സ്വകാര്യത മൗലികാവകാശം; ചരിത്രപരമായ വിധി എഴുതി സുപ്രീംകോടതി; ആധാറിനേയും ബാധിക്കും
Posted by
24 August

സ്വകാര്യത മൗലികാവകാശം; ചരിത്രപരമായ വിധി എഴുതി സുപ്രീംകോടതി; ആധാറിനേയും ബാധിക്കും

ന്യൂഡല്‍ഹി: സ്വകാര്യത മൗലികാവകാശമെന്ന് സുപ്രീംകോടതി. ഭരണഘടനയുടെ 21ാം അനുച്ഛേദത്തിന്റെ ഭാഗമാണെന്ന് ചീഫ് ജസ്റ്റിസ് ജെഎസ് ഖെഹാര്‍ അധ്യക്ഷനായ ഒന്‍പതംഗ ബെഞ്ച് വിധിച്ചു. ഏകകണ്‌ഠേനെയായിരുന്നു വിധി പ്രസ്താവം. സ്വകാര്യത ജീവിക്കാനുള്ള അവകാശത്തിന്റെ ഭാഗമാണെന്നും കോടതി നിരീക്ഷിച്ചു. സ്വകാര്യത മൗലികാവകാശമല്ലെന്ന കേന്ദ്രസര്‍ക്കാരിന്റെ നിലപാടിന് തിരിച്ചടിയായിരിക്കുകയാണ് സുപ്രീംകോടതി വിധി.

ആധാര്‍ ഉള്‍പ്പെടെയുള്ള വ്യക്തി വിവരങ്ങളേയും വിധി ബാധിക്കും. സ്വകാര്യത ലംഘിക്കുന്ന നിയമനിര്‍മാണം ഇനി അനുവദിക്കില്ല. ആറുദിവസം തുടര്‍ച്ചയായി വാദം കേട്ടിരുന്നു. ഓഗസ്റ്റ് രണ്ടിന് വാദം പൂര്‍ത്തിയാക്കിയ കോടതി കേസ് വിധിപറയുന്നതിനായി മാറ്റിവെക്കുകയായിരുന്നു.

വി​വി​ധ സാ​മൂ​ഹി​ക ക്ഷേ​മ​പ​ദ്ധ​തി​ക​ളു​ടെ സേ​വ​നം ല​ഭ്യ​മാ​ക്കാ​ൻ ആ​ധാ​ർ നി​ർ​ബ​ന്ധ​മാ​ക്കി​യ​തി​നെ​തി​രെ സ​മ​ർ​പ്പി​ച്ച പ​രാ​തി​ക​ളി​ൽ വാ​ദം കേ​ൾ​ക്കു​ന്ന​തി​നി​ടെ​യാ​​ണ്​ വി​ഷ​യം ഉ​യ​ർ​ന്ന​ത്. സ്വ​കാ​ര്യ​ത സം​ബ​ന്ധി​ച്ച്​ വാ​ദം​കേ​ൾ​ക്കാ​ൻ വ​ലി​യ ബെ​ഞ്ച്​ ആ​വ​ശ്യ​മാ​ണെ​ന്ന്​ മൂ​ന്നം​ഗ ബെ​ഞ്ച്​ ചീ​ഫ്​ ജ​സ്​​റ്റി​സി​നോ​ട്​ നി​ർ​ദേ​ശി​ച്ചു.

ഇ​തു​പ്ര​കാ​രം ആ​ദ്യം അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ചി​ലേ​ക്കും തു​ട​ർ​ന്ന്​ ജൂ​ലൈ 18ന്​ ​ഒ​മ്പ​തം​ഗ ബെ​ഞ്ചി​ലേ​ക്കും കേ​സ്​ മാ​റു​ക​യാ​യി​രു​ന്നു. ആ​റും എ​ട്ടും അം​ഗ​ങ്ങ​ളു​ള്ള ​ബെ​ഞ്ചു​ക​ൾ നേ​ര​ത്തേ സ​മാ​ന​മാ​യി വി​ധി​പ​റ​ഞ്ഞ കേ​സു​ക​ൾ പ​രി​ഗ​ണി​ക്കാ​നാ​ണ്​ ഇ​ത്ര​യും കൂ​ടു​ത​ൽ അം​ഗ​ങ്ങ​ളു​ള്ള ബെ​ഞ്ച്​ വേ​ണ്ടി​വ​ന്ന​ത്.

ജ​സ്​​റ്റി​സു​മാ​രാ​യ ജെ ​ചെ​ല​മേ​ശ്വ​ർ, എ​സ്​എ ബോ​ബ്​​ഡെ, ആ​ർ​കെ അ​ഗർവാ​ൾ, ആ​ർ​എ​ഫ്.​ ന​രി​മാ​ൻ, എഎം സ​പ്​​റെ, ഡി​വൈ ച​ന്ദ്ര​ചൂ​ഡ്, എ​സ്​കെ കൗ​ൾ, എ​സ് അ​ബ്​​ദു​ൽ ന​സീ​ർ എ​ന്നി​വ​രാ​യി​രു​ന്നു​ ബെ​ഞ്ചി​ലെ അം​ഗ​ങ്ങ​ൾ.

സത്യസന്ധനായ ഈ കുരുന്നിന് ബിഗ് സല്യൂട്ട്;  വീട്ടില്‍ കടുത്ത ദാരിദ്യമുണ്ടായിട്ടും വിശാല്‍ കളഞ്ഞുകിട്ടിയ 40 ലക്ഷം രൂപയുടെ വജ്രം ഉടമയെ തേടിപിടിച്ച് തിരികെ നല്‍കി, കണ്ടു പഠിക്കണം ഈ 15 കാരന്റെ നന്മ
Posted by
24 August

സത്യസന്ധനായ ഈ കുരുന്നിന് ബിഗ് സല്യൂട്ട്; വീട്ടില്‍ കടുത്ത ദാരിദ്യമുണ്ടായിട്ടും വിശാല്‍ കളഞ്ഞുകിട്ടിയ 40 ലക്ഷം രൂപയുടെ വജ്രം ഉടമയെ തേടിപിടിച്ച് തിരികെ നല്‍കി, കണ്ടു പഠിക്കണം ഈ 15 കാരന്റെ നന്മ

കൊച്ചി: വീട്ടില്‍ കടുത്ത ദാരിദ്യമുണ്ടായിട്ടും കളഞ്ഞുകുട്ടിയ 40 ലക്ഷം രൂപ വിലമതിക്കുന്ന വജ്രം ഉടമയെ തേടിപിടിച്ച് തിരികെ നല്‍കിയ ബാലന്റെ സത്യസന്ധതയ്ക്ക് സല്യുട്ടുമായി നാട്ടുകാരും അധ്യാപകരും പോലീസും വജ്ര ഉടമയും. സൂററ്റിലെ മഹിദാപുരയിലെ 15 കാരനായ 11ാം ക്ലാസ് വിദ്യാര്‍ത്ഥിയായ വിശാല്‍ ഉപാദ്ധ്യയാണ് ഈ മാതൃകാ പ്രവര്‍ത്തിയുലൂടെ കൈയ്യടി നേടുന്നത്.

ആവശ്യത്തിലേറെ ബുദ്ധിമുട്ടുകളുണ്ടായിരുന്നു വിശാലിന്റെ വീട്ടില്‍. അച്ഛന്‍ സെക്യൂരിറ്റി ജോലിയെടുക്കുന്നതില്‍ നിന്ന് ലഭിക്കുന്ന തുച്ഛമായ ശമ്പളം കൊണ്ട് വേണം കുടുംബം പുലരാന്‍. ചെറുപ്പം മുതലേ ആഗ്രഹിച്ചതൊന്നും പൂര്‍ണ്ണമായി കിട്ടിയിട്ടില്ല വിശാലിന്. കുറച്ച് പണം കിട്ടിയാല്‍ അച്ഛനുമമ്മയോടൊപ്പം സന്തോഷത്തോടെ വിശാലിന് ജീവിക്കാം. ഇത്തരമൊരു അവസ്ഥയില്‍ ജീവിച്ചു വരവേയാണ് വിശാലിന് 40 ലക്ഷം രൂപ വില വരുന്ന 700 കാരറ്റ് വജ്രം കളഞ്ഞുകിട്ടുന്നത്. ഈ സ്വാതന്ത്യദിനത്തിന് വജ്രാഭരണ കച്ചവടത്തിന് പേര് കേട്ട മഹിദാപുരയിലെ തെരുവില്‍ ക്രിക്കറ്റ് കളിക്കുമ്പോളാണ് വിശാലിന് വജ്രാഭരണങ്ങള്‍ കളഞ്ഞുകിട്ടുന്നത്.

