ഇന്ത്യയ്ക്ക് അഭിമാനിക്കാം; ട്വിറ്ററിന്റെ നേതൃനിരയിലേക്ക് ഇന്ത്യന്‍ വംശജന്‍
Posted by
19 September

ഇന്ത്യയ്ക്ക് അഭിമാനിക്കാം; ട്വിറ്ററിന്റെ നേതൃനിരയിലേക്ക് ഇന്ത്യന്‍ വംശജന്‍

സാന്‍ഫ്രാന്‍സിസ്‌കോ: പ്രമുഖ സമൂഹമാധ്യമമായ ട്വിറ്ററിന്റെ നേതൃനിരയിലേക്ക് ഇന്ത്യന്‍ വംശജനായ ശ്രീറാം കൃഷ്ണന്‍ എത്തുന്നു.

ഫെയ്‌സ്ബുക്കിന്റെയും ആമസോണിന്റെയും മുതിര്‍ന്ന എക്‌സിക്യൂട്ടീവ് ആയിരുന്ന ശ്രീറാം ട്വിറ്ററിന്റെ പ്രൊഡക്ട് വിഭാഗത്തിന്റെ പുതിയ സീനിയര്‍ ഡയറക്ടറായാണ് ചുമതലയേല്‍ക്കുന്നത്. പ്രൊഡക്ട് വിഭാഗത്തിന്റെ വൈസ് പ്രസിഡന്റ് കീത്ത് കോള്‍മാന്റെ കീഴിലാണ് ശ്രീറാം ഇനി പ്രവര്‍ത്തിക്കുക.

ഞാന്‍ ട്വിറ്ററിന്റെ ഭാഗമാകാന്‍ പോകുന്നുവെന്നാണ് ഇദ്ദേഹം ട്വിറ്ററില്‍ കുറിച്ചത്.

ആഡ് ടെക്‌നോളജിയില്‍ മികച്ച പ്രാഗത്ഭ്യം തെളിയിച്ച വ്യക്തിയാണ് ശ്രീറാം കൃഷ്ണന്‍. ഫെയ്‌സ്ബുക്കിന്റെ പരസ്യ വിഭാഗം കെട്ടിപൊക്കുന്നതില്‍ നിര്‍ണായക പങ്കുവഹിച്ച ശ്രീറാം 2016 ഫെബ്രുവരിയാണ് ഫെയ്‌സ്ബുക്കില്‍ നിന്നും സ്ഥാനമൊഴിഞ്ഞത്.

അയച്ച സന്ദേശങ്ങള്‍ തിരിച്ചെടുക്കാം; വാട്ട്‌സ്ആപ്പ് അണ്‍സെന്‍ഡ് ഫീച്ചര്‍
Posted by
13 September

അയച്ച സന്ദേശങ്ങള്‍ തിരിച്ചെടുക്കാം; വാട്ട്‌സ്ആപ്പ് അണ്‍സെന്‍ഡ് ഫീച്ചര്‍

സാന്‍ഫ്രാന്‍സിസ്‌കോ: അബദ്ധത്തില്‍ അയച്ച സന്ദേശങ്ങള്‍ തിരിച്ചെടുക്കുന്നതിനുള്ള അവസരം വാട്ട്‌സാപ്പ് ഉടന്‍ നല്‍കും.

അയച്ച സന്ദേശങ്ങളോ ചിത്രങ്ങളോ വീഡിയോയോ എല്ലാം തിരിച്ചെടുക്കുന്നതിനുള്ള വാട്ട്‌സ്ആപ്പിന്റെ അണ്‍സെന്‍ഡ് ഫീച്ചര്‍ പരീക്ഷണം നടത്തി വിജയകരമായി പൂര്‍ത്തികരിച്ചു. ഉടന്‍ തന്നെ വാട്‌സ്ആപ്പിന്റെ അപ്‌ഡേറ്റഡ് വേര്‍ഷനില്‍ അണ്‍സെന്റ് ഫീച്ചര്‍ ഉണ്ടാകുമെന്നാണ് റിപ്പോര്‍ട്ടുകള്‍.

അഞ്ചു മിനിറ്റിനുള്ളില്‍ അയച്ച സന്ദേശങ്ങളാണ് അണ്‍സെന്‍ഡ് ചെയ്യാനാകുക. അണ്‍സെന്‍ഡ് ഫീച്ചര്‍ ആന്‍ഡ്രോയിഡിലും ഐഒഎസ് വേര്‍ഷനിലും ലഭ്യമാകും.

