ഫേസ്ബുക്കില്‍ പുതിയൊരു ബട്ടണ്‍ കൂടി
Posted by
11 February

ഫേസ്ബുക്കില്‍ പുതിയൊരു ബട്ടണ്‍ കൂടി

ഫേസ്ബുക്കില്‍ പുതിയൊരു ബട്ടണ്‍ കൂടി വരുന്നു. ഡൗണ്‍വോട്ട് എന്നു പേരുള്ള ഫീച്ചര്‍ ഫേസ്ബുക്ക് അവതരിപ്പിച്ചു. ഈ ഫീച്ചര്‍ പോസ്റ്റുകളുടെ കമന്റുകളിലായിരിക്കും പ്രത്യക്ഷപ്പെടുക. പബ്‌ളിക് പേജുകളില്‍ മാത്രമേ ഈ ഫീച്ചര്‍ കാണൂ.

തിരഞ്ഞെടുക്കപ്പെട്ട കമന്റുകളില്‍ ഡൗണ്‍വോട്ട് ബട്ടണ്‍ കാണാനാകും. പരീക്ഷണാടിസ്ഥാനത്തില്‍ തുടങ്ങിയതായി ഫേസ്ബുക് അധികൃതര്‍ അറിയിച്ചു.

ഉപയോക്താക്കളുടെ അഭിപ്രായം വിലയിരുത്തി ഡൗണ്‍വോട്ട് തുടരണോ വേണ്ടയോ എന്നു തീരുമാനിക്കും. അമേരിക്കയില്‍ ചുരുക്കം ചിലരുടെ പേജുകളില്‍ മാത്രമേ നിലവില്‍ ഈ സൗകര്യം ലഭ്യമായിട്ടുള്ളൂ.

സ്‌ക്രീന്‍ ഷോട്ട് പോലെ ഓരോ കമന്റുകളുടെയും താഴെയായിരിക്കും ഈ ബട്ടണ്‍ കാണാനാകുക. ഈ ബട്ടണില്‍ ക്‌ളിക്ക് ചെയ്യുമ്പോള്‍ എന്ത് ഉദ്ദേശത്തിനാണെന്ന ചോദ്യം സ്‌ക്രീനില്‍ വരും.

ഉദാഹരണത്തിന് വിയോജിപ്പ്, മിസ് ലീഡിങ്, ഓഫ് ടോപിക് എന്നിങ്ങനെ. ഈ ഓപ്ഷന്‍ ഹൈഡ് ചെയ്യാനും സാധിക്കും. നമ്മുടെ പോസ്റ്റുകളുടെ റാങ്കിങ്ങിനെ പുതിയ ഫീച്ചര്‍ ഒരു തരത്തിലും ബാധിക്കില്ല.

നേരത്തെ ഡിസ്ലൈക്ക് ബട്ടണ്‍ തുടങ്ങാന്‍ ഫേസ്ബുക്കിന് പരിപാടിയുണ്ടായിരുന്നെങ്കിലും ഉപേക്ഷിക്കുകയായിരുന്നു. അതിനു പകരമായിട്ടാണ് ഡൗണ്‍വോട്ടെന്നു സാങ്കേതിക വിദഗ്ധര്‍ പറയുന്നു.

പുതിയ ഫീച്ചേഴ്‌സുമായി ഇന്‍സ്റ്റഗ്രാം
Posted by
06 February

പുതിയ ഫീച്ചേഴ്‌സുമായി ഇന്‍സ്റ്റഗ്രാം

ഇന്‍സ്റ്റഗ്രാമില്‍ പുതിയ ഫീച്ചേഴ്‌സ്. സ്റ്റോറീസില്‍ ‘ടൈപ്പ് മോഡ്’, ‘ കരോസല്‍ ആഡ്‌സ്’ എന്നിങ്ങനെ രണ്ട് പുതിയ സൗകര്യങ്ങളാണ് ഇന്‍സ്റ്റഗ്രാം അവതരിപ്പിച്ചിരിക്കുന്നത്.

വാട്‌സപ്പില്‍ സ്റ്റാറ്റസ് ടൈപ്പ് ചെയ്യുന്ന പോലെ നമുക്ക് ഇത് ഉപയോഗിക്കാം. ഇതില്‍ നിങ്ങള്‍ക്ക് ടൈപ്പ് ചെയ്യേണ്ടവ ടൈപ്പ് ചെയ്യുക. അക്ഷരങ്ങള്‍ ആകര്‍ഷകമാക്കുന്നതിന് വിവിധ അക്ഷര രൂപങ്ങള്‍ ഉപയോഗിക്കാം.

