ലോകത്തിലെ ഏറ്റവും മിഴിവേറിയ എല്‍ഇഡി ടി വിയുമായി വു ടെക്‌നോളജീസ്
Posted by
20 February

ലോകത്തിലെ ഏറ്റവും മിഴിവേറിയ എല്‍ഇഡി ടി വിയുമായി വു ടെക്‌നോളജീസ്

ലോകത്തിലെ ഏറ്റവും മിഴിവേറിയ ടെലിവിഷനുമായി യു.എസിലെ കാലിഫോര്‍ണിയ ആസ്ഥാനമായ വു ടെക്‌നോളജീസ് രംഗത്ത്. വു ക്വാണ്ടം പിക്‌സല്‍ലൈറ്റ് എല്‍.ഇ.ഡി ടി.വി (Vu Quantum Pixelight LED TV) ആണ് തെളിച്ചത്തിന്റെ കാര്യത്തില്‍ അവകാശവാദം മുന്നോട്ടുവെക്കുന്നത്.

ക്വാണ്ടം പിക്‌സല്‍ലൈറ്റ് ടി.വിയുടെ 65 ഇഞ്ചിന് 2.6 ലക്ഷവും 75 ഇഞ്ചിന് നാല് ലക്ഷവുമാണ് വില. താമസിയാതെ കടകളിലും ഫ്‌ലിപ്കാര്‍ട്ടിലും വില്‍പനക്കെത്തും.

ലോക്കല്‍ ഡിമ്മിങ് സാങ്കേതികവിദ്യയും 1500 നിറ്റ് (പ്രകാശ തീവ്രതയുടെ യൂനിറ്റാണ് നിറ്റ് ) ബ്രൈറ്റ്‌നസും ആണ് ഈ ടി.വിയെ വ്യക്തതയുടെ കാര്യത്തില്‍ കേമനാക്കുന്നത്. ക്വാണ്ടം പിക്‌സല്‍ സാങ്കേതികവിദ്യ ജീവനുള്ള ചിത്രങ്ങള്‍ കാണുന്നപോലുള്ള പ്രതീതി നല്‍കുമെന്നും കമ്പനി പറയുന്നു.

അള്‍ട്ര എച്ച്.ഡി, അള്‍ട്ര കളര്‍, അള്‍ട്ര കോണ്‍ട്രാസ്റ്റ്, അള്‍ട്ര മോഷന്‍ എന്നീ നാല് അള്‍ട്രകളുടെ സമന്വയമാണ് ടി.വിയുടെ മിഴിവിന് കാരണം. 55,000 ശബ്ദ ദ്വാരങ്ങളിലൂടെ ഡൈനാമിക് ഡോള്‍ബി ഓഡിയോ അനുഭവവേദ്യമാക്കുന്നു.

പ്രത്യേക നെറ്റ്ഫ്‌ലിക്‌സ്, യൂട്യൂബ് ബട്ടണുള്ള ഇതില്‍ ഫോര്‍കെ സ്ട്രീമിങ് പിന്തുണയുമുണ്ട്. വുവിന്റെ ഓപറേറ്റിങ് സിസ്റ്റത്തിലാണ് സ്മാര്‍ട്ട് ടി.വിയുടെ പ്രവര്‍ത്തനം. നാലുകോര്‍ പ്രോസസറുമുണ്ട്. ഫോര്‍കെ അള്‍ട്രാ എച്ച്.ഡി ഹൈ ഡൈനാമിക് റേഞ്ച് ഡിസ്‌പ്ലേയാണ്.

3840 x 2160 പിക്‌സലാണ് റസലൂഷന്‍. ചാനല്‍ മാറ്റം മറ്റുള്ളവയെക്കാള്‍ 20 ശതമാനം വേഗത്തില്‍ ചെയ്യാനാകും. ഇതര്‍നെറ്റ് പോര്‍ട്ട്, വൈ ഫൈ കണക്ടിവിറ്റിയുണ്ട്. 65 ഇഞ്ച് ടി.വിയില്‍ മൂന്ന് 15 വാട്ട് സ്പീക്കറുകള്‍, 3 എച്ച്ഡി.എം.െഎ പോര്‍ട്ട്, 2 യു.എസ്.ബി പോര്‍ട്ട്, ഇതര്‍നെറ്റ് പോര്‍ട്ട് എന്നിവയുണ്ട്. 75 ഇഞ്ചില്‍ രണ്ട് 15 വാട്ട് സ്പീക്കറുകള്‍, 4 എച്ച്.ഡി.എം.െഎ പോര്‍ട്ട്, 3 യു.എസ്.ബി പോര്‍ട്ട് എന്നിവയുണ്ട്. ലോഹശരീരവും 8.9 എം.എം ഫ്രെയിമുമാണ്.