വാട്സ് ആപ്പ് ഉപയോഗിക്കാന്‍ ഇനി പണം നല്‍കണം: ആശങ്കയോടെ ഉപഭോക്താക്കള്‍
Posted by
08 September

വാട്സ് ആപ്പ് ഉപയോഗിക്കാന്‍ ഇനി പണം നല്‍കണം: ആശങ്കയോടെ ഉപഭോക്താക്കള്‍

ലോകത്ത് ഏറ്റവും കൂടുതല്‍ ഉപഭോക്താക്കളുള്ള വാട്സ് ആപ്പ് ഉപയോഗിക്കാന്‍ ഇനി മുതല്‍ പണം നല്‍കണം. വാട്സ് ആപ്പ് ബിസിനസ് എന്ന പേരിലാണ് പണമുണ്ടാക്കാന്‍ ഒരുങ്ങുന്നത്. പല വ്യാപാരികളും ഇപ്പേള്‍ വാട്സ് ആപ്പിലൂടെയാണ് കച്ചവടം നടത്തുന്നത്. ഗ്രൂപ്പുകളിലൂടെയും മറ്റുമുള്ള മെസേജുകളിലൂടെയാണ് കച്ചവടം. വന്‍കിട കമ്പനികള്‍ക്ക് ഉല്‍പ്പന്നങ്ങള്‍ ഉല്‍പ്പാദിപ്പിക്കുന്നതിനായി സഹായകമാകുന്നതാണ് വാട്സ്ആപ്പ് നല്‍കുന്ന നിര്‍ണായക വിവരങ്ങള്‍. ഇതു കണക്കിലെടുത്താണ് വാട്സ് ആപ്പ് തന്നെ കച്ചവടത്തിനായി ഒരിടം കണ്ടെത്തുന്നത്. ആവശ്യക്കാരെ മാത്രം തിരിച്ചറിഞ്ഞ് കച്ചവടം നടത്താന്‍ പറ്റുമെന്നത് വ്യാപാരികള്‍ക്കും ഗുണമാണ്. മാത്രമല്ല അക്കൗണ്ട് വെരിഫിക്ഷേനും എത്തന്നതോടെ തട്ടിപ്പ് വ്യാപാരവും നടക്കില്ല.

മുന്‍പ് പല തവണയും ഇത്തരത്തില്‍ പല വാര്‍ത്തകളും ശരിയാണെന്നും ഒരു വര്‍ഷം മുന്‍പ് സ്വകാര്യത നയം മാറ്റിയതു മുതല്‍ സൈബര്‍ ലോകം പ്രതീക്ഷച്ചതില്‍നിന്നു വ്യത്യസ്തമായി പുതിയ പല മാറ്റങ്ങളുമുണ്ടാകുമെന്നാണ് വാട്സ് ആപ്പ് സിഇഒ മാറ്റ് ഇടീമ്മ ബ്ലോഗിന് നല്‍കിയ അഭിമുഖത്തില്‍ പറഞ്ഞു.

സംഭാഷണങ്ങളില്‍ ഉപഭോക്താക്കളുടെ ഇഷ്ടാനിഷ്ടങ്ങള്‍, മുന്‍ഗണന എന്നിവ വാട്സ്ആപ്പിന് ലഭിക്കുകയും ഇതു കമ്പനികള്‍ക്ക് സഹായകമാകുമെന്നുമാണ് കണ്ടെത്തല്‍. നിലവില്‍ ഇത്തരത്തില്‍ വാട്സ്ആപ്പ് നല്‍കുന്ന വിവരങ്ങള്‍ക്ക് കമ്പനികള്‍ വലിയ തുകയാണ് വാട്സ്ആപ്പിന് നല്‍കുന്നത്.

2009 ലാണ് ബ്രിയാന്‍ ആക്ടണ്‍, ജാന്‍ കോം, എന്നിവര്‍ എസ്എംഎസുകള്‍ക്ക് ബദലായി വാട്സ് ആപ്പ് ആരംഭിച്ചത്. അന്ന് ഡൗണ്‍ലോഡ് ചെയ്ത് ആദ്യത്തെ ഒരു വര്‍ഷം സൗജന്യ സര്‍വിസ് അനുവദിക്കുമെങ്കിലും രണ്ടാമത്തെ വര്‍ഷം മുതല്‍ സേവനം തുടരാന്‍ 0.99 ഡോളര്‍ വീതം ഈടാക്കിത്തുടങ്ങുമെന്നാണ് വാട്സ്ആപ്പ് അറിയിച്ചിരുന്നത്. എന്നാല്‍ ഇതുവരെയും വാട്സ്ആപ്പ് ഉപയോക്താക്കളില്‍നിന്ന് പണം ഈടാക്കിയിട്ടില്ല. അതുകൊണ്ടുതന്നെ വരുമാനം ഉണ്ടാക്കുന്നതിനായി ആരംഭിച്ച മാര്‍ഗ്ഗം ഇതുവരെ ഫലപ്രദമായി ഉപയോഗിക്കാന്‍ കഴിഞ്ഞിട്ടില്ല. 2014 ഫെബ്രുവരിയിലാണ് 19 മില്യണിന് സോഷ്യല്‍ മീഡിയ ഭീമനായ ഫേസ്ബുക്ക് വാട്സ് ആപ്പിനെ സ്വന്തമാക്കുന്നത്. പുതിയ മാറ്റങ്ങള്‍ ഉടന്‍ തന്നെയുണ്ടാവുമെന്നാണ് സൈബര്‍ വിദഗ്ദരുടെ നിഗമനം.

