കന്നി ഗ്രാന്‍സ്ലാം കിരീടത്തില്‍ മുത്തമിട്ട് ഡെന്‍മാര്‍ക്കിന്റെ കരോളിന്‍ വോസ്‌നിയാക്കി; ഓസ്‌ട്രേലിയന്‍ ഓപ്പണില്‍ കിരീടം
Posted by
28 January

കന്നി ഗ്രാന്‍സ്ലാം കിരീടത്തില്‍ മുത്തമിട്ട് ഡെന്‍മാര്‍ക്കിന്റെ കരോളിന്‍ വോസ്‌നിയാക്കി; ഓസ്‌ട്രേലിയന്‍ ഓപ്പണില്‍ കിരീടം

മെല്‍ബണ്‍: കരോളിന്‍ വോസ്‌നിയാകിക്ക് ഓസ്‌ടേരലിയന്‍ ഓപ്പണ്‍ വനിതാ സിംഗിള്‍സ് കിരീടം. കലാശ മത്സരത്തിലെ രണ്ടുമണിക്കൂര്‍ 49 മിനിറ്റ് നീണ്ട ആവേശപ്പോരാട്ടത്തില്‍ ഒന്നാം സ്വീഡ് സിമോണ ഹാലെപിനെ ഒന്നിനെതിരെ രണ്ട് സെറ്റുകള്‍ക്ക് തോല്‍പ്പിച്ചാണ് (76, 36, 64) വോസ്‌നിയാകി കിരീടധാരിയായത്.

ഏറെ നാള്‍ മുന്‍പ് തന്നെ ഒന്നാം റാങ്ക് കരസ്ഥമാക്കിയിട്ടും ഗ്രാന്‍ഡ്സ്ലാം കിരീടങ്ങള്‍ കിട്ടാക്കനിയായി തുടര്‍ന്ന ഡെന്മാര്‍ക് താരം വോസ്‌നിയാകി ഒടുവില്‍ തന്റെ പിഴവുകള്‍ തിരുത്തി ശരിക്കും ഒന്നാം നമ്പറാവുകയായിരുന്നു. എടിപി റാങ്കിങ്ങില്‍ ആറുവര്‍ഷങ്ങള്‍ക്കുശേഷം ഒന്നാം സ്ഥാനവും ഇതോടെ വോസ്‌നിയാക്കിക്ക് സ്വന്തം.

രണ്ടുതവണ ഫൈനലിലെത്തിയിട്ടും ഇനിയും ഗ്രാന്‍ഡ്സ്ലാം നേട്ടങ്ങള്‍ സ്വന്തമാക്കാനാവാത്തതിന് പഴിയേറെ കേട്ട ആദ്യ സ്വീഡുകാരായ രണ്ടു താരങ്ങള്‍ കന്നിക്കിരീടം തേടി പോരിനിറങ്ങിയെന്ന പ്രത്യേകതയും ഈ മത്സരത്തിനുണ്ടായിരുന്നു. 2009ലെ യുഎസ് ഓപണു ശേഷം ആദ്യമായാണ് വോസ്‌നിയാകി ഗ്രാന്‍ഡ് സ്ലാം കലാശപ്പോരാട്ടത്തില്‍ മാറ്റുരക്കുന്നത്.

സൈന ഇന്തോനേഷ്യന്‍ മാസ്റ്റേഴ്‌സ് ഫൈനലില്‍
Posted by
27 January

സൈന ഇന്തോനേഷ്യന്‍ മാസ്റ്റേഴ്‌സ് ഫൈനലില്‍

ജക്കാര്‍ത്ത: മുന്‍ ലോക ചാമ്പ്യനെ മറികടന്ന് ഇന്ത്യയുടെ സൈന നെഹ്വാള്‍ ഇന്തോനേഷ്യന്‍ മാസ്റ്റേഴ്‌സ് ഫൈനലില്‍. തായ്ലന്‍ഡിന്റെ രച്ച്‌നോക് ഇന്റനോണെയാണ് സൈന പരാജയപ്പെടുത്തിയത്. ശനിയാഴ്ച നടന്ന മത്സരത്തില്‍ നേരിട്ടുള്ള ഗെയിമുകള്‍ക്കായിരുന്നു സൈനയുടെ വിജയം.

