തുടര്‍ച്ചയായ പത്താം കിരീടത്തിലും മുത്തമിട്ട് വിജേന്ദര്‍; സൂപ്പര്‍ മിഡില്‍വെയ്റ്റ് കിരീടവും സ്വന്തം
Posted by
24 December

തുടര്‍ച്ചയായ പത്താം കിരീടത്തിലും മുത്തമിട്ട് വിജേന്ദര്‍; സൂപ്പര്‍ മിഡില്‍വെയ്റ്റ് കിരീടവും സ്വന്തം

വീണ്ടും പ്രൊഫഷണല്‍ ബോക്‌സിങില്‍ മിന്നും താരമായി ഇന്ത്യയുടെ വിജേന്ദര്‍ സിങ്. പ്രഫണല്‍ ബോക്‌സിംഗിലെ പത്താം മത്സരത്തിലും വിജേന്ദര്‍ എതിരാളിയെ ഇടിച്ചിട്ടു. സൂപ്പര്‍ മിഡില്‍വെയ്റ്റ് പോരാട്ടത്തില്‍ ആഫ്രിക്കന്‍ ചാമ്പ്യന്‍ ഏണസ്റ്റ് അമൂസുവിനെയാണ് വിജേന്ദര്‍ പരാജയപ്പെടുത്തിയത്.

ഇതോടെ ഇന്ത്യയുടെ വിജേന്ദറിന് പത്തില്‍ പത്ത് റേറ്റിങ് ആയി. ഏഷ്യാ പസഫിക്, ഓറിയന്റ്ല്‍, മിഡില്‍വെയ്റ്റ് കിരീടങ്ങള്‍ ഇതോടെ വിജേന്ദര്‍ നിലനിര്‍ത്തി. 26 മത്സരങ്ങളില്‍ ഏണസ്റ്റിന്റെ മൂന്നാമത്തെ തോല്‍വിയാണിത്.

കേരള താരങ്ങളെ കൈയ്യേറ്റം ചെയ്ത സംഭവം: ഹരിയാന മാപ്പ് ചോദിച്ചു
Posted by
21 December

കേരള താരങ്ങളെ കൈയ്യേറ്റം ചെയ്ത സംഭവം: ഹരിയാന മാപ്പ് ചോദിച്ചു

റോത്തക്ക്: ദേശീയ സ്‌കൂള്‍ മീറ്റില്‍ കേരള താരങ്ങളെ കയ്യേറ്റം ചെയ്ത സംഭവത്തില്‍ ഹരിയാന മാപ്പ് ചോദിച്ചു. പോള്‍വാള്‍ട്ടില്‍ സ്വര്‍ണ്ണം നേടിയ ഹരിയാനയുടെ താരത്തിന്റെ നേതൃത്വത്തിലായിരുന്നു കേരള കായിക താരങ്ങള്‍ക്കെതിരെ ആക്രമണം നടന്നത്. കേരള ക്യാപ്റ്റന്‍ അജിത്തിന് ആക്രമണത്തില്‍ പരുക്കേറ്റു. കുറ്റക്കാര്‍ക്കെതിരെ നടപടിയെടുക്കുമെന്ന് ഹരിയാന ഡിഇഒ അറിയിച്ചു.

മൊബൈല്‍ ഫോണ്‍ ചാര്‍ജര്‍ ആവശ്യപ്പെട്ടാണ് ഹരിയാന താരങ്ങള്‍ മുറിയിലെത്തിയത്. ഇവര്‍ തയാറാക്കിവച്ചിരുന്ന ഭക്ഷണം തട്ടിത്തെറിപ്പിച്ചു. ഇത് ചോദ്യം ചെയ്ത കേരള ക്യാപ്റ്റന്‍ പി.എന്‍ അജിത്തിനെ ഇവര്‍ മര്‍ദിച്ചു. അജിത്തിന്റെ മുഖത്തടിച്ച ശേഷം നാല്‍വര്‍ സംഘം ഓടി രക്ഷപെട്ടു. ഇതിലൊരാളെ കേരള താരങ്ങള്‍ പിടകികൂടി. മീറ്റില്‍ കേരളം മുന്നിലെത്തിയതിനു പിന്നാലെയാണ് ആക്രമണം ഉണ്ടായത്. സംഭവത്തില്‍ ഹരിയാന താരങ്ങള്‍ക്കെതിരെ കേരളം പരാതി നല്‍കുകയും ചെയ്തിരുന്നു.