തന്റെ ദരിദ്രാവസ്ഥയിലാണ് ഇത് കളഞ്ഞു കിട്ടിയതെങ്കിലും ആ വജ്രാഭരണങ്ങള്‍ തിരിച്ചു കൊടുക്കണം എന്ന കാര്യത്തില്‍ യാതൊരു സംശയവുമുണ്ടായിരുന്നില്ല. വജ്രാഭരണങ്ങള്‍ തിരിച്ചു നല്‍കിയ വിശാലിന് ഉടമസ്ഥനായ മന്‍സൂഖ് സാലിയ 30000 രൂപ സമ്മാനമായി നല്‍കി. സൂററ്റ് ഡയമണ്ട് അസോസിയേഷന്‍ പ്രസിഡണ്ട് ബാബു ഗുജറാത്തി 11000 രൂപയും സമ്മാനമായി നല്‍കി.ആ വജ്രാഭരണങ്ങള്‍ ലഭിച്ചില്ലായിരുന്നുവെങ്കില്‍ എന്റെ കുടുംബം വിറ്റ് ഞാന്‍ കടം വീട്ടേണ്ടി വന്നേനെ. എന്നെയും എന്റെ കുടുംബത്തെയും രക്ഷിച്ചത് വിശാലാണ് എന്ന് ഉടമസ്ഥന്‍ പറഞ്ഞു.

എനിക്ക് സമ്മാനമായി ലഭിച്ച പണം ഞാനെന്റെ പഠനത്തിന് ഉപയോഗിക്കും. എന്റെ അച്ഛനും അമ്മക്കും ഞാന്‍ മെച്ചപ്പെട്ട ജീവിതം ഞാന്‍ നല്‍കുമെന്നും വിശാല്‍ പറയുന്നു. ഞാന്‍ വീട്ടിലേക്ക് പോവുമ്പോള്‍ ഈ വജ്രങ്ങള്‍ എന്റെ പോക്കറ്റിലുണ്ട്. എന്റെ മാതാപിതാക്കളോട് ഞാന്‍ ഇക്കാര്യം പറഞ്ഞില്ല. ശരിയായ ഉടമസ്ഥനെ കണ്ടെത്തണമെന്ന് ഞാന്‍ തീരുമാനിച്ചു. മൂന്നാം ദിവസം റോഡിലൂടെ ഒരാള്‍ തെരഞ്ഞുവരുന്നത് കണ്ടു. ഞാന്‍ അവരുടെ സംസാരം ശ്രദ്ധിച്ചു. അവരെ പിന്തുടര്‍ന്നു. ഞാന്‍ അവരോട് പറഞ്ഞു. വജ്രം എന്റെ കയ്യിലുണ്ടെന്ന്. അമ്മ തന്നെ ഒരു അമ്പത് രൂപ ഒരിക്കല്‍ എന്റെ കയ്യില്‍ നിന്ന് നഷ്ടപ്പെട്ടു. അന്ന് ഞാന്‍ ഭക്ഷണം കഴിച്ചിട്ടില്ല. അത് കൊണ്ട് എനിക്കറിയാം പണം നഷ്ടപ്പെട്ടവരുടെ വേദനയെന്നും വിശാല്‍ പറഞ്ഞു വെക്കുന്നു.

നിശ്ചയിച്ചുറപ്പിച്ച വധു രോഗം ബാധിച്ച് ഉടന്‍ മരിക്കുമെന്നറിഞ്ഞിട്ടും യുവാവ് താലിചാര്‍ത്തി;  സന്തോഷ് മിന്നുകെട്ടി മിനിറ്റുകള്‍ക്കകം റിന്‍സി മരണത്തിന് കീഴടങ്ങി, എടപ്പാളില്‍ നിന്നും  പ്രണയത്തെ പോലും തോല്‍പ്പിച്ച ഒരു വിശുദ്ധ സ്‌നേഹകഥ
Posted by
23 August

നിശ്ചയിച്ചുറപ്പിച്ച വധു രോഗം ബാധിച്ച് ഉടന്‍ മരിക്കുമെന്നറിഞ്ഞിട്ടും യുവാവ് താലിചാര്‍ത്തി; സന്തോഷ് മിന്നുകെട്ടി മിനിറ്റുകള്‍ക്കകം റിന്‍സി മരണത്തിന് കീഴടങ്ങി, എടപ്പാളില്‍ നിന്നും പ്രണയത്തെ പോലും തോല്‍പ്പിച്ച ഒരു വിശുദ്ധ സ്‌നേഹകഥ

പൊന്നാനി : പ്രണയത്തെക്കാള്‍ മഹത്വരമാവുകയാണ് സന്തോഷിന്റെയും റിന്‍സിയുടെയും വിശുദ്ധ സ്‌നേഹത്തിന്റെ കഥ. നിശ്ചശിച്ചുറപ്പിച്ച വരനും വധുവുമായിരുന്നു മാസങ്ങള്‍ക്ക് മുമ്പ് ഇവര്‍. പ്രണയത്തെപോലും തോല്‍പിച്ച വിശുദ്ധ സ്‌നേഹത്താല്‍ പ്രിയതമയുടെ മരണമെത്തിയ നേരത്തും അവളെ താലിചാര്‍ത്തി സ്‌നേഹത്തിന് പുതിയ ഭാഷ്യം രചിക്കുകയായിരുന്നു ഇവര്‍.

മരണത്തോടടുത്ത പ്രിയതമയെയാണ് സന്തോഷ് താലി ചാര്‍ത്തിയത്. അധികം താമസിയാതെ റിന്‍സി മരണത്തിന് കീഴടങ്ങി. മണവാട്ടിയായിത്തന്നെ മരിക്കണമെന്നായിരുന്നു അവളുടെ ആഗ്രഹം .എടപ്പാള്‍ പോത്തനൂര്‍ സ്വദേശിയാണ് റിന്‍സി. മരണമാണ് മുന്നിലെന്നറിഞ്ഞിട്ടും അവശ നിലയിലായ തന്റെ പ്രിയതമയെ താലി ചാര്‍ത്തുകയായിരുന്നു പൊന്നാനി സ്വദേശിയായ സന്തോഷ്.

കാത്തിരിപ്പുകള്‍ക്കും പ്രതീക്ഷകള്‍ക്കും സന്തോഷിന്റെ ജീവിത സ്വപ്നങ്ങള്‍ക്കും,നാട്ടുകാരുടെയും,ബന്ധുക്കളുടെയും പ്രാര്‍ത്ഥനകള്‍ക്കും കാത്ത് നില്‍ക്കാതെ കഴിഞ ദിവസം റിന്‍സി മരണത്തിന് കീഴടങ്ങി . മാസങ്ങള്‍ക്ക് മുമ്പ് വിവാഹം നിശ്ചയിച്ച റിന്‍സിക്ക് അടുത്തിടെയാണ് മഞപ്പിത്തം കൂടി ജീവന്‍ തന്നെ നില നിര്‍ത്താന്‍ കഴിയാത്ത അവസ്ഥയാണെന്ന് സ്ഥിരീകരിച്ചത്. ജീവിതത്തില്‍ അധിക ദിവസങ്ങളില്ല എന്നറിഞ്ഞിട്ടും വാക്ക് പറഞ്ഞ വിവാഹത്തില്‍ നിന്നും പിന്‍തിരിയാതെ പൊന്നാനി ഈശ്വരമംഗലം വിളക്കത്ര വളപ്പില്‍ സന്തോഷാണ് റിന്‍സിയെ വരണമാല്യം ചാര്‍ത്തി. വിവാഹം കഴിഞ്ഞയുടനെ ഹോസ്പിറ്റലിലേക്ക് മാറ്റിയ റിന്‍സി അഞ്ചാം ദിവസം മരണത്തിന് കീഴടങ്ങുകയും ചെയ്തു.

ഈ മാസം 17നായിരുന്നു പൊന്നാനി ഈശ്വരമംഗലം വിളക്കത്ര വളപ്പില്‍ സന്തോഷിനേറെയും പോത്തന്നൂര്‍ കറുങ്കുളത്തില്‍ ശ്രീജ കൃഷ്ണന്റെ മകള്‍ റിന്‍സിയുടേയും വിവാഹം.പെണ്‍കുട്ടിക്ക് വിവാഹ നിശ്ചയത്തിന് ശേഷം രോഗം പിടിപെടുകയും രക്ഷപ്പെടാന്‍ സാധ്യതയില്ലെന്ന് ഡോക്ടര്‍മാര്‍ വിധിയെഴുതിയതിനെത്തുടര്‍ന്ന് പലരും വിവാഹത്തില്‍ പിന്‍മാറാന്‍ ആവശ്യപ്പെട്ടിരുന്നങ്കിലും ഉറച്ച പ്രതീക്ഷയോടും പറഞ്ഞ വാക്കില്‍ ഉറച്ച് നില്‍ക്കുകയുമായിരുന്നു സന്തോഷ്. വിവാഹം കഴിഞ്ഞയുടെ റിന്‍സിയെ ഹോസ്പിറ്റലില്‍ പ്രവേശിപ്പിക്കുകയും അഞ്ചാം ദിവസമായ ഇന്നലെ റിന്‍സി വിധിക്ക് കീഴടങ്ങുകയും ചെയ്തു.

റിന്‍സിയുടെ മരണം നാടിന് വേദന നല്‍കുന്നുണ്ടങ്കിലും പറഞ്ഞ വാക്കിന് വില നല്‍കി പുതിയ കാലഘട്ടത്തില്‍ സ്‌നേഹത്തിന്റേയും ത്യാഗത്തിന്റേയും കഥ പകര്‍ന്ന് നല്‍കയാണ് സന്തോഷ് ചെയ്തത്.