നാഷണല്‍ പേമെന്റ് കോര്‍പ്പറേഷന്‍ ഭീം ആപ്പിന്റെ വാട്‌സ്ആപ്പ് പതിപ്പ് പുറത്തിറക്കാനൊരുങ്ങുന്നു
Posted by
19 February

നാഷണല്‍ പേമെന്റ് കോര്‍പ്പറേഷന്‍ ഭീം ആപ്പിന്റെ വാട്‌സ്ആപ്പ് പതിപ്പ് പുറത്തിറക്കാനൊരുങ്ങുന്നു

കൊച്ചി: വാട്‌സ്ആപ്പ് ഭീം ആപ്പ് പുറത്തിറക്കാന്‍ ഒരുങ്ങി നാഷണല്‍ പേമെന്റ് കോര്‍പ്പറേഷന്‍. വാട്‌സ്ആപ്പ് ആപ്പ് നിര്‍മാണം അവസാന ഘട്ടത്തിലാണ്.

നാഷണല്‍ പേ്‌മെന്റ് കോര്‍പ്പറേഷന്‍ ഇതിനുള്ള പ്രാഥമിക അനുമതി നല്‍കിക്കഴിഞ്ഞു. ഇതില്‍ ഉപയോക്താക്കളുടെ എണ്ണം 10 ലക്ഷം ആയി നിജപ്പെടുത്തിയിട്ടുണ്ട്.

ഓരോ ഇടപാടുകളുടെയും തുകയിലും നിയന്ത്രണമുണ്ട്. 4 ബാങ്കുകളാണ് പ്രാഥമികഘട്ടത്തില്‍ പദ്ധതിയില്‍ ഉണ്ടാവുക. ബീറ്റ പതിപ്പിന്റെ പ്രാഥമിക പരീക്ഷണം വിജയിച്ച് കഴിഞ്ഞാല്‍ മുഴുവന്‍ ഫീച്ചറുകള്‍ ഉള്ള ആപ്പ് പുറത്തിറക്കും.

പണം അയയ്ക്കുന്നതിനും സ്വീകരിക്കുന്നതിനും ഉള്ള സംവിധാനവും ഭാരത് ക്യൂആര്‍ കോഡുകള്‍ റീഡ് ചെയ്യാനുള്ള സൗകര്യവും അന്തിമമായ ഭീം യുപിഐ ആപ്പില്‍ ഉണ്ടാവും.

ഭീം യുപിഐ ആപ്പില്‍ ഉള്ള ബാങ്കുകളുടെയും ബാങ്ക് ഇതര ധനകാര്യ സ്ഥാപനങ്ങളുടെയും ഉപഭോക്താക്കള്‍ക്ക് സഹായകരമാകുന്ന രീതിയില്‍ ആപ്പ് വികസിപ്പിക്കും.

നാഷണല്‍ പേമെന്റ് കോര്‍പ്പറേഷന്‍ ഡിജിറ്റല്‍ പണമിടപാടുകള്‍ പ്രോത്സാഹിപ്പിക്കുന്നതിനുള്ള നടപടികള്‍ സ്വീകരിച്ചുവരികയാണ്.

ഇതിന്റെ ഭാഗമായാണ് ഭീം യുപിഐ ആപ്പ് വികസിപ്പിച്ചിട്ടുള്ളത്. ഉപഭോക്താക്കള്‍ക്ക് സൗകര്യപ്രദവും, എളുപ്പത്തിലും ഡിജിറ്റല്‍
പണമിടപാടുകള്‍ നടത്തുന്നതിനുള്ള അന്തരീക്ഷമാണ് നാഷണല്‍ പേമെന്റ് കോര്‍പ്പറേഷന്‍ ഏര്‍പ്പെടുത്തിയിരിക്കുന്നത.്‌

പവര്‍ ബാങ്കും ചാര്‍ജറുമില്ലാതെ ഫോണ്‍ ചാര്‍ജ് ചെയ്യാന്‍ പറ്റുമോ?
Posted by
19 February

പവര്‍ ബാങ്കും ചാര്‍ജറുമില്ലാതെ ഫോണ്‍ ചാര്‍ജ് ചെയ്യാന്‍ പറ്റുമോ?

പറ്റുമെന്നാണ് ഒരു സംഘം ശാസ്ത്രജ്ഞര്‍ പറയുന്നത്. പവര്‍ബാങ്കുകളും ചാര്‍ജറുകളുമില്ലാതെ ശരീരത്തിന്റെ അനക്കം കൊണ്ട് വൈദ്യുതി നിര്‍മിക്കാന്‍ കഴിവുള്ള, ലോഹ നിര്‍മിതമായ ഒരു കുഞ്ഞു ‘ടാബ്’ തങ്ങള്‍ നിര്‍മിച്ചു കഴിഞ്ഞു എന്നാണ് ശാസ്ത്രജ്ഞരുടെ അവകാശവാദം.
‘മനുഷ്യശരീരം ഊര്‍ജ്ജത്തിന്റെ ഒരു അക്ഷയ ഖനിയാണ്.

