത മോഡലുകളുടെ കസ്റ്റംസ് ഡ്യൂട്ടി വര്‍ധിപ്പിച്ചത്.

രാജ്യത്ത് തന്നെ നിര്‍മിക്കുന്ന ഐഫോണ്‍ എസ്ഇ ഒഴിച്ചുള്ള മോഡലുകള്‍ക്ക് 2.5ശതമാനം മുതല്‍ മൂന്ന് ശതമാനം വരെ വില വര്‍ധിപ്പിച്ചു. എസ്ഇ 32 ജിബി മോഡലിന് 26,000 ഉം 128 ജിബിക്ക് 35,000 രൂപയുമാണ്. കഴിഞ്ഞ മൂന്നു മാസങ്ങളിലായി ഐ ഫോണുകളുടെ വില വര്‍ധിപ്പിക്കുന്നത് രണ്ടാം തവണയാണ്. ആപിള്‍ വാച്ചുകള്‍ക്കും വില കൂടിയിട്ടുണ്ട്. ഇന്നു മുതല്‍ വില വര്‍ധന നിലവില്‍ വരും.

സാങ്കോ ടൈനി ടി1: ലോകത്തിലെ ‘ഇത്തിരിക്കുഞ്ഞന്‍’ സ്മാര്‍ട്ട് ഫോണ്‍
Posted by
03 February

സാങ്കോ ടൈനി ടി1: ലോകത്തിലെ 'ഇത്തിരിക്കുഞ്ഞന്‍' സ്മാര്‍ട്ട് ഫോണ്‍

ലോകത്തിലെ ഏറ്റവും ഭാരം കുറഞ്ഞതും ചെറുതുമായ സ്മാര്‍ട്ട്‌ഫോണ്‍ വിപണിയിലേക്ക്. സാങ്കോ ടൈനി ടി1 എന്നാണ് ഈ ഇത്തിരിക്കുഞ്ഞന്റെ പേര്.

തള്ളവിരലിനേക്കാള്‍ ചെറുതും ഒരു നാണത്തുട്ടിനേക്കാള്‍ കനം കുറഞ്ഞ ആയ ഫോണുകള്‍ ബ്രിട്ടീഷ് കമ്പനിയാണ് ലോകത്തിലെ ഏറ്റവും ചെറിയ ഫോണ്‍ പുറത്തിറക്കുന്നത്.

0.49 ഇഞ്ചിന്റെ ഡിസ്‌പ്ലേയാണ് ഈ മോഡലുകള്‍ക്ക് നല്‍കിയിരിക്കുന്നത് .

64×32 ന്റെ പിക്‌സല്‍ റെസലൂഷന്‍ ഈ മോഡലുകള്‍ കാഴ്ചവെക്കുന്നുണ്ട്. 200എംഎഎച്ചാണ് ഫോണിന്റെ ബാറ്ററി ശേഷി. 3 ദിവസം ഫോണ്‍ സ്റ്റാന്റ്‌ബൈ ടൈം ചാര്‍ജിങ് ഇതില്‍ ലഭിക്കുന്നു എന്നാണ് കമ്ബനി അവകാശപ്പെടുന്നത് .

32ജിബിവരെ ഇതിന്റെ മെമ്മറി വര്‍ദ്ധിപ്പിക്കുവാനും സാധിക്കുന്നതാണ്. നാനോ സിം സ്ലോട്ടും ബ്ലൂടുത്തും സപ്പോര്‍ട്ട് ചെയ്യുന്നതാണ് പുതിയ ഫോണ്‍.

13 ഗ്രാം ഭാരം ആണ് ഈ ഫോണുകള്‍ക്ക് ഉള്ളത്. ലോകത്തിലെ ഏറ്റവും ചെറിയ സ്മാര്‍ട്ട് ഫോണ്‍ എന്നുള്ള ക്രെഡിറ്റ് ടൈനി ടി1 എന്ന മോഡല്‍ സ്വന്തമാക്കി.

error: This Content is already Published.!!