ആറ് കുറ്റവാളികളുമായി സെമിത്തേരി വൃത്തിയാക്കാന്‍ എത്തിയ പോലീസ് ഉദ്യോഗസ്ഥന് സംഭവിച്ചത്
Posted by
23 August

ആറ് കുറ്റവാളികളുമായി സെമിത്തേരി വൃത്തിയാക്കാന്‍ എത്തിയ പോലീസ് ഉദ്യോഗസ്ഥന് സംഭവിച്ചത്

ഫ്‌ളോറിഡ: തക്കം കിട്ടിയാല്‍ ജയില്‍ ചാടാന്‍ പദ്ധതികള്‍ മെനയുന്നവരാണ് എല്ലാ കുറ്റവാളികളുമെന്നാണ് പൊതുവേയുള്ള ധാരണ. ഇക്കഴിഞ്ഞ ദിവസവും പത്തനംത്തിട്ടയില്‍ കഞ്ചാവ് കേസില്‍ പ്രതികളായ രണ്ട് പേര്‍ ജയില്‍ ചാടുകയും ചെയ്തിരുന്നു. എന്നാല്‍ ഫ്‌ളോറിഡയിലെ പോക്ക് കണ്ട്രിയില്‍ നിന്നുള്ള ദൃശ്യങ്ങള്‍ ഒരല്‍പം വ്യത്യസ്തമാണ്.

ഇക്കഴിഞ്ഞ ഫാദേര്‍സ് ഡേ ദിനത്തിലായിരുന്നു അത്തരമൊരു സംഭവം നടന്നത്. ദിവസത്തിന്റെ പ്രത്യേകത മാനിച്ച് ഫ്‌ളോറിഡയിലെ പോക്ക് കണ്ട്രിയില്‍ സ്ഥിതി ചെയ്യുന്ന ജയില്‍ വാസികളില്‍ ചിലരെ സമീപത്തുള്ള സെമിത്തേരി വൃത്തിയാക്കുന്നതിനായി കൊണ്ടു പോകാന്‍ ജയില്‍ അധികൃതര്‍ തീരുമാനിച്ചു. ഇതിനെ തുടര്‍ന്ന് ഒരു പോലീസ് ഉദ്യോഗസ്ഥന്റെ കീഴില്‍ ആറ് കുറ്റവാളികളെ പോലീസിന്റെ തന്നെ വാഹനത്തില്‍ സ്ഥലത്ത് എത്തിച്ചു.

കാട് പിടിച്ച് കിടന്ന സെമിത്തേരിയും, പ്രാന്തപ്രദേശങ്ങളും കുറ്റവാളികള്‍ ചേര്‍ന്ന് വൃത്തിയാക്കാന്‍ ആരംഭിച്ച്‌ അല്‍പം കഴിഞ്ഞ് ചുറ്റും നോക്കിയപ്പോള്‍ തങ്ങളോടൊപ്പം എത്തിയ പോലീസ് ഉദ്യോഗസ്ഥനെ കാണിനില്ലെന്ന സത്യം അവര്‍ മനസിലാക്കിയത്. പോലീസിനെ തേടി പോയ കുറ്റവാളി കൂട്ടം കണ്ടത് അദ്ദേഹം അബോധാവസ്ഥനായി നിലത്ത് കിടക്കുന്നതാണ്. ഈ അവസരം മുതലാക്കി രക്ഷപ്പെടാന്‍ സാധിക്കുമായിരുന്നെങ്കിലും അവര്‍ അത് ചെയ്തില്ല.

പ്രഷറിലെ വ്യത്യാനം മൂലം ബോധം പോയ ഉദ്യോഗസ്ഥനെ ആദ്യം വെള്ളം തളിച്ച് എഴുന്നേല്‍പ്പിച്ചു. ശേഷം 911ല്‍ വിളിച്ച് സംഭവങ്ങള്‍ വിശിദീകരിക്കുകയും ചെയ്തു. കുറ്റവാളികളുടെ ഈ നല്ല മനസിന് ജയില്‍അധികൃതരുടെയും, പൊതുജനങ്ങളുടേയും അഭിനന്ദനങ്ങള്‍ ഒഴുകിയെത്തുകയാണ്‌. പൊലീസ് ഈ ആറ് കുറ്റവാളികള്‍ക്കായി പ്രത്യേകം തയാറാക്കിയ ഐസ്‌ക്രീമും പാരിതോഷികമായി നല്‍കി.

എല്ലാ കുറ്റവാളികളിലും നന്മയുടെ അംശമുണ്ടെന്നാണ് ഇതില്‍ നിന്നും മനസിലാകുന്നതെന്നും, അവരെ മുന്‍വിധിയോടെ സമീപിക്കുന്നത് ശരിയായ നടപടിയല്ലെന്നുമാണ് ജയില്‍ അധികൃതരുടെ പുതിയ അഭിപ്രായം. ഗള്‍ഫ് രാജ്യങ്ങളില്‍ നിലനില്‍ക്കുന്ന കാടന്‍ നിയമങ്ങള്‍ ഇന്ത്യ പോലൊരു രാജ്യത്തും നടപ്പാക്കണമെന്ന പലരുടെയും വികലമായ അഭിപ്രായത്തിന് മറുപടിയാണ് ഇത്തരം സംഭവങ്ങള്‍.

 

നീയെന്റെ അവിടെ ചുംബിച്ചിട്ടുണ്ട്, എന്നാല്‍ അവിടുത്തെ മറുകിനെ നീകണ്ടിട്ടില്ല, നിനക്ക് എന്നില്‍ എന്നും പൊതുവായ ചിലയിടങ്ങളുണ്ട് നീയതില്‍ മാത്രം ആനന്ദം കണ്ടെത്തുന്നു; കാമുകനെ കുറിച്ച് പെണ്‍കുട്ടിയുടെ പ്രണയാതുരമായ കുറിപ്പ്
Posted by
23 August

നീയെന്റെ അവിടെ ചുംബിച്ചിട്ടുണ്ട്, എന്നാല്‍ അവിടുത്തെ മറുകിനെ നീകണ്ടിട്ടില്ല, നിനക്ക് എന്നില്‍ എന്നും പൊതുവായ ചിലയിടങ്ങളുണ്ട് നീയതില്‍ മാത്രം ആനന്ദം കണ്ടെത്തുന്നു; കാമുകനെ കുറിച്ച് പെണ്‍കുട്ടിയുടെ പ്രണയാതുരമായ കുറിപ്പ്

കൊച്ചി: സോഷ്യല്‍ മീഡിയ ഇപ്പോള്‍ ആക്ടടിവിസ്റ്റുകളുടെ ലോകമായി മാറിയിരിക്കുകയാണ്, പ്രണയാതുരവും ഹൃദയസ്പര്‍ശിയുമായ അനേകം കുറിപ്പുകള്‍ ഇപ്പോള്‍ സമൂഹ മാധ്യമങ്ങളില്‍ സജീവമാണ്. സ്വന്തം അനുഭവത്തില്‍ നിന്നും ഭാവനയില്‍ നിന്നും ആണ് പലരും ഇത്തരം കഥകള്‍ ഉണ്ടാക്കുന്നത്. ഇപ്പോഴിതാ ശ്യം വര്‍ക്കല തന്റെ ഫേസ്ബുക്കില്‍ കുറിച്ച ഒരു കുറിപ്പാണ് ശ്രദ്ധാവിഷയം. ജൂലൈ 31 ന് ശ്യം വര്‍ക്കല പോസ്റ്റ് ചെയ്ത കുറിപ്പ് നടിയും ആക്ടിവിസ്റ്റുമായ രഹന ഫാത്തിമ വീണ്ടും പോസ്റ്റ് ചെയ്തതോടെയാണ് ഈ കുറിപ്പ് വൈറലായി മാറിയിത്.

ശ്യാം വര്‍ക്കലയും രഹന ഫാത്തിയും പോസ്റ്റ് ചെയ്ത ആ കുറിപ്പ് ഇങ്ങനെ:

നീയെന്റെ മുലകളെ ചുംബിച്ചിട്ടുണ്ട്..
മുലകള്‍ക്ക് നടുവിലെ ഇടം നീയറിയുകയേയില്ല..! അവിടെയുള്ള മറുകിനെ നീ കണ്ടിട്ടേയില്ല..!
നീയെന്റെ ചെവിക്കിട്ട് കിഴുക്കിവേദനിപ്പിച്ചിട്ടുണ്ട്..
ഒരിക്കല്‍ പോലും ആ ചെവികളില്‍ ചുണ്ടുകളാല്‍ ഇക്കിളിയിട്ടിട്ടില്ല.!.
നീ നിന്റെ കാലുകളാല്‍ എന്റെ കാലുകളെ പിണഞ്ഞിട്ടുണ്ട്…
പക്ഷേ, നീയെന്റെ കാലുകള്‍ക്ക് ഒരുമ്മ പോലും കൊടുത്തില്ല…
നിനക്കറിയോ ..?
എന്റെ വിരല്‍ത്തുമ്പുകള്‍ നിന്റെ ചുംബനത്തിനായ് ദാഹിച്ചിട്ടുണ്ട്…
നിനക്ക് എന്നില്‍ എന്നും പൊതുവായ ചിലയിടങളുണ്ട്…
നീയതില്‍ ആനന്ദം കണ്ടെത്തുന്നു…!
നിന്നെ മാത്രം പേറുന്ന ഒരിടമുണ്ടെന്നില്‍…എന്റെ മനസ്സ്…
നീയൊരിക്കലും അതില്‍ സ്പര്‍ശിച്ചിട്ടില്ല..ദര്‍ശിച്ചിട്ടില്ല..,
വിരലു കൊണ്ടല്ല നാഥാ, വാക്കു കൊണ്ട് തൊടാന്‍ പഠിക്കേണ്ടിയിരിക്കുന്നു….
നിനക്കതിനു കഴിയാതെ പോകുന്നു.
ഞാന്‍ സ്വപ്നം കണ്ട ലോകം എനിക്കിന്നും അന്യമാണ്…
നിനക്കേ അതെനിക്ക് സമ്മാനിക്കാനാകൂ….
ഞാന്‍ വെറുതേ പ്രതീക്ഷിക്കുന്നു,…!
അയാള്‍ ചിരിയോടെ ഡയറി മടക്കി…!
അവള്‍ രൂക്ഷമായി അയാളെത്തന്നെ നോക്കി നിന്നു…
‘ഇത് ശരിയായില്ല സേതൂ…
അനുവാദമില്ലാതെ എന്റെ ഡയറി
വായിച്ചത് മാന്യതയല്ല…’
അവള്‍ക്ക് വല്ലാത്ത ദേഷ്യവും, വിഷമവും വന്നു..
തന്റെ സ്വകാര്യലോകം ആക്രമിക്കപ്പെട്ടിരിക്കുന്നു…!
അവള്‍ തടയാന്‍ ശ്രമിച്ചതാണ് , പക്ഷേ സേതു ബലം പ്രയോഗിച്ച്
ഡയറി കൈക്കലാക്കുകയായിരുന്നു.

‘ഹ..ഹ…ഹ…
മിനീ…നീ ചൂടാകാതെ…
നമ്മള്‍ തമ്മില്‍ എന്ത് മാന്യത…?
…ഹൊ ..എന്നാലും നീ എന്തൊക്കെയാ എഴുതി വച്ചിരിക്കുന്നത്..നീയാരാ മാധവിക്കുട്ടിയോ…?
സേതു അവളെ ചേര്‍ത്തു പിടിച്ചു.
‘വ്വ്…ഞാന്‍ മാത്രമല്ല..
മാധവിക്കുട്ടിമാര്‍ വേറെയുമുണ്ട്,
സ്വപ്നങളുടെയും, മോഹങളുടെയും ചുണ്ടുകളില്‍ പ്ലാസ്റ്ററൊട്ടിച്ച അവസ്ഥയില്‍…
ആരും കാണുന്നില്ല അവരെ…അറിയാനും ശ്രമിക്കില്ല..!!
അവള്‍ അവന്റെ കൈതട്ടി മാറ്റി ഡയറിയെടുത്ത് അലമാരയ്ക്കടുത്തേയ്ക്ക് നടന്നു.
‘മിനീ…എന്ത് മൂര്‍ച്ചയാടീ നിന്റെ വാക്കുകള്‍ക്ക്…നിനക്ക് ഞാന്‍ ഫെയ്‌സ് ബുക്കില്‍ ഒരു അക്കൗണ്ട് എടുത്ത് തരാട്ടാ…നീയവിടെ തകര്‍ക്കും മുത്തേ…’
സേതു ചിരിച്ചു കൊണ്ട് ബെഡ്ഡിലേയ്ക്കിരുന്നു….
‘സേതൂ…ഞാനൊന്ന് ചോദിക്കട്ടെ…
സേതുവിന് എന്റെ ഡയറിയില്‍ എഴുതിയത് വല്ലാതെ കൊണ്ടു..ല്ലേ?..
അതല്ലേ മുന്‍പെങുമില്ലാത്ത ഈ
പഞ്ചാര….ആ ചമ്മല്‍ മറയ്ക്കാന്‍…?’
അവള്‍ സേതുവിനെ തന്നെ നോക്കിനിന്നു…
സേതുവിന്റെ മുഖം അവളുടെ സംശയത്തിനുള്ള ഉത്തരമായ് മാറി..!
‘മ്…ശരിയാണ്…നീ ആഗ്രഹിച്ച പോലൊരു ഭര്‍ത്താവാകാന്‍ എനിക്ക് കഴിഞ്ഞില്ല…ഞാനൊന്ന് ചോദിക്കട്ടെ..
നിനക്ക് എത്രയാ മക്കള്‍…?’
സേതു വാക്കുകള്‍ പരുക്കനാക്കി.
‘നിനക്ക് അല്ല..നമുക്ക്…
രണ്ട് മക്കള്‍…’
മിനി ചിരിച്ചു കൊണ്ട് പറഞ്ഞു..
‘അതില്‍ കൂടുതല്‍ സ്‌നേഹം തരാന്‍ എനിക്ക് കഴിയില്ല…നിന്നെ അമ്മയാക്കിയതാണെന്റെ സ്‌നേഹം..
അല്ലാതെ നിന്റെ പൊട്ടക്കവിതയില്‍ പറയുന്നതല്ല…’
സേതു പുച്ഛിച്ചു കൊണ്ട് പറഞ്ഞു.
മിനി ചിരിച്ചു….വല്ലാതെ…!
‘സേതൂ…സേതുവെന്നെ തല്ലും…അതെനിക്കറിയാം..എന്നാലും ഞാന്‍ പറയുവാ….
കുട്ടികളെയുണ്ടാക്കുന്നത് മാത്രമല്ല ഒരു ഭര്‍ത്താവിന്റെ സ്‌നേഹം..?
അതിന് ഭര്‍ത്താവെന്തിന്..?
മറ്റാര്‍ക്കെങ്കിലും വഴങിക്കൊടുത്താലും അമ്മയാകാം..
അപ്പോള്‍ അതല്ല സ്‌നേഹം… അതിനുമപ്പുറം ……..
‘പ്‌ടേ….’
സേതുവിന്റെ വലതു കൈ സംസാരിച്ചു…
നിറഞ്ഞ കണ്ണോടെ മിനി സേതുവിനെ നോക്കി…സേതു കലിയോടെ പുറത്തേയ്ക്കിറങി പോയി.
മിനി വാതിലടച്ചു.

സേതു അത് ശ്രദ്ധിച്ചതേയില്ല..
തന്റെ പുരുഷത്വം, അഭിമാനം ആകെ
പുകഞ്ഞു പോയതായ് സേതുവിന് തോന്നി..
മിനി വാതില്‍ തുറന്നു, വേഷം മാറിയിട്ടുണ്ട്..അയാള്‍ക്കേറെ പ്രിയമുള്ള കളര്‍ സാരിയാണവള്‍ അണിഞ്ഞിരുന്നത്.
കൈയ്യില്‍ ഡയറിയും..
‘സേതൂ…ഞാന്‍ വീട്ടിലേയ്‌ക്കൊന്ന് പോയി വൈകിട്ട് വരാം..വരുന്ന വഴി സ്‌കൂളീന്ന് മക്കളെയും കൂട്ടാം..
സേതു ഈ ഡയറി വായിക്ക്…
സേതു പറഞ്ഞ പോലെ ഇത് കഥയൊന്നുമല്ല..നമ്മുടെ ജീവിതം തന്നെയാണ്.,
ഞാന്‍ പറഞ്ഞത് തെറ്റാണ്..എനിക്കറിയാം…സോറി…
പറയാതെ വയ്യെന്നായാല്‍….അതാ…’
അവള്‍ വിതുമ്പിപ്പോയി ,
പടികളിറങി അവള്‍ നടന്നു .
സേതു ഡയറിയെടുത്തു.
ബുക്ക് മാര്‍ക്ക് ചെയ്തിരുന്ന പേജ് തുറന്നു…അതിലെ അക്ഷരങള്‍ ഉണങിയിട്ടില്ല.. ഇപ്പോള്‍ പകര്‍ത്തിയത്…
സേതു വായിക്കാന്‍ തുടങി..
‘നിന്റെ സ്വപ്നങള്‍ക്കും, ആഗ്രഹങള്‍ക്കുമൊപ്പമാണ് ഞാനിതു വരെ ജീവിച്ചത് , എന്റെ സ്വപ്നങള്‍ ഒരിക്കലും നീ കണ്ടിരുന്നില്ല…!
സംതൃപ്തിയോടെ നീ തിരിഞ്ഞ് കിടന്ന് നിദ്രയെ പുണരുമ്പോള്‍ അസ്വസ്ഥമായ എന്റെ തൃഷ്ണകളെ
നീ അറിഞ്ഞില്ല…നിന്നിലൂടെ
രതിമൂര്‍ച്ഛയെന്തെന്നറിയാതെ
മരിച്ചു പോകുമെന്ന് ഞാന്‍ വല്ലാതെ ആകുലപ്പെടുന്നു….അതെ സേതൂ..എന്നിലൂടെ നീയറിഞ്ഞ അനുഭൂതിയുടെ ലോകം ഞാനറിഞ്ഞിട്ടില്ല..ഇന്നേ വരെ…!!
നിന്റെ രതിവൈകൃതങള്‍ക്ക് പെയ്തിറങാനുള്ള വെറും നിലമായ ഞാന്‍ വീര്‍പ്പുമുട്ടുകയാണ്..!
നീ കരുതുന്നതല്ല…ശരീരം കൊണ്ടല്ലാതെ, മനസ്സ് കൊണ്ട് നീയെന്നെ തൊടണം…ആ മനസ്സിലൂടെ നീയെന്റെ ശരീരത്തെ അറിയണം…അതാണ് സ്‌നേഹം..രതി..എല്ലാം…..!
ഇത്രയും വായിച്ചിട്ട് സേതുവെന്നെ മനസ്സിലാക്കിയെങ്കില്‍…
എന്നെ കാണണമെന്ന് തോന്നുന്നെങ്കില്‍ …
സ്‌കൂളിലേയ്ക്ക് വരണം..നമുക്കിന്ന് മക്കളുമായ് ബീച്ചിലേയ്ക്ക് പോകാം…
സേതു വന്നാലും ഇല്ലെങ്കിലും…
എനിക്ക് തരാന്‍ ഇനിയും കുറെ ഉമ്മകള്‍ ബാക്കിയുണ്ടാകും…!’
സേതു ഡയറി മടക്കി…
മനസ്സിലെ തെറ്റായ ധാരണകള്‍ പലതും ഉടഞ്ഞു തകര്‍ന്നിരിക്കുന്നു…
മൊബൈല്‍ ഫോണെടുത്ത് സേതു മിനിയെ വിളിച്ചു, സ്വിച്ച്ഡ് ഓഫ്..!
സേതു മുറി പൂട്ടി, പുറത്തിറങി…
ബൈക്ക് സ്റ്റാര്‍ട്ട് ചെയ്തു…
അതെ..അവള്‍ പറഞ്ഞത് ശരിയാണ്..അവളുടെ മുലയിടുക്കിലെ മറുകിനെ ഞാന്‍ കണ്ടിട്ടില്ല,
ആ വിരല്‍ത്തുമ്പില്‍ മുത്തിയിട്ടില്ല…
ഞാനറിഞ്ഞതില്‍ കൂടുതന്‍ അറിയാത്ത അവളാണ് ഏറെയുള്ളത്…!!…
ശരിക്കും..ഞാനിതു വരെ
സ്വാര്‍ത്ഥനായിരുന്നു…
വിഡ്ഡിയായ സ്വാര്‍ത്ഥന്‍..!…പാപി..!

