Singapore open series cup: Sai Praneet beats Kidambi srikanth
Posted by
17 April

സിംഗപ്പൂര്‍ ഓപ്പണ്‍ സീരീസ് ബാഡ്മിന്റണ്‍ കിരീടം സായ് പ്രണീതിന്

സിംഗപ്പൂര്‍ : സിംഗപ്പൂര്‍ ഓപ്പണ്‍ സൂപ്പര്‍ സീരീസ് ബാഡ്മിന്റണ്‍ ജേതാവായി ഇന്ത്യയുടെ ബി സായ് പ്രണീത്. ഫൈനലില്‍ ഇന്ത്യയുടെ തന്നെ കിടംബി ശ്രീകാന്തിനെ ഒന്നിനെതിരെ രണ്ട് ഗെയിമുകള്‍ക്ക് തോല്‍പ്പിച്ചാണ് സായ് കിരീടത്തില്‍ മുത്തമിട്ടത്. സ്‌കോര്‍ 17-21, 21-17, 21-12.

പ്രണീതിന്റെ ആദ്യ സൂപ്പര്‍ സീരീസ് കിരീടമാണിത്. സൂപ്പര്‍ സീരീസ് കിരീടം നേടുന്ന രണ്ടാമത്തെ ഇന്ത്യന്‍ താരമാണ് സായ്. ഫൈനലില്‍ തോറ്റ ശ്രീകാന്താണ് ഈ നേട്ടം കൈവരിച്ച ആദ്യ ഇന്ത്യക്കാരന്‍. ആദ്യ ഗെയിമില്‍ തോറ്റ ശേഷമായിരുന്നു സായിയുടെ തിരിച്ചുവരവ്.

Leander Paes and Mahesh Bhupathi quarrel
Posted by
11 April

ഇന്ത്യന്‍ ടെന്നീസിനെ പരുങ്ങലിലാക്കി വീണ്ടും പെയ്‌സ്-ഭൂപതി പരസ്യ പോര്

വീണ്ടും ഇന്ത്യന്‍ ടെന്നീസിനെ നിരാശയിലാക്കി ലിയാന്‍ഡര്‍ പെയ്‌സും മഹേഷ് ഭൂപതിയും തമ്മില്‍ വീണ്ടും പരസ്യമായ പോരിലേക്ക്. ഡേവിസ് കപ്പ് ടെന്നിസ് ടീം തെരഞ്ഞെടുപ്പിനെ ചൊല്ലിയാണ് ഇപ്പോഴത്തെ തര്‍ക്കം. ഉസ്ബക്കിസ്ഥാനെതിരായ മത്സരത്തില്‍ പെയ്‌സിനെ ഉള്‍പ്പെടുത്താമെന്ന് ഒരിക്കല്‍ പോലും ഉറപ്പ് നല്‍കിയിട്ടില്ലെന്ന് ഭൂപതി പറഞ്ഞു. അടുത്ത മത്സരത്തിലും ബൊപ്പണ്ണയാകും ഡബിള്‍സില്‍ കളിക്കുകയെന്നും നിരന്തരം അച്ചടക്കലംഘനം നടത്തുന്നയാളാണ് പെയ്‌സെന്നും ഭൂപതി പറഞ്ഞു.

ഇരുവര്‍ക്കുമിടയിലെ വാട്‌സ് ആപ്പ് ചാറ്റ് ഭൂപതി പരസ്യമാക്കിയിരുന്നു. സ്വകാര്യ സംഭാഷണം പരസ്യമാക്കിയ ഭൂപതി ഇന്ത്യന്‍ ക്യാപ്റ്റന്‍ ആകാന്‍ അനുയോജ്യനല്ലെന്ന് പെയ്‌സ് പറഞ്ഞു. തെരഞ്ഞെടുപ്പില്‍ ഫോമാകും പ്രധാന ഘടകമെന്ന് ഭൂപതി അറിയിച്ചിരുന്നെങ്കിലും അങ്ങനെയുള്ള സെലക്ഷനല്ല നടന്നതെന്നാണ് പെയ്‌സിന്റെ ആരോപണം.