എന്തുകൊണ്ട് അതിനെ ഉപയോഗപ്പെടുത്തിക്കൂടാ,’ അമേരിക്കയിലെ ബഫലോയിലെ യൂണിവേഴ്‌സിറ്റിയുടെ അസോസിയേറ്റ് പ്രൊഫെസര്‍ ആയ ഗാന്‍ (Gan) ചോദിക്കുന്നു.

ഈ രീതിക്ക് ട്രൈബോഇലക്ട്രിക് ചാര്‍ജിങ് എന്നാണ് പറയുന്നത്. ചില വസ്തുക്കള്‍ മറ്റു ചില വസ്തുക്കളുമായി സമ്പര്‍ക്കത്തില്‍ വരുമ്പോള്‍ വൈദ്യുതി ഉത്പാദിപ്പിക്കുന്നു എന്നതാണ് ഇവിടെ പ്രയോഗത്തില്‍ വരുന്ന ശാസ്ത്ര തത്വം.

ദൈനംദിന ജീവിതത്തില്‍ ഉത്പാദിപ്പിക്കപ്പെടുന്ന സ്റ്റാറ്റിക് കറന്റ് എല്ലാം ഇങ്ങനെ ഉണ്ടാകുന്നതാണ്. ഗവേഷകര്‍ ഈ ട്രൈബോ ഇലക്ട്രിക് പ്രതിഭാസം ഉപയോഗപ്പെടുത്താന്‍ പല വിധ നാനോ ജനറേറ്ററുകളുടെയും നിര്‍മാണത്തെ കുറിച്ചു ചിന്തിച്ചിരുന്നു.

ഇവയില്‍ പലതും നിര്‍മിച്ചെടുക്കാന്‍ ഒന്നുകില്‍ വിഷമമാണ് അല്ലെങ്കില്‍ ചിലവു കൂടുതലാണ്. ചൈനീസ് അക്കാഡമി ഓഫ് സയന്‍സിലെയടക്കമുള്ള പുതിയ ഗവേഷകരും ശാസ്ത്രജ്ഞരും ഈ രണ്ടു പ്രശ്‌നങ്ങളെയും തരണം ചെയ്തു കഴിഞ്ഞാണ് അവരുടെ ‘ടാബ്’ നിര്‍മിച്ചിരിക്കുന്നത്. ഇതിനെ അവര്‍ വിളിക്കുന്നത് ‘ട്രൈബോഇലക്ട്രിക് നാനോ ജനറേറ്റര്‍’ എന്നാണ്.

ആവരുടെ ടാബ് രണ്ടു നേര്‍ത്ത സ്വര്‍ണ്ണ പാളികള്‍ക്കിടയില്‍ പാകിയ പോളിമര്‍ (സിലിക്കണ്‍ ഉപയോഗിച്ചു നിര്‍മിച്ച പോളിഡിമെത്തില്‍സിലോക്‌സെയ്ന്‍ (PDMS) അടങ്ങുന്നതാണ്. ഈ പോളിമര്‍ ആണ് കോണ്ടാക്ട് ലെന്‍സുകളില്‍ ഉപയോഗിക്കുന്നത്.

ഇപ്പോള്‍ നിര്‍മിച്ചിരിക്കുന്ന ടാബിന് 1.5 സെന്റീമീറ്ററാണ് നീളം. 1 ഇഞ്ച് വീതിയും ഇതിനുണ്ട്. ഇതിന്റെ വോള്‍ട്ടെജ് പരമാവധി 124 വോള്‍ട്‌സ് ആണ്.

പരമാവധി വൈദ്യുതി 10 മൈക്രോആംപ്‌സും, സ്‌ക്വയര്‍ സെന്റിമീറ്ററിന്, പരമാവധി പവര്‍ ഡെന്‍സിറ്റി 0.22 മില്ലിവോട്‌സുമാണ്.

15,500 കോടി കടബാധ്യത; പാപ്പരായി പ്രഖ്യാപിക്കണമെന്ന് എയര്‍സെല്‍
Posted by
19 February

15,500 കോടി കടബാധ്യത; പാപ്പരായി പ്രഖ്യാപിക്കണമെന്ന് എയര്‍സെല്‍

മുംബൈ: ടെലികോം കമ്പനിയായ എയര്‍സെല്‍ പാപ്പരായതായി പ്രഖ്യാപിക്കുന്നു. ഇതിനായി നാഷണല്‍ കമ്പനി ലോ ട്രൈബ്യൂണലിനെ ഉടനെ സമീപിക്കാനിരിക്കുകയാണ് കമ്പനി.