‘വെറും 200 പവന്‍ അണിഞ്ഞ് വളരെ ലളിതമായ വിവാഹം’; മുസ്ലിം ലീഗ് സംസ്ഥാന അധ്യക്ഷന്‍ ഹൈദരലി തങ്ങളുടെ പൗത്രന്റെ ആഢംബര വിവാഹത്തെ പരിഹസിച്ച് സോഷ്യല്‍ മീഡിയ
Posted by
23 August

'വെറും 200 പവന്‍ അണിഞ്ഞ് വളരെ ലളിതമായ വിവാഹം'; മുസ്ലിം ലീഗ് സംസ്ഥാന അധ്യക്ഷന്‍ ഹൈദരലി തങ്ങളുടെ പൗത്രന്റെ ആഢംബര വിവാഹത്തെ പരിഹസിച്ച് സോഷ്യല്‍ മീഡിയ

മലപ്പുറം: ലളിത വിവാഹങ്ങള്‍ക്ക് ആഹ്വാനം നല്‍കുകയും ഇതിനായി സംസ്ഥാനത്തുടനീളം ജാഥകള്‍ നടത്തുകയും ചെയ്ത മുസ്ലിം ലീഗ് നേതൃത്വത്തിന്റെ ഇരട്ടത്താപ്പിനെതിരെ സോഷ്യല്‍ മീഡിയ. മുസ്ലിം ലീഗ് സംസ്ഥാന അധ്യക്ഷന്‍ പാണക്കാട് ഹൈദരലി ശിഹാബ് തങ്ങളുടെ പൗത്രന്റെ ആഢംബര വിവാഹമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയായിരിക്കുന്നത്.

പറയുന്നതൊന്ന് പ്രവര്‍ത്തിക്കുന്നത് മറ്റൊന്ന് എന്ന ടാഗ് ലൈനില്‍ വിവാഹ ചിത്രങ്ങള്‍ പ്രചരിക്കുകയാണ്. ആര്‍ഭാട വിവാഹത്തിനെതിരെയും ലളിത വിവാഹങ്ങള്‍ക്കായും ഘോര-ഘോര പ്രസംഗങ്ങള്‍ നടത്തി രംഗത്തുവന്ന മുസ്ലിം ലീഗ് തന്നെ ആര്‍ഭാടവിവാഹം നടത്തിയതിനെ ശക്തമായ പ്രതിഷേധമാണ് ഉണ്ടാവുന്നത്.

പാണക്കാട് ഹൈദരലി തങ്ങളുടെ മകനും ലീഗ് നേതാവുമായ സാദിഖലി ശിഹാബ് തങ്ങളുടെ മകന്‍ സയ്യിദ് അസീലിന്റെ വിവാഹ ചിത്രങ്ങളാണ് വിവാദത്തിന് തിരി കൊളുത്തിയിരിക്കുന്നത്. കഴിഞ്ഞദിവസമായിരുന്നു വിവാഹം. അസീലിന്റെ ഭാര്യ അണിഞ്ഞിരിക്കുന്നത് മാത്രം 200 പവനിലേറെ ആഭരണങ്ങളാണെന്നും ആര്‍ഭാട വിവാഹ പന്തലുള്‍പ്പടെയുള്ളവയ്ക്ക് ലക്ഷങ്ങള്‍ പൊടിപൊടിച്ചുവെന്നും ചൂണ്ടിക്കാണിച്ച് ചിത്രങ്ങള്‍ ഉള്‍പ്പെടെ നല്‍കിയാണ് സോഷ്യല്‍ മീഡിയ വിമര്‍ശനം.

ആഢംബര വിവാഹത്തിനെതിരെ പ്രമേയം പാസാക്കിയ ലീഗിന്റെ പൊയ്മുഖം അഴിഞ്ഞു വീഴുന്നത് തുറന്നുകാണിക്കാതെ വയ്യെന്നാണ് ഒരുവിഭാഗം വിമര്‍ശിക്കുന്നത്.

ആഢംബര വിവാഹത്തിനെതിരെ മുസ്ലിം ലീഗ് നേതാക്കളായ പികെ കുഞ്ഞാലിക്കുട്ടിയും യൂത്ത് ലീഗ് നേതാവും പാണക്കാട് കുടുംബാംഗവുമായ മുനവറലി ശിഹാബ് തങ്ങളും നടത്തിയ പ്രസ്താവനകളുടെ സ്‌ക്രീന്‍ഷോട്ടുകളും ഈ വിവാഹചിത്രത്തിനൊപ്പം പ്രചരിക്കുന്നുണ്ട്.

ആഢംബര വിവാഹങ്ങളില്‍ പങ്കെടുക്കുന്നതില്‍ നിന്ന് മുസ്ലിം ലീഗ് മന്ത്രിമാരും നേതാക്കളും വിട്ടുനില്‍ക്കും എന്നാണ് 2014ല്‍ ലീഗ് നേതാവ് പികെ കുഞ്ഞാലിക്കുട്ടി പറഞ്ഞത്. വിവാഹ ധൂര്‍ത്തിനെതിരെ കോണ്‍ഗ്രസുമായും ഇടതുപാര്‍ട്ടികളുമായും ലീഗ് നേതൃത്വം യോജിച്ച് പ്രവര്‍ത്തിക്കുമെന്നും അദ്ദേഹം പറഞ്ഞിരുന്നു.

സോഷ്യല്‍ മീഡിയയിലൂടെയാണ് ആര്‍ഭാട വിവാഹത്തിനെതിരെ മുനവറലി ശിഹാബ് തങ്ങള്‍ രംഗത്തുവന്നത്. ‘നമ്മുടെ വിവാഹങ്ങള്‍ പള്ളികളില്‍ മാത്രം ഒതുക്കി അത്യാവശ്യം കുടുംബങ്ങളെയും നാട്ടുകാരെയും മാത്രം പങ്കെടുപ്പിച്ച് നടത്തിയാല്‍ എത്ര മനോഹരമായിരിക്കും.’ എന്നാണ് ലീഗ് നിലപാടിനെതിരെ പ്രശംസിച്ചുകൊണ്ട് മുനവറലി ശിഹാബ് തങ്ങള്‍ കുറിച്ചത്. ഈ പ്രസ്താവനകളുടെ പത്ര കട്ടിങ്ങുകള്‍ നല്‍കിയാണ് സോഷ്യല്‍ മീഡിയ മുസ്ലിം ലീഗ് നേതാവിന്റെ കുടുംബത്തില്‍ നടന്ന ആര്‍ഭാട വിവാഹത്തെ പരിഹസിക്കുന്നത്.

