പിവി സിന്ധുവിനെ പത്മഭൂഷണ് ശുപാര്‍ശ ചെയ്തു
Posted by
25 September

പിവി സിന്ധുവിനെ പത്മഭൂഷണ് ശുപാര്‍ശ ചെയ്തു

ന്യൂഡല്‍ഹി: ബാഡ്മിന്റണ്‍ താരം പിവി സിന്ധുവിനെ രാജ്യത്തെ മൂന്നാമത്തെ പരമോന്നത സിവിലിയന്‍ ബഹുമതിയായ പത്മഭൂഷണ് കേന്ദ്ര കായിക മന്ത്രാലയം ശുപാര്‍ശ ചെയ്തു. പത്മഭൂഷണ്‍ കായിക മന്ത്രാലയം ഇത്തവണ സിന്ധുവിന്റെ പേര് മാത്രമേ ശുപാര്‍ശ ചെയ്തിട്ടുള്ളൂ. ബിസിസിഐ പത്മഭൂഷണ്‍ പുരസ്‌കാരത്തിനായി മുന്‍ ഇന്ത്യന്‍ ക്രിക്കറ്റ് നായകന്‍ എംഎസ് ധോനിയുടെ പേര് ശുപാര്‍ശ ചെയ്തിരുന്നു.

ലോക ബാഡ്മിന്റണ്‍ ചാമ്പ്യന്‍ഷിപ്പില്‍ വെള്ളി മെഡല്‍, കൊറിയന്‍ ഓപ്പണ്‍ സൂപ്പര്‍സീരീസില്‍ കിരീടം എന്നീ നേട്ടങ്ങള്‍ പരിഗണിച്ചാണ് സിന്ധുവിന്റെ പേര് ശുപാര്‍ശ ചെയ്തത്. ലോക ബാഡ്മിന്റണ്‍ ചാമ്പ്യന്‍ഷിപ്പില്‍ രണ്ട് വെങ്കലവും ഒരു വെള്ളിയും നേടിയിട്ടുള്ള സിന്ധു റിയോ ഒളിമ്പിക്‌സിലും വെള്ളി നേടിയിട്ടുണ്ട്.

2016ല്‍ രാജീവ് ഗാന്ധി ഖേല്‍ രത്‌ന പുരസ്‌കാരം, 2015ല്‍ പത്മശ്രീ പുരസ്‌കാരം, 2013ല്‍ അര്‍ജുന അവാര്‍ഡ് എന്നിവ സിന്ധുവിന് ലഭിച്ചിട്ടുണ്ട്. കഴിഞ്ഞ വര്‍ഷം കായിക താരങ്ങള്‍ക്കാര്‍ക്കും പത്മഭൂഷണ്‍ നല്‍കിയിരുന്നില്ല. 2016ല്‍ സാനിയ മിര്‍സയും സൈന നേവാളുമാണ് പത്മഭൂഷണ്‍ നേടിയ കായികതാരങ്ങള്‍.

ആദ്യ മത്സരത്തില്‍ ഇന്ത്യന്‍ കിക്‌ബോക്‌സര്‍ ഇടിയേറ്റ് മരിച്ചു
Posted by
24 September

ആദ്യ മത്സരത്തില്‍ ഇന്ത്യന്‍ കിക്‌ബോക്‌സര്‍ ഇടിയേറ്റ് മരിച്ചു

സിംഗപ്പൂര്‍: ഇന്ത്യന്‍ വംശജനായ യുവ ബോഡിബില്‍ഡര്‍ കിക് ബോക്‌സിംഗ് മത്സരത്തിനിടെ ഇടിയേറ്റ് മരിച്ചു. വേള്‍ഡ് ബോഡിബിംല്‍ഡിംഗ് ആന്‍ഡ് ഫിസിക് സ്‌പോര്‍ട്‌സ് ഫെഡറേഷന്‍ (ഡബ്ല്യുബിപിഎഫ്) സിംഗപ്പൂര്‍ പ്രസിഡന്റ് പ്രദീപ് സുബ്രഹ്മണ്യന്‍ (32) ആണ് മരിച്ചത്. പ്രദീപിന്റെ ആദ്യ കിക്‌ബോക്‌സിംഗ് മത്സരമാണ് ദുരന്തത്തില്‍ കലാശിച്ചത്.