21-19, 21-19 എന്ന സ്‌കോറിനാണ് സൈനയുടെ വിജയം. ഇന്ത്യയുടെ പി.വി. സിന്ധുവിനെ 21-13, 21-19 പരാജയപ്പെടുത്തിയാണ് സൈന സെമിയില്‍ പ്രവേശിച്ചത്.

ഓസ്‌ട്രേലിയന്‍ ഓപ്പണ്‍: വനിതാ വിഭാഗത്തില്‍ അന്തിമ പോരാട്ടം വോസ്‌നിയാകിയും ഹാലെപും തമ്മില്‍
Posted by
25 January

ഓസ്‌ട്രേലിയന്‍ ഓപ്പണ്‍: വനിതാ വിഭാഗത്തില്‍ അന്തിമ പോരാട്ടം വോസ്‌നിയാകിയും ഹാലെപും തമ്മില്‍

മെല്‍ബണ്‍: ഓസ്‌ട്രേലിയന്‍ ഓപ്പണ്‍ വനിതാ വിഭാഗം സിംഗിള്‍സ് ഫൈനലില്‍ ഡെന്മാര്‍ക്കിന്റെ കരോളിന്‍ വോസ്‌നിയാകിയും റുമാനിയയുടെ സിമോണ ഹാലെപും ഏറ്റുമുട്ടും. ലോക ഒന്നാം നമ്പര്‍ താരമായ ഹാലെപ് ജര്‍മനിയുടെ ആഞ്ചലിക് കെര്‍ബറിനെ മൂന്ന് സെറ്റ് നീണ്ടു നിന്ന പോരാട്ടത്തില്‍ തോല്‍പ്പിച്ചാണ് കലാശപ്പോരിന് അര്‍ഹത നേടിയത്. സ്‌കോര്‍: 6-3, 4-6, 9-7.

രണ്ടാം സീഡ് വോസ്‌നിയാക്കി ബെല്‍ജിയത്തിന്റെ എലീസ് മാര്‍ട്ടിനസിനെ നേരിട്ടുള്ള സെറ്റുകള്‍ക്ക് തകര്‍ത്താണ് ഫൈനലിന് അര്‍ഹത നേടിയത്. സ്‌കോര്‍: 6-3, 6-7. വോസ്‌നിയാകിയും ഹാലെപും ലോക ഒന്നാം നമ്പര്‍ സ്ഥാനത്ത് എത്തിയിട്ടുണ്ടെങ്കിലും ഇതുവരെ ഗ്രാന്റ് സ്ലാം ടൂര്‍ണമെന്റുകള്‍ വിജയിച്ചിട്ടില്ല.

ന്യൂസിലാന്‍ഡിനെ തകര്‍ത്ത് അഫ്ഗാന്‍ അണ്ടര്‍-19 ലോകകപ്പ് സെമിയില്‍
Posted by
25 January

ന്യൂസിലാന്‍ഡിനെ തകര്‍ത്ത് അഫ്ഗാന്‍ അണ്ടര്‍-19 ലോകകപ്പ് സെമിയില്‍

ക്രൈസ്റ്റ്ചര്‍ച്ച്: ക്വാര്‍ട്ടര്‍ ഫൈനലില്‍ ആതിഥേയരായ ന്യൂസിലന്‍ഡിനെ തരിപ്പണമാക്കി അഫ്ഗാന്‍ കുട്ടി ക്രിക്കറ്റ് ലോകകപ്പിന്റെ സെമിഫൈനലില്‍ കടന്നു. 202 റണ്‍സിന്റെ ആധികാരിക വിജയമാണ് അഫ്ഗാന്‍ കുട്ടിപ്പട സ്വന്തമാക്കിയത്.

