ഇതൊക്കെ എന്ത്? മാനുഷി ചില്ലര്‍ക്ക് ലോകസുന്ദരീപ്പട്ടം ലഭിച്ചത് മോഡിഭക്തയായതിനാല്‍: പുതിയ വീഡിയോയുമായി സൈബര്‍ സംഘികള്‍
Posted by
19 November

ഇതൊക്കെ എന്ത്? മാനുഷി ചില്ലര്‍ക്ക് ലോകസുന്ദരീപ്പട്ടം ലഭിച്ചത് മോഡിഭക്തയായതിനാല്‍: പുതിയ വീഡിയോയുമായി സൈബര്‍ സംഘികള്‍

പതിനേഴ് വര്‍ഷങ്ങള്‍ക്ക് ശേഷം ഇന്ത്യയിലേക്ക് ലോകസുന്ദരിപ്പട്ടം തിരിച്ചെത്തിയിരിക്കുകയാണ് മാനുഷി ചില്ലര്‍. രാജ്യം ഒന്നാകെ മാനുഷി ചില്ലറിനെ അഭിനന്ദിച്ച് രംഗത്ത് എത്തുമ്പോള്‍ ലോകസുന്ദരിപ്പട്ടത്തിന്റെ ക്രെഡിറ്റ് എങ്ങനെ തങ്ങളുടെ കീശയിലാക്കാമെന്നാണ് സൈബര്‍ സംഘികള്‍ തലപുകയ്ക്കുന്നത്. ബ്രഹ്മപുത്രയിലെ വെള്ളപ്പൊക്കത്തില്‍ നരേന്ദ്ര മോഡിയുടെ ഇടപെടലിനെ മാനുഷി പ്രശംസിച്ച വിവരം അറിഞ്ഞതോടെ അവരെ മോഡി ഭക്തയായി അവര്‍ പ്രതിഷ്ഠിച്ച് കഴിഞ്ഞു.

ഇതിനോടകം പുതിയ വീഡിയോയും സംഘപരിവാര്‍ അനുകൂലികള്‍ തയാറാക്കുകയും ചെയ്തിട്ടുണ്ട്. ചൈനയില്‍ നടന്ന ലോകസുന്ദരി മത്സരത്തില്‍ മാനുഷിയെ വിജയിയായി പ്രഖ്യാപിക്കുമ്പോള്‍ സദസില്‍ നിന്നും മോഡിജി സിന്ദാബാദ് എന്ന മുദ്രാവാക്യം വിളിക്കുന്നതാണ് വീഡിയോയുടെ ഉള്ളടക്കം. എന്നാല്‍ പൊള്ളയായ വീഡിയോയെ പൊളിച്ചടുക്കി പലരും യഥാര്‍ത്ഥ വീഡിയോ പോസ്റ്റ് ചെയ്തിട്ടുണ്ട്.

വീഡിയോ നല്ല ഒരു ശ്രമമായിരുന്നെങ്കിലും, ട്രംപിന്റെയും,കുട്ടിയുടെയും അത്രയും മികച്ച് നില്‍ക്കുന്നില്ല എന്ന് അഭിപ്രായപ്പെട്ട് കൊണ്ടാണ് പരിഹസിച്ച് ചിലര്‍ രംഗത്ത് എത്തുന്നത്.എംടിവിയുടെ അവതാരകനും, പ്രശസ്ത റേഡിയോ ജോക്കിയുമായ ഹോസെ കൊവാക്കോയാണ് സംഘപരിവാറിന്റെ വ്യാജ വീഡിയോയെ തുറന്ന് കാണിച്ചത്.

 

ആരാധകരില്‍ നിന്നും രക്ഷപ്പെടാന്‍ കുറുക്ക് വഴിയുമായി ധോണി: ഭാര്യ പകര്‍ത്തിയ വീഡിയോ വൈറല്‍
Posted by
15 November

ആരാധകരില്‍ നിന്നും രക്ഷപ്പെടാന്‍ കുറുക്ക് വഴിയുമായി ധോണി: ഭാര്യ പകര്‍ത്തിയ വീഡിയോ വൈറല്‍