വായ്പാ നല്‍കിയവരുമായി കഴിഞ്ഞ സെപ്റ്റംബര്‍ മുതല്‍ ധാരണയിലെത്താന്‍ ശ്രമിച്ചു വരികയായിരുന്നെങ്കിലും അതിന് കഴിയാത്ത സാഹചര്യത്തിലാണ് ലോ ട്രൈബ്യൂണലിനെ സമീപിക്കുന്നത്. 15,500 കോടിയുടെ കടബാധ്യതയാണ് കമ്പനിക്കുള്ളത്.

മലേഷ്യന്‍ ആസ്ഥാപനമായി പ്രവര്‍ത്തിക്കുന്ന മാക്സിസാണ് എയര്‍സെലിന്റെ മാതൃകമ്പനി. കൂടുതല്‍ പണംമുടക്കി സ്ഥാപനം മുന്നോട്ടുകൊണ്ടുപോകുന്നതില്‍ നിന്ന് മാക്സിസ് പിന്മാറുകയായിരുന്നു.

ചന്ദ്രയാന്‍-2 വിക്ഷേപണം ഏപ്രിലില്‍; ചന്ദ്രന്റെ ദക്ഷിണധ്രുവത്തില്‍ ഇറങ്ങും
Posted by
17 February

ചന്ദ്രയാന്‍-2 വിക്ഷേപണം ഏപ്രിലില്‍; ചന്ദ്രന്റെ ദക്ഷിണധ്രുവത്തില്‍ ഇറങ്ങും

ന്യൂഡല്‍ഹി: ഇന്ത്യയുടെ ബഹിരാകാശ ഗവേഷണ ഏജന്‍സി (ഇസ്രോ) യുടെ ചന്ദ്ര ദൗത്യമായ ചന്ദ്രയാന്‍-2 ഏപ്രിലില്‍ വിക്ഷേപിക്കുമെന്ന് ബഹിരാകാശ വകുപ്പ് മേധാവി ജിതേന്ദ്ര സിംഗ്.

800 കോടി രൂപ മുടക്കി നിര്‍മിക്കുന്ന റോവര്‍ ചന്ദ്രന്റെ ദക്ഷിണ ധ്രുവത്തിലാണ് ഇറക്കുകയെന്ന് ഇസ്രോ ചെയര്‍മാന്‍ കെ. ശിവന്‍ പറഞ്ഞു.

ഇന്ത്യയുടെ ആദ്യ ചന്ദ്രദൗത്യമായ ചാന്ദ്രയാന്‍-1 ചന്ദ്രനില്‍ വെള്ളത്തിന്റെ സാന്നിധ്യം കണ്ടെത്തിയിരുന്നു. ചന്ദ്രയാന്‍-1 ന്റെ കൂടുതല്‍ വിപുലമായ ദൗത്യമാണ് ചന്ദ്രയാന്‍-2 എന്നും മനുഷ്യനെ ചന്ദ്രനിലെത്തിക്കുന്നതിലും മികച്ച ദൗത്യമാണിതെന്നും ജിതേന്ദ്ര സിംഗ് പറഞ്ഞു.

ചന്ദ്രോപരിതലത്തില്‍ ചക്രങ്ങളില്‍ നിങ്ങുന്ന റോവര്‍ നിരവധി പരീക്ഷണങ്ങള്‍ നടത്തും. ഏപ്രിലില്‍ വിക്ഷേപണം സാധിച്ചില്ലെങ്കില്‍ നവംബറില്‍ വിക്ഷേപണം നടത്തുമെന്നും ഇസ്രോ ചെയര്‍മാന്‍ കെ. ശിവന്‍ അറിയിച്ചു. ചന്ദ്രോപരിതലത്തിലെ ഏറ്റവും കട്ടിയുള്ള പ്രദേശമാണ് ദക്ഷിണ ധ്രുവം.

ചന്ദ്രോപരിതലത്തിലെ ദശലക്ഷം വര്‍ഷങ്ങള്‍ക്കു മുന്പ് രൂപപ്പെട്ട പാറകളില്‍ റോവര്‍ ഇറക്കി പരീക്ഷണം നടത്തുകയാണു ചന്ദ്രയാന്‍-2 ന്റെ ലക്ഷ്യം. പാറകളില്‍ നടത്തുന്ന പരീക്ഷങ്ങള്‍ പ്രപഞ്ചോല്പത്തിയി ലേ ക്കും വെളിച്ചം വീശിയേക്കും.