കൂടാതെ വിവിധ പശ്ചാത്തല നിറങ്ങളും ഉപയോഗിക്കാം. പശ്ചാത്തലത്തില്‍ ചിത്രം ഉപയോഗിക്കാനും അക്ഷരങ്ങള്‍ ഹൈലൈറ്റ് ചെയ്യാനും സാധിക്കും. ഐഓഎസ് ആന്‍ഡ്രോയിഡ് പതിപ്പുകളില്‍ പുതിയ ഫീച്ചര്‍ ലഭ്യമാണ്.

ലോകത്ത് 20 കോടി ഫേസ്ബുക്ക് അക്കൗണ്ടുകള്‍ ഇരട്ടിപ്പോ..? വ്യാജ അക്കൗണ്ടുകളില്‍ ഇന്ത്യ മുന്നില്‍
Posted by
05 February

ലോകത്ത് 20 കോടി ഫേസ്ബുക്ക് അക്കൗണ്ടുകള്‍ ഇരട്ടിപ്പോ..? വ്യാജ അക്കൗണ്ടുകളില്‍ ഇന്ത്യ മുന്നില്‍

ലോകത്ത് 20 കോടി ഫേസ്ബുക്ക് അക്കൗണ്ടുകള്‍ വ്യാജമോ അല്ലെങ്കില്‍ ഇരട്ടിപ്പോ ആണെന്ന് കണ്ടെത്തി. ഫേസ്ബുക്കിന്റെ തന്നെ ഡിസംബര്‍ വരെയുള്ള വാര്‍ഷിക റിപ്പോര്‍ട്ടിന്റെ അടിസ്ഥാനത്തിലാണ് കണ്ടെത്തല്‍.

വ്യാജ അകൗണ്ടുകള്‍ സജീവമായ അക്കൗണ്ടുകളുടെ 10 ശതമാനത്തോളം വരുമെന്നും ഇക്കാര്യത്തില്‍ ഇന്ത്യയാണ് മുന്നിലെന്നും റിപ്പോര്‍ട്ടില്‍ പറയുന്നു. ഇന്ത്യയെക്കൂടാതെ ഇന്‍ഡോനേഷ്യ, ഫിലിപ്പീന്‍സ്, വിയറ്റ്‌നാം എന്നീ രാജ്യങ്ങളിലും ഇത്തരം അക്കൗണ്ടുകള്‍ വളരെകൂടുതലാണ്.

അതേസമയം 2016ല്‍ 186 കോടിയായിരുന്ന സജീവ അക്കൗണ്ടുകളുടെ എണ്ണം 2017ല്‍ 213 കോടിയായി വര്‍ധിച്ചിട്ടുണ്ട്, അതായത് എല്ലാ മാസവും സജീവമായുള്ള അക്കൗണ്ടുകളില്‍ എണ്ണത്തില്‍ 14 ശതമാനം വര്‍ധനവ് ഉണ്ടായി. അന്ന് 11.4 കോടിയായിരുന്നു വ്യാജ അക്കൗണ്ടുകളുടെ എണ്ണം. മാത്രമല്ല ദിവസവും സജീവമായുള്ള അക്കൗണ്ടുകളുടെ എണ്ണത്തിലും 14 ശതമാനം വര്‍ധനവുണ്ട്. ഇക്കാര്യത്തിലും മുന്നില്‍ ഇന്ത്യയാണ്.

യാത്ര സുരക്ഷിതമാക്കാന്‍ മൊബൈല്‍ ആപ്പുമായി കേരളാ പോലീസ്
Posted by
02 February

യാത്ര സുരക്ഷിതമാക്കാന്‍ മൊബൈല്‍ ആപ്പുമായി കേരളാ പോലീസ്

യാത്രാവേളകില്‍ ഇനി പേടിക്കണ്ട. യാത്രകളില്‍ സുരക്ഷിതത്വം ഉറപ്പാക്കാനും പൊലീസ് സേവനങ്ങളെ കുറിച്ചറിയാനുമായി പൊലീസിന്റെ പുതിയ മൊബൈല്‍ ആപ്പുകള്‍ നിലവില്‍ വന്നു കഴിഞ്ഞു. കെല്‍ട്രോണാണ് പൊലീസു വേണ്ടി പുതിയ മൊബൈല്‍ ആപ്പുകള്‍ വികസിപ്പിച്ചിരിക്കുന്നത്.