Dominant PV Sindhu avenges Rio Olympic loss, beats Carolina Marin to win maiden India Open Super Series title
Posted by
02 April

ഒളിംപിക്‌സ് പരാജയത്തിന് കരോലിന് സിന്ധുവിന്റെ മറുപടി; ഇന്ത്യന്‍ ഓപണ്‍ സൂപ്പര്‍ സീരിസ് ബാഡ്മിന്റണില്‍ കരോലിനെ വീഴ്ത്തി പിവി സിന്ധു കിരീടം നേടി

ന്യൂഡല്‍ഹി: ഒളിംപിക്‌സില്‍ ഒരു സ്വര്‍ണമെന്ന തന്റെ സ്വപ്‌നങ്ങള്‍ക്ക് ചിറകരിഞ്ഞ കരോലിനെ സ്വന്തം മണ്ണില്‍ മുട്ടുകുത്തിച്ച് സിന്ധു. ഇന്ത്യന്‍ ഓപണ്‍ സൂപ്പര്‍ സീരിസ് ബാഡ്മിന്റണിന്റെ ഫൈനലില്‍ സ്‌പെയിനിന്റെ കരോലിനെ തോല്‍പിച്ച് ജേതാവായി. കരോലിനെ നേരിട്ടുള്ള സെറ്റുകള്‍ക്കാണ് സിന്ധു തോല്‍പ്പിച്ചത്. സ്‌കോര്‍: 2 1 1 9, 2 1 1 6.

sindhu

റിയോ ഒളിംപിക്‌സിന്റെ തനിയാവര്‍ത്തനമായ മത്സരത്തില്‍ കടുത്ത പോരാട്ടമാണ് കാണികള്‍ പ്രതീക്ഷിച്ചത്. അത് തന്നെ കോര്‍ട്ടില്‍ കാണാന്‍ സാധിച്ചു. വിജയത്തിനായി ഇരുവരും പരസ്പരം പോരാടി. മത്സരത്തിന്റെ മത്സരത്തിന്റെ ആദ്യ സെറ്റ് 2119 ന് സ്വന്തമാക്കി സിന്ധു. നിര്‍ണായകമായി രണ്ടാം സെറ്റില്‍ ആദ്യം സിന്ധു ലീഡ് ചെയ്തിരുന്നെങ്കിലും തിരിച്ചുവരവിനായി കഠിനശ്രമം കരോലിന്‍ നടത്തി.

എന്നാല്‍, ഇന്നത്തെ ദിനം തീര്‍ച്ചയായും തന്റേതാണെന്ന് സിന്ധു തെളിയിച്ചു. ലീഡിനായി കരോലിന്‍ ശ്രമിക്കുന്തോറും അതിനെ പിന്നിലാക്കി രണ്ടാം സെറ്റും പിവി സിന്ധു രണ്ടാം സെറ്റും കിരീടവും തന്റെ കൈകളിലാക്കി തന്റെ ഒളിംപിക് തോല്‍വിക്ക് മധുരപ്രതികാരം വീട്ടി. ഇത് രണ്ടാം തവണയാണ് പിവി സിന്ധു ഇന്ത്യന്‍ ഓപണ്‍ സ്വന്തമാക്കുന്നത്.

sindu in open badminton semi
Posted by
01 April

സൈനയെ പരാജയപ്പെടുത്തി പിവി സിന്ധു ഇന്ത്യാ ഓപ്പണ്‍ ബാഡ്മിന്റണ്‍ സെമിയില്‍

ന്യൂഡല്‍ഹി: ഇന്ത്യന്‍ സൂപ്പര്‍ സീരീസ് ബാഡ്മിന്റണിലെ പോരാട്ടത്തില്‍ പിവി സിന്ധുവിന് ജയം. സൈന നേവാളിനെ നേരിട്ടുള്ള സെറ്റുകള്‍ക്ക് തോല്‍പിച്ചാണ് സിന്ധു സെമി ഫൈനലില്‍ കടന്നത്. 47 മിനിറ്റ് നീണ്ട മത്സരത്തില്‍ 2116, 2220 എന്ന സ്‌കോറിനായിരുന്നു മൂന്നാം സീഡായ സിന്ധുവിന്റെ ജയം. ആദ്യമായാണ് സിന്ധു സൂപ്പര്‍ സീരീസില്‍ സൈനയെ തോല്‍പിക്കുന്നത്.