ചന്ദ്രന്റെ ദക്ഷിണധ്രുവത്തെക്കുറിച്ച് ഇതുവരെ ആരും പരീക്ഷണം നടത്തിയിട്ടില്ലെന്നും ചന്ദ്രന്റെ ഭൂമധ്യരേഖയിലാണു മറ്റു രാജ്യങ്ങളുടെ ഭൂരിഭാഗം പരീക്ഷണങ്ങളും നടക്കുന്നതെന്നും ശിവന്‍ പറഞ്ഞു.

Elon Musk’s Tesla Roadster might crash into Earth
Posted by
17 February

ബഹിരാകാശത്തെത്തിച്ച ടെസ്ല കാര്‍ ഭൂമിയിലോ മറ്റുഗ്രഹങ്ങളിലോ തകര്‍ന്ന് വീഴാന്‍ സാധ്യത

വാഷിങ്ടണ്‍: ഫാല്‍ക്കണ്‍ റോക്കറ്റിനൊപ്പം ബഹിരാകാശത്തെത്തിച്ച ടെസ്ല റോഡ്സ്റ്റര്‍ കാര്‍ ഭൂമിയിലേക്കോ ശുക്രനിലേക്കോ പതിക്കാന്‍ നേരിയ സാധ്യതയുള്ളതായി അമേരിക്കന്‍ ശാസ്ത്രജ്ഞര്‍. അടുത്ത പത്തുലക്ഷം വര്‍ഷത്തിനിടെ എപ്പോഴെങ്കിലും കാര്‍ ഭൂമിയിലോ ശുക്രനിലോ പതിക്കാനിടയുണ്ടെന്നാണ് ഓര്‍ബിറ്റല്‍ ഡൈനാമിക്സ് വിദഗ്ധരായ ഹാനോ റെയിന്‍, ഡാനിയേല്‍ ടമായോ. ഡേവിഡ് വി. എന്നിവര്‍ ഉള്‍പ്പെട്ട ശാസ്ത്രസംഘത്തിന്റെ നിഗമനം.

എന്നാല്‍ കാര്‍ ഭൂമിയില്‍ പതിക്കാനുള്ള സാധ്യത ആറു ശതമാനവും ശുക്രനില്‍ പതിക്കാനുള്ള സാധ്യത 2.5 ശതമാനവുമാണെന്നാണ് ശാസ്ത്രസംഘത്തിന്റെ നിഗമനം. മാത്രവുമല്ല ഇരുഗ്രഹങ്ങളുടെയും ഉപരിതലത്തില്‍ എത്തുന്നതിനു മുന്നേ കാര്‍ കത്തിപ്പോകാനും സാധ്യതയുണ്ട്. റോയല്‍ അസ്ട്രോണമിക് സൊസൈറ്റിയുടെ പ്രതിമാസ നോട്ടീസില്‍ ഉള്‍പ്പെടുത്തുന്നതിന് മുന്നേ പ്രീ പ്രിന്റ് സൈറ്റ് ആയ മൃതശ് യിലാണ് ഇവരുടെ നിഗമനം പ്രസിദ്ധപ്പെടുത്തിയിരിക്കുന്നത്.

ലോകത്തെ ഏറ്റവും ശക്തിയേറിയ റോക്കറ്റ് ഫാല്‍ക്കണ്‍ ഹെവി ഫെബ്രുവരി ആറിനാണ് സ്പേസ് എക്സ് ബഹിരാകാശത്ത് എത്തിച്ചത്. സ്പേസ് എക്സ് സ്ഥാപകന്‍ എലന്‍ മസ്‌കിന്റെ ഇലക്ട്രിക് കാറായ ടെസ്ല റോഡ്സ്റ്ററിനെയും വഹിച്ചായിരുന്നു റോക്കറ്റ് കുതിച്ചുയര്‍ന്നത്.

എന്നാല്‍ ബഹിരാകാശത്ത് എത്തിയ കാര്‍ അതിന്റെ നിയന്ത്രണ രേഖയില്‍നിന്ന് വഴിമാറിപ്പോയതായി റിപ്പോര്‍ട്ടുകള്‍ പുറത്തെത്തിയിരുന്നു. വാഷിങ്ടണ്‍ പോസ്റ്റാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്

സ്മാര്‍ട്രോണ്‍ ടിഫോണ്‍ പി വിപണിയില്‍
Posted by
16 February

സ്മാര്‍ട്രോണ്‍ ടിഫോണ്‍ പി വിപണിയില്‍

ഒട്ടേറെ പുതുമകള്‍ നിറഞ്ഞ സ്മാര്‍ട്ട്‌ഫോണ്‍, ടിഫോണ്‍ പി, ഇന്ത്യയിലെ പ്രഥമ ഗ്ലോബല്‍ പ്രീമിയര്‍ ഐഒടി ബ്രാന്‍ഡുമായ സ്മാര്‍ട്രോണ്‍ വിപണിയിലെത്തിച്ചു. ബജറ്റ് സ്മാര്‍ട്ട്‌ഫോണ്‍ ആയ ടി ഫോണ്‍ പിയുടെ വില 7999 രൂപ.