ഇവയില്‍ മൂന്നു ആപ്ലിക്കേഷനുകളാണ് കേരള പൊലീസ് പുറത്തിറക്കിയത്. ജനങ്ങളുടെ അഭിപ്രയം കൂടി പരിഗണിച്ച് പരിഷക്കരിച്ച് അപ്ലിക്കേഷനുകള്‍ ഡിജിപി ലോകനാഥ് ബെഹ്‌റയാണ് പുറത്തിറക്കിയത്.

സുരക്ഷിതമായ യാത്രക്കുവേണ്ടി സിറ്റിസണ്‍ സേഫ്റ്റിയെന്ന ആപ്പാണ് പുറത്തിറക്കിയിരിക്കുന്നത്. ഈ ആപ്പ് ഡൗണ്‍ ലോഡ് ചെയ്തിട്ടുള്ള വ്യക്തിയക്ക് സ്വന്തം യാത്രാ വിവരങ്ങള്‍ മറ്റുള്ളവരുമായി പങ്കുവയ്ക്കാവുന്നതാണ്.

കൂടാതെ ഇതോടൊപ്പം ഈ ആപ്പിന്റെ ഉപയോഗത്താല്‍ ഓരോ പത്തു മിനിറ്റിലും അപ്പില്‍ നിന്നും വിവരങ്ങള്‍ മറ്റുള്ളവര്‍ക്ക് ലഭിച്ചുകൊണ്ടിരിക്കും.

അവശ്യഘട്ടത്തില്‍ തൊട്ടടുത്ത പൊലീസ് സ്റ്റേഷനിലേക്ക് ഈ ആപ്പു വഴി വിവരങ്ങള്‍ കൈമാറാനും കഴിയുന്നതാണ്. സ്ത്രീകളുടെയും കുട്ടികളുടെയും സുരക്ഷയ്ക്കാണ് പ്രധാനമായും ഈ ആപ്പുകള്‍ വികസിപ്പിച്ചിരിക്കുന്നത്.

പൊലീസ് ക്ലിയറന്‍സ് സര്‍ട്ടിഫിക്കറ്റിനായുള്ള അപേക്ഷയും മറുപടിയും ലഭിക്കുന്ന പൊലീസ് ക്ലിയറന്‍സ് സര്‍ട്ടിഫിക്കറ്റ് ആപ്പും പുറത്തിറങ്ങിയിട്ടുണ്ട്. വെര്‍ച്യല്‍ പൊലീസ് ഗൈഡെന്ന മൂന്നാമത്ത് അപ്ലിക്കേഷന്‍ വഴി പൊലീസ് നല്‍കുന്ന സേവനങ്ങളെ കുറിച്ച് എല്ലാവിവരങ്ങളും ലഭിക്കും.

സംശയം ചോദിക്കാനും ചര്‍ച്ച നടത്താനുമുള്ള ചാറ്റ് ബോക്‌സുമുണ്ട്. ഒറ്റയ്ക്കുളള യാത്രകളില്‍ ഇവയേറെ പ്രയോജനം ചെയ്യുന്നതാണ്. ഏത് സമയത്തും ആരെയും പേടിക്കാതെ യാത്രചെയ്യാം.

പാകിസ്താന്‍ സൈറ്റുകളെ പോലും വിറപ്പിച്ച കേരള സൈബര്‍ വാരിയേഴ്‌സ് പ്രവര്‍ത്തനം അവസാനിപ്പിക്കുന്നു
Posted by
24 January

പാകിസ്താന്‍ സൈറ്റുകളെ പോലും വിറപ്പിച്ച കേരള സൈബര്‍ വാരിയേഴ്‌സ് പ്രവര്‍ത്തനം അവസാനിപ്പിക്കുന്നു

കൊച്ചി: പാകിസ്താന്‍ സൈറ്റുകളെ പോലും കിടുകിടെ വിറപ്പിച്ച മലയാളി ഹാക്കര്‍മാരുടെ കൂട്ടമായ കേരളാ സൈബര്‍ വാരിയേഴ്‌സ് പ്രവര്‍ത്തനം അവസാനിപ്പിക്കുന്നു. അതിര്‍ത്തിയിലെ പാകിസ്താന്‍ നുഴഞ്ഞുകയറ്റത്തിനും ഇന്ത്യന്‍ സൈറ്റുകളിലേക്കുള്ള സൈബര്‍ ആക്രമണത്തിനും ചുട്ടമറുപടി നല്‍കികൊണ്ട് പലപ്പോഴും പാക് സൈറ്റുകളില്‍ നുഴഞ്ഞുകയറി ഇന്ത്യന്‍ കൊടി പാറിപ്പിച്ച ഹാക്കര്‍മാരുടെ കൂട്ടായ്മയാണ് കേരള സൈബര്‍ വാരിയേഴ്‌സ്.