ആദ്യ ഗെയിമില്‍ സൈനയ്‌ക്കെതിരെ സിന്ധു മികച്ച കുതിപ്പാണ് നടത്തിയത്. ഒരു ഘട്ടത്തില്‍ 149 എന്നതായിരുന്നു സിന്ധുവിന്റെ സ്‌കോര്‍. എന്നാല്‍ തകര്‍പ്പന്‍ സ്മാഷുകളുമായി തിരിച്ചുവരാനൊരുങ്ങിയ സൈനയെ, കളം നിറഞ്ഞുകളിച്ച സിന്ധു ശക്തമായി പ്രതിരോധിച്ചു. ആദ്യ ഗെയിം സിന്ധു 2116 ന് നേടി.രണ്ടാമത്തെ ഗെയിമില്‍ മികച്ച കളിയോടെ സൈന തുടക്കത്തിലേ 41ന് മുന്നിലെത്തി. 127ന്റെ വ്യക്തമായ ലീഡ് നേടി സൈന ഗെയിം ഉറപ്പിച്ചെന്ന് തോന്നിപ്പിച്ചു. എന്നാല്‍ അവസാന ഘട്ടത്തില്‍ സൈന വരുത്തിയ പിഴവുകള്‍ സിന്ധുവിന് തുണയായി. മൂന്ന് പോയിന്റ് തുടര്‍ച്ചയായി നേടിയ സിന്ധു, ശക്തമായ പോരാട്ടത്തിനൊടുവില്‍ മല്‍സരം 2020 എന്ന നിലയിലെത്തിച്ചു. പിന്നെ തുടര്‍ച്ചയായി രണ്ട് പോയിന്റു നേടിയ സിന്ധു ജയവും സ്വന്തമാക്കി

pv-sindhu-enter-all-england-open-quarters
Posted by
09 March

ഓള്‍ ഇംഗ്ലണ്ട് ചാമ്പ്യന്‍ ഷിപ്പില്‍ പിവി സിന്ധു ക്വാര്‍ട്ടര്‍ ഫൈനലില്‍

ലണ്ടന്‍: ഇംഗ്ലണ്ടില്‍ നടക്കുന്ന ഓള്‍ ഇംഗ്ലണ്ട് ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യന്‍ ഒളിമ്പിക് വെള്ളിമെഡല്‍ ജേതാവ് പിവി സിന്ധു ക്വാര്‍ട്ടര്‍ ഫൈനലില്‍ പ്രവേശിച്ചു.
ലോക റാങ്കിങ്ങില്‍ 39ാം സ്ഥാനക്കാരിയായ ഇന്‍ഡൊനീഷ്യയുടെ ദിനാര്‍ ദിയാഫ്ഒ ഔസ്റ്റിനെ നേരിട്ടുള്ള സെറ്റുകള്‍ക്കാണ് സിന്ധു പരാജയപ്പെടുത്തിയത്. സ്‌കോര്‍: 2112, 214. അരമണിക്കൂര്‍ മാത്രമാണ് മത്സരം നീണ്ടു നിന്നത്.

എന്നാല്‍ പുരുഷ വിഭാഗത്തില്‍ ഇന്ത്യന്‍ താരം എച്ച.എസ് പ്രണോയിക്ക് തോല്‍വി നേരിട്ടു. ലോക ഇരുപത്തിരണ്ടാം നമ്പര്‍ താരമായ പ്രണോയ് ആറാം സീഡായ ചൈനീസ് താരം ഹൂവേ ടിയാനോടാണ് തോറ്റത്. സ്‌കോര്‍: 21- 13, 21- 5.

Haryana bjp government yet to fulfil promise: Rio medallist Sakshi Malik
Posted by
05 March

മാധ്യമങ്ങളില്‍ തിളങ്ങാനാണോ വാഗ്ദാനങ്ങള്‍; റിയോയില്‍ ഇന്ത്യയ്ക്ക് വേണ്ടി മെഡല്‍ നേടിയതിന് വാഗ്ദാനങ്ങള്‍ തന്ന് തന്നെ പറ്റിച്ച ബിജെപി സര്‍ക്കാരിന് എതിരെ പൊട്ടിത്തെറിച്ച് വനിതാ ഗുസ്തി താരം സാക്ഷി മാലിക്ക്

ന്യൂഡല്‍ഹി: ഹരിയാനയിലെ ബിജെപി സര്‍ക്കാരിന് എതിരെ റിയോയില്‍ ഇന്ത്യയ്ക്ക് വേണ്ടി ആദ്യ മെഡല്‍ നേടിയ വനിതാ ഗുസ്തി താരം സാക്ഷി മാലിക്ക്. റിയോയില്‍ മെചല്‍ നേടിയ തനിക്ക് സര്‍ക്കാര്‍ നല്‍കിയ വാഗ്ദാനങ്ങള്‍ പാലിച്ചില്ലെന്നാമ് സാക്ഷിയുടെ ആരോപണം. ഒളിമ്പിക് മെഡല്‍ നേടി ഞാന്‍ എന്റെ വാഗ്ദാനം പാലിച്ചു. ഹരിയാന സര്‍ക്കാര്‍ എന്നാണ് വാഗ്ദാനം പാലിക്കുക? എന്ന് സാക്ഷി ട്വീറ്റ് ചെയ്തു.