മുംബൈ: തകര്‍പ്പന്‍ ഷോട്ടുകളും, മികച്ച ക്യാപ്റ്റന്‍സിയും, കളിയിലെ ജാഗ്രതയും മാത്രമല്ല ധോണി എന്ന ക്രിക്കറ്റ് താരത്തില്‍ നിന്നും മറ്റ് ടീമംഗങ്ങള്‍ പഠിക്കേണ്ടത്. ആരാധകരുടെ കണ്ണില്‍പെടാതെ എങ്ങനെ തന്റെ സ്വകാര്യത കാത്ത് സൂക്ഷിക്കാമെന്നും ധോണിയെ കണ്ട് പഠിക്കണം. സാക്ഷി ധോണി പുറത്ത് വിട്ട പുതിയ വീഡിയോയാണ് രസകരമായ കാഴ്ചയുളളത്.

തിരക്കേറിയ വിമാനത്തില്‍ തലവഴി പുതപ്പ് കൊണ്ട് മറിക്കുകയാണ് ആരാധകരുടെ കണ്ണില്‍പെടാതെയിരിക്കാന്‍ ധോണി കണ്ടെത്തിയ മാര്‍ഗ്ഗം. എന്നാല്‍ ഇൗ രംഗങ്ങള്‍ വീഡിയോയില്‍ പകര്‍ത്താനായിരുന്നു ഭാര്യ സാക്ഷി ധോണി ശ്രമിച്ചത്. ഇന്‍സ്റ്റാഗ്രമില്‍ പോസ്റ്റ് ചെയ്ത വീഡിയോ ഇതിനോടകം വൈറലായി മാറിയിരിക്കുകയാണ്.

#traveldiaries

A post shared by Sakshi Singh Dhoni (@sakshisingh_r) on

#traveldiaries

A post shared by Sakshi Singh Dhoni (@sakshisingh_r) on

ഇത് കണ്ണൂരിന്റെ വണ്ടര്‍ വുമണ്‍: തേങ്ങയെടുക്കാന്‍ കിണറ്റിലിറങ്ങിയ മുത്തശ്ശിക്ക് സോഷ്യല്‍ മീഡിയയുടെ കൈയ്യടി
Posted by
13 November

ഇത് കണ്ണൂരിന്റെ വണ്ടര്‍ വുമണ്‍: തേങ്ങയെടുക്കാന്‍ കിണറ്റിലിറങ്ങിയ മുത്തശ്ശിക്ക് സോഷ്യല്‍ മീഡിയയുടെ കൈയ്യടി

കണ്ണൂരിലെ മരണമാസ്സ് മുത്തശ്ശിയെ ഏറ്റെടുത്തിരിക്കുകയാണ് സോഷ്യല്‍ മീഡിയ. കൊച്ചു മക്കള്‍ നോക്കി നില്‍ക്കെ കിണറ്റില്‍ വീണ തേങ്ങയെടുക്കാന്‍ കയറു കെട്ടി താഴെയിറങ്ങിയതാണ് മുത്തശ്ശി കാണിച്ച സാഹസീകത. പ്രായമായാല്‍ രാമനാമം ജപിച്ച് വീട്ടിലിരിക്കണമെന്ന അറുപഴഞ്ചന്‍ കീഴ്‌വഴക്കങ്ങളെ പറച്ചിറെഞ്ഞാണ് എണ്‍പത് വയസോളം പ്രായമായ മുത്തശ്ശി തന്റെ മനസ് പറഞ്ഞത് അതേ പടി അനുസരിച്ചത്.

കയറുകെട്ടി കിണറ്റിലറങ്ങിയ മുത്തശ്ശി വെള്ളത്തില്‍ വീണ തേങ്ങയെടുത്ത് കയ്യില്‍ ഒതുക്കിപിടിക്കുന്നു. തുടര്‍ന്ന് കൊച്ചുമക്കള്‍ ഇട്ട് കൊടുത്ത തൊട്ടിയില്‍ തേങ്ങ നിക്ഷേപിക്കുന്നു. തിരിച്ച് കയറ്റം മുത്തശ്ശിയെ ബുദ്ധിമുട്ടിച്ചെങ്കിലും വീഡിയോ പകര്‍ത്തിയിരുന്ന കൊച്ചുമക്കളുടെ കൈസഹായം ഉപകാരപ്പെട്ടു. ഈ പ്രായത്തിലും നിറഞ്ഞ ആത്മവിശ്വാസത്തോടെയും, നിശ്ചയദാര്‍ഢ്യത്തോടെയും ദൗത്യം പൂര്‍ത്തിയാക്കിയ മുത്തശ്ശിയെ ‘വണ്ടര്‍ വുമണ്‍’ എന്ന് വിശേഷിപ്പിക്കുന്നവരുമുണ്ട്.