സിംഗപ്പൂരില്‍നടന്ന എഷ്യ ഫൈറ്റിംഗ് ചാമ്പ്യന്‍ഷിപ്പിന്റെ ഉദ്ഘാടനുവുമായി ബന്ധപ്പെട്ട് നടത്തിയ സെലിബ്രിറ്റി മത്സരത്തിനു ശേഷമായിരുന്നു ദാരുണമായ സംഭവം. ശനിയാഴ്ച വൈകുന്നേരം മരീന ബേ സാന്‍ഡ്‌സിലായിരുന്നു കിക്‌ബോക്‌സിംഗ് മത്സരം. യൂ ട്യൂബ് താരം സ്റ്റീവന്‍ ലിമ്മിനെതിരെയാണ് പ്രദീപ് റിംഗില്‍ എത്തിയത്. മത്സരത്തിനിടെ ഗുരുതരമായി പരിക്കേറ്റ പ്രദീപിനെ ഉടനെ ആശുപത്രിയിലേക്ക് മാറ്റുകയായിരുന്നു. പ്രദീപ് പിന്‍മാറിയതോടെ ലിം വിജയിയായി.

 

ജപ്പാന്‍ ഓപ്പണ്‍ സൂപ്പര്‍ സീരീസ് ക്വാര്‍ട്ടറില്‍ ശ്രീകാന്തും പ്രണോയ്‌യും പുറത്ത്
Posted by
22 September

ജപ്പാന്‍ ഓപ്പണ്‍ സൂപ്പര്‍ സീരീസ് ക്വാര്‍ട്ടറില്‍ ശ്രീകാന്തും പ്രണോയ്‌യും പുറത്ത്

ടോക്കിയോ: ഇന്ത്യയ്ക്ക് വീണ്ടും ജപ്പാന്‍ ഓപ്പണ്‍ സൂപ്പര്‍ സീരീസില്‍ തിരിച്ചടി. മെഡല്‍ പ്രതീക്ഷയായിരുന്ന പി സിന്ധുവിന് പിന്നാലെ കെ ശ്രീകാന്തും എച്ച് എസ് പ്രണോയും ജപ്പാന്‍ ഓപ്പണ്‍ സൂപ്പര്‍ സിരീസില്‍ നിന്ന് പുറത്ത്. ക്വാര്‍ട്ടര്‍ മത്സരത്തില്‍ ലോക ചാമ്പ്യന്‍ വിക്ടര്‍ അക്‌സെല്‍സനാണ് നേരിട്ടുള്ള സെറ്റുകള്‍ക്ക് ശ്രീകാന്തിനെ പരാജയപ്പെടുത്തിയത്. സ്‌കോര്‍: 21-17, 21-17.

പ്രണോയ് ചൈനയുടെ ഷി യുഗുവിനോട് പരാജയപ്പെട്ടാണ് ഗെയിമില്‍ നിന്നും പുറത്തായത്. സ്‌കോര്‍: 15-21 14-21. മുക്കാല്‍ മണിക്കൂര്‍ മാത്രം നീണ്ടു നിന്ന മത്സരത്തില്‍ ചൈനീസ് വീര്യത്തോട് അധികം പൊരുതാതെ കീഴടങ്ങുകയായിരുന്നു ഇന്ത്യയുടെ പ്രണോയ്.

ക്വാട്ടറിലെ വിജയത്തോടെ അക്‌സെല്‍സന് സെമി ഫൈനല്‍ മത്സരത്തിലേക്ക് പ്രവേശനം ലഭിച്ചു. ഹോങ്കോങ്ങിന്റെ ഹു യുനിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് ശ്രീകാന്ത് ക്വാര്‍ട്ടറിലെത്തിയത്.