‘ഇതെല്ലാം സമുദായത്തിന്റെ നന്മയ്ക്ക് വേണ്ടിയാണല്ലോ എന്ന് ആലോചിക്കുമ്പോഴാ’…എന്ന് മറ്റ് ചിലരുടെ പരിഹാസം. ‘വിവാഹങ്ങള്‍ വളരെ ലളിതമായി നടത്തി മാതൃക കാട്ടണമെന്ന മുസ്ലിം ലീഗ് തീരുമാനത്തിന്റെ ഭാഗമായി വളരെ ‘ലളിതം’ ആയിരുന്നു വിവാഹം. വധു അണിഞ്ഞതൊന്നും സ്വര്‍ണ്ണാഭരണമല്ല എന്ന് പ്രത്യേക ഫത്വ ഉള്ളത് കാരണം എല്ലാ ലീഗുകാരും അതങ്ങട് വിശ്വസിക്കുക. വെറുതെ അവിടെയും ഇവിടെയും ഇരുന്ന് ‘മ്മടെ തങ്ങന്‍മാര്‍ക്ക് അടുപ്പിലുമാകാല്ലേ..’ എന്നൊന്നും പറഞ്ഞ് ദൈവ കോപം ഏറ്റുവാങ്ങിയേക്കരുത്.’ എന്നാണ് ആര്‍ഭാഡ വിവാഹത്തെ പരിഹസിച്ചുകൊണ്ട് ഒരാള്‍ സോഷ്യല്‍ മീഡിയയില്‍ കുറിച്ചിരിക്കുന്നത്.

അതേസമയം ചെറുമകന്റെ കാര്യത്തില്‍ തീരുമാനമെടുക്കേണ്ടത് ചെറുമകനാണെന്നും പാണക്കാട് ഹൈദരലി തങ്ങളല്ലെന്നും പറഞ്ഞാണ് കടുത്ത ലീഗ് ണനുഭാവികളുടെ പ്രതിരോധം. ഒരാളുടെ വിവാഹം എങ്ങനെയാവണമെന്നത് അയാളുടെ വ്യക്തിപരമായ തീരുമാനമല്ലേയെന്നുമാണ് ഇവര്‍ക്ക് ചോദിക്കാനുള്ളത്.

‘എടാ, പോടാ’ വിളികള്‍ക്ക് ബൈ; പോലീസുകാര്‍ ഇനിമുതല്‍ പൊതുജനത്തെ സര്‍, മാഡം എന്ന് അഭിസംബോധന ചെയ്യണം: സംസ്ഥാന മനുഷ്യാവകാശ കമ്മീഷന്‍
Posted by
23 August

'എടാ, പോടാ' വിളികള്‍ക്ക് ബൈ; പോലീസുകാര്‍ ഇനിമുതല്‍ പൊതുജനത്തെ സര്‍, മാഡം എന്ന് അഭിസംബോധന ചെയ്യണം: സംസ്ഥാന മനുഷ്യാവകാശ കമ്മീഷന്‍

തിരുവനന്തപുരം: എടാ, പോടാ വിളികളുമായി പൊതുജനത്തെ അധിക്ഷേപിക്കുന്ന കേരളാ പോലീസിന് മൂക്കുകയറിടാന്‍ സംസ്ഥാന മനുഷ്യാവകാശ കമ്മീഷന്‍. ഇനി മുതല്‍ പോലീസുകാര്‍ പൊതുജനത്തെ സര്‍, മാഡം എന്നു വിളിക്കണമെന്നു സംസ്ഥാന മനുഷ്യാവകാശ കമ്മീഷന്‍ ആവശ്യപ്പെട്ടു.

വിദേശ രാജ്യങ്ങളില്‍ പോലീസ് ജനങ്ങളോട് മാന്യമായി പെരുമാറുമ്പോള്‍ ഇവിടെ എടാ, പോടാ വിളികളാണ്. ജനമൈത്രി പോലീസ് ഉദ്യോഗസ്ഥര്‍ പോലും ഇങ്ങനെ പെരുമാറുന്നതായി കമ്മീഷനു പരാതി ലഭിച്ചിട്ടുണ്ടെന്ന് ആക്ടിങ് ചെയര്‍മാന്‍ പി മോഹനദാസ് പറഞ്ഞു.

പൊതുജനത്തോട് എങ്ങനെ പെരുമാറണമെന്നതു സംബന്ധിച്ച് സേനയില്‍ ചേരുമ്പോള്‍ തന്നെ പോലീസുകാര്‍ക്ക് പരിശീലനം നല്‍കാന്‍ ഡിജിപിയോട് നിര്‍ദേശിക്കുമെന്നും അദ്ദേഹം പറഞ്ഞു. പോലീസിന്റെ പെരുമാറ്റം സംബന്ധിച്ച് ഹാം ഓഫ് ജോയ് മാനേജിങ് ട്രസ്റ്റി ജി അനൂപിന്റെ പരാതി പരിഗണിക്കവെയായിരുന്നു കമ്മീഷന്‍ ഇതു സംബന്ധിച്ച പരാമര്‍ശങ്ങള്‍ നടത്തിയത്.

പുഴയില്‍ കുളിക്കുമ്പോള്‍ കുത്തൊഴുക്കില്‍ പെട്ടു മരണം മുന്നില്‍ കണ്ട തന്നെ അത്ഭുതകരമായി രക്ഷപെടുത്തി ഒന്നു മിണ്ടാതെ പോയ അജ്ഞാത മനുഷ്യനെ പറ്റിയുള്ള യുവാവിന്റെ കുറിപ്പ് വൈറലാകുന്നു
Posted by
23 August

പുഴയില്‍ കുളിക്കുമ്പോള്‍ കുത്തൊഴുക്കില്‍ പെട്ടു മരണം മുന്നില്‍ കണ്ട തന്നെ അത്ഭുതകരമായി രക്ഷപെടുത്തി ഒന്നു മിണ്ടാതെ പോയ അജ്ഞാത മനുഷ്യനെ പറ്റിയുള്ള യുവാവിന്റെ കുറിപ്പ് വൈറലാകുന്നു

കൊച്ചി: പുഴയില്‍ കുളിക്കുമ്പോള്‍ കുത്തൊഴുക്കില്‍ പെട്ടുപോയ തന്നെ അത്ഭുതകരമായി രക്ഷിച്ചിട്ട് ഒന്നു മിണ്ടാതെ പോയ അഞ്ജാത മനുഷ്യനെ കുറിച്ചുള്ള യുവാവിന്റെ കുറിപ്പ് സോഷ്യല്‍ മീഡിയയില്‍ വൈറലാകുന്നു. സാലി ബിന്‍ അലി എന്ന യുവാവാണ് തന്റെ അനുഭവം ഫേസ്ബുക്കില്‍ കുറിച്ചത്. പുഴയുടെ ആഴമുള്ള ഭാഗത്ത് പെട്ടുപോയ തന്നെ കൂടെയുള്ള അഞ്ചോളം സുഹൃത്തുക്കള്‍ കിണഞ്ഞു ശ്രമിച്ചിട്ടും രക്ഷിക്കാന്‍ കഴിഞ്ഞില്ലെന്നും അവസാനം മരണം മുന്നില്‍ കണ്ടപ്പോള്‍ ദൈവദൂതനെ പോലെ ഈ മനുഷ്യന്‍ എത്തുകയായിരുന്നു വെന്നും യുവാവ് കുറിക്കുന്നു.

കണ്ണൂര്‍ ചിറക്കലിലെ പുഴയിലാലിയുന്നു സാലിയും സുഹൃത്തുക്കളും കുളിക്കാനിറങ്ങിയത്. അപരിചിതന്‍ രക്ഷപ്പെടുത്തികഴിഞ്ഞപ്പോള്‍ നീ ബ്ലൂ വൈല്‍ കളിച്ചു മുങ്ങി മരിക്കാനുള്ള ടാസ്‌ക് എടുത്ത് വന്നതല്ലേ എന്ന് ആളുകല്‍ തമാശക്ക് ചോദിച്ചുവെന്നും സാലി തന്റെ പോസ്റ്റില്‍ കുറിക്കുന്നു.

സാലി ബിന്‍ അലി ഫേസ്ബുക്കില്‍ എഴുതിയ അനുഭവ കുറിപ്പിന്റെ പൂര്‍ണ രൂപം;

ദൈവത്തിന്നു നന്ദി ഇന്ന് എന്റെ പുനര്‍ജന്മം ആണ് മരണത്തെ കുറച്ചു നേരം കണ്മുന്നില്‍ കണ്ടു