ഒറ്റ ചാര്‍ജില്‍ രണ്ടുദിവസത്തിലേറെ ചാര്‍ജ് ലഭിക്കുന്ന 5000 എംഎഎച്ച് ബാറ്ററിയാണ് പ്രധാന സവിശേഷത. മറ്റ് സ്മാര്‍ട്ട്‌ഫോണുകള്‍, സ്മാര്‍ട്ട് ബാന്‍ഡുകള്‍, സ്പീക്കര്‍ എന്നിവ ഇതില്‍ നിന്നും ചാര്‍ജ് ചെയ്യാം. പ്രീമിയം ഫുള്‍ മെറ്റല്‍ ബോഡി, 5-2 എച്ച്ഡി ഡിസ്‌പ്ലേ എന്നിവയാണ് സവിശേഷതകള്‍.

160 ഗ്രാം ഭാരം, 3 ജിബി റാം, 32 ജിബി റോം, ഫിംഗര്‍ പ്രിന്റ് സെന്‍സര്‍, 13 മെഗാപിക്‌സല്‍ എല്‍ഇഡി ഫ്‌ളാഷ്, പിന്‍ കാമറ, 5 മെഗാ പിക്‌സല്‍ മുന്‍കാമറ, ഇരട്ട സിം, ക്വാള്‍കോം സ്‌നാപ്ഡ്രാഗണ്‍ ഒക്ടാ പ്രോസസര്‍ ചിപ്‌സെറ്റ് എന്നിവയാണ് മറ്റ് ഘടകങ്ങള്‍.

ആപ്പിള്‍ ഐമാക് പ്രോ ഇന്ത്യയില്‍
Posted by
16 February

ആപ്പിള്‍ ഐമാക് പ്രോ ഇന്ത്യയില്‍

കമ്പ്യൂട്ടര്‍ ആരാധകരുടെ എക്കാലത്തെയും സ്വപ്നമാണ് ആപ്പിള്‍ ഐമാക്. എഡിറ്റിങ്ങ്, ഗെയ്മിംഗ്, സര്‍ഫിംഗ്, ആര്‍ട്ടിഫിഷ്യല്‍ ഇന്റലിജന്‍സ് എന്നിങ്ങനെ ഒരു കമ്പ്യൂട്ടറിനാല്‍ കഴിയുന്ന സാങ്കേതികതകളെല്ലാം ഒത്തിണങ്ങിയ ഐമാക്കിനപ്പുറം മറ്റൊരു പേരില്ല.

കഴിഞ്ഞ ഏതാനും വര്‍ഷമായി കമ്പ്യൂട്ടര്‍ നിര്‍മാണത്തില്‍ കമ്പനി വേണ്ടത്ര ശ്രദ്ധിക്കുന്നല്ലെന്ന് ആപ്പിളിന്റെ മാക് കംപ്യൂട്ടര്‍ പ്രേമികളുടെ നിരന്തര പരാതി ഉണ്ടായിരുന്നു.

എന്നാല്‍ 2017 അവസാനത്തോടെ മാകിന്റെ തിരിച്ചുവരവ് ഏവരെയും അത്ഭുതപ്പെടുത്തി. ഒടുവിലിതാ ഇപ്പോള്‍ ഇന്ത്യക്കാരെയും ഞെട്ടിക്കാനൊരുങ്ങുകയാണവര്‍.

ആപ്പിള്‍ ഇതുവരെ വിപണിയിലെത്തിച്ചെത്തില്‍ ഏറ്റവും ശക്തനായ മാക് ആയ ഐ മാക് പ്രോ ഇന്ത്യയിലേക്കും എത്തുകയാണ്. കഴിഞ്ഞ വര്‍ഷം അവസാനം അമേരിക്കയിലായിരുന്നു ഐ മാക് പ്രോ ആദ്യമായി ആപ്പിള്‍ അവതരിപ്പിച്ചത്.

ഇന്ത്യയിലെ തിരഞ്ഞെടുക്കപ്പെട്ട മാക് ഷോറൂമുകളില്‍ ഐ മാക് പ്രോ എത്തിയതായും ഏതാനും ദിവസങ്ങള്‍ക്കുള്ളില്‍ തന്നെ ഇവയുടെ വില്‍പ്പന ആരംഭിക്കുമെന്നും വാര്‍ത്തകളുണ്ട്. 4,15,000 രൂപയാകും ഐ മാക് പ്രോയുടെ ഇന്ത്യയിലെ വില. ഒറ്റ മോഡല്‍ മാത്രമേ ഇന്ത്യന്‍ വിപണിയിലുണ്ടാകൂ.