 

മേരി കോം ദേശീയ ബോക്‌സിംഗ് നിരീക്ഷക പദവി രാജിവച്ചു
Posted by
01 December

മേരി കോം ദേശീയ ബോക്‌സിംഗ് നിരീക്ഷക പദവി രാജിവച്ചു

ന്യൂഡല്‍ഹി: ബോക്‌സിംഗ് താരം മേരി കോം ഇന്ത്യന്‍ ബോക്‌സിംഗ് ദേശീയ നിരീക്ഷക പദവി രാജിവച്ചു. മത്സരരംഗത്തുള്ളവരെ നിരീക്ഷക പദവിയിലേക്കു പരിഗണിക്കേണ്ടെന്ന തീരുമാനത്തെ തുടര്‍ന്നാണ് മേരി കോമിന്റെ രാജിയെന്ന് കേന്ദ്ര കായികമന്ത്രി രാജ്യവര്‍ധന്‍ സിംഗ് റാത്തോഡ് അറിയിച്ചു. മന്ത്രിയുമായി താന്‍ 10 ദിവസം മുമ്പ് ഇതുമായി ബന്ധപ്പെട്ട് സംസാരിച്ചിരുന്നെന്നും ഇതിന്റെ അടിസ്ഥാനത്തിലാണ് രാജിയെന്നും മേരി കോം പറഞ്ഞു.

മേരി കോം ഏഷ്യന്‍ ബോക്‌സിംഗ് ചാമ്പ്യന്‍ഷിപ്പില്‍ സ്വര്‍ണം നേടി ബോക്‌സിംഗിലേക്ക് അടുത്തിടെ തിരിച്ചുവന്നിരുന്നു. 48 കിലോഗ്രാം വിഭാഗത്തില്‍ കൊറിയയുടെ ഹ്യാംഗ് മിയെ പരാജയപ്പെടുത്തിയാണ് മേരി കോം ഏഷ്യന്‍ ചാമ്പ്യന്‍ഷിപ്പിലെ തന്റെ അഞ്ചാം സ്വര്‍ണം സ്വന്തമാക്കിയത്. 48 കിലോഗ്രാം വിഭാഗത്തില്‍ ആദ്യമായാണ് മേരി കോം സ്വര്‍ണം നേടുന്നത്. ഒളിമ്പിക്‌സ് വെങ്കല മെഡല്‍ ജേതാവ് കൂടിയായ 35കാരി മേരി കോം രാജ്യസഭാ എംപി കൂടിയാണ്.

ഹോങ്കോങ് സൂപ്പര്‍ സീരീസ് കിരീട പോരാട്ടത്തില്‍ വീണ്ടും കാലിടറി പിവി സിന്ധു; ഇത്തവണയും വിജയം തായ് സുവിന്
Posted by
26 November

ഹോങ്കോങ് സൂപ്പര്‍ സീരീസ് കിരീട പോരാട്ടത്തില്‍ വീണ്ടും കാലിടറി പിവി സിന്ധു; ഇത്തവണയും വിജയം തായ് സുവിന്

ഹോങ്കോങ്: ഹോങ്കോങിലെ കഴിഞ്ഞ വര്‍ഷത്തെ തോല്‍വിക്ക് പകരം വീട്ടാന്‍ ഫൈനലിന് ഇറങ്ങിയ ഇന്ത്യയുടെ പിവി സിന്ധുവിന് ഇത്തവണയും കാലിടറി. സൂപ്പര്‍ സിരീസ് ബാഡ്മിന്റണ്‍ ടൂര്‍ണമെന്റ് ഫൈനല്‍ മല്‍സരത്തില്‍ പിവി സിന്ധു തായ് സുവിനോട് പരാജയപ്പെട്ടു. വ്യക്തമായ ആധിപത്യത്തോടെ ആദ്യ രണ്ടു ഗെയിമും ലോക ഒന്നാം നമ്പര്‍ താരം കൂടിയായ ചൈനയുടെ തായ് സു യിങ്ങ് നേടി. സ്‌കോര്‍ 21-18, 21-18.