ഓണ്‍ലൈന്‍ ബാങ്കിംഗ് തട്ടിപ്പ് വ്യാപകം: ബാങ്ക് ഉദ്യോഗസ്ഥരും ഐടി വിദഗ്ദ്ധരും പ്രധാന ഇരകള്‍
Posted by
07 September

ഓണ്‍ലൈന്‍ ബാങ്കിംഗ് തട്ടിപ്പ് വ്യാപകം: ബാങ്ക് ഉദ്യോഗസ്ഥരും ഐടി വിദഗ്ദ്ധരും പ്രധാന ഇരകള്‍

തിരുവനന്തപുരം: കേരളത്തില്‍ ഓണ്‍ലൈന്‍ ബാങ്കിംഗ് തട്ടിപ്പ് വ്യാപകമാകുന്നു. റിട്ടയര്‍ഡ് ബാങ്ക് ഉദ്യോഗസ്ഥരും ഐടി വിദഗ്ദ്ധരും വരെ തട്ടിപ്പിന് ഇരകളാണ്. ഇടപാടുകാരുടെ വിവരങ്ങള്‍ പുറത്ത് പോകുന്നത് തടയാന്‍ കര്‍ശന സുരക്ഷയൊരുക്കാന്‍ ബാങ്കുകള്‍ക്ക് നിര്‍ദ്ദേശം നല്‍കിയതായി സൈബര്‍ ഡോമിന്റെ ചുമതലയുള്ള ഐജി മനോജ് എബ്രഹാം അറിയിച്ചു.

ഇടപാടുകാരുടെ ബാങ്ക് അക്കൗണ്ട് വിവരങ്ങളും എടിഎം കാര്‍ഡ് നമ്പരും ശേഖരിച്ച ശേഷമാണ് ഓണ്‍ലൈന്‍ ബാങ്കിംഗ് തട്ടിപ്പ് സംസ്ഥാനത്ത് നടക്കുന്നത്. ബാങ്കില്‍ നിന്നും എന്ന വ്യാജേന ഇടപാടുകാരെ വിളിച്ച് അക്കൗണ്ട് നമ്പരും കാര്‍ഡ് നമ്പരും പറഞ്ഞ് വിശ്വാസ്യത നേടിയ ശേഷം ഒടിപി നമ്പരും പിന്‍ നമ്പരും തിരികെ ആവശ്യപ്പെടുന്നതാണ് തട്ടിപ്പുകാരുടെ രീതി. ബാങ്കിംഗ് മേഖലയിലെ തട്ടിപ്പുകള്‍ തടയാന്‍ ഇടപാടുകാര്‍ക്ക് ബോധവല്‍ക്കരണം നല്‍കാനും പോലീസ് ലക്ഷ്യമിടുന്നുണ്ട്.

ജാര്‍ഖണ്ഡ് കേന്ദ്രീകരിച്ചാണ് തട്ടിപ്പുകാര്‍ പ്രവര്‍ത്തിക്കുന്നതെന്നാണ് പോലീസിന്റെ നിഗമനം. ജാര്‍ഖണ്ഡ് പോലീസുമായി സഹകരിച്ച് തട്ടിപ്പുകാരെ കണ്ടെത്താന്‍ അന്വേഷണം ആരംഭിച്ചതായും മനോജ് എബ്രഹാം വ്യക്തമാക്കി.

രാജ്യത്ത് ബ്ലൂവെയ്ല്‍ ഇരകള്‍ വീണ്ടും; ബ്ലൂവെയ്ല്‍ കളിച്ച് ആത്മഹത്യയ്ക്ക് ശ്രമിച്ച ആണ്‍കുട്ടിയേയും പെണ്‍കുട്ടിയേയും രക്ഷപ്പെടുത്തി
Posted by
07 September

രാജ്യത്ത് ബ്ലൂവെയ്ല്‍ ഇരകള്‍ വീണ്ടും; ബ്ലൂവെയ്ല്‍ കളിച്ച് ആത്മഹത്യയ്ക്ക് ശ്രമിച്ച ആണ്‍കുട്ടിയേയും പെണ്‍കുട്ടിയേയും രക്ഷപ്പെടുത്തി

ജോധ്പുര്‍: ബ്‌ളൂവെയ്ല്‍ ഗെയിം ഇരകള്‍ വീണ്ടും. ബ്ലൂവെയ്ല്‍ ഗെയിം കളിച്ച് ആത്മഹത്യക്ക് ശ്രമിച്ച ആണ്‍കുട്ടിയേയും പെണ്‍കുട്ടിയേയും രക്ഷപ്പെടുത്തി. രാജസ്ഥാനിലെ ജോധ്പൂരിലും പത്താന്‍കോട്ടിലുമാണ് രണ്ട് ആത്മഹത്യാ ശ്രമങ്ങള്‍ ഉണ്ടായത്.