സവിശേഷതകള്‍

5 കെ (5120X2880 പിക്‌സല്‍സ്) റെസലൂഷനുള്ള 27 ഇഞ്ച് സ്‌ക്രീന്‍. 3.2 ജിഗാഹെര്‍ട്‌സ് 8 കോര്‍ ഇന്റല്‍ സിയോണ്‍ വര്‍ക്ക് സ്റ്റേഷന്‍ ക്ലാസ് ചിപ്പ് സെറ്റ്. ഇത് ടര്‍ബോ ബൂസ്റ്റിലൂടെ 4.2 ജിഗാഹെര്‍ട്‌സ് വരെ ഉയര്‍ത്താനാകും.

32ജി.ബി ഡി.ഡി.ആര്‍.ഫോര്‍ റാമും, 1 ടി.ബി എസ്.എസ്.ഡി സ്റ്റോറേജുമുണ്ട്. എ.എം.ഡി റേഡിയോണ്‍ പ്രോ വേഗയാണ് ഐമാക് പ്രോയില്‍ ഗ്രാഫിക്‌സിനെ അതിന്റെ അത്യുന്നതിയില്‍ എത്തിക്കുന്നത്.

വിഡിയോ, ഫോട്ടോ എഡിറ്റര്‍മാര്‍ നിരന്തരമായി ഉന്നയിച്ചിരുന്ന പരാതികള്‍ പലതും പരിഹരിച്ചാണ് പുതിയ മോഡലിന്റെ വരവ്.

ഇതിനെല്ലാം പുറമേ, ന്യൂമറിക്ക് കീപേഡ് അടങ്ങിയ മാജിക് കീബോര്‍ഡ്, മാജിക്ക് മൗസ്, വൈഫൈ, ബ്ലൂടൂത്ത് 4.2, 3.5 എംഎം ഹെഡ്‌ഫോണ്‍ ജാക്ക്, എസ്.ഡി. എക്‌സ്.സി കാര്‍ഡ് സ്ലോട്ട്, നാല് യുഎസ്ബി പോര്‍ട്ട്, നാല് തണ്ടര്‍ബോള്‍ട്ട് പോര്‍ട്ട്, എന്നിവയും ഐമാക് പ്രോയെ വ്യത്യസ്തമാക്കുന്നു.

വര്‍ഷാവര്‍ഷം മാറിവരുന്ന വിഡിയോ ഫോര്‍മാറ്റുകളെയും (4K/8K) 100Mആയും അതിനു മുകളിലും വലിപ്പമുള്ള നിരവധി ഫോട്ടോകളെയും ഒരേ സമയത്ത് എടുത്ത് അമ്മാനമാടാനാണ് ‘സാധാരണക്കാര്‍ക്ക്’ ഇത്തരമൊരു കംപ്യൂട്ടറിന്റെ ആവശ്യം.

ആര്‍ട്ടിഫിഷ്യല്‍ ഇന്റലിജന്‍സ്, വെര്‍ച്വല്‍ റിയാലിറ്റി ആപ്ലിക്കേഷന്‍സ് എന്നിവയുടെ ഉപയോഗം അതിന്റെ മികവുറ്റ രീതിയില്‍ തന്നെ ഐമാക് പ്രോയില്‍ നടത്താനാകും.

മെസ്സേജിന് മറുപടി കൊടുക്കാന്‍ പറ്റിയില്ലേ? സാരമില്ല അതൊക്കെയിനി ഗൂഗിള്‍ റോബോട്ടിന് വിട്ടേക്കൂ
Posted by
16 February

മെസ്സേജിന് മറുപടി കൊടുക്കാന്‍ പറ്റിയില്ലേ? സാരമില്ല അതൊക്കെയിനി ഗൂഗിള്‍ റോബോട്ടിന് വിട്ടേക്കൂ

മെസ്സേജുകളുടെ തള്ളിക്കയറ്റം കാരണം അവയ്ക്കു മറുപടി കൊടുക്കാനുള്ള സാവകാശം കിട്ടാത്തവരായിരിക്കും ഭൂരിഭാഗം സ്മാര്‍ട്ട് ഫോണ്‍ ഉപഭോക്താക്കളും.

സമയാസമയം എല്ലാ മെസ്സേജുകള്‍ക്കും മറുപടി കൊടുക്കാന്‍ ഒരു റോബോട്ടിനെ കിട്ടിയിരുന്നെങ്കിലെന്ന് അറിയാതെയിങ്കിലും ആഗ്രഹിച്ചാല്‍ കുറ്റം പറയുന്നതെങ്ങനെ? എന്നാല്‍ ഇത് യാഥാര്‍ത്ഥ്യമാവുകയാണെങ്കിലോ?