വീഡിയോ കടപ്പാട്: സൗത്ത് ലൈവ്‌

ലൈക്കിലും, കമന്റിലും അല്ല കാര്യം: വിരാട് കോഹ്‌ലി ഇന്‍സ്റ്റാഗ്രാമിലൂടെ മാത്രം കൊയ്യുന്നത് കോടികള്‍
Posted by
10 November

ലൈക്കിലും, കമന്റിലും അല്ല കാര്യം: വിരാട് കോഹ്‌ലി ഇന്‍സ്റ്റാഗ്രാമിലൂടെ മാത്രം കൊയ്യുന്നത് കോടികള്‍

ജീവിതത്തിലെ സുന്ദര നിമിഷങ്ങളെ സുഹൃത്തുക്കളും, കുടുംബാംഗങ്ങളുമായി പങ്കുവെക്കാനാണ് പൊതുവെ ആളുകള്‍ ഇന്‍സ്റ്റാഗ്രാം പോലുള്ള സമൂഹമാധ്യമങ്ങളെ ആശ്രയിക്കുന്നത്. അങ്ങനെ പോസ്റ്റ് ചെയ്യുന്ന ചിത്രങ്ങള്‍ക്കും, വീഡിയോകള്‍ക്കുമായി നമ്മള്‍ സമ്പാദിക്കുന്നത് ലൈക്കുകളും, കമന്റുകളും. എന്നാല്‍ ഇന്ത്യന്‍ ക്രിക്കറ്റ് നായകന്‍ വിരാട് കോഹ്‌ലിയുടെ കാര്യത്തില്‍ ഒരു വ്യത്യാസമുണ്ട്.

ഇന്‍സ്റ്റാഗ്രാമില്‍ 16.7 ദശലക്ഷം ആരാധകരുള്ള വിരാട് കോഹ്‌ലി ഒരു ചിത്രം പോസ്റ്റ് ചെയ്യുമ്പോള്‍ ലഭിക്കുന്നത് കോടികളാണ്. ഇന്‍സ്റ്റാഗ്രാമില്‍ പ്രമുഖ ബ്രാന്റുകള്‍ ധരിച്ചോ, ഉപയോഗിച്ചോ പോസ്റ്റ് ചെയ്യുന്ന ചിത്രങ്ങള്‍ക്ക് 3.2 കോടി രൂപ വരെ താരം ഈടാക്കുന്നുണ്ടെന്നാണ് റിപ്പോര്‍ട്ട്. ക്രിസ്റ്റിയാനോ റൊണാള്‍ഡോ പോലും ഒരു ബ്രാന്‍ഡ് എന്‍ഡോര്‍സ്‌മെന്റിന് വേണ്ടി ഇത്രയും പണം ഈടാക്കുന്നില്ല.

സ്റ്റീഫന്‍ കറി, ലയണ്‍ മെസ്സി, റോറി മല്‍റോയ് എന്നീ പ്രമുഖ കായിക താരങ്ങളോടൊപ്പമാണ് ഫോബ്‌സ് മാസികയുടെ പട്ടികയില്‍ വിരാട് കോഹ്‌ലിക്ക് സ്ഥാനം നല്‍കിയിരിക്കുന്നത്. 36 ദശലക്ഷം ലൈക്കുകളാണ് വിരാട് കോഹ്‌ലിയുടെ ഫേസ്ബുക്ക് പേജിനുള്ളത്.