ഫേസ്ബുക്കിലെ സ്വതന്ത്ര സംഘടനയായ കേരള സൈബര്‍ വാരിയേഴ്സ് പ്രവര്‍ത്തനം അവസാനിപ്പിക്കുന്നതായി ഔദ്യോഗിക ഫേസ്ബുക്ക് പേജിലൂടെയാണു ഇക്കാര്യം അറിയിച്ചത്. 2015 ഒക്ടോബര്‍ 25നാണു കേരള സൈബര്‍ വാരിയേഴ്സ് പ്രവര്‍ത്തനം ആരംഭിച്ചത്. മോഹന്‍ലാലിന്റെ വെബ്സൈറ്റ് പാകിസ്താന്‍ ഹാക്കര്‍മ്മാര്‍ ഹാക്ക് ചെയ്തപ്പോള്‍ പ്രത്യാക്രമണത്തിനു ചുക്കാന്‍ പിടിച്ചത് ഇവരായിരുന്നു.

പാകിസ്താന്‍ തീവ്രവാദത്തിനു താക്കീത് നല്‍കി പാക് ഗവണ്മെന്റിന്റെ വിദ്യഭ്യാസ സൈറ്റില്‍ വരെ കേരള സൈബര്‍ വാരിയേഴ്സ് നുഴഞ്ഞു കയറിയിട്ടുണ്ട്. സൈബര്‍ യുദ്ധരംഗത്ത് ഇന്ത്യയുടെ ഭാഗത്തു നിന്നുള്ള മലയാളി കുന്തമുനയായിരുന്നു സൈബര്‍ വാരിയേഴ്സ്. അടുത്തിടെ ചില ഓണ്‍ലൈന്‍ ഡേറ്റിംഗ് സൈറ്റുകളും കുട്ടികളുടെ അശ്ലീലത പ്രദര്‍ശിപ്പിച്ച ചില വെബ് പേജുകളും സൈബര്‍ വാരിയേഴ്സ് ഹാക്ക് ചെയ്തിരുന്നു.

കേരളാ സൈബര്‍ വാരിയേഴ്സ് എന്ന ഈ ഹാക്കിംഗ് ഗ്രൂപ്പ് മുന്നോട്ട് കൊണ്ടു പോകാന്‍ താത്പര്യപ്പെടുന്നില്ലെന്നും അതിനാല്‍ 23 ഒക്ടോബര്‍ 2015നു തുടങ്ങിയ ഈ ടീം ജനുവരി 24നു എല്ലാം അവസാനിപ്പിക്കുന്നു എന്നറിയിച്ചു. ഇത് വരെ നല്‍കിയ പിന്തുണക്ക് നന്ദിയര്‍പ്പിച്ച സൈബര്‍ വാരിയേഴ്സ് ഈ പേരില്‍ മറ്റൊരു പേജ് കണ്ടാല്‍ ഉത്തരവാദിത്വം ഏറ്റെടുക്കില്ലെന്ന് പറഞ്ഞു. ഈ തീരുമാനത്തില്‍ നിന്നും പിന്മാറണമെന്ന് ആവശ്യപ്പെട്ട് നിരവധി പേരാണു കമന്റ് ചെയ്തിരിക്കുന്നത്.

പിന്മാറ്റത്തിനു കാരണം എന്താണെന്ന് വ്യക്തമാക്കി കേരളാ സൈബര്‍ വാരിയേഴ്‌സ് പോസ്റ്റ് ചെയ്ത കുറിപ്പ്:

ഗ്രൂപ്പ്‌ നിർത്താൻ ഉള്ള റീസൺ ചോദിച്ചു കുറെ പേര് മെസ്സേജ്, കമന്റ്സ് ഇടുന്നതിനാൽ ആണ് ഇവിടെ ഈ പോസ്റ്റ്‌ കുത്തുന്നത്. ഇത് ഇന്ന് പെട്ടന്നു കമ്മിറ്റി കൂടി തീരുമാനിച്ചതല്ല. 40 പേരിൽ ഇപ്പോൾ 6 പേര് മാത്രമേ ആക്റ്റീവ് ആയി നില്കുന്നത്. അവരുടെ ജോലി, പഠിത്തം, മറ്റു തിരക്ക് മൂലം കുറെ പേർ inactive ആയതിനാലും , ഇപ്പോൾ active ആയിട്ടുള്ള അട്മിന്സിനും ഇത് നോക്കി നടത്താൻ സമയവും ഇല്ലാത്തിതിനാൽ.. group അലക്ഷ്യമായി inactive ആക്കി ഇട്ടു ഞങ്ങളുടെ സപ്പോർട്ടേഴ്സിന് ഒരു പ്രതീക്ഷ കൊടുക്കുവാൻ ഞങ്ങൾക്ക് താല്പര്യമില്ലതിനാൽ, group അഡ്മിൻസിന്റ തീരുമാന പ്രകരം, ചിന്തിച്ച്, തീരുമാനിച് ഉറപ്പിച്ചു തന്നയാണ് ഞങ്ങൾ ഗ്രൂപ്പ് നിർത്തുന്നത്. ഒരു വക്തിയ / ടീമിനെ ഈ group നോക്കി നടത്താൻ ഏൽപ്പിച്ചാൽ, അത് ഇപ്പോൾ ഉണ്ടയിരുന്ന group മെമ്പേഴ്സിനെയും, അവരുടെ ഐഡന്റിറ്റിയായും പല കാരണത്താൽ ബാധിക്കും. ആയതിനാൽ, തത്കാലം group ആരയും ഏല്പിക്കാൻ ഞങൾ ഒരുക്കം അല്ല.