ഇത്തരം സാഹചര്യങ്ങളില്‍ പുതിയ ടെക്‌നോളജി പരീക്ഷിക്കാന്‍ ഒരുങ്ങുകയാണ് ഗൂഗിള്‍. ആര്‍ട്ടിഫിഷ്യല്‍ ഇന്റലിജന്‍സ് സാങ്കേതിക വിദ്യ ഉപയോഗിച്ച് റോബോട്ടിന് ജന്മം നല്‍കാനുള്ള ശ്രമത്തിലാണ് ഗൂഗിള്‍.

ഏരിയ 120 എന്ന് വിളിക്കുന്ന ഗൂഗിളിന്റെ പരീക്ഷണ ശാലയില്‍ ‘റിപ്ലൈ’ എന്ന് പേരിട്ടിരിക്കുന്ന പുതിയ സംവിധാനത്തിന്റെ പ്രവര്‍ത്തനങ്ങള്‍ പുരോഗമിക്കുകയാണെന്ന് ദി ഗാര്‍ഡിയന്‍ റിപ്പോര്‍ട്ട് ചെയ്തിരുന്നു.

ഗൂഗിളിന്റെ ഹാങ്ഔട്ട്, അലോ ആപ്പുകളിലും വാട്ട്‌സാപ്പ്, ഫെയ്‌സ്ബുക്ക് മെസഞ്ചര്‍, ആന്‍ഡ്രോയിഡ് മെസേജസ്, സ്‌കൈപ്പ് തുടങ്ങിയ ആപ്ലിക്കേഷനുകളില്‍ പുതിയ സംവിധാനം പ്രാവര്‍ത്തികമാകും. ലഭിക്കുന്ന സന്ദേശങ്ങള്‍ക്ക് മറുപടി നിര്‍ദ്ദേശിക്കുന്ന സാങ്കേതിക വിദ്യ ഇന്ന് ലഭ്യമാണ്.

അതേസമയം, ഈ സംവിധാനത്തെ ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് പരിഷ്‌കരിക്കാനുള്ള ശ്രമത്തിലാണ് ഗൂഗിള്‍. ലൊക്കേഷന്‍, കലണ്ടര്‍ തുടങ്ങി ചാറ്റിനിടയില്‍ ആവശ്യമായി വരുന്ന വിവരങ്ങള്‍ പ്രയോജനപ്പെടുത്തിയാണ് റിപ്ലൈ റോബോട്ടിന്റെ ബുദ്ധി പ്രവര്‍ത്തിക്കുക.

വര്‍ഷം മുഴുവന്‍ അണ്‍ലിമിറ്റഡ് കോളും ഡാറ്റയും വെറും 999 രൂപയ്ക്ക്; ജിയോയെ കടത്തിവെട്ടാനൊരുങ്ങി ബിഎസ്എന്‍എല്‍
Posted by
15 February

വര്‍ഷം മുഴുവന്‍ അണ്‍ലിമിറ്റഡ് കോളും ഡാറ്റയും വെറും 999 രൂപയ്ക്ക്; ജിയോയെ കടത്തിവെട്ടാനൊരുങ്ങി ബിഎസ്എന്‍എല്‍

ജിയോ അടക്കമുള്ള ടെലികോം സേവനദാതാക്കളെ വെല്ലുന്ന പുതിയ ഓഫറുമായി ബിഎസ്എന്‍എല്‍ രംഗത്ത്. ഈ പ്ലാനിലൂടെ വര്‍ഷം മുഴുവന്‍ അണ്‍ലിമിറ്റഡ് കോളും ഡാറ്റയും വെറും 999 രൂപയ്ക്ക് ലഭിക്കും.

ഇത്തരമൊരു ഓഫറുമായി ആദ്യമായാണ് ബിഎസ്എന്‍എല്‍ വരുന്നത്. ഇത് ജിയോ, എയര്‍ടെല്‍, ഐഡിയ എന്നീ കമ്പനിയുടെ താരിഫിനെ കടത്തി വെട്ടുന്ന ഓഫറാണ്.

ദിവസം ഒരു ജിബി ഡാറ്റ കഴിഞ്ഞാല്‍ നെറ്റ് വേഗത 40 കെബിപിഎസ് ആയി കുറയും.

ഈ ഓഫര്‍ നോര്‍ത്ത് ഈസ്റ്റ്, ജമ്മു കാശ്മീര്‍, അസം എന്നീ സര്‍ക്കിളുകള്‍ ഒഴികെയുള്ള എല്ലായിടത്തും ലഭിക്കും.

error: This Content is already Published.!!