ടോസ് നേടി ആദ്യം ബാറ്റ് ചെയ്ത അഫ്ഗാന്‍ 50 ഓവറില്‍ ആറ് വിക്കറ്റിന് 309 എന്ന കൂറ്റന്‍ സ്‌കോര്‍ പടുത്തുയര്‍ത്തി. കിവീസിന്റെ പോരാട്ടം 28.1 ഓവറില്‍ 107 റണ്‍സില്‍ അവസാനിച്ചു. ഗ്രൂപ്പ് ഘട്ടത്തില്‍ വ്യക്തമായ ആധിപത്യം പുലര്‍ത്തി ജയിച്ചുവന്ന കിവീസിനെ ക്വാര്‍ട്ടറില്‍ അഫ്ഗാന്‍ നിലംപരിശാക്കുകയായിരുന്നു.

റഹ്മാനുള്ള ഗുര്‍ബാസ് (69), ഇബ്രാഹിം സാദ്രാന്‍ (68), ബാഹിര്‍ ഷാ (പുറത്താകാതെ 67), അസ്മതുള്ള ഒമറാസി (66) എന്നിവരുടെ അര്‍ധ സെഞ്ചുറികളാണ് അഫ്ഗാന് മികച്ച സ്‌കോര്‍ സമ്മാനിച്ചത്. അവസാന ഓവറുകള്‍ ആഞ്ഞടിച്ച ഒമറാസി 23 പന്തുകള്‍ മാത്രം നേരിട്ടാണ് 66 റണ്‍സ് നേടിയത്. ഇതില്‍ ഏഴ് സിക്‌സും മൂന്ന് ബൗണ്ടറികളും ഉള്‍പ്പെടുന്നു.

കിവീസ് നിരയില്‍ 38 റണ്‍സ് നേടിയ കാറ്റീന്‍ ക്ലാര്‍ക്കാണ് ടോപ്പ് സ്‌കോറര്‍. ഡെയ്ല്‍ ഫിലിപ്‌സ് 31 റണ്‍സ് നേടി. ക്വയസ് അഹമ്മദ്, മുജീബ് സാദ്രാന്‍ എന്നിവര്‍ ചേര്‍ന്നാണ് കിവീസിനെ തകര്‍ത്തത്. ഇരുവരും നാല് വീതം വിക്കറ്റുകള്‍ വീഴ്ത്തി. കിവീസ് നിരയില്‍ ആറ് പേര്‍ രണ്ടക്കം കാണാതെ പുറത്തായി.

ഓസ്‌ട്രേലിയന്‍ ഓപ്പണ്‍: ഫെഡറര്‍ സെമി ഫൈനലില്‍
Posted by
24 January

ഓസ്‌ട്രേലിയന്‍ ഓപ്പണ്‍: ഫെഡറര്‍ സെമി ഫൈനലില്‍

മെല്‍ബണ്‍: ഓസ്‌ട്രേലിയന്‍ ഓപ്പണ്‍ ടെന്നിസില്‍ സ്വിസ് സൂപ്പര്‍താരം റോജര്‍ ഫെഡറര്‍ സെമിഫൈനലില്‍ കടന്നു. ക്വാര്‍ട്ടറില്‍ ചെക്ക് റിപ്പബ്ലിക്കിന്റെ തോമസ് ബെര്‍ഡിച്ചിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് ഫെഡറര്‍ അവസാന നാലില്‍ സ്ഥാനം പിടിച്ചത്. സ്‌കോര്‍: 7-6, 6-3, 6-4. നൊവാക് ജോക്കോവിച്ചിനെ അട്ടിമറിച്ച് എത്തിയ ദക്ഷിണ കൊറിയയുടെ ഹയോണ്‍ ചുംഗാണ് സെമിയില്‍ ഫെഡററുടെ എതിരാളി.