റിയോ ഒളിമ്പിക്‌സിലെ ഇന്ത്യയുടെ അഭിമാനമായിരുന്നു വനിതാ ഗുസ്തി താരം സാക്ഷി മാലിക്ക്. റിയോയില്‍ ഇന്ത്യയ്ക്ക് വേണ്ടി ആദ്യ മെഡല്‍ നേടിയെന്ന് മാത്രമല്ല, ഒളിമ്പിക് മെഡല്‍ നേടുന്ന ആദ്യ ഇന്ത്യന്‍ വനിതാ ഗുസ്തി താരമെന്ന ഖ്യാതിയും സാക്ഷി തന്റെ പേരിനൊപ്പം ചേര്‍ന്നു. വീരോചിതമായ വരവേല്‍പ്പാണ് റിയോയില്‍ നിന്നും മടങ്ങിയെത്തിയ താരത്തിന് രാജ്യം നല്‍കിയിരുന്നത്. ഹരിയാന സര്‍ക്കാരും ഉഗ്രന്‍ സ്വീകരണം നല്‍കി. ഒപ്പം നിരവധി വാഗ്ദാനങ്ങളും. ആ വാഗ്ദാനങ്ങള്‍ ഇപ്പോഴും പാലിക്കപ്പെട്ടിട്ടില്ലെന്നാണ് സാക്ഷിയുടെ പരാതി.

ഒളിമ്പിക് നേട്ടത്തിന് ശേഷം മെഡല്‍ മാത്രമാണോ ഹരിയാന സര്‍ക്കാര്‍ പ്രഖ്യാപിച്ചിരുന്നതെന്ന് ചോദിച്ചും സാക്ഷിയുടെ ട്വീറ്റുണ്ടായി. മാധ്യമ ശ്രദ്ധ പിടിച്ചുപറ്റാന്‍ വേണ്ടി മാത്രമായിരുന്നു ഹരിയാന സര്‍ക്കാരിന്റെ പ്രഖ്യാപനങ്ങളെന്ന് താരം കുറ്റപ്പെടുത്തുന്നു. ഒളിമ്പിക്‌സിലെ 58 കിലോഗ്രാം ഫ്രീസ്‌റ്റൈല്‍ വിഭാഗത്തില്‍ ആയിരുന്നു 24കാരിയുടെ വെങ്കല മെഡല്‍ നേട്ടം. മൊത്തം 3.5 കോടി രൂപ ആയിരുന്നു സാക്ഷിക്കുള്ള ഹരിയാന സര്‍ക്കാരിന്റെ വാഗ്ദാനം. ബേട്ടി പഠാവോ ബേട്ടി ബച്ചാവോ പദ്ധിയുടെ സംസ്ഥാനത്തെ ബ്രാന്‍ഡ് അംബാസിഡര്‍ ആക്കിയ താരത്തിന് ഇന്ത്യന്‍ റെയില്‍വേയില്‍ ക്ലാസ് 2 റാങ്ക് ജോലിയും വാഗ്ദാനം ചെയ്തിരുന്നു.

സര്‍ക്കാര്‍ 2.5 കോടി രൂപ ചെക്ക് മുഖേന സാക്ഷിക്ക് നല്‍കിയെന്ന് മന്ത്രി അനില്‍ വിജ് പറയുന്നു. എംഡി സര്‍വകലാശാലയില്‍ ജോലി വേണമെന്ന ആഗ്രഹം അറിയിച്ചപ്പോള്‍ അധികമായി ഒരു പോസ്റ്റ് ഉണ്ടാക്കിയെന്നും മന്ത്രി പറഞ്ഞു. ഒളിമ്പിക്‌സില്‍ സ്വര്‍ണ മെഡല്‍ നേടുന്ന താരത്തിന് ആറ് കോടിയും വെള്ളി മെഡല്‍ നേടിയാല്‍ നാല് കോടിയും വെങ്കലം നേടിയാല്‍ 2.5 കോടിയുമാണ് സര്‍ക്കാര്‍ പ്രഖ്യാപിച്ചിരുന്നത്.