പത്താംക്‌ളാസ് വിദ്യാര്‍ത്ഥിനിയായ 17കാരി രണ്ട് തവണയാണ് ബ്‌ളൂവെയില്‍ ഗെയിം കളിച്ച് ആത്മഹത്യക്ക് ശ്രമിച്ചത്. രാജസ്ഥാനിലെ ജോധ്പൂര്‍ സ്വദേശിയായ പെണ്‍കുട്ടി നേരത്തേ തടാകത്തില്‍ ചാടി മരിക്കാന്‍ ശ്രമിച്ചിരുന്നു. മൊബൈല്‍ ഫോണ്‍ വെള്ളത്തിലെറിഞ്ഞ് തടാകത്തില്‍ ചാടിയ പെണ്‍കുട്ടിയെ ചിലര്‍ രക്ഷപ്പെടുത്തുകയായിരുന്നു. സുഹൃത്തിന്റെ വീട്ടിലേക്ക് പോകുകയാണെന്ന് പറഞ്ഞ് വീട്ടില്‍ നിന്നിറങ്ങിയ പെണ്‍കുട്ടിയുടെ കൈയില്‍ തിമിംഗലത്തിന്റെ ആകൃതിയിലുള്ള വരകള്‍ ഉണ്ടായിരുന്നതായി പോലീസ് പറഞ്ഞു. രക്ഷപ്പെട്ട പെണ്‍കുട്ടി പിന്നീട് വീട്ടില്‍ വെച്ച് വീണ്ടും ഉറക്കഗുളികള്‍ കഴിക്കുകയായിരുന്നു.

ഇപ്പോള്‍ ഐസിയുവിലാണ് പെണ്‍കുട്ടി. അപകടനില തരണം ചെയ്ത പെണ്‍കുട്ടി വിഷാദരോഗത്തിന് അടിമയാണെന്നും കൗണ്‍സിലിങ് നല്‍കേണ്ടതുണ്ടെന്നും ഡോക്ടര്‍ അറിയിച്ചു. പത്താന്‍കോട്ടില്‍ 16 വയസ്സുകാരന്‍ ഫാനില്‍ കെട്ടിത്തൂങ്ങിയാണ് ആത്മഹത്യക്ക് ശ്രമിച്ചത്. ദിവസങ്ങളായി ആണ്‍കുട്ടിയുടെ പെരുമാറ്റത്തില്‍ പ്രകടമായ വ്യത്യാസം അനുഭവപ്പെട്ടിരുന്നതായി രക്ഷിതാക്കള്‍ പറഞ്ഞു.

ഇടത്തേ കൈയില്‍ തിമിംഗലത്തിന്റെ ചിത്രം വരച്ചിട്ട കുട്ടി രണ്ട് മാസത്തോളമായി ഓണ്‍ഗെയിം കളിക്കുന്നുണ്ടെന്ന് കൗണ്‍സിലിങ്ങിനിടെ വെളിപ്പെടുത്തിയതായി സൈക്യാട്രിസ്റ്റ് പറഞ്ഞു. ഗെയിം കളിക്കാന്‍ തുടങ്ങിയതിന് ശേഷം ആണ്‍കുട്ടി ടെറസില്‍ നിന്ന് താഴോട്ട് ചാടിയതായും പുസ്തകങ്ങള്‍ കത്തിച്ചതായും ഡോക്ടര്‍ പറഞ്ഞു. താന്‍ ആത്മഹത്യ ചെയ്തില്ലെങ്കില്‍ മാതാപിതാക്കള്‍ക്ക് ആപത്ത് വരുമെന്ന് ഭീഷണി കൊണ്ടാണ് താന്‍ മരിക്കാന്‍ തയ്യാറായതെന്ന് ആണ്‍കുട്ടി വെളിപ്പെടുത്തിയതായും ഡോക്ടര്‍ അറിയിച്ചു.