കഴിഞ്ഞ വര്‍ഷവും ഹോങ്കോങ് സൂപ്പര്‍സീരിസില്‍ സിന്ധുവും തായ്‌യുമായിരുന്നു ഫൈനലില്‍. 1982ല്‍ പ്രകാശ് പദുക്കോണും 2010ല്‍ സൈന നെഹ്‌വാളും ഹോങ്കോങ് സൂപ്പര്‍ സിരീസ് കിരീടം സ്വന്തമാക്കിയിട്ടുണ്ട്.

സിന്ധുവിനെ വീഴ്ത്തി സൈന ദേശീയ ചാമ്പ്യന്‍
Posted by
08 November

സിന്ധുവിനെ വീഴ്ത്തി സൈന ദേശീയ ചാമ്പ്യന്‍

നാഗ്പുര്‍: നാഷണല്‍ ബാഡ്മിന്റണ്‍ ചാമ്പ്യന്‍ഷിപ്പ് ഫൈനലില്‍ സൈന നെഹ്വാള്‍ ജേതാവ്. പി.വി.സിന്ധുവിനെ നേരിട്ടുള്ള സെറ്റുകള്‍ക്കു കീഴടക്കിയാണ് സൈനയുടെ കിരീടനേട്ടം. സ്‌കോര്‍: 21-17, 27-25. ഒളിമ്പിക്ക്‌ വെങ്കലമെഡല്‍ ജേതാവായ സൈനയുടെ മൂന്നാം ദേശീയ കിരീടനേട്ടമാണിത്.

ആദ്യ സെറ്റ് 21-17 എന്ന സ്‌കോറിന് സ്വന്തമാക്കിയ സൈനയ്ക്കു പക്ഷേ, രണ്ടാം സെറ്റില്‍ കടുത്ത പോരാട്ടം നേരിടേണ്ടിവന്നു. എന്നാല്‍ സിന്ധുവിന്റെ അണ്‍ഫോഴ്‌സ്ഡ് പിഴവുകള്‍ മുതലാക്കിയ സൈന വിജയം പിടിച്ചുവാങ്ങുകയായിരുന്നു.

 

ഏഷ്യന്‍ ബോക്സിങ് ചാമ്പ്യന്‍ഷിപ്പില്‍ മേരികോം ഫൈനലില്‍
Posted by
07 November

ഏഷ്യന്‍ ബോക്സിങ് ചാമ്പ്യന്‍ഷിപ്പില്‍ മേരികോം ഫൈനലില്‍

ഹോചിമിന്‍ സിറ്റി: ഇന്ത്യന്‍ താരം മേരി കോം ഏഷ്യന്‍ ബോക്സിങ് ചാമ്പ്യന്‍ഷിപ്പ് ഫൈനലില്‍. ജപ്പാന്റെ ടബാസ കൊമുറയെ പരാജയപ്പെടുത്തിയാണ് അഞ്ചു തവണ ലോക ചാമ്പ്യനായ മേരികോം ഫൈനലിലെത്തിയത് (5-0). ഏഷ്യന്‍ ചാമ്പ്യന്‍ഷിപ്പില്‍ ആറാം തവണ മത്സരിക്കുന്ന മേരികോമിന്റെ അഞ്ചാം ഫൈനലാണിത്.

ഫൈനലില്‍ വിജയിച്ചാല്‍ 48 കിലോഗ്രാം വിഭാഗത്തില്‍ മേരി കോമിന്റെ ആദ്യ ഏഷ്യന്‍ സ്വര്‍ണമെഡലാകും ഇത്. ജപ്പാന്‍ താരത്തിനെതിരെ ആധികാരികമായിരുന്നു മേരികോമിന്റെ വിജയം. അഞ്ചു വര്‍ഷത്തിന് ശേഷമാണ് മേരികോം 48 കിലോഗ്രാം വിഭാഗത്തില്‍ മത്സരിക്കുന്നത്.