സിന്ധുവിന് തിരിച്ചടി: ജപ്പാന്‍ ഓപ്പണ്‍ സീരീസില്‍ പുറത്ത്
Posted by
21 September

സിന്ധുവിന് തിരിച്ചടി: ജപ്പാന്‍ ഓപ്പണ്‍ സീരീസില്‍ പുറത്ത്

ടോക്യോ: ജപ്പാന്‍ ഓപ്പണ്‍ സുപ്പര്‍ സീരീസ് ബാഡ്മിന്റണില്‍ ഇന്ത്യയുടെ പിവി സിന്ധു പുറത്തായി. കൊറിയന്‍ ഓപണിലെ വിജയം ആവര്‍ത്തിക്കാന്‍ സിന്ധുവിനായില്ല. ജപ്പാന്റെ നൊസാമി ഒകുഹാരെയെ നേരിട്ടുള്ള സെറ്റുകള്‍ക്കാണ് സിന്ധുവിനെ തോല്‍പ്പിച്ചത്. സ്‌കോര്‍- 18-21, 8-21. തുടര്‍ച്ചയായ മൂന്നാം ടൂര്‍ണമെന്റിലാണ് സിന്ധുവും ഒകുഹാരയും നേര്‍ക്കുനേര്‍ വരുന്നത്.

കഴിഞ്ഞ ആഴ്ച സമാപിച്ച കൊറിയ ഓപ്പണ്‍ ബാഡ്മിന്റണ്‍ സൂപ്പര്‍ സീരീസില്‍ ഒകുഹാരയെ പരാജയപ്പെടുത്തിയാണ് സിന്ധു കിരീടം സ്വന്തമാക്കിയത്. ഇതിനു തൊട്ടുമുമ്പ് നടന്ന ലോകചാമ്പ്യന്‍ഷിപ്പ് ഫൈനലില്‍ സിന്ധുവിനെ പിന്തള്ളി ഒകുഹാര ജേതാവായിരുന്നു.

ജപ്പാന്റെ മിനാറ്റ്സു മിതാനിയെ ഒന്നിനെതിരേ രണ്ടു ഗെയിമുകള്‍ക്കു പരാജയപ്പെടുത്തിയാണ് ജപ്പാന്‍ സീരിസില്‍ സിന്ധു രണ്ടാം റൗണ്ടിലെത്തിയത്. സ്‌കോര്‍: 12-21, 15-21, 21-17. ഒരു മണിക്കൂറിലേറെ നീണ്ട മത്സരത്തില്‍ ഒരു സെറ്റിനു പിന്നിട്ടുനിന്ന ശേഷമായിരുന്നു സിന്ധുവിന്റെ വിജയം. അതേസമയം ഇന്ത്യയുടെ തന്നെ സൈന നെഹ്വാളും കിഡംബി ശ്രീനാഥും ജപ്പാന്‍ ഓപ്പണ്‍ സൂപ്പര്‍ സീരീസിന്റെ രണ്ടാം റൗണ്ടില്‍ പ്രവേശിച്ചിട്ടുണ്ട്.

സൗത്ത് സോണ്‍ ജൂനിയര്‍ അത്ലറ്റിക് ചാമ്പ്യന്‍ഷിപ്പ്: കേരളം മുന്നില്‍
Posted by
19 September