അണ്ടര്‍-19 ലോകകപ്പ്: പാക്കിസ്ഥാന്‍ സെമിയില്‍
Posted by
24 January

അണ്ടര്‍-19 ലോകകപ്പ്: പാക്കിസ്ഥാന്‍ സെമിയില്‍

ക്രൈസ്റ്റ്ചര്‍ച്ച: ക്വാര്‍ട്ടറില്‍ ദക്ഷിണാഫ്രിക്കയെ മൂന്ന് വിക്കറ്റിന് തോല്‍പ്പിച്ച് പാക്കിസ്ഥാന്‍ അണ്ടര്‍-19 ലോകകപ്പ് സെമിഫൈനലില്‍ കടന്നു. ആദ്യം ബാറ്റ് ചെയ്ത ദക്ഷിണാഫ്രിക്ക 50 ഓവറില്‍ ഒന്‍പത് വിക്കറ്റിന് 189 റണ്‍സ് നേടി. 13 പന്തുകള്‍ ബാക്കി നില്‍ക്കേ ഏഴ് വിക്കറ്റ് നഷ്ടത്തില്‍ പാക്കിസ്ഥാന്‍ വിജയലക്ഷ്യം മറികടന്നു.

ടോസ് നഷ്ടപ്പെട്ട് ബാറ്റിംഗിനിറങ്ങിയ ദക്ഷിണാഫ്രിക്കയുടെ മുന്‍നിര തകര്‍ന്നടിയുകയായിരുന്നു. 43 റണ്‍സ് എടുക്കുന്നതിനിടെ അവര്‍ക്ക് നാല് വിക്കറ്റുകള്‍ നഷ്ടമായി. അഞ്ചാമനായി ക്രീസിലെത്തിയ വാന്‍ഡില്‍ മാക്വറ്റു നേടിയ അര്‍ധ സെഞ്ചുറിയാണ് ദക്ഷിണാഫ്രിക്കയെ കരകയറ്റിയത്. മാക്വറ്റു 60 റണ്‍സ് നേടി. പാക്കിസ്ഥാന് വേണ്ടി മുഹമ്മദ് മൂസ മൂന്ന് വിക്കറ്റ് നേടി.

മറുപടി ബാറ്റിംഗില്‍ പാക്കിസ്ഥാനും കൃത്യമായ ഇടവേളകളില്‍ വിക്കറ്റ് നഷ്ടമായത് സമ്മര്‍ദ്ദമുണ്ടാക്കി. എന്നാല്‍ ഒരുവശത്ത് ശക്തമായി ഉറച്ചുനിന്ന അലി സര്‍യാബ് ആസിഫാണ് പാക്കിസ്ഥാന് സെമി ബര്‍ത്ത് നേടിക്കൊടുത്തത്. ആസിഫ് 74 റണ്‍സോടെ പുറത്താകാതെ നിന്നു. സാദ് ഖാന്‍ 26 റണ്‍സ് നേടി. ആസിഫാണ് മാന്‍ ഓഫ് ദ മാച്ച്.

ഓസ്‌ട്രേലിയന്‍ ഓപ്പണ്‍: ഫെഡറര്‍ ക്വാര്‍ട്ടറില്‍
Posted by
22 January

ഓസ്‌ട്രേലിയന്‍ ഓപ്പണ്‍: ഫെഡറര്‍ ക്വാര്‍ട്ടറില്‍

മെല്‍ബണ്‍: ഓസ്‌ട്രേലിയന്‍ ഓപ്പണ്‍ ടെന്നിസില്‍ സ്വിറ്റ്‌സര്‍ലണ്ടിന്റെ റോജര്‍ ഫെഡറര്‍ ക്വാര്‍ട്ടര്‍ ഫൈനലില്‍ കടന്നു. ഹംഗറിയുടെ മാര്‍ടണ്‍ ഫുക്‌സോവിക്‌സിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് ഫെഡറര്‍ അവസാന എട്ടില്‍ സ്ഥാനം പിടിച്ചത്. സ്‌കോര്‍ 6-4, 7-6, 6-2.

40 വര്‍ഷത്തിനിടെ ഓസ്‌ട്രേലിയന്‍ ഓപ്പണ്‍ ക്വാര്‍ട്ടര്‍ ഫൈനലില്‍ സ്ഥാനം നേടുന്ന ഏറ്റവും പ്രായം കൂടിയ വ്യക്തിയെന്ന റിക്കോര്‍ഡും ജയത്തോടെ ഫെഡറര്‍ക്ക് സ്വന്തമായി. നിലവിലെ ചാന്പ്യനായ ഫെഡറര്‍ രണ്ടു മണിക്കൂര്‍ നീണ്ട മത്സരത്തിനൊടുവിലാണ് 80-ാം റാങ്കുകാരനായ ഹംഗറി താരത്തെ തോല്‍പ്പിച്ചത്.