എനിക്ക് കുട്ടികളില്ല, എന്നാല്‍ മരുമകനെ സോഷ്യല്‍ മീഡിയ ഉപയോഗിക്കുന്നതില്‍ നിന്നും വിലക്കിയിട്ടുണ്ടെന്ന് ആപ്പിള്‍ മേധാവി ടിം കുക്ക്‌
Posted by
22 January

എനിക്ക് കുട്ടികളില്ല, എന്നാല്‍ മരുമകനെ സോഷ്യല്‍ മീഡിയ ഉപയോഗിക്കുന്നതില്‍ നിന്നും വിലക്കിയിട്ടുണ്ടെന്ന് ആപ്പിള്‍ മേധാവി ടിം കുക്ക്‌

ലണ്ടന്‍: സോഷ്യല്‍ മീഡിയ ഉപയോഗത്തോടുള്ള തന്റെ വിയോജിപ്പ് തുറന്ന് പ്രകടിപ്പിച്ച് ആപ്പിള്‍ മേധാവി ടിം കുക്ക്. എനിക്ക് കുട്ടികളില്ല, എന്നാല്‍ മരുമകന്റെ സോഷ്യല്‍ മീഡിയ ഉപയോഗിക്കുന്നതില്‍ നിന്നും വിലക്കിയിട്ടുണ്ടെന്ന് അദ്ദേഹം പറഞ്ഞു.

ഇംഗ്ലണ്ടിലെ എക്‌സസില്‍ വിദ്യാര്‍ത്ഥികളുമായി നടത്തിയ സംവാദത്തിലാണ് അദ്ദേഹം ഇക്കാര്യം വെളിപ്പെടുത്തിയത്. പിങ്ങ് എന്ന പേരില്‍ ഒരു സോഷ്യല്‍ മീഡിയ പ്ലാറ്റ്‌ഫോം മുന്‍പ് ആപ്പിള്‍ ആരംഭിച്ചിരുന്നെങ്കിലും പിന്നീട് അത് പിന്‍വലിച്ചിരുന്നു.

യൂട്യൂബ് ഇന്റഗ്രേഷന്‍ ഫീച്ചര്‍; ഇനി വാട്‌സ്ആപ്പില്‍ നിന്നും പുറത്തുപോവാതെ തന്നെ യൂട്യൂബ് വീഡിയോ കാണാം
Posted by
19 January

യൂട്യൂബ് ഇന്റഗ്രേഷന്‍ ഫീച്ചര്‍; ഇനി വാട്‌സ്ആപ്പില്‍ നിന്നും പുറത്തുപോവാതെ തന്നെ യൂട്യൂബ് വീഡിയോ കാണാം

വാട്‌സ്ആപ്പില്‍ നിന്നും പുറത്തുപോവാതെ തന്നെ യൂട്യൂബ് വീഡിയോ കാണാന്‍ സഹായിക്കുന്ന യൂട്യൂബ് ഇന്റഗ്രേഷന്‍ ഫീച്ചര്‍ വാട്‌സ്ആപ്പ് പുറത്തിറക്കി. വാട്‌സ്ആപ്പിന്റെ ഐഓഎസ് പതിപ്പിലാണ് പുതിയ ഫീച്ചര്‍ അവതരിപ്പിച്ചത്. ഐ ഫോണ്‍ ഉപയോക്താക്കള്‍ക്ക് ഈ ഫീച്ചര്‍ ലഭ്യമാവും.