ഉയിര്‍ത്തെഴുന്നേറ്റ് ഇന്ത്യന്‍ ഹോക്കി; ചൈനയെ തോല്‍പ്പിച്ച് ഏഷ്യാകപ്പ് കിരീടവും ലോകകപ്പ് യോഗ്യതയും സ്വന്തമാക്കി ഇന്ത്യന്‍ വനിതകള്‍
Posted by
05 November

ഉയിര്‍ത്തെഴുന്നേറ്റ് ഇന്ത്യന്‍ ഹോക്കി; ചൈനയെ തോല്‍പ്പിച്ച് ഏഷ്യാകപ്പ് കിരീടവും ലോകകപ്പ് യോഗ്യതയും സ്വന്തമാക്കി ഇന്ത്യന്‍ വനിതകള്‍

ടോക്കിയോ: ചൈനയെ മുട്ടുകുത്തിച്ച് ഇന്ത്യന്‍ വനിതകള്‍ വീണ്ടും ഏഷ്യാകപ്പ് ഹോക്കി കിരീടമുയര്‍ത്തി. ഉയര്‍ത്തെഴുന്നേല്‍പ്പിന്റെ പാതയിലുള്ള ഇന്ത്യന്‍ ഹോക്കിക്ക് കൂടുതല്‍ ഊര്‍ജം പകരുന്ന പ്രകടനത്തോടെയാണ് ഏഷ്യാകപ്പ് ഹോക്കി ചാംപ്യന്‍ഷിപ്പില്‍ ഇന്ത്യന്‍ വനിതകള്‍ മുത്തമിട്ടത്. ജപ്പാനിലെ കാകമിഗഹാരയില്‍ നടന്ന കലാശപ്പോരില്‍ ശക്തരായ ചൈനയെ മറികടന്നാണ് ഇന്ത്യന്‍ വനിതകള്‍ കിരീടം ചൂടിയത്. ഈ വിജയത്തോടെ അടുത്ത വര്‍ഷം നടക്കുന്ന ലോകകപ്പ് ഹോക്കിക്കും ഇന്ത്യന്‍ വനിതകള്‍ യോഗ്യത നേടി. പെനല്‍റ്റി ഷൂട്ടൗട്ടില്‍ 5-4നാണ് ഇന്ത്യയുടെ വിജയം. ുഴുവന്‍ സമയത്ത് ഇരുടീമുകളും ഓരോ ഗോളടിച്ച് സമനില പാലിക്കുകയായിരുന്നു.

13 വര്‍ഷത്തെ ഇടവേളയ്ക്കു ശേഷമാണ് ഏഷ്യാകപ്പ് ഹോക്കിയില്‍ ഇന്ത്യന്‍ വനിതകള്‍ കിരീടം നേടുന്നത്. ഇന്ത്യ ആതിഥ്യം വഹിച്ച 2004ലെ ഏഷ്യാകപ്പില്‍ ജപ്പാനെ 1-0നു തോല്‍പ്പിച്ചാണ് ഒടുവില്‍ ഇന്ത്യ കിരീടം നേടിയത്.

2009ലെ ഏഷ്യാകപ്പ് കലാശപ്പോരില്‍ ചൈനയോടേറ്റ തോല്‍വിക്കും ഈ വിജയത്തോടെ ഇന്ത്യ പകരം വീട്ടി. പൂള്‍ സ്റ്റേജിലും ഇന്ത്യന്‍ വനിതകള്‍ ചൈനയെ 4-1നു തോല്‍പ്പിച്ചിരുന്നു. ഒരുമാസം മുന്‍പു പുരുഷവിഭാഗത്തില്‍ ഏഷ്യാ കപ്പുയര്‍ത്തിയ ഇന്ത്യ, വനിതാ വിഭാഗത്തിലും കിരീടം നേടിയതോടെ വന്‍കരയിലെ സമ്പൂര്‍ണ ആധിപത്യവും ഉറപ്പിച്ചു.