സൗത്ത് സോണ്‍ ജൂനിയര്‍ അത്ലറ്റിക് ചാമ്പ്യന്‍ഷിപ്പ്: കേരളം മുന്നില്‍

തിരുവനന്തപുരം: 29-ാമത് സൗത്ത് സോണ്‍ ജൂനിയര്‍ അത്ലറ്റിക് ചാമ്പ്യന്‍ഷിപ്പിന്റെ ആദ്യദിനത്തില്‍ ആറ് വിഭാഗങ്ങളിലായി 54 ഇനങ്ങള്‍ പൂര്‍ത്തിയായപ്പോള്‍ 338 പോയിന്റ് നേടി കേരളം മുന്നിലാണ്. 22 സ്വര്‍ണ്ണവും 14 വെള്ളിയും 11 വെങ്കലവുമാണ് കേരളത്തിന്റെ ചുണക്കുട്ടികള്‍ ആദ്യദിനത്തില്‍ നേടിയത്. 337 പോയിന്റോടെ തമിഴ്നാട് തൊട്ടുപിന്നിലുണ്ട്. 290 പോയിന്റോടെ കര്‍ണാടക മൂന്നാം സ്ഥാനത്തും 113 പോയിന്റോടെ ആന്ധ്രാപ്രദേശ് നാലാം സ്ഥാനത്തുമാണ്. പതിമൂന്നിനങ്ങളില്‍ പുതിയ റെക്കോഡുകള്‍ പിറന്നു. ഏഴ് ബറ്റര്‍ മീറ്റ് റെക്കോഡുകളും സൃഷ്ടിച്ചു.പതിനാറ് വയസില്‍ താഴെയുള്ള പെണ്‍കുട്ടികളുടെ 100മീ. ഓട്ടത്തില്‍ തെലങ്കാനയുടെ ജെ ദീപ്തി 12.47 സെക്കന്‍ഡില്‍ പുതിയ റെക്കോഡ് സൃഷ്ടിച്ചു.

പതിനെട്ട് വയസില്‍ താഴെയുള്ള പെണ്‍കുട്ടികളുടെ പോള്‍വാല്‍ട്ടില്‍ തമിഴ്നാടിന്റെ സത്യ 3.50 മീറ്ററില്‍ പുതിയ റെക്കോര്‍ഡ് സൃഷ്ടിച്ചു. 20 വയസില്‍ താഴെയുള്ള പെണ്‍കുട്ടികളുടെ 400മീ ഓട്ടത്തില്‍ തമിഴ്നാടിന്റെ വിദ്യ ആര്‍ 56.01 മിനിട്ടില്‍ റെക്കോഡ് സ്ഥാപിച്ചു. പോള്‍വാള്‍ട്ടില്‍ കേരളത്തിന്റെ ആര്‍ഷാബാബു 3.35 മീറ്റര്‍ ഉയരത്തില്‍ പുതിയ റെക്കോഡ് എഴുതി ചേര്‍ത്തു. 4ഃ100 മീ റിലേയില്‍ തമിഴ്നാടിന്റെ താരങ്ങള്‍ 48.40 സെക്കന്‍ഡില്‍ പുതിയ റെക്കോഡിട്ടു. പതിനാറ് വയസില്‍ താഴെയുള്ള ആണ്‍കുട്ടികളുടെ 100 മീ ഓട്ടത്തില്‍ കര്‍ണാടകയുടെ ശശികാന്ത് വിഎ 11.01 സെക്കന്‍ഡില്‍ റെക്കോഡ് കുറിച്ചു. 18 വയസില്‍ താഴെയുള്ള ആണ്‍കുട്ടികളുടെ മത്സരങ്ങളില്‍ മൂന്ന് റെക്കോഡുകള്‍ പിറന്നു.

400 മീ ഓട്ടത്തില്‍ കര്‍ണാടകയുടെ നിഹാല്‍ ജോയില്‍ ഡബ്ലൂ 48.32 സെക്കന്‍ഡില്‍ പുതിയ വേഗത എഴുതി ചേര്‍ത്തു. ഇതേ ഇനത്തില്‍ തമിഴ് നാടിന്റെ ബി സതീഷ് കുമാര്‍(48.95സെ.), ടി ജീവന്‍കുമാര്‍(49.15 സെ.), തെലങ്കാനയുടെ ഡി ശ്രീകാന്ത് (49.19 സെ.)എന്നിവരും റെക്കോഡ് മറികടന്നു. 1500മീ ഓട്ടത്തില്‍ തമിഴ്നാടിന്റെ ബി ഗൗരവ്യദാവ് 4 മിനിട്ട് 3.41 സെക്കന്‍ഡില്‍ റെക്കോഡ് സ്ഥാപിച്ചു. ജാവ്ലിന്‍ ത്രോയില്‍ കര്‍ണാടകയുടെ മനു ഡിപി 65.51 മീറ്റര്‍ ദൂരത്തിന്റെ റെക്കോഡ് നേടി. 20 വയസില്‍ താഴെയുള്ള ആണ്‍കുട്ടികളുടെ വിഭാഗത്തില്‍ നാല് റെക്കോഡുകള്‍ പിറന്നു.