നിലവില്‍ വാട്‌സ്ആപ്പില്‍ വരുന്ന യൂട്യൂബ് ലിങ്കുകള്‍ യൂട്യൂബ് ആപ്ലിക്കേഷന്‍ ഉപയോഗിച്ച് മാത്രമേ തുറക്കാന്‍ സാധിക്കുമായിരുന്നുള്ളൂ. എന്നാല്‍ പുതിയ ഫീച്ചര്‍ ഉപയോഗിച്ച് വാടസ്ആപ്പില്‍ നിന്നും പുറത്തിറങ്ങാതെ തന്നെ വീഡിയോ കാണാന്‍ സാധിക്കും. ഐഓഎസ് വാട്‌സ്ആപ്പിന്റെ v2.18.11 അപ്‌ഡേറ്റിലാണ് പുതിയ ഫീച്ചര്‍ ഫണ്ടാവുക. ഇത് ആപ്പ്‌സ്റ്റോറില്‍ നിന്ന് ഡൗണ്‍ലോഡ് ചെയ്യാം.

പിക്ചര്‍ ഇന്‍ പിക്ചര്‍ മോഡിലാണ് യൂട്യൂബ് വീഡിയോ കാണാനുള്ള സൗകര്യം വാട്‌സ്ആപ്പ് തയ്യാറാക്കിയിരിക്കുന്നത്. വാട്‌സ്ആപ്പ് ചാറ്റ് വിന്‍ഡോയ്ക്ക് മുകളിലായി ഒരു ചെറിയ ചതുരത്തിനുള്ളിലാണ് വീഡിയോ പ്ലേ ചെയ്യുക. വീഡിയോ പ്ലേ ചെയ്യുന്ന സമയത്തു തന്നെ ചാറ്റ് വിന്‍ഡോകള്‍ മാറി മാറി ഉപയോഗിക്കാം.

വാട്‌സ്ആപ്പിലെ യൂട്യൂബ് പ്ലെയറില്‍ പ്ലേ, പോസ്, ക്ലോസ്, ഫുള്‍ സ്‌ക്രീന്‍ ബട്ടനുകളും ഉണ്ടാവും. പിക്ചര്‍ ഇന്‍ പിക്ചര്‍ മോഡില്‍ തെളിയുന്ന വീഡിയോ പ്ലെയര്‍ ഫുള്‍ സ്‌ക്രീന്‍ ആയി പ്ലേ ചെയ്യാനും സാധിക്കും. മാത്രമല്ല, പിക്ചര്‍ ഇന്‍ പിക്ചര്‍ മോഡിലുള്ള വീഡിയോ പ്ലെയര്‍ വിന്‍ഡോ സ്‌ക്രീനില്‍ ഏത് ഭാഗത്തേക്ക് നീക്കി വെക്കാനും സാധിക്കും.

ഡാറ്റ ഇല്ലാതെ തന്നെ ചാറ്റിങ് ചെയ്യാം; ഹൈക്കിന്റെ ‘ടോട്ടല്‍’ ആപ്ലിക്കേഷന്‍ റെഡി
Posted by
17 January

ഡാറ്റ ഇല്ലാതെ തന്നെ ചാറ്റിങ് ചെയ്യാം; ഹൈക്കിന്റെ 'ടോട്ടല്‍' ആപ്ലിക്കേഷന്‍ റെഡി

ഡാറ്റയില്ലാതെ തന്നെ ചാറ്റിങ് സാധ്യമാകുന്ന ‘ടോട്ടല്‍’ എന്ന ആപ്ലിക്കേഷനുമായി ഹൈക്ക്. ‘ടോട്ടല്‍’ എന്ന ആപ്ലിക്കേഷനാണ് ഹൈക്ക് പുറത്തിറക്കിയിരിക്കുന്നത്. ആന്‍ഡ്രോയിഡ് ഓപ്പറേറ്റിങ് സിസ്റ്റത്തില്‍ പ്രവര്‍ത്തിക്കുന്ന ഈ ആപ്ലിക്കേഷനില്‍ ചാറ്റിങിന് പുറമെ ഓണ്‍ലൈന്‍ ബാങ്കിങ് സംവിധാനവും ഒരുക്കിയിട്ടുണ്ട്.