These just get me into the zone I can’t do without! #MusicLife #UnleashYourEnergy 🤙

A post shared by Virat Kohli (@virat.kohli) on

To all the teachers around the world and especially to the ones in the Cricket World. 🙏😊 #HappyTeachersDay

A post shared by Virat Kohli (@virat.kohli) on

അശ്ലീല ചിത്രങ്ങള്‍ പ്രചരിക്കുന്നത് തടയാന്‍ സ്ത്രീകളുടെ സ്വന്തം നഗ്ന ഫോട്ടോ ആവശ്യപ്പെട്ട് ഫേസ്ബുക്ക്
Posted by
08 November

അശ്ലീല ചിത്രങ്ങള്‍ പ്രചരിക്കുന്നത് തടയാന്‍ സ്ത്രീകളുടെ സ്വന്തം നഗ്ന ഫോട്ടോ ആവശ്യപ്പെട്ട് ഫേസ്ബുക്ക്

വാഷിംഗ്ടണ്‍: അശ്ലീല ഫോട്ടോകള്‍ പ്രചരിക്കുന്നത് തടയാന്‍ വിചിത്ര പരീക്ഷണവുമായി ഫേസ്ബുക്ക്. ഇതിനായി സ്വന്തം നഗ്നഫോട്ടോ മെസഞ്ചര്‍ ആപ്പ് വഴി തങ്ങള്‍ക്ക് അയക്കാനാണ് ഫേസ്ബുക്ക് നിര്‍ദ്ദേശിക്കുന്നത്. ഇതിലൂടെ ഒരു ഡിജിറ്റല്‍ ഫിംഗര്‍ പ്രിന്റ് സൃഷ്ടിക്കാനും സമ്മതപത്രമില്ലാതെ വ്യക്തിയുടെ നഗ്ന ദൃശ്യം മറ്റാരെങ്കിലും പ്രചരിപ്പിക്കുന്നത് തടയാനാകുമെന്നാണ് ഫേസ്ബുക്ക് അവകാശപ്പെടുന്നത്.

ബന്ധം വഷളാകുമ്പോള്‍ പ്രതികാര ബുദ്ധിയോടെ ഫേസ്ബുക്കിലും, ഇന്‍സ്റ്റാഗ്രാമിലും നഗ്നചിത്രങ്ങള്‍ പ്രചരിപ്പിക്കുന്നത് തടയാന്‍ ഇതിലൂടെ സാധ്യമാകുമെന്നാണ് ഫേസ്ബുക്കിന്റെ കണ്ടെത്തല്‍.

അശ്ലീല ദൃശ്യങ്ങള്‍ പ്രചരിക്കുന്നതിനെതിരെ ഇത്തരത്തിലുളള തന്ത്രമൊരുക്കാന്‍ ഓസ്‌ട്രേലിയന്‍ സര്‍ക്കാര്‍ ഏജന്‍സിയുമായി ഫെയ്‌സ്ബുക്ക് നിലവില്‍ കൈകോര്‍ത്തിട്ടുണ്ടെ്. പുതിയ തന്ത്രം എല്ലാവര്‍ക്കും പ്രയോഗികമാക്കാനുള്ള തയ്യാറെടുപ്പിലാണ് ഫെയ്‌സ്ബുക്ക്. ഫെയ്‌സ്ബുക്കിലൂടെയുള്ള അശ്ലീല പ്രചാരണങ്ങള്‍ വര്‍ധിച്ചതിനെതിരെ വ്യാപക പരാതി ഉയര്‍ന്ന പശ്ചാത്തലത്തിലാണ് ഇത്.

 

അനേകം അശ്വതി അച്ചുകളടക്കം ഫേസ്ബുക്കില്‍ നിലവിലുള്ളത് 27 കോടി വ്യാജ അക്കൗണ്ടുകള്‍
Posted by
04 November

അനേകം അശ്വതി അച്ചുകളടക്കം ഫേസ്ബുക്കില്‍ നിലവിലുള്ളത് 27 കോടി വ്യാജ അക്കൗണ്ടുകള്‍

ലണ്ടന്‍: 27 കോടിയോളം അക്കൗണ്ടുകള്‍ വ്യാജമാണെന്ന് തങ്ങള്‍ ബോധ്യമുണ്ടെന്ന് ഫേസ്ബുക്ക്. ബുധനാഴ്ച്ച പുറത്തിറക്കിയ മൂന്നാം പാദ റിപ്പോര്‍ട്ടിലാണ് ഫേസ്ബുക്ക് ഇക്കാര്യം വ്യക്തമാക്കിയത്. പ്രതീക്ഷിച്ചതിലും ദശലക്ഷകണക്കിന് വ്യാജ അക്കൗണ്ടുകള്‍ നിലവിലുണ്ടെന്ന് കണ്ടെത്താന്‍ സാധിച്ചുവെന്ന് ഫേസ്ബുക്ക് ആസ്ഥാനം അറിയിച്ചു.