400മീ ഓട്ടത്തില്‍ കേരളത്തിന്റെ തോമസ് മാത്യു 48.13 സെക്കന്‍ഡില്‍ പുതിയ വേഗ സമയം തീര്‍ത്തപ്പോള്‍ കര്‍ണാടകയുടെ ഗൗരി ശങ്കര്‍ 48.58 സെക്കന്‍ഡില്‍ പഴയ വേഗം മറികടന്നു. 10,000 മീ ഓട്ടത്തില്‍ കേരളത്തിന്റെ ഷെറിന്‍ ജോസ് 32 മി10.38 സെക്കന്‍ഡില്‍ പുതിയ റെക്കോഡ് സൃഷ്ടിച്ചു. കേരളത്തിന്റെ തന്നെ ജെസ്സന്‍ കെജി 4.80 മിനിട്ടില്‍ പഴയ റെക്കോഡ് മറികടന്നു. 4ഃ100 മീ. റിലേയില്‍ കേരളം 41.88 സെക്കന്‍ഡില്‍ പുതിയ സമയം കുറിച്ചപ്പോള്‍ തമിഴ്നാട് 42.46 സെക്കന്‍ഡില്‍ പഴയ വേഗത മറികടന്നു. കേരളം, തമിഴ്നാട്, കര്‍ണാടക, തെലങ്കാന, ആന്ധ്രാപ്രദേശ്, പുതുച്ചേരി, ലക്ഷദ്വീപ് എന്നിവിടങ്ങളില്‍ നിന്നായി ആയിരത്തോളം കായികതാരങ്ങള്‍ ചാമ്പ്യന്‍ഷിപ്പില്‍ പങ്കെടുക്കുന്നത്.

സിംഗപ്പൂര്‍ ഗ്രാന്‍ഡ് പ്രിക്സ്: ഹാമില്‍ട്ടണ്‍ ചാമ്പ്യന്‍
Posted by on 18 September

സിംഗപ്പൂര്‍ ഗ്രാന്‍ഡ് പ്രിക്സ്: ഹാമില്‍ട്ടണ്‍ ചാമ്പ്യന്‍

സിംഗപ്പൂര്‍ സിറ്റി: സിംഗപ്പൂര്‍ ഗ്രാന്‍ഡ് പ്രിക്സില്‍ മെഴ്സിഡസിന്റെ ലൂയിസ് ഹാമില്‍ട്ടണ്‍ ചാമ്പ്യന്‍. സീസണിലെ ഏഴാമത്തെ കിരീടമാണ് ഹാമില്‍ട്ടണ്‍ നേടിയത്. അതേസമയം, ഫെറാറിയുടെ ജര്‍മന്‍ താരമായ സെബാസ്റ്റ്യന്‍ വെറ്റല്‍ ആദ്യ ലാപ്പില്‍ അപകടത്തെ തുടര്‍ന്ന് മത്സരത്തില്‍നിന്ന് പിന്‍മാറി.

റെഡ്ബുള്ളിന്റെ ഡാനിയേല്‍ റിക്കാര്‍ഡോയും മെഴ്സിഡസിന്റെ വാല്‍റ്റെറി ബോട്ടാസുമാണ് രണ്ടും മൂന്നും സ്ഥാനങ്ങളിലെത്തിയത്.