Andra Govt offered deputy collector job for PV Sindhu
Posted by
25 February

പിവി സിന്ധുവിന് ഐഎഎസ് റാങ്കിലുള്ള ജോലി നല്‍കി ആന്ധ്രാ സര്‍ക്കാര്‍

ഹൈദരാബാദ്: ഒളിമ്പിക്സ് സില്‍വര്‍ മെഡല്‍ ജേതാവായ പിവി സിന്ധുവിന് ഐഎഎസ് റാങ്കിലുള്ള ജോലി നല്‍കി ആന്ധ്രാ സര്‍ക്കാരിന്റെ ആദരം. ഡെപ്യൂട്ടി കളക്ടര്‍ പോസ്റ്റിലേക്കാണ് ജോലി വാഗ്ദാനം. വാഗ്ദാനം സ്വീകരിച്ച സിന്ധു ഉടന്‍ തന്നെ ജോലിയില്‍ ജോയിന്‍ ചെയ്യുമെന്നാണ് റിപ്പോര്‍ട്ടുകള്‍. ആന്ധ്രാ പ്രദേശ് മുഖ്യമന്ത്രി ജോലി വാഗ്ദാനം ചെയ്തകാര്യവും ജോലി സ്വീകരിച്ച വിവരവും സിന്ധുവിന്റെ അമ്മ പി വിജയ സ്ഥിരീകരിച്ചു. അതേസമയം, ഏതു ജോലിയാണെന്ന കാര്യം അവര്‍ വ്യക്തമാക്കിയില്ല. ഒളിമ്പിക്സ് വിജയത്തിനുശേഷം തിരിച്ചയപ്പോഴാണ് സിന്ധുവിന് ചന്ദ്രബാബു നായിഡു ജോലി വാഗ്ദാനം നല്‍കിയത്. നിലവില്‍ ലോക ബാഡ്മിന്റണ്‍ റാങ്കിങ്ങില്‍ അഞ്ചാം സ്ഥാനത്താണ് ഈ ആന്ധ്രാപ്രദേശുകാരി.

സിന്ധു ജോലി സ്വീകരിച്ചതോടെ താമസം ആന്ധ്രയുടെ പുതിയ തലസ്ഥാനമായ അമരാവതിയിലേക്ക് മാറ്റും. നിലവില്‍ ഹൈദരാബാദില്‍ താമസിക്കുന്ന സിന്ധു പുല്ലേല ഗോപീചന്ദ് അക്കാദമിയില്‍ പരിശീലനത്തിലാണ്. അന്താരാഷ്ട്ര കരിയറിനുശേഷം ഉയര്‍ന്ന ജോലിയില്‍ തുടരാനാകുമെന്നുറപ്പായതോടെയാണ് സിന്ധു വാഗ്ദാനം സ്വീകരിച്ചതെന്നാണ് റിപ്പോര്‍ട്ട്. നേരത്തെ ജോലി വാഗ്ദാനത്തിന് പുറമെ 3 കോടി രൂപയും 1000 സ്‌ക്വയര്‍ യാര്‍ഡ് സ്ഥലവും ആന്ധ്രാ സര്‍ക്കാര്‍ സിന്ധുവിന് നല്‍കിയിരുന്നു. ഇപ്പോള്‍ ഭാരത് പെട്രോളിയം കോര്‍പ്പറേഷന്‍ ലിമിറ്റഡില്‍ ഡെപ്യൂട്ടി മാനേജര്‍ പോസ്റ്റ് സിന്ധുവിനുണ്ട്.

Indian senior Table tennis player lost to 13 year old Japan player
Posted by
19 February

ഇന്ത്യയുടെ സീനിയര്‍ ടേബിള്‍ ടെന്നീസ് താരം ജപ്പാന്റെ പതിമൂന്നുകാരനോട് തോറ്റു

ന്യൂഡല്‍ഹി: ഇന്ത്യന്‍ ടേബിള്‍ ടെന്നീസിലെ സീനിയര്‍ താരത്തിന് ഞെട്ടിക്കുന്ന തോല്‍വി. ഇന്ത്യന്‍ താരം അജന്ത ശരത് കമല്‍ ജപ്പാന്റെ 13കാരന്‍ തൊംകോസു ഹരിമോട്ടോയോടാണ് തോറ്റത്. ഇന്ത്യന്‍ ഓപ്പണ്‍ സെമി ഫൈനലിലാണ് ഞെട്ടിപ്പിക്കുന്ന സംഭവം.