2017ലെ മൂന്നാം പാദത്തിലെ 210 കോടി ഉപഭോക്താക്കളുടെ കണക്ക് പരിശോധിച്ചപ്പോള്‍ ഇതില്‍ 2-3 ശതമാനത്തോളം ആളുകള്‍ മാനദണ്ഡങ്ങള്‍ പാലിക്കുന്നതില്‍ വീഴ്ച വരുത്തിയവയാണെന്ന് റിപ്പോര്‍ട്ടില്‍ പറയുന്നു. കഴിഞ്ഞ ജൂലൈയില്‍ ഇത് ഒരു ശതമാനമായിരുന്നു.

കൂടാതെ യഥാര്‍ത്ഥ ഉപയോക്താക്കളുടെ പേരിലുള്ള വ്യാജ അക്കൗണ്ടുകള്‍ പത്തുശതമാനത്തോളം വരും. കഴിഞ്ഞ പാദത്തില്‍ ഇത് ആറ് ശതമാനമായിരുന്നു. ഈ രണ്ട് വിഭാഗം അക്കൗണ്ടുകളും ചേരുമ്പോള്‍ 27 കോടിയോളം വ്യാജ അക്കൗണ്ടുകള്‍ നിലവിലുണ്ടെന്നാണ് ഫേസ്ബുക്ക് റിപ്പോര്‍ട്ടില്‍ വ്യക്തമാക്കുന്നത്.

ലോകമെമ്പാടുമുള്ള വാട്‌സ് ആപ്പ് സേവനം നിലച്ചു
Posted by
03 November

ലോകമെമ്പാടുമുള്ള വാട്‌സ് ആപ്പ് സേവനം നിലച്ചു

ഏറ്റവും ജനപ്രിയമായ മെസേജിങ് ആപ്പ് വാട്‌സ്ആപ്പ് പണിമുടക്കി. ലോകമെമ്പാടുമുള്ള ഉപഭോക്താക്കളെ ആശങ്കയിലാക്കിയാണ് വെള്ളിയാഴ്ച ഉച്ചയോടെ വാട്‌സ് ആപ്പ് നിലച്ചത്.

എന്നാല്‍ ഏതാനും മണിക്കൂറുകള്‍ക്കകം പ്രവര്‍ത്തനം പുന:സ്ഥാപിച്ചിരിക്കുകയാണ് വാട്‌സ് ആപ്പ് അധികൃതര്‍. സെര്‍വറുകളില്‍ ഉണ്ടായ സാങ്കേതിക തകരാറാണ് വാട്‌സ് ആപ്പിനെ കട്ടപ്പുറത്ത് കയറ്റിയതെന്നാണ് സൂചന.

ഓഫറുകളുടെ പെരുമഴയുമായി ഇത്തവണ വൊഡാഫോണ്‍; കിടിലന്‍ സൗജന്യ ഡാറ്റാ-കോള്‍ പ്ലാനുകള്‍
Posted by
28 October

ഓഫറുകളുടെ പെരുമഴയുമായി ഇത്തവണ വൊഡാഫോണ്‍; കിടിലന്‍ സൗജന്യ ഡാറ്റാ-കോള്‍ പ്ലാനുകള്‍

ജിയോയുമായി ഏറ്റുമുട്ടാന്‍ ഓഫറുകളുമായി ഏതറ്റം വരേയും പോകാന്‍ തയ്യാറായിരിക്കുകയാണ് മറ്റ് സ്വകാര്യ ടെലികോം കമ്പനികള്‍. ഇത്തവണ വോഡാഫോണാണ് പുതിയ ഓഫര്‍ അവതരിപ്പിച്ചിരിക്കുന്നത്. റിലയന്‍സ് ജിയോ എത്തിയതോടെ ടെലികോം രംഗത്ത് കാര്യങ്ങള്‍ മാറി മറിഞ്ഞിരിക്കുകയാണ്. മൊത്തത്തില്‍ ഇപ്പോള്‍ ഓഫറുകളുടെ പെരുമഴയാണ്.