കൊറിയ ഓപ്പണ്‍ സൂപ്പര്‍ സീരീസില്‍ സിന്ധുവിന് കിരീടം
Posted by
17 September

കൊറിയ ഓപ്പണ്‍ സൂപ്പര്‍ സീരീസില്‍ സിന്ധുവിന് കിരീടം

സോള്‍: കൊറിയ ഓപ്പണ്‍ സൂപ്പര്‍ സീരീസില്‍ ഇന്ത്യയുടെ സൂപ്പര്‍താരം പിവി സിന്ധുവിന് വിജയം. ജപ്പാന്റെ ലോക ചാമ്പ്യന്‍ നൊസോമി ഒകുഹാരയാണ് സിന്ധു ഫൈനനില്‍ തോല്‍പ്പിച്ചത്. സ്‌കോര്‍ 22-20, 11-21, 21-18.

ആദ്യഗെയിം 22-20 സിന്ധു കരസ്ഥമാക്കി. രണ്ടാം ഗെയിമില്‍ നൊസോമി അതി ശക്തമായി തിരിച്ചു വരവാണ് നടത്തിയത്. വളരെ അനായാസമായിരുന്നു നൊസോമിയുടെ മുന്നേറ്റം. ഇത് സിന്ധുവിനെ സമ്മര്‍ദ്ദത്തിലാക്കി. നിര്‍ണായകമായ മൂന്നാം ഗെയിമില്‍ ഇഞ്ചോടിഞ്ചാണ് ഇരുവരും പോരാടിയത്. സിന്ധു പത്തൊന്‍പതാം പോയിന്റ് നേടിയ റാലി 56 ഷോട്ടാണ് നീണ്ടു നിന്നത്.

പിവി സിന്ധു കൊറിയന്‍ ഓപ്പണ്‍ സൂപ്പര്‍ സീരീസ് സെമിയില്‍
Posted by
15 September

പിവി സിന്ധു കൊറിയന്‍ ഓപ്പണ്‍ സൂപ്പര്‍ സീരീസ് സെമിയില്‍

കൊറിയന്‍ ഓപ്പണ്‍ ബാഡ്മിന്റണ്‍ സൂപ്പര്‍ സീരീസില്‍ ഇന്ത്യയുടെ പിവി സിന്ധു സെമി ഫൈനലില്‍. ക്വാര്‍ട്ടറില്‍ ജപ്പാന്റെ മിനാത്സു മിതാനിയെയാണ് സിന്ധു വീഴ്ത്തിയത്. സ്‌കോര്‍:21-19 18-21 21-10

ഒളിമ്പ്യനും ലോക ചാമ്പ്യന്‍ഷിപ്പില്‍ വെള്ളി മെഡല്‍ ജേതാവുമാണ് ജപ്പാന്‍ താരം മിതാനി.

ദക്ഷിണ കൊറിയയിലെ സിയോളിലാണ് മത്സരങ്ങള്‍.

ദേശീയ ക്വിക്ക് ബോക്‌സിംഗില്‍ കേരളത്തിന്റെ അഭിമാനമായി പൊന്നാനിക്കാരന്‍ മുഹമ്മദ് അജ്മല്‍
Posted by
15 September

ദേശീയ ക്വിക്ക് ബോക്‌സിംഗില്‍ കേരളത്തിന്റെ അഭിമാനമായി പൊന്നാനിക്കാരന്‍ മുഹമ്മദ് അജ്മല്‍

പൊന്നാനി: ബാംഗ്ലൂരില്‍ വെച്ച് നടന്ന ദേശീയ ക്വിക്ക് ബോക്‌സിംഗില്‍ കേരളത്തിന്റെ അഭിമാനമായി പൊന്നാനി സ്വദേശി മുഹമ്മദ് അജ്മല്‍. പ്ലസ്ടു വിദ്യാര്‍ത്ഥിയായ അജ്മല്‍ 75 കിലോ വിഭാഗത്തിലാണ് ദേശീയ മല്‍സരത്തില്‍ വെള്ളിനേടി സംസ്ഥാനത്തിന്റെ അഭിമാനമായിമാറിയത്.