ആദ്യ പകുതിയില്‍ നവ്‌ജോത് കൗറിന്റെ ഗോളില്‍ ഇന്ത്യയാണ് ലീഡ് നേടിയത്. ചൈനയ്ക്ക് അനുകൂലമായി 47-ാം മിനിറ്റില്‍ ലഭിച്ച പെനല്‍റ്റി കോര്‍ണര്‍ ഗോളാക്കി ട്യാന്‍ടിയാന്‍ ലുവോ ടീമിന് ലീഡു സമ്മാനിച്ചു. പിന്നീട് ഇരുകൂട്ടര്‍ക്കും വലകുലുക്കാന്‍ സാധിക്കാതിരുന്നതോടെ മത്സരം ഷൗട്ടൗട്ടിലേക്ക് നീളുകയായിരുന്നു.

ആദ്യത്തെ അഞ്ചു കിക്കുകളില്‍ നാലെണ്ണം വീതം വലയിലെത്തിച്ച ഇരുടീമുകളും 4-4നു സമനില പാലിച്ചു. തുടര്‍ന്ന് മല്‍സരം സഡന്‍ഡെത്തിലേക്ക്. ഇന്ത്യയ്ക്കായി റാണി ആദ്യത്തെ ഷോട്ട് വലയിലെത്തിച്ചപ്പോള്‍, ചൈനീസം താരം അവസരം പാഴാക്കി. ഇതോടെ 5-4 വിജയത്തോടെ ഇന്ത്യയ്ക്ക് കിരീടം. തോല്‍വി അറിയാതെയാണ് ഇന്ത്യന്‍ ഫൈനല്‍ വരെയെത്തിയത്.

ഏഷ്യന്‍ ബോക്‌സിംഗ് ചാമ്പ്യന്‍ഷിപ്പ്: മേരി കോം സെമിയില്‍
Posted by
04 November

ഏഷ്യന്‍ ബോക്‌സിംഗ് ചാമ്പ്യന്‍ഷിപ്പ്: മേരി കോം സെമിയില്‍

ഹനോയി: മേരി കോം ഏഷ്യന്‍ ബോക്‌സിംഗ് ചാമ്പ്യന്‍ഷിപ്പിന്റെ സെമിഫൈനലില്‍ കടന്നു. 48 കിലോഗ്രാം ഫ്‌ളൈവെയ്റ്റ് വിഭാഗത്തിലാണ് മേരി കോം മത്സരിക്കുന്നത്. അവസാന നാലില്‍ സ്ഥാനം ലഭിച്ചതോടെ മേരി കോമിന് മെഡല്‍ ഉറപ്പായി. ഇത് ആറാം തവണയാണ് ഏഷ്യന്‍ ചാന്പ്യന്‍ഷിപ്പില്‍ മേരി കോം മെഡല്‍ നേടുന്നത്. നാല് സ്വര്‍ണവും ഒരു വെള്ളിയുമാണ് മുന്‍ വര്‍ഷങ്ങളിലെ ഏഷ്യന്‍ ചാമ്പ്യന്‍ഷിപ്പില്‍ നിന്നും മേരി നേടിയത്.

ക്വാര്‍ട്ടറില്‍ ചൈനീസ് തായ്‌പേയുടെ മെംഗ് ഷീ പിന്നിനെയാണ് മേരി തോല്‍പ്പിച്ചത്. ജപ്പാന്റെ ടുബാസ കൊമൂറയാണ് സെമിയില്‍ മേരിയുടെ എതിരാളി.