കൂടുതല്‍ ഉപഭോക്താക്കളെ ആകര്‍ഷിക്കാനായി വോഡഫോണ്‍ പുതിയ രണ്ട് പ്ലാന്‍ അവതരിപ്പിച്ചു. പുതിയ ഉപഭോക്താക്കളെ ആകര്‍ഷിക്കാന്‍ 496 രൂപയുടെയും 177 രൂപയുടെയും പ്ലാനുകളാണ് പുറത്തിറക്കിയത്.

496 രൂപയ്ക്ക് റീച്ചാര്‍ജ്ജ് ചെയ്യുന്ന ഉപഭോക്താവിന് പരിധിയില്ലാത്ത വോയ്‌സ് കോളും, പ്രതിദിനം ഒരു ജിബി ഡേറ്റ വരെ ഉപയോഗിക്കാനുളള സൗകര്യവുമാണ് നല്‍കിയിരിക്കുന്നത്. 84 ദിവസം വരെ ലഭ്യമാകുന്ന ഈ ഓഫര്‍ അനുസരിച്ച് ലോക്കല്‍, എസ്ടിഡി വേര്‍തിരിവില്ലാതെ ഉപഭോക്താവിന് ഫോണ്‍ വിളിക്കാം.

177 രൂപയ്ക്ക് റീച്ചാര്‍ജ്ജ് ചെയ്യുന്ന ഉപഭോക്താവിന് 496 പ്ലാനിന് സമാനമായ വോയ്‌സ് കോള്‍ സേവനമാണ് ലഭിക്കുക. 28 ദിവസം വരെ ലഭിക്കുന്ന ഈ ഓഫര്‍ അനുസരിച്ച് മൊത്തതില്‍ ഒരു ജിബി വരെ ഡേറ്റ ഉപയോഗിക്കാം.

മൊബൈല്‍ ആധാറുമായി ബന്ധിപ്പിക്കല്‍: പിന്‍വാങ്ങാന്‍ ഒരുങ്ങി കേന്ദ്രം
Posted by
26 October

മൊബൈല്‍ ആധാറുമായി ബന്ധിപ്പിക്കല്‍: പിന്‍വാങ്ങാന്‍ ഒരുങ്ങി കേന്ദ്രം

ന്യൂഡല്‍ഹി: നിര്‍ബന്ധമായും മൊബൈല്‍ നമ്പറുകള്‍ ആധാറുമായി ബന്ധിപ്പിക്കണമെന്ന ആവശ്യത്തില്‍ നിന്നും കേന്ദ്ര സര്‍ക്കാര്‍ പിന്‍വാങ്ങാന്‍ ഒരുങ്ങുന്നുവെന്ന് സൂചന. കടുത്ത വിമര്‍ശനങ്ങള്‍ക്ക് വഴിയൊരുക്കിയ സാഹചര്യത്തിലാണ് നീക്കം. പകരം സംവിധാനം ഒരുക്കാനാണ് കേന്ദ്ര സര്‍ക്കാരിന്റെ ആലോചന. വെരിഫിക്കേഷന്‍ നടപടികള്‍ക്ക് ഡ്രൈവിംഗ് ലൈസന്‍സ്, പാസ്‌പോര്‍ട്ട്, റേഷന്‍ കാര്‍ഡ് എന്നിവ ആധാറിന് പകരം അനുവദിക്കാന്‍ നീക്കം നടക്കുന്നതായാണ് റിപ്പോര്‍ട്ട്. സുപ്രീം കോടതിയുടെ നിര്‍ദേശത്തെ തുടര്‍ന്നാണ് കഴിഞ്ഞ മാര്‍ച്ചില്‍ ആധാറും മൊബൈല്‍ നമ്പറും ബന്ധിപ്പിക്കാനുള്ള ടെലികോം ഡിപ്പാര്‍ട്‌മെന്റിന്റെ ഉത്തരവ് വരുന്നത്.