ഓസ്‌ട്രേലിയന്‍ ഓപ്പണ്‍: വോസ്‌നിയാക്കി ക്വാര്‍ട്ടറില്‍
Posted by
21 January

ഓസ്‌ട്രേലിയന്‍ ഓപ്പണ്‍: വോസ്‌നിയാക്കി ക്വാര്‍ട്ടറില്‍

മെല്‍ബണ്‍: രണ്ടാം സീഡ് കരോളിന്‍ വോസ്‌നിയാക്കി ഓസ്‌ട്രേലിയന്‍ ഓപ്പണ്‍ ക്വാര്‍ട്ടറില്‍ കടന്നു. റോഡ് ലാവര്‍ അരീനയില്‍നടന്ന മത്സരത്തില്‍ സ്ലോവാക്യന്‍ താരം മഗ്ദലീന റിബറിക്കോവയെ പരാജയപ്പെടുത്തിയാണ് വോസ്‌നിയാക്കി അവസാന എട്ടില്‍ കടന്നത്.

നേരിട്ടുള്ള സെറ്റുകള്‍ക്കായിരുന്നു ഡാനിഷ് താരത്തിന്റെ വിജയം. ആദ്യ സെറ്റ് 6-3 ന് സ്വന്തമാക്കിയ വോസ്‌നിയാക്കി രണ്ടാം സെറ്റില്‍ ഒരു ഗെയിംപോലും എതിരാളിക്ക് അനുവദിച്ചില്ല. സ്‌കോര്‍: 6-3, 6-0. ക്വാര്‍ട്ടറില്‍ കാര്‍ള സുവാരസ് നവോരയാണ്          വോസ്‌നിയാക്കിയുടെ എതിരാളി

ഓസ്‌ട്രേലിയന്‍ ഓപ്പണ്‍: ഷറപ്പോവ മൂന്നാം റൗണ്ടില്‍
Posted by
18 January

ഓസ്‌ട്രേലിയന്‍ ഓപ്പണ്‍: ഷറപ്പോവ മൂന്നാം റൗണ്ടില്‍

മെല്‍ബണ്‍: ഓസ്‌ട്രേലിയന്‍ ഓപ്പണ്‍ ടെന്നീസ് ടൂര്‍ണമെന്റിലെ വനിതാ സിംഗിള്‍സില്‍ റഷ്യയുടെ മരിയ ഷറപ്പോവ മൂന്നാം റൗണ്ടില്‍ കടന്നു. ലത്വിയ താരം അനസ്താവിയ സെവസ്‌തോവയെ പരാജയപ്പെടുത്തിയാണ് ഷറപ്പോവയുടെ മുന്നേറ്റം. റൊഡ് ലാവെര്‍ അരീനയില്‍ നടന്ന മത്സരത്തില്‍ 6-1, 7-6 എന്ന സ്‌കോറിനായിരുന്നു ഷറപ്പോവയുടെ ജയം.

ഉത്തേജക മരുന്ന് ഉപയോഗിച്ചെന്ന ആരോപണത്തെ തുടര്‍ന്ന് 15 മാസത്തെ വിലക്ക് നേരിട്ട് ടെന്നിസ് കോര്‍ട്ടിലേക്ക് മടങ്ങിയെത്തിയ ഷറപ്പോവ ജര്‍മനിയുടെ തത്യാന മരിയയെ നേരിട്ടുള്ള സെറ്റുകള്‍ക്ക് തകര്‍ത്താണ് ആദ്യ മല്‍സരം ആഘോഷമാക്കിയത്.