ജാഗ്രത! നിരവധി ഇന്‍സ്റ്റാഗ്രാം അക്കൗഡുകള്‍ ഹാക്ക് ചെയ്തു
Posted by
31 August

ജാഗ്രത! നിരവധി ഇന്‍സ്റ്റാഗ്രാം അക്കൗഡുകള്‍ ഹാക്ക് ചെയ്തു

ഫെയ്‌സ്ബുക്ക് ഉടമസ്ഥതയിലുള്ള ഇന്‍സ്റ്റാഗ്രാം ഹാക്ക് ചെയ്തു. ഇന്‍സ്റ്റാഗ്രാമില്‍ ആരാധകര്‍ ഏറെയുള്ള സെലിബ്രിട്ടികളുടെ അക്കൗണ്ടുകളാണ് ഇതുവരെ ഹാക്കര്‍മാര്‍ ചോര്‍ത്തിയതായെന്നാണ് റിപ്പോര്‍ട്ടുകള്‍. ഇതു സംബന്ധിച്ച് ഇന്‍സ്റ്റാഗ്രാമിലെ വെരിഫൈഡ് അക്കൗണ്ട് ഉടമകളായ പ്രശസ്ഥ വ്യക്തികള്‍ക്ക് ഇന്‍സ്റ്റാഗ്രാം അധികൃതര്‍ സന്ദേശം അയച്ചു.

ഒന്നോ അതിലധികമോ ഹാക്കര്‍മാര്‍ സെലിബ്രിട്ടി അക്കൗണ്ടുകളെ ലക്ഷ്യമിടുന്നുണ്ടെന്നാണ് സന്ദേശം. പാസ് വേഡുകള്‍ മോഷ്ടിക്കപ്പെട്ടിട്ടില്ലെങ്കിലും അക്കൗണ്ടുകളുടെ പ്രവര്‍ത്തനത്തില്‍ അസാധാരണമായി എന്തെങ്കിലും നടക്കുന്നുണ്ടോ എന്ന് ശ്രദ്ധിക്കണമെന്നും ഇന്‍സ്റ്റാഗ്രാം മുന്നറിയിപ്പ് നല്‍കുന്നു.

ഏതെല്ലാം അക്കൗണ്ടുകളാണ് ഹാക്ക് ചെയ്യപ്പെട്ടിട്ടുള്ളതെന്ന് ഇന്‍സ്റ്റാഗ്രാം വ്യക്തമാക്കിയിട്ടില്ല. ഇന്‍സ്റ്റാഗ്രാമിന്റെ തന്നെ സോഫ്റ്റ് വെയറിലുണ്ടായ ഒരു ബഗ് (bug) ആണ് ഈ സുരക്ഷാ വീഴ്ചയ്ക്ക് കാരണമായത്. എന്നാല്‍ ഈ പ്രശ്‌നം പരിഹരിച്ചതായും അധികൃതര്‍ പറയുന്നു. അപ്രതീക്ഷിതമായ ഫോണ്‍കോള്‍, എസ്എംഎസ്, ഇമെയിലുകള്‍ എന്നിവ ശ്രദ്ധിക്കണമെന്നും വെരിഫൈഡ് അക്കൗണ്ട് ഉടമകള്‍ക്ക് ഇന്‍സ്റ്റാഗ്രാം മുന്നറിയിപ്പ് നല്‍കിയിട്ടുണ്ട.

ആഗോള തലത്തില്‍ 50 കോടി ഉപയോക്താക്കളാണ് ഇന്‍സ്റ്റാഗ്രാമിനുള്ളത്. ഇതില്‍ 30 കോടി ആളുകളും ദിവസവും ഒരിക്കലെങ്കിലും ഇന്‍സ്റ്റാഗ്രാം ഉപയോഗിക്കുന്നവരാണ്.

പരസ്യങ്ങളില്‍ തിരിമറി: കമ്പനികള്‍ക്ക് കോടികള്‍ തിരികെ നല്‍കാനൊരുങ്ങി ഗൂഗിള്‍
Posted by
28 August

പരസ്യങ്ങളില്‍ തിരിമറി: കമ്പനികള്‍ക്ക് കോടികള്‍ തിരികെ നല്‍കാനൊരുങ്ങി ഗൂഗിള്‍

ന്യൂഡല്‍ഹി: പരസ്യങ്ങളില്‍ തിരിമറി കണ്ടെത്തിയതിനെ തുടര്‍ന്ന് പരസ്യകമ്പനികളില്‍ നിന്നും ഈടാക്കിയ തുക തിരികെ നല്‍കാനൊരുങ്ങി ഗൂഗിള്‍ ഇന്ത്യ. പരസ്യങ്ങളില്‍ അസാധാരണമായ രീതിയില്‍ വന്‍ തോതില്‍ ക്ലിക്കുകള്‍ ലഭിച്ചെന്ന് കണ്ടെത്തിയതിനെ തുടര്‍ന്നാണ് ഗൂഗിളിന്റെ തീരുമാനം.