ദേശീയ മത്സരത്തില്‍ അജ്മലിന്റെ ഇടിയോട് അടിയറവ് പറഞത് ഡല്‍ഹി ,തമിഴ്‌നാട് , കര്‍ണാടക എന്നിവരെയാണ്. എല്ലാവരെയും ഇടിച്ചു തോല്‍പ്പിച്ച അജ്മല്‍ ഫൈനല്‍ മത്സരത്തില്‍ മണിപ്പൂരിനോടാണ് ഏറ്റുമുട്ടിയത്. അവസാനം വരെ ഒപ്പത്തിനൊപ്പം നിന്നെങ്കിലും ചെറിയൊരു പോയന്റ് വിത്യാസത്തില്‍ രണ്ടാം സ്ഥാനം കൊണ്ട് തൃപ്തിപ്പെടേണ്ടി വന്നു. വെള്ളിമെഡല്‍ ലഭിച്ചെങ്കിലും തന്നെക്കാളും മുതിര്‍ന്നവരെ ഇടിച്ചുതോല്‍പ്പിച്ചതിന്റെ സന്തോഷത്തിലാണ് ഈ വിദ്യാര്‍ത്ഥി.

തായ്‌ലാന്റില്‍ നടക്കുന്ന അന്തര്‍ദേശീയ മത്സരത്തിലേക്ക് തിരഞെടുക്കപ്പെട്ട അജ്മല്‍ പഠനം കാരണം തല്‍ക്കാലം മല്‍സരത്തിന് പോകുന്നില്ലെന്ന തീരുമാനത്തിലാണ്.പൊന്നാനി സ്‌കോളര്‍ കോളേജില്‍ പ്ലസ്ടുവിന് പഠിക്കുന്ന അജ്മല്‍ കാഞ്ഞിരമുക്ക് ഹസ്സന്‍ ഫാത്വിമ ദമ്പതികളുടെ മകനാണ്.
എടപ്പാളിലെ ക്വിക് ബോക്‌സറായ സുവേഷ് ആണ് ഗുരു . ഇതാദ്യമായാണ് അജ്മല്‍ മല്‍സരത്തില്‍ പങ്കെടുക്കുന്നത്. മറ്റു ബോക്‌സിംഗില്‍ നിന്ന് ഭിന്നമായി കൈകൊണ്ടും കാലുകൊണ്ടും ഇടിക്കാന്‍ അനുവാദമുള്ളതാണ് ക്വിക് ബോക്‌സിംഗിനെ കൂടുതല്‍ സാഹസമാക്കുന്നത്.

(ഫഖ്‌റുദ്ധീന്‍ പന്താവൂര്‍ )

അത്ഭുതങ്ങള്‍ സംഭവിച്ചില്ല; യുഎസ് ഓപ്പണ്‍ റാഫേല്‍ നദാലിന്
Posted by
11 September

അത്ഭുതങ്ങള്‍ സംഭവിച്ചില്ല; യുഎസ് ഓപ്പണ്‍ റാഫേല്‍ നദാലിന്

ന്യൂയോര്‍ക്ക്: അത്ഭുതങ്ങള്‍ ഒന്നും സംഭവിച്ചില്ല. യുഎസ് ഓപ്പണില്‍ പ്രതീക്ഷിച്ചതുപോലെ കിരീടം ഉയര്‍ത്തി സ്‌പെയിനിന്റെ റാഫേല്‍ നദാല്‍. അട്ടിമറി സംഭവിക്കുമോ എന്ന് ഉറ്റു നോക്കിയ ടെന്നീസ് ആരാധകര്‍ക്ക് മുന്നില്‍ അത്ഭുതങ്ങള്‍ പ്രവര്‍ത്തിക്കാതെ ദക്ഷിണാഫ്രിക്കന്‍ താരം കെവിന്‍ ആന്‍ഡേഴ്‌സണ്‍ റാഫയ്ക്കു മുന്നില്‍ മുട്ടുകുത്തിയതോടെ ചരിത്രം ആവര്‍ത്തിച്ചു. തന്റെ മൂന്നാം യുഎസ് കിരീടവുമായി റാഫേല്‍ നദാല്‍ സ്വന്തം മണ്ണിലേക്ക്.