 

ജിമ്മി ജോര്‍ജ് അവാര്‍ഡ് ഒളിംപ്യന്‍ ഒപി ജെയ്ഷയ്ക്ക്
Posted by
02 November

ജിമ്മി ജോര്‍ജ് അവാര്‍ഡ് ഒളിംപ്യന്‍ ഒപി ജെയ്ഷയ്ക്ക്

കണ്ണൂര്‍: മികച്ച കായിക താരത്തിനുള്ള ഇരുപത്തി ഒന്‍പതാമത് ജിമ്മിജോര്‍ജ് ഫൗണ്ടേഷന്‍ അവാര്‍ഡ് ഒളിംപ്യന്‍ അത്‌ലറ്റ് ഒപിജെയ്ഷയ്ക്ക്. സംസ്ഥാനത്തെ മികച്ച കായികതാരത്തിനെയാണ് അവാര്‍ഡിനായി പരിഗണിക്കുക. 25000 രൂപയും ഫലകവുമാണ് അവാര്‍ഡ്. ഒരു ദശാബ്ദക്കാലം ദേശീയ-അന്തര്‍ദേശീയ മത്സരങ്ങളില്‍ കൈവരിച്ച നേട്ടങ്ങളാണ് ജെയ്ഷയെ അവാഡിന് അര്‍ഹയാക്കിയത്. ജോസ് ജോര്‍ജ് ചെയര്‍മാനും അഞ്ചു ബോബി ജോര്‍ജ്,റോബര്‍ട്ട് ബോബി ജോര്‍ജ്,ദേവപ്രസാദ്,സെബാസ്റ്റ്യന്‍ ജോര്‍ജ് എന്നിവര്‍ അംഗങ്ങളുമായുള്ള കമ്മിറ്റിയാണ് ജേതാവിനെ തിരഞ്ഞെടുത്തത്.

വയനാട് തൃശ്ശിലേരി സ്വദേശിനിയായ ജെയ്ഷ, വേണുഗോപാലന്‍ നായരുടെയും ശ്രീദേവിയമ്മയുടെയും മകളാണ്. ഈസ്റ്റേണ്‍ റെയില്‍വേ കൊല്‍ക്കത്തയില്‍ ചീഫ് ടിക്കറ്റ് ഇന്‍സ്‌പെക്ടറാണ് നിലവില്‍ ജെയ്ഷ. 2015ല്‍ ജിവി രാജ അവാര്‍ഡും ജെയ്ഷ നേടിയിട്ടുണ്ട്. ഡിസംബര്‍ രണ്ടിന് പേരാവൂര്‍ ജിമ്മിജോര്‍ജ് സ്‌പോര്‍ട്‌സ് അക്കാദമിയില്‍ നടക്കുന്ന ചടങ്ങില്‍ പികെ ശ്രീമതി എംപി അവാര്‍ഡ് കൈമാറും.

ഫ്രഞ്ച് ഓപ്പണ്‍ സീരീസ്: പിവി സിന്ധു പുറത്ത്‌
Posted by
28 October

ഫ്രഞ്ച് ഓപ്പണ്‍ സീരീസ്: പിവി സിന്ധു പുറത്ത്‌

പാരീസ്: ഫ്രഞ്ച് ഓപ്പണ്‍ ബാഡ്മിന്റണ്‍ സൂപ്പര്‍ സീരീസില്‍നിന്ന് ഇന്ത്യയുടെ പി.വി.സിന്ധു തോറ്റു പുറത്തായി. ജപ്പാന്റെ അകാനെ യാമാഗുച്ചിയോടു നേരിട്ടുള്ള സെറ്റുകള്‍ക്കാണു സിന്ധു തോല്‍വി വഴങ്ങിയത്. സ്‌കോര്‍: 14-21, 9-21. ആദ്യ സെറ്റില്‍ മികച്ച പോരാട്ടം നടത്തിയ സിന്ധുവിനെ രണ്ടാം സെറ്റില്‍ ജപ്പാന്‍ താരം നിലയുറപ്പിക്കാന്‍ അനുവദിക്കാതെ തകര്‍ക്കുകയായിരുന്നു.

നേരത്തെ, ചൈനയുടെ ചെന്‍ യുഫിയെ പരാജയപ്പെടുത്തിയാണ് സിന്ധു അവസാന നാലിലെത്തിയത്. നേരിട്ടുള്ള സെറ്റുകള്‍ക്കായിരുന്നു സിന്ധുവിന്റെ വിജയം

 

error: This Content is already Published.!!