ഇതു സംബന്ധിച്ച് വിശദമായ വിവരങ്ങളൊന്നും തന്നെ ഗൂഗിള്‍ പുറത്ത് വിട്ടിട്ടില്ല. അതേസമയം പരസ്യങ്ങളില്‍ തിരിമറിചെയ്യുന്നവരെ നീക്കം ചെയ്യാനുള്ള ശ്രമത്തിലാണ് തങ്ങളെന്ന് ഗൂഗിള്‍ വക്താവ് പ്രതികരിച്ചു. പരസ്യങ്ങള്‍ക്ക് നല്‍കുന്ന ക്ലിക്കുകളുടെ അടിസ്ഥാനത്തിലാണ് പരസ്യകമ്പനികളില്‍ ഒരോ പരസ്യവും കച്ചവടം ചെയ്യപ്പെടുന്നത്. പരസ്യദാതാക്കളും പ്രസാധകരുമായി ഓണ്‍ലൈന്‍ വിലപേശല്‍ നടത്തുന്ന ഡബിള്‍ ക്ലിക്ക് ബിഡ് മാനേജര്‍ എന്ന സംവിധാനം വഴിയാണ് ഗൂഗിള്‍ പരസ്യങ്ങള്‍ നല്‍കുന്നത്.

പരസ്യങ്ങളുടെ ക്ലിക്കുകള്‍ യാന്ത്രികമാക്കുന്ന ഓട്ടോമേഷന്‍ ബോട്ട് പ്രോഗ്രാമുകള്‍ ഉപയോഗിച്ചാണ് പരസ്യങ്ങളുടെ ക്ലിക്കുകളില്‍ തിരിമറി നടത്തിയത്. ഇതുവഴി 2017ല്‍ 65 ലക്ഷം ഡോളറിന്റെ നഷ്ടമുണ്ടായിട്ടുണ്ടെന്നാണ് കണക്കാക്കപ്പെടുന്നത്. ഈ സാഹചര്യത്തില്‍ വലിയൊരു തുകതന്നെ പരസ്യ ദാതാക്കള്‍ക്ക് ഗൂഗിള്‍ തിരികെ നല്‍കേണ്ടതായി വരും.

വെള്ളപ്പൊക്ക ദുരന്തം ലൈവായി റിപ്പോര്‍ട്ട് ചെയ്യുന്നതിനിടെ ട്രക്ക് ഡ്രൈവര്‍ക്ക് രക്ഷകനായി ടിവി റിപ്പോര്‍ട്ടര്‍: വീഡിയോ വൈറല്‍
Posted by
28 August

വെള്ളപ്പൊക്ക ദുരന്തം ലൈവായി റിപ്പോര്‍ട്ട് ചെയ്യുന്നതിനിടെ ട്രക്ക് ഡ്രൈവര്‍ക്ക് രക്ഷകനായി ടിവി റിപ്പോര്‍ട്ടര്‍: വീഡിയോ വൈറല്‍

വെള്ളപ്പൊക്ക ദുരന്തം ലൈവായി റിപ്പോര്‍ട്ട് ചെയ്യുന്നതിനിടെ ട്രക്ക് ഡ്രൈവര്‍ക്ക് രക്ഷകനായി ടിവി റിപ്പോര്‍ട്ടര്‍. ഹൂസ്റ്റണില്‍ ദുരന്തം വിതച്ച ചുഴലിക്കൊടുങ്കാറ്റിനെ തുടര്‍ന്നുണ്ടായ വെള്ളപ്പൊക്കത്തില്‍ റോഡുകളെങ്ങും പുഴകളായി മാറിയിരിക്കുകയാണ്. പ്രാദേശിക ടെലിവിഷനില്‍ ലൈവ് സംപ്രേഷണം ചെയ്യുന്നതിനിടെയാണ് റോഡിലൂടെ വരികയായിരുന്ന ഒരു ട്രക്ക് ഡ്രൈവര്‍ വെള്ളത്തില്‍ മുങ്ങുന്നത് റിപ്പോര്‍ട്ടറുടെ ശ്രദ്ധയില്‍ പെട്ടത്. പെട്ടെന്ന് അതുവഴി പോകുകയായിരുന്ന രക്ഷാ പ്രവര്‍ത്തകരുടെ വാഹനം തടഞ്ഞ് നിര്‍ത്തി അപകടം സംഭവിക്കുന്നത് അറിയിക്കുകയായിരുന്നു.

ഇതോടെ ട്രക്ക് ഡ്രൈവരെ രക്ഷപെടുത്താന്‍ അടിയന്തിര സംവിധാനങ്ങളുമായി രക്ഷാ പ്രവര്‍ത്തകരെത്തി ട്രക്ക് ഡ്രൈവറെ കരയിലെത്തിച്ചു. എന്തായാലും വിഡിയോ വൈറലായതോടെ റിപ്പോര്‍ട്ടര്‍ക്ക് അഭിനന്ദനങ്ങള്‍ ലഭിച്ചുകൊണ്ടിരിക്കുകയാണ്.