രാവിലെതന്നെ കായലില്‍ കുളിക്കാന്‍ പോയി നല്ല ഒഴുക്കുമുണ്ടായിരുന്നു

കുളിച്ചോണ്ടിരിക്കുമ്പോള്‍ ഒരു തോന്നല്‍ അപ്പുറത്ത് പോയി നീന്തി വന്നാലോ എന്ന് . ഇറങ്ങിയ സ്ഥലത്ത് അത്യാവശ്യം ആഴവും ഉണ്ടായിരുന്നു കുറച്ചു നീന്തിയപ്പോള്‍ ഉള്ളില്‍ ഒരു ഭയം വന്നു ആഴം കൂടുതകുണ്ടല്ലോ നല്ല ഒഴുക്കുമുണ്ടല്ലോ എന്നുള്ള ചിന്ത വന്നതോടെ ഭയം കൂടി. അങ്ങനെ തിരിച്ചു നീന്താന്‍ തീരുമാനിച്ചു തിരിച്ചു നീന്താന്‍ തുടങ്ങി നീന്തിയപോഴാണ് മനസ്സിലായത് ഒഴുക്കിനെതിരെയാണല്ലോ നീന്തുന്നതെന്ന് ഭയംകൊണ്ട് കൈകാലുകള്‍ കുഴയുകയാണ് വീണ്ടും ഒഴുക്കുള്ള ഭാഗത്തേക്ക് തിരിച്ചു നീന്തി എന്റെ ഭയം എല്ലാ ധൈര്യത്തേയും കീഴ്‌പെടുത്തി. എന്റെ മുന്നിലുള്ള ജവാദിനെ വിളിച്ചു ജാവദേ പിടിക്കട എന്നെയൊന്ന് അവന്‍ പിടിചു അവനെ വിട്ടു എങ്ങനെയെങ്കിലും കരയിലേക്ക് എത്തണം എന്നുള്ള ചിന്തയില്‍ എന്റെ കൈകാലുകള്‍ കുഴഞ്ഞത്‌കൊണ്ടും ഉള്ളിലെ ഭയംകൊണ്ടും എനിക്ക് നീന്താന്‍ കഴിയുന്നില്ല. ഞാന്‍ റഫീക്കാ അസറു വേഗം വന്നു പിടിക്കൂ എന്ന് മുങ്ങി പൊങ്ങിയപ്പോള്‍ പറഞ്ഞു. അപ്പൊഴേക്കും ഹനീഫക്കയും നിസാര്‍ക്കായും ഞങ്ങളുടെ എതിരായി നീന്തിവരുന്നുണ്ട് എല്ലാവരും പരിഭ്രാന്തരായി ആരും അടുത്തേക്ക് വരുന്നില്ല കാരണം മരണ വെപ്രാളത്തില്‍ ഞാന്‍ അവരെ പിടിചു താഴ്ത്തും എന്നുള്ള ചിന്തകൊണ്ടാവാം അവര്‍ അങ്ങനെ ചെയ്തത്. അത് കണ്ടതോട്കൂടി ഞാനുറപ്പിച്ചു എന്റെ മരണം .

നിസാര്‍ക്ക എല്ലാവരും വരൂ ആള്‍ മുങ്ങുന്നേയെന്നെല്ലാം പറയുന്നുണ്ടായിരുന്നു. നിസാര്‍ക്കയും ഹനീഫക്കയും എന്നെ ഒഴിഞ്ഞു നിന്നു കരയുടെ ഭാഗത്തേക്ക് എന്നെ തള്ളി അതുകൊണ്ട് കുറച്ചു നീങ്ങി കരയുടെ അടുത്തേക്ക് . ഞങ്ങള്‍ ആദ്യം കുളിച്ചിരുന്ന സ്ഥലത്തു ആരോടും മിണ്ടാതെ ഒരാള്‍ വന്ന് നീന്തി കളിക്കുന്നുണ്ടായിരുന്നു. അന്നേരം ഞാന്‍ അയാളെ ശ്രദ്ധിച്ചിരുന്നു. അവിടെ കുളിക്കാന്‍ വന്നവര്‍ എല്ലാവരും പരസ്പരം പരിചയപെടാറുണ്ട്. ഇയാളെന്താ ഇങ്ങനെ എന്ന് ചിന്തിച്ചിരുന്നു ഞാന്‍. അങ്ങനെ ചിന്തിച്ചോണ്ട് ആണ് ഞാന്‍ അപ്പുറത്തേക്ക് നീന്തിവരാന്‍ പോയതും. ആ മനുഷ്യന്‍ ഞാന്‍ മുങ്ങുമ്പോള്‍ കുളി കഴിഞ്ഞു തല തോര്‍ത്തി കരയില്‍ നില്‍ക്കുകയായിരുന്നത്രെ.

നിസര്‍ക്കാടെ ആരെങ്കിലും വരൂ എന്നുള്ള വിളികേട്ട് വന്നതാണ് അദ്ദേഹം. അയാള്‍ ഉടനെ ചാടി അയാള്‍ കൈ പിടിചു വലിച്ചു അതിനാല്‍ പുനര്‍ജന്മം കിട്ടി. ക്ഷീണിതനായത്‌കൊണ്ട് കുറച്ചു നേരം ഇരുന്നു. അങ്ങനെ അയാളെ നോക്കി കുളിസ്ഥലത്തേക്ക് നടന്നു പക്ഷെ അയാള്‍ അപ്പോഴേക്കും അവിടെനിന്നും പോയിരുന്നു. എന്തായാലും പെരുത്തു നന്നിയുണ്ട്.
നിസര്‍ക്കാ ഹനീഫക്ക അസറു ജവാദ് റഫീക്ക ഫൈസല്‍ക്ക പിന്നെ പേരറിയാത്ത എല്ലാവര്‍ക്കും നന്ദി.

എല്ലാം കഴിഞ്ഞപ്പോള്‍ കൂട്ടത്തില്‍ നിന്നും തമാശക്ക് ഒരു ചോദ്യം നീ ബ്ലൂ വൈല്‍ കളിച്ചു മുങ്ങി മരിക്കാനുള്ള ടാസ്‌ക് എടുത്ത് വന്നതല്ലേ എന്ന്.

ഞങ്ങളുടേത് ഒരു പാര്‍ട്ടി കുടുംബം, മൃദുല വളര്‍ന്നത് ചെറുപ്പം മുതല്‍ രാഷ്ട്രീയമറിഞ്ഞ്; മഹാരാജാസിലെ ആദ്യ വനിതാ ചെയര്‍പേഴ്‌സണ്‍ എസ്എഫ്‌ഐയുടെ മൃദുല ഗോപിയെക്കുറിച്ച് അഭിമാനത്തോടെ അച്ഛന്‍ ഗോപി
Posted by
22 August

ഞങ്ങളുടേത് ഒരു പാര്‍ട്ടി കുടുംബം, മൃദുല വളര്‍ന്നത് ചെറുപ്പം മുതല്‍ രാഷ്ട്രീയമറിഞ്ഞ്; മഹാരാജാസിലെ ആദ്യ വനിതാ ചെയര്‍പേഴ്‌സണ്‍ എസ്എഫ്‌ഐയുടെ മൃദുല ഗോപിയെക്കുറിച്ച് അഭിമാനത്തോടെ അച്ഛന്‍ ഗോപി

കൊച്ചി: മഹാരാജാസ് കോളേജിലെ ആദ്യ വനിതാ ചെയര്‍പേഴ്‌സണായി തെരഞ്ഞെടുക്കപ്പെട്ടിരിക്കുകയാണ് മൃദുല ഗോപി. മകളുടെ വിജയത്തില്‍ അച്ഛന്‍ ഗോപിയും ഏറെ സന്തുഷ്ടനാണ്. ഒപ്പം അഭിമാനവുമുണ്ട്. കുമ്പളങ്ങി ഇല്ലിക്കല്‍ ജംഗ്ഷനില്‍ ഹെയര്‍ കട്ടിങ് സലൂണ്‍ നടത്തുകയാണ് അദ്ദേഹം. തങ്ങളുടേത് ഒരു പാര്‍ട്ടി കുടുംബമാണെന്നും ചെറുപ്പം മുതല്‍ രാഷ്ട്രീയമറിഞ്ഞാണ് മൃദുല വളര്‍ന്നതെന്നും അദ്ദേഹം പറയുന്നു.

‘ഞാനും മൃദുലയുടെ അമ്മയുമൊക്കെ പാര്‍ട്ടി അനുഭാവികളും പ്രവര്‍ത്തകരുമാണ്. വിജയത്തില്‍ അതിയായ സന്തോഷവും അഭിമാനവുമുണ്ട്. പഠനത്തിലും മിടുക്കിയായ മൃദുല ചെറുപ്പം മുതല്‍ രാഷ്ട്രീയം അറിഞ്ഞു തന്നെയാണ് വളര്‍ന്നിട്ടുള്ളത്.’ അദ്ദേഹം പറഞ്ഞു.

ഏഴു പതിറ്റാണ്ടിനു ശേഷമാണ് മഹാരാജാസ് കോളേജിനെ നയിക്കാന്‍ ആദ്യമായി ഒരു വനിതാ പോരാളി എത്തുന്നത്. കോളേജ് യൂണിയന്‍ തെരഞ്ഞെടുപ്പില്‍ ഒരൊറ്റ മൈനര്‍ സീറ്റൊഴികെ മുഴുവനും പിടിച്ചെടുത്ത് മഹാരാജാസ് കോളേജില്‍ എസ്.എഫ്.ഐയുടെ തകര്‍പ്പന്‍ വിജയമാണ് നേടിയത്. എസ്എഫ്ഐ സ്ഥാനാര്‍ത്ഥികളായി മത്സരിച്ച വനിതളില്‍ ഏഴില്‍ ആറു പേരും വിജയിച്ച

ഒപ്പം ചെയര്‍ പേഴ്‌സണായി തെരഞ്ഞെടുക്കപ്പെട്ടത് ദളിത് പെണ്‍കുട്ടിയായ മൃദുലയാണെന്നതും വിജയത്തിന്റെ മാറ്റ് കൂട്ടുന്നു. ഒരു മൈനര്‍ സീറ്റിലൊഴികെ എല്ലായിടത്തും വിജയം എസ്എഫ്‌ഐയ്ക്കു തന്നെയാണ്‌കെഎസ്‌യുവിനേയും എബിവിപിയേയും നിഷ്പ്രഭരാക്കിയാണ് എസ്എഫ്‌ഐയുടെ വിജയം.