മുന്‍ ദേശീയ ബോക്സിംഗ് താരം ഫ്ളാറ്റില്‍ വെടിയേറ്റ് മരിച്ചനിലയില്‍
Posted by
13 January

മുന്‍ ദേശീയ ബോക്സിംഗ് താരം ഫ്ളാറ്റില്‍ വെടിയേറ്റ് മരിച്ചനിലയില്‍

നോയിഡ: മുന്‍ ബോക്സിംഗ് താരം ഫ്ളാറ്റില്‍ വെടിയേറ്റ് മരിച്ചനിലയില്‍. ഹരിയാന ബോക്സിംഗ് താരമായിരുന്ന ജിതേന്ദ്ര മാന്‍ (27) ആണ് ദുരൂഹ സാഹചര്യത്തില്‍ മരിച്ചത്. ഗ്രേറ്റര്‍ നോയിഡയിലെ ഫ്ളാറ്റില്‍ ആണ് മൃതദേഹം കണ്ടെത്തിയത്. ശരീരത്തില്‍ രണ്ട് തവണ വെടിയേറ്റ പാടുകളുണ്ട്. ഹരിയാന ബോക്സിംഗ് അസോസിയേഷനില്‍ രജിസ്ട്രേഷനുള്ള താരമായിരുന്നു ജിതേന്ദ്ര മാന്‍.

ഗ്രേറ്റര്‍ നോയിഡയില്‍ ഒരു ജിംനേഷ്യത്തില്‍ പരിശീലകനായി പ്രവര്‍ത്തിക്കുകയായിരുന്നു ജിതേന്ദ്ര മാന്‍. വെള്ളിയാഴ്ച ഉച്ചകഴിഞ്ഞാണ് മരണം നടന്നിരിക്കുന്നത്. മുന്‍പ് ഒപ്പം താമസിച്ചിരുന്നയാളാണ് മൃതദേഹം കണ്ടെത്തിയത്. പ്രദേശത്ത് സിസിടിവി ഇല്ലാത്തതിനാല്‍ കാര്യമായ തെളിവുകളൊന്നും പോലീസിന് ലഭിച്ചിട്ടില്ല. പോസ്റ്റ്മോര്‍ട്ടം റിപ്പോര്‍ട്ടിനായി കാത്തിരിക്കുകയാണ് പോലീസ്.

പ്രദേശത്തെ ഫോറന്‍സിക് പരിശോധനകള്‍ പൂര്‍ത്തിയായാല്‍ പ്രതികളിലേക്ക് എത്തിച്ചേരാന്‍ കഴിയുമെന്ന് പോലീസ് പ്രതീക്ഷ പ്രകടിപ്പിച്ചു. മൊബൈല്‍ ഫോണ്‍ രേഖകളും പോലീസ് പരിശോധിക്കുന്നുണ്ട്. ജിതേന്ദ്രയുടെ കുടുംബത്തിന്റെ പരാതിയില്‍ പോലീസ് കൊലപാതകത്തിന് കേസെടുത്തിട്ടുണ്ട്.

ജിതേന്ദ്ര മാന്‍ ദേശീയ തലത്തില്‍ ബോക്സിംഗ് താരമായിരുന്നുവെന്നും വിദേശത്തും മത്സരങ്ങളില്‍ പങ്കെടുത്തിട്ടുണ്ടെന്നും കുടുംബം പറയുന്നു. ബുധനാഴ്ച ജിംനേഷ്യത്തില്‍ എത്തിയ ജിതേന്ദ്ര വൈകിട്ട് ജോലിക്കെത്തില്ലെന്ന് ഉടമയോട് പറഞ്ഞിരുന്നു. വ്യാഴാഴ്ചയും വെള്ളിയാഴ്ചയും കാണാതെ വന്നതോടെ ഫോണില്‍ ബന്ധപ്പെട്ടുവെങ്കിലും മറുപടി ലഭിച്ചില്ല. പിന്നീട് ഫോണ്‍ സ്വിച്ച് ഓഫ് ആയി. ഇതോടെ ഇയാള്‍ പോലീസില്‍ പരാതി നല്‍കുകയായിരുന്നു. ദേശീയ തലത്തില്‍ നിരവധി മത്സരങ്ങളില്‍ പങ്കെടുത്തിട്ടുള്ള ജിതേന്ദ്ര മാന്‍ സ്വര്‍ണവും വെള്ളിയുമടക്കം നിരവധി മെഡലുകളും നേടിയിട്ടുണ്ട്.

error: This Content is already Published.!!