ഒരു വേശ്യാനടിയെക്കാണാന്‍ മലയാളികള്‍ ഇടിച്ചുകയറിയത് കേരള സംസ്‌കാരത്തിന് നാണക്കേട്:   സുഭാഷ് ചന്ദ്രന്‍ , നിങ്ങളെക്കുറിച്ചോര്‍ത്ത് തല താഴ്ത്താതെ വയ്യ !
Posted by
26 August

ഒരു വേശ്യാനടിയെക്കാണാന്‍ മലയാളികള്‍ ഇടിച്ചുകയറിയത് കേരള സംസ്‌കാരത്തിന് നാണക്കേട്: സുഭാഷ് ചന്ദ്രന്‍ , നിങ്ങളെക്കുറിച്ചോര്‍ത്ത് തല താഴ്ത്താതെ വയ്യ !

കൊച്ചി: സണ്ണി ലിയോണിന്റെ ശരീരം സഭ്യേതരമാണെന്നും അത് പൊതുവേദികളില്‍ പ്രദര്‍ശിപ്പിക്കുന്നത് നമ്മുടെ സംസ്‌കാരത്തിന് ക്ഷതി സൃഷ്ടിക്കുമെന്നും എഴുത്തുകാരന്‍ സുഭാഷ് ചന്ദ്രന്‍. ഒരു വേശ്യാനടിയെക്കാണാന്‍ ഞാന്‍ ഞാന്‍ എന്ന മട്ടില്‍ ഇടിച്ചു കയറുവാന്‍ മലയാളികള്‍ തയ്യാറാകുന്നത് കേരള സാസ്‌കാരത്തിന് നാണക്കേടന്ന് കൂട്ടിച്ചേര്‍ത്ത സുഭാഷ് ചന്ദ്രന്‍ സണ്ണി ലിയോണിന്റെ ഭര്‍ത്താവിനെ പിമ്പ് എന്നു കൂടി വിശേഷിപ്പിച്ചുകൊണ്ടാണ് തന്റെ ക്ഷോഭം പ്രകടിപ്പിച്ചത്.

മനോജ് പട്ടേട്ട് ഫേസ്ബുക്ക് പോസ്റ്റ്:

സുഹൃത്തേ സുഭാഷ് ചന്ദ്രാ , വരേണ്യബോധത്തിലുറച്ച അല്പത്തരത്തിന്റെ പരമകാഷ്ഠയില്‍ നിന്നുകൊണ്ടാണ് ഇത്തരം പ്രയോഗങ്ങള്‍ മലയാള സാഹിത്യത്തില്‍ താങ്കളെ പിന്‍പറ്റുന്നവരുടെ മുഖത്തേക്ക് നിങ്ങള്‍ കാറിത്തുപ്പിയത്.സണ്ണി ലിയോണിന്റെ ശരീരം സഭ്യേതരമാകുന്നത് എങ്ങനെയാണ് ? വേശ്യാനടിയെന്ന് നിങ്ങള്‍ വിശേഷിപ്പിച്ച ആ ശരീരത്തെ വിപണിയിലേക്ക് എത്തിക്കുകയും അതിന്റെ ആകര്‍ഷണങ്ങളെ രഹസ്യമായും പരസ്യമായും നക്കിക്കുടിച്ച് തന്റെ കാമനകളെ തൃപ്തിപ്പെടുത്തുകയും ചെയ്യുന്നത് താങ്കളും ഞാനും അടങ്ങിയ ഉന്നതവും വരേണ്യവുമായ സാംസ്‌കാരികധാരകളെ പിന്‍പറ്റുന്നവര്‍ തന്നെയാണ്.അവിടെ തടിച്ചു കൂടിയ ആള്‍ക്കൂട്ടത്തില്‍ ഒന്ന് ശ്രദ്ധിച്ചു നോക്കൂ.നിങ്ങളും ഞാനും അടങ്ങുന്ന ഒരു സമൂഹത്തിന്റെ പരിച്ഛേദമാണ് അവര്‍.കപട സദാചാരത്തിന്റെ അപ്പോസ്തലന്മാരായ നമുക്ക് കിടപ്പറയില്‍ ഉദ്ധൃതവും ബലിഷ്ഠവുമായ പുരുഷശേഷികളെ ചമയിച്ചെടുക്കാനുള്ള ഒരു ശയ്യോപകരണം മാത്രമാണ് സണ്ണി ലിയോണടക്കമുള്ള സ്ത്രീ ജനത.ബെഡ് റൂം ലാമ്പിന്റെ നനുത്ത വെട്ടത്തിനപ്പുറത്തേക്ക് അവള്‍ സ്വാതന്ത്യം പ്രഖ്യാപിക്കുന്നതും ഇറങ്ങിത്തിരിക്കുന്നതും പുരുഷകേന്ദ്രിതമായ ഒരു സമൂഹ്യാന്തരീക്ഷത്തിന് അനുവദനീയമായ പെരുമാറ്റ സംഹിതകളല്ല.അതുകൊണ്ടുതന്നെ ചാക്കിട്ടു മൂടിവെക്കപ്പെടേണ്ട സ്ത്രീ എന്ന ചിന്ത രൂഢമൂലമായിരിക്കുന്ന ഒരു സവര്‍ണ സാംസ്‌കാരികധാരയുടെ ജീര്‍ണവാങ്മയങ്ങളായിരുന്നു നിങ്ങള്‍ വിളമ്പിയ രസക്കൂട്ട് എന്ന് തിരിച്ചറിയുമ്പോള്‍ , സുഭാഷ് ചന്ദ്രന്‍ , നിങ്ങളെക്കുറിച്ചോര്‍ത്ത് എനിക്ക് തല താഴ്ത്താതെ വയ്യ.