ഇതാദ്യമായാണ് വിദ്യാര്‍ത്ഥികളെ നയിക്കാന്‍ ഒരു വനിതാ പ്രതിനിധിയെ പാര്‍ട്ടി മുന്നില്‍ നിര്‍ത്തിയത്. അന്നു മുതല്‍ തെരഞ്ഞെടുപ്പ് കൂടുതല്‍ പ്രാധാന്യവും ശ്രദ്ധയും നേടി. വൈസ് ചെയര്‍പേഴ്‌സണ്‍, സര്‍വകലാശാല യൂണിയന്‍ പ്രതിനിധി എന്നീ സ്ഥാനങ്ങളിലേക്ക് മത്സരിച്ച എസ്എഫ്‌ഐ വനിതാ പ്രതിനിധികളും വിജയിച്ചു കയറി.

വൈസ് ചെയര്‍പേഴ്‌സന്‍ ഷഹാന മന്‍സൂര്‍, യുയുസിയായി ഇര്‍ഫാന,കോളേജ് യൂണിയനിലെ വനിത പ്രതിനിധികളായി സാരംഗി, ശ്രീലേഖ, മൂന്നാം വര്‍ഷ പ്രതിനിധിയായി സുനൈന ഷിനു, രണ്ടാം വര്‍ഷ പിജി വിദ്യാര്‍ത്ഥി പ്രതിനിധിയായി വിദ്യ എന്നിവരാണ് വിജയിച്ച മറ്റ് എസ്എഫ്‌ഐ സ്ഥാനാര്‍ത്ഥികള്‍.

കുടിശിക വന്ന ഫീസിന് പലിശ നല്‍കിയില്ലെന്ന് പറഞ്ഞ് വിദ്യാര്‍ത്ഥിനിക്ക് ടിസി നല്‍കിയില്ല, പെണ്‍കുട്ടിയുടെ പ്ലസ് വണ്‍ രജിസ്‌ട്രേഷന്‍ മുടങ്ങി; പിവി അബ്ദുള്‍ വഹാബിന്റെ നിലമ്പൂരിലെ  പിവീസ്  പബ്ലിക് സ്‌കൂള്‍ അറവുശാലയ്ക്ക് തുല്യം
Posted by
22 August

കുടിശിക വന്ന ഫീസിന് പലിശ നല്‍കിയില്ലെന്ന് പറഞ്ഞ് വിദ്യാര്‍ത്ഥിനിക്ക് ടിസി നല്‍കിയില്ല, പെണ്‍കുട്ടിയുടെ പ്ലസ് വണ്‍ രജിസ്‌ട്രേഷന്‍ മുടങ്ങി; പിവി അബ്ദുള്‍ വഹാബിന്റെ നിലമ്പൂരിലെ പിവീസ് പബ്ലിക് സ്‌കൂള്‍ അറവുശാലയ്ക്ക് തുല്യം

കൊച്ചി: പിവി അബ്ദുള്‍ വഹാബിന്റെ നിലമ്പൂരിലെ പിവീസ് പബ്ലിക് സ്‌കൂളിന്റെ ക്രൂര നടപടി മൂലം വിദ്യാര്‍ത്ഥിനിയുടെ പ്ലസ് വണ്‍ രജിസ്‌ട്രേഷന്‍ മുടങ്ങുന്നു. പത്താം ക്ലാസ്സ് വരെ പിവീസില്‍ പഠിച്ച കുട്ടിക്ക് രജിസ്‌ട്രേഷന്റെ അവസാന നിമിഷത്തിലും ടിസി കൊടുക്കാതിരുന്നതാണ് ഒരു വര്‍ഷം പഠനം മുടങ്ങന്നതിലേക്ക് കാര്യങ്ങള്‍ എത്തിച്ചിരിക്കുന്നത്.

മലപ്പുറം ജില്ലയിലെ എടപ്പാള്‍ മാറഞ്ചേരി സ്വദേശി സുജീറിന്റെ മകള്‍ക്കാണ് പിവീസ് സ്‌കൂള്‍ മാനേജ്‌മെന്റ് ടിസി നിഷേധിച്ചത്. ഇതിന് കാരണമായിട്ട് പറഞ്ഞതാകട്ടെ പത്താം ക്ലാസിലെ ഒരു ടേം ഫീസ് കുടിശികയുണ്ടെന്ന്. എന്നാല്‍ ഫീസ് കുടിശ്ശിക തീര്‍ക്കാന്‍ സുജീര്‍ ചെന്നപ്പോള്‍ 12000 രൂപ പലിശയും നല്‍കണമെന്ന് പറഞ്ഞ് സിഇഒ വിശ്വനാഥന്‍ തിരിച്ചയച്ചത്രെ. തുടര്‍ന്ന് ചൊവ്വാഴ്ച വീണ്ടും സുജീര്‍ സ്‌കൂളിലെത്തിയപ്പോള്‍ സിഇഒയെ കാണാന്‍ പറ്റില്ലെന്ന് അറിയിച്ചു. തുടര്‍ന്ന് ഫോണില്‍ ബന്ധപ്പെട്ടപ്പോള്‍ ‘കാശടച്ചിട്ട് പോടാ ടിസി സൗകര്യമുള്ളപ്പോള്‍ തരാമെന്ന്’ പറയുകയായിരുന്നു. വട്ടിപ്പലിശക്കാര്‍ പെരുമാറിന്ന പോലെയാണ് സിഇഒയുടെ പെരുമാറ്റം എന്നും ഇയാള്‍ അസഭ്യം പറഞ്ഞുവെന്നും സുജീര്‍ ആരോപിക്കുന്നു.

സിബിഎസ്‌സി സിലബസ്സില്‍ ബുധനാഴ്ച പ്ലസ് വണ്‍ രജിസ്‌ട്രേഷന്‍ അവസാനാക്കാനിരിക്കെയാണ് സ്‌കൂളിന്റെ ഈ ക്രൂരത. ഈ സ്‌കൂളിനെ കുറിച്ച് നേരത്തേയും ധാരാളം പരാതികള്‍ ലഭിച്ചിരുന്നു. അത്യാധുനിക സജ്ജീകരണങ്ങള്‍ ഉള്ള ഹൈടെക് സ്‌കൂള്‍ എന്ന ലേബലില്‍ ഓരോ വര്‍ഷത്തേക്കും ഒരു ലക്ഷത്തി എണ്‍പതിനായിരം മുതല്‍ മൂന്നരലക്ഷം രൂപവരെയാണ് ഇവിടെ വ്യത്യസ്ത ക്ലാസ്സുകളിലേക്ക് ഓരോ വിദ്യാര്‍ത്ഥികളില്‍ നിന്നും ഫീസ് ഈടാക്കുന്നത്. ഇത് കൃത്യമായി കൊടുത്തില്ലെങ്കില്‍ 10 ശതമാനം പലിശയും കൊടുക്കണം. കഌസ്സ് റൂമുകള്‍ എസിയാണെന്ന് ഒക്കെയാണ് പറയുന്നതെങ്കിലും കഴിഞ്ഞ വര്‍ഷം വരെ ഒരു കഌസ്സിലും എസി ഉണ്ടായിരുന്നില്ലെന്ന് ഒരു രക്ഷകര്‍ത്താവ് ആരോപിക്കുന്നു. കൂടുതലും പ്രവാസികളുടെ മക്കളും വലിയ സമ്പന്നരും ആണ് ഇവിടെ പഠിക്കുന്നത്. എന്നാല്‍ കഴുത്തറപ്പന്‍ ഫീസും അതിനനുസരിച്ചുള്ള പഠന നിലവാരമോ സൗകര്യങ്ങളോ ഇല്ലാത്തതിനാല്‍ മിക്കകുട്ടികളും ഇവിടെ നിന്നും മാറി മറ്റ് സ്‌കൂളുകളിലേക്ക് പോകാന്‍ ഒരുങ്ങുകയാണ്.

ഇങ്ങനെ താങ്ങാനാവാത്ത ഫീസ് മൂലം തവനൂരിലെ സ്‌കൂളിലേക്ക് സുജീര്‍ മകളെ മാറ്റിയിരുന്നു. കഌസ്സ് തുടങ്ങി ഇത്ര ദിവസം ആയിട്ടും ടിസി കൊടുത്തിരുന്നില്ല. ഓണ്‍ലൈനില്‍ ലഭിക്കുമെന്നായിരുന്നു പറഞ്ഞിരുന്നത്. എന്നാല്‍ സിഇഒ വിശ്വ നാഥന്‍ കുടിശ്ശിഖ വരുത്തിയ ഫീസിന് പലിശ നല്‍കിയില്ല എന്ന കാരണത്താല്‍ ടിസി തടയുകയായിരുന്നു.ഏതായാലും സംഭവത്തില്‍ സ്‌കൂളിനും സിഇഒയ്ക്കും എതിരെ സിബിഎസിക്കും, കേന്ദ്ര കേരള വിദ്യാഭ്യാസ മന്ത്രിമാര്‍ക്കും മുഖ്യമന്ത്രിക്കും പരാതി നല്‍കൊന്‍ ഒരുങ്ങുകയാണ് സുജീറും മകളും.