അടുത്ത വര്‍ഷം ഫെബ്രുവരിക്കുള്ളില്‍ ആധാറുമായി ബന്ധിപ്പിക്കാത്ത മൊബൈല്‍ നമ്പറുകള്‍ വിച്ഛേദിക്കപ്പെടും എന്നാണ് ഉത്തരവിലുണ്ടായിരുന്നത്. ഈ തീരുമാനത്തിനെതിരെ പ്രതിഷേധവുമായി രാജ്യത്താകമാനം വലിയ പ്രതിഷേധങ്ങള്‍ നടന്നിരുന്നു.

അതേസമയം മൊബൈല്‍ നമ്പര്‍ ആധാറുമായി ബന്ധിപ്പിക്കാന്‍ സൗകര്യമില്ലെന്ന് ബംഗാള്‍ മുഖ്യമന്ത്രി മമതാ ബാനര്‍ജി ഇന്നലെ പറഞ്ഞിരുന്നു. അതിന്റെ പേരില്‍ കണക്ഷന്‍ വിച്ഛേദിക്കുകയാണെങ്കില്‍ ആകാമെന്നുമാണ് മമത പറഞ്ഞത്.

വാട്‌സ് ആപ്പ് ഗ്രൂപ്പ് മുതലാളിമാര്‍ക്ക് ഇനി കൂടുതല്‍ അധികാരം വരുന്നു
Posted by
22 October

വാട്‌സ് ആപ്പ് ഗ്രൂപ്പ് മുതലാളിമാര്‍ക്ക് ഇനി കൂടുതല്‍ അധികാരം വരുന്നു

ന്യൂയോര്‍ക്ക്: ഗ്രൂപ്പ് അഡ്മിനിസ്‌ട്രേറ്റര്‍മാര്‍ ഇനി മുതല്‍ ഗ്രൂപ്പിന്റെ സമ്പൂര്‍ണ്ണ അധികാരികളാകും എന്ന് സൂചന. അഡ്മിന്‍സിന് കൂടുതല്‍ അധികാരങ്ങളുമായി പുതിയ വാട്‌സാപ് അപ്‌ഡേറ്റ് അണിയറയില്‍. വാട്‌സ് ആപ്പിന്റെ സവിശേഷതകള്‍ നിരീക്ഷിക്കുന്ന ഫാന്‍സൈറ്റാണു വിവരം പുറത്തുവിട്ടത്.

അംഗങ്ങള്‍ക്കു ഗ്രൂപ്പിന്റെ വിഷയം, ഐക്കണ്‍, ഡിസ്‌ക്രിപ്ഷന്‍ എന്നിവ മാറ്റാന്‍ ഇനിമേല്‍ അഡ്മിനിസ്‌ട്രേറ്ററുടെ അനുമതി വേണ്ടിവരും. ഗ്രൂപ്പ് രൂപീകരിച്ചയാളെ (പവര്‍ അഡ്മിന്‍) പുറത്താക്കുന്നതില്‍ നിന്നു മറ്റ് അഡ്മിനിസ്‌ട്രേറ്റര്‍മാരെ വിലക്കുന്ന ടൂളും ഇതിനോടൊപ്പമുണ്ട്. ഗ്രൂപ്പുകളുടെ നിയന്ത്രണം സുഗമമാക്കുകയാണ് പരിഷ്‌കരിച്ച പ്രോഗ്രാംകൊണ്ട് ഉദ്ദേശിക്കുന്നത്. അഡ്മിനു കൂടുതല്‍ അധികാരങ്ങള്‍ ലഭിക്കും.

ഉപയോക്താക്കള്‍ കാത്തിരിക്കുന്ന ‘അണ്‍സെന്‍ഡ്’ അവസരവും അപ്‌ഡേറ്റിലുണ്ടാകുമെന്നാണു സൂചന. സന്ദേശങ്ങള്‍ വിട്ട് അഞ്ചു മിനിറ്റിനുള്ളില്‍ സ്വീകര്‍ത്താവു കണ്ടിട്ടില്ലാത്തപക്ഷം അവ മായ്ച്ചുകളയാന്‍ അവസരം നല്‍കുന്ന സംവിധാനമാണിത്. വാട്‌സ് ആപ്പിലൂടെ പണമിടപാടു നടത്തുന്നതിനുള്ള ക്രമീകരണവും പ്രതീക്ഷിക്കുന്നുണ്ട്.