സണ്ണി ലിയോണ്‍ എന്ന സ്ത്രീയുടെ ഭര്‍ത്താവിനെ പിമ്പ് എന്നു വിളിക്കാന്‍ തയ്യാറായ നിങ്ങളെ എങ്ങനെയാണ് ഞാന്‍ സംബോധന ചെയ്യേണ്ടത് ? മനുഷ്യന്‍ എന്ന പരിവേഷത്തില്‍ ഒരാള്‍ക്കും ഒരു പൊതുവേദിയില്‍ ഇങ്ങനെ പറയാന്‍ കഴിയില്ല. താങ്കള്‍ക്കതിനു കഴിഞ്ഞെങ്കില്‍ ചിന്തിക്കുന്ന ഇരുകാലി മൃഗം എന്ന തലത്തില്‍ നിന്ന് കേവലമായ ഇരുകാലിമൃഗം എന്ന തലത്തിലേക്ക് നിങ്ങള്‍ അധപതിച്ചിരിക്കുന്നു.ഒരു കാര്യം പറയാതെ വയ്യ . ഈ പിമ്പ് എന്ന പ്രയോഗംതന്നെ അധികാരഘടനയുടെ ഉപരിഘടകങ്ങളുടെ സൃഷ്ടിയാണ്.വരേണ്യമെന്ന് നിങ്ങള്‍ പിന്‍പറ്റുന്ന അധികാരശ്രേണിയെ ആനന്ദിപ്പിക്കാന്‍ നിങ്ങള്‍തന്നെ സൃഷ്ടിച്ചെടുത്ത മധ്യവര്‍ത്തി. ആ മധ്യവര്‍ത്തി അഥവാ പിമ്പ് രസിപ്പിക്കുന്നത് നിങ്ങളുടെ പിതാക്കന്മാരേയും സഹോദരന്മാരേയും ആണ്‍ മക്കളേയുമാണ്.അപ്പോള്‍ എന്താണ് ഞാന്‍ താങ്കളുടെ പിതാവിനെ വിളിക്കുക ? സഹോദരനെ ? ആണ്‍മക്കളെ ? അതുകൊണ്ട് നാം , ‘പിമ്പി’ നെ തെറി വെളിക്കുമ്പോള്‍ ആ തെറി ചെന്നു വീഴുന്നത് സ്വന്തം പിതാവിന്റെ മുഖത്താണെന്ന് നമുക്ക് തിരിച്ചറിയാന്‍ കഴിഞ്ഞില്ലെങ്കില്‍ നിങ്ങള്‍ പിന്‍പറ്റുന്ന സാംസ്‌കാരികബോധം അമാനവികമാണ് സുഭാഷ് ചന്ദ്രന്‍. മനുഷ്യപക്ഷത്തേക്ക് അത് ചാഞ്ഞു നില്ക്കുന്നില്ല.മണ്ണില്‍ കാല്‍കുത്തി നില്ക്കുന്ന കീഴാളപരിപ്രേക്ഷ്യങ്ങളെ നിങ്ങള്‍ക്ക് തൊട്ടറിയാനാകുന്നില്ല. അധികാരശ്രേണികള്‍ എങ്ങനെയാണ് തങ്ങളെ രസിപ്പിക്കുകയും സുഖിപ്പിക്കുകയും ചെയ്യുന്ന ത്വരകങ്ങളെ പരുവപ്പെടുത്തി എടുക്കുന്നതെന്നും , തങ്ങളുടെ വ്യാജമായ വരേണ്യബോധംകൊണ്ട് അവയെ മറച്ചു വെക്കുന്നതെന്നും നിങ്ങള്‍ മനസ്സിലാക്കിയിട്ടില്ല. മനുഷ്യനെന്ന നിലയില്‍ നിങ്ങള്‍ അതിന് ശ്രമിക്കുമെന്ന് പ്രത്യാശിക്കട്ടെയോ?