ഇന്ത്യയിലെ 400 മില്ല്യണ്‍ സ്മാര്‍ട്ട് ഫോണ്‍ ഉപയോക്താക്കളില്‍ 200 മില്ല്യണ്‍ ആളുകള്‍ ദിവസേന ഓണ്‍ലൈനില്‍ വരാറുണ്ട്. ഇത് അവസാനിപ്പിക്കുകയാണ് ടോട്ടല്‍ ആപ്ലിക്കേഷന്റെ ലക്ഷ്യമെന്ന് ഹൈക്ക് സിഇഒ കവിന്‍ മിത്തല്‍ പറഞ്ഞു. കാര്‍ബണ്‍, ഇന്റക്സ് എന്നീ മൊബൈല്‍ ഫോണ്‍ നിര്‍മാതാക്കളാണ് ടോട്ടല്‍ സപ്പോര്‍ട്ട് ചെയ്യുന്ന ഓപ്പറേറ്റിങ് സിസ്റ്റത്തിലുള്ള മൊബൈല്‍ ഫോണുകള്‍ വികസിപ്പിക്കുന്നത്. ഏകദേശം 2000 രൂപ വില വരുന്ന ഫോണുകള്‍ മാര്‍ച്ച് മാസം വിപണിയില്‍ എത്തുമെന്നും മിത്തല്‍ അറിയിച്ചു.

ഒരു എംബി മാത്രമായിരിക്കും ആപ്പിന്റെ സൈസ്. എന്നാല്‍, ഇതുവഴി ടെസ്റ്റുകള്‍ക്ക് പുറമെ ഫോട്ടോയും അയയ്ക്കാനും സ്വീകരിക്കാനും, തത്സമയ ക്രിക്കറ്റ് സ്‌കോര്‍, റെയില്‍വേ വിവരങ്ങള്‍ അറിയാനും സാധിക്കും. മൊബൈല്‍ ഫോണ്‍ നമ്പര്‍ ഉപയോഗിച്ച് ലോഗിന്‍ ചെയ്താല്‍ വിവിധ സേവനങ്ങള്‍ നേരിട്ട് ഉപയോഗിക്കാന്‍ ഈ ആപ്പില്‍ കഴിയും.

ജനുവരി ഏഴു മുതല്‍ സിം കാര്‍ഡുകള്‍ക്കെന്ത് സംഭവിക്കും?
Posted by
06 January

ജനുവരി ഏഴു മുതല്‍ സിം കാര്‍ഡുകള്‍ക്കെന്ത് സംഭവിക്കും?

ജനുവരി ഏഴു മുതല്‍ മൊബൈല്‍ നെറ്റ്‌വര്‍ക്കുകള്‍ പ്രവര്‍ത്തനരഹിതമാകുമെന്ന
തരത്തിലുള്ള സന്ദേശങ്ങള്‍ സ്വകാര്യ ടെലികോം നെറ്റുവര്‍ക്കുകളിലേക്ക് വ്യാപകമായി പ്രചരിച്ചുകൊണ്ടിരിക്കുകയാണ്.

‘ജനുവരി ഏഴു മുതല്‍ വോയിസ് കോളുകള്‍ റദ്ദാക്കും’ എന്ന സന്ദേശം ഇന്ത്യയിലെ പല മൊബൈല്‍ ഫോണ്‍ ഉപയോക്താക്കള്‍ക്കും ഇതിനോടകം ലഭിച്ചിട്ടുണ്ട്. ഈ നമ്പരില്‍ സേവനം തുടര്‍ന്നും ലഭിക്കാന്‍ ആഗ്രഹിക്കുന്നുണ്ടെങ്കില്‍ മറ്റേതെങ്കിലും നെറ്റ്വര്‍ക്കിലേക്ക് പോര്‍ട്ട് ചെയ്യണമെന്നാണ് സന്ദേശത്തില്‍ പറഞ്ഞിരിക്കുന്നത്.

അതേസമയം, ഇത്തരത്തിലുള്ള സന്ദേശങ്ങള്‍ക്കെതിരെ ടെലികോം കമ്പനികള്‍ തന്നെ ഇപ്പോള്‍ രംഗത്ത് എത്തിക്കൊണ്ടിരിക്കുകയാണ്. ആധാറുമായി ബന്ധിപ്പിച്ചില്ലെങ്കില്‍ സിം കാര്‍ഡ് ഡിസ്‌കണക്ടാകും എന്ന മെസേജും സേവനദാതാക്കളില്‍നിന്ന് വരാറുണ്ട്. ആധാറുമായി ലിങ്ക് ചെയ്യാത്ത ആളുകളാണ് ഈ വ്യാജ സന്ദേശത്തില്‍ പെട്ടുപോകുന്നത്. ആധാറുമായി സിം കാര്‍ഡ് ബന്ധിപ്പിക്കേണ്ട അവസാന തിയതി ഫെബ്രുവരി ആറാണ്. ഇതുമായി ബന്ധപ്പെടുത്തിയാണ് ആളുകളെ തെറ്റിദ്ധരിപ്പിക്കുന്നത്.