ഫൈനലില്‍ ദക്ഷിണാഫ്രിക്കയുടെ കെവിന്‍ ആന്‍ഡേഴ്‌സണെ തോല്‍പിച്ചു നദാല്‍ നേടിയത് തന്റെ കരിയറിലെ 16-ാം ഗ്രാന്‍ഡ്സ്ലാം കിരീടം. യുഎസ് ഓപ്പണില്‍ മൂന്നാം കിരീടവും. ഇത് ആദ്യമായാണ് ഒരു ദക്ഷിണാഫ്രിക്കന്‍ താരം യുഎസ് ഓപ്പണ്‍ ഫൈനലില്‍ കളിക്കുന്നത്. സ്‌കോര്‍: 6-4, 6-3, 6-4.

2013നുശേഷം വീണ്ടും നദാലിസം തിരിച്ചുവരുന്ന കാഴ്ചയായിരുന്നു ആര്‍തര്‍ ആഷെ സ്റ്റേഡിയത്തില്‍. അനുഭവ സമ്പത്തിന്റെ കരുത്തിനുമുന്നില്‍ പിടിച്ചുനില്‍ക്കാനാകാതെ കന്നി കിരീടമോഹമുപേക്ഷിച്ച് കെവിന്‍ ആന്‍ഡേഴ്‌സണ്‍ കളംവിട്ടു. ഫെഡററെ കീഴടക്കി സെമിയിലെത്തിയ ഡെല്‍പോട്രോയെ തളച്ച റഫേലിനു കിരീട പോരാട്ടത്തിലുടനീളം തികഞ്ഞ ആധിപത്യമായിരുന്നു. ആദ്യ സെറ്റ് 6-4ന് അനായാസം നേടി.

നദാലിന്റെ മറുപടിയില്ലാത്ത ഫോര്‍ഹാന്‍ഡുകള്‍ക്കും ബാക്ക്ഹാന്‍ഡുകള്‍ക്കും മുന്നില്‍ രണ്ടാം സെറ്റും 6-3നു കെവിനെ കൈവിട്ടു. മൂന്നാംസെറ്റില്‍ ആന്‍ഡേഴ്‌സണ്‍ തിരിച്ചുവരവിനുള്ള ചെറിയ ശ്രമം നടത്തിയെങ്കിലും വിജയം ഉറപ്പിച്ചുള്ള നദാലിന്റെ മുന്നേറ്റത്തില്‍ പിടിച്ചുനില്‍ക്കാനായില്ല.

ജോക്കോവിച്ചും മറേയും വാവ്‌റിങ്കയും കളിക്കാത്ത, ഫെഡററും ദിമിത്രോവും തോറ്റു പിന്‍മാറിയ യുഎസ് ഓപ്പണില്‍ മുപ്പത്തിയൊന്നുകാരന്‍ നദാലിന്റെ 23ാം ഗ്രാന്‍ഡ്സ്ലാം ഫൈനലും 16ാം ഗ്രാന്‍ഡ്സ്ലാം കിരീടനേട്ടവുമാണിത്. യുഎസ് ഓപ്പണിലെ മൂന്നാം കിരീട നേട്ടവും. 52 വര്‍ഷത്തിനു ശേഷം യു.എസ് ഓപ്പണിന്റെ ഫൈനലില്‍ കളിച്ച ആദ്യതാരനാണ് കെവിന്‍ ആന്‍ഡേഴ്‌സണ്‍.

error: This Content is already Published.!!