ജിയോ, വോഡഫോണ്‍, ഐഡിയ, എയര്‍ടെല്‍ തുടങ്ങിയ നെറ്റുവര്‍ക്ക് ഉപയോഗിക്കുന്നവര്‍ പരാതിയുമായി സോഷ്യല്‍ മീഡിയയില്‍ എത്തിയപ്പോള്‍ കമ്പനികള്‍ തന്നെ അതിന് മറുപടിയുമായി എത്തുന്നുണ്ട്. നെറ്റ്വര്‍ക്ക് മാറണം എന്ന് മാത്രമാണ് വ്യാജ സന്ദേശത്തില്‍ ആവശ്യപ്പെടുന്നത്. എന്നാല്‍, ഏത് നെറ്റുവര്‍ക്കെന്ന് പരാമര്‍ശിച്ചിട്ടുമില്ല. ഇത് ആളുകള്‍ക്ക് ചെറുതല്ലാത്ത ആശയകുഴപ്പം ഉണ്ടാക്കിയിട്ടുണ്ട്.

രാജ്യത്തിന്റെ രഹസ്യ വിവരങ്ങള്‍ ചോര്‍ത്തുന്നു; ഗൂഗിളിനും ഫേസ്ബുക്കും നികുതി
Posted by
01 January

രാജ്യത്തിന്റെ രഹസ്യ വിവരങ്ങള്‍ ചോര്‍ത്തുന്നു; ഗൂഗിളിനും ഫേസ്ബുക്കും നികുതി

ലണ്ടന്‍: ഭീകരവാദവും ആക്രമണങ്ങളും പ്രോല്‍സാഹിപ്പിക്കുന്ന തരത്തിലുള്ള ഉള്ളടക്കം പിന്‍വലിക്കാത്ത പക്ഷം ടെക് ഭീമന്‍മാരായ ഗൂഗിളിനും ഫേസ്ബുക്കിനും നികുതി ചുമത്താനൊരുങ്ങി ബ്രിട്ടന്‍.

തീവ്രവാദ പ്രവര്‍ത്തനങ്ങള്‍ തടയാനും രാജ്യ സുരക്ഷക്കും വേണ്ടി സര്‍കാര്‍ ഉപയോക്താക്കളുടെ വിവരങ്ങള്‍ ആവശ്യപ്പെട്ടാല്‍ നല്‍കാന്‍ മടിക്കുന്ന ടെക് ഭീമന്‍മാര്‍ വിവരങ്ങള്‍ രാജ്യത്തിനും ജനങ്ങള്‍ക്കുമെതിരായ രീതിയില്‍ വിറ്റു കാശാക്കുകയാണെന്ന് ബ്രിട്ടീഷ് സുരക്ഷാ മന്ത്രി ബെന്‍ വലൈസ് ആരോപിച്ചു. ലോണുകാര്‍ക്കും സോഫ്റ്റ് പോണ്‍ കമ്പനികള്‍ക്കുമാണ് ഉപയോക്താക്കളുടെ വിവരങ്ങള്‍ ഗൂഗിളും ഫേസ്ബുക്കും പോലുള്ള കമ്പനികള്‍ വില്‍കുന്നതെന്നും ബെന്‍ പറഞ്ഞു. സ്വകാര്യ ലാഭത്തിന് വേണ്ടി പൊതു സുരക്ഷ വെച്ചുള്ള ഇത്തരം പ്രവര്‍ത്തികള്‍ കണ്ടില്ലെന്ന് നടിക്കാനാവില്ലെന്നും ബെന്‍ വലൈസ് തുറന്നടിച്ചു.

അതേസമയം മന്ത്രിയുടെ ആരോപണങ്ങള്‍ക്കെതിരെ ഫേസ്ബുക്ക് രംഗത്തെത്തിയിട്ടുണ്ട്. രാജ്യ സുരക്ഷക്കോ ജനങ്ങളുടെ സ്വകാര്യതക്കോ നിരക്കാത്ത പ്രവര്‍ത്തികള്‍ ചെയ്യില്ലെന്നും തീവ്രവാദ ഉള്ളടക്കങ്ങള്‍ കണ്ടെത്തി നീക്കം ചെയ്യാന്‍ ദശലക്ഷക്കണക്കിന് ഡോളര്‍ ഫേസ്ബുക്ക് നിക്ഷേപിച്ചിട്ടുണ്ടെന്നും ഫേസ്ബുക്ക് ഉദ്യോഗസ്ഥന്‍ സിമോന്‍ മില്‍നര്‍ വ്യക്തമാക്കി.

error: This Content is already Published.!!