സ്‌കോര്‍: 4-2 (7-11, 11-5, 7-11, 13-11, 11-9, 11-9).

ജൂനിയര്‍ ടേബിള്‍ ടെന്നീസിലെ നിലവിലെ ലോക ജേതാവാണ് ഹരിമോട്ടോ. 34 കാരനായ ശരത് ലോക റാങ്കിങ്ങില്‍ 62 ാം സ്ഥാനത്താണുള്ളത്.

Service tax department send notice to Sania Mirza
Posted by
09 February

നികുതി വെട്ടിപ്പ് നടത്തിയ സാനിയ മിര്‍സക്ക് സേവന നികുതി വിഭാഗം നോട്ടീസ് അയച്ചു

ഹൈദരാബാദ്: ടെന്നീസ് താരം സാനിയ മിര്‍സക്ക് നികുതി വെട്ടിച്ചെന്ന് ആരോപിച്ച് സേവന നികുതി വിഭാഗം നോട്ടീസ് അയച്ചു. ഹൈദരാബാദിലെ സേവന നികുതി കാര്യാലയം ഫെബ്രുവരി ആറിനാണ് സാനിയക്ക് സമന്‍സ് അയച്ചതെന്നാണ് റിപ്പോര്‍ട്ട്. ഫെബ്രുവരി 16ന് ഹാജരാകണം എന്നും നോട്ടീസില്‍ ആവശ്യപ്പെടുന്നുണ്ട്.

സാനിയക്ക് എതിരായ കുറ്റം കൃത്യമായി പറയുന്നില്ലെങ്കിലും സമന്‍സ് പ്രകാരം, നികുതി അടയ്ക്കാതിരിക്കല്‍, സേവന നികുതി വെട്ടിക്കല്‍, 1994ലെ സാമ്പത്തിക നിയമത്തിന്റെ ലംഘനം എന്നിവയിലാണ് സാനിയ അന്വേഷണം നേരിടുന്നത്. സാമ്പത്തിക നിയമത്തിന്റെ പരിതിയില്‍ വരുന്ന കേന്ദ്ര നിയമ പ്രകാരം 16ന് നേരിട്ടോ, ഉത്തരവാദിത്വപ്പെട്ട ആള്‍ മുഖേനയോ ഹാജരാകണമെന്നാണ് ആവശ്യം. ബന്ധപ്പെട്ട രേഖകള്‍ ഹാജരാക്കണമെന്നും നിര്‍ദേശമുണ്ട്.

ഹാജരായി രേഖകള്‍ സമര്‍പ്പിക്കുന്നതില്‍ വീഴ്ച്ച വരുത്തുകയാണെങ്കില്‍, ബന്ധപ്പെട്ട ചട്ടപ്രകാരം ശിക്ഷാ നടപടികളിലേക്ക് കടക്കുമെന്നും മുന്നറിയിപ്പുണ്ട്.

australian open  mens singles roger federe wins
Posted by
29 January

ഫീനിക്‌സായി ഫെഡറര്‍; ഓസ്‌ട്രേലിയന്‍ ഓപ്പണ്‍ കിരീടം സ്വിസ് ഇതിഹാസത്തിന്

മെല്‍ബണ്‍: ചരിത്രം കുറിച്ച പോരാട്ടത്തിനൊടുവില്‍ ഓസ്‌ട്രേലിയന്‍ ഓപ്പണ്‍ പുരുഷ സിംഗിള്‍സ് കിരീടം സ്വിസ് ഇതിഹാസം റോജര്‍ ഫെഡറര്‍ കരസ്ഥമാക്കി. സ്‌പെയിനിന്റെ റാഫേല്‍ നദാലിനെ അഞ്ച് സെറ്റ് നീണ്ട പോരാട്ടത്തിനൊടുവിലാണ് ഫെഡറര്‍ കീഴടക്കിയത്. സ്‌കോര്‍ 64, 36, 61, 16, 63

43 വര്‍ഷത്തിനിടയില്‍ ഒരു ഗ്രാന്റ് സ്ലാം കിരീടം നേടുന്ന ഏറ്റവും പ്രായം കൂടിയ താരമെന്ന ബഹുമതി ഫെഡറര്‍ കരസ്ഥമാക്കി. തന്റെ മുപ്പത്തിയഞ്ചാം വയസിലാണ് ഫെഡറര്‍ ഇന്ന് കിരീടം നേടിയത്. റോഡ് ലെവര്‍ അരീനയില്‍ ഫെഡറര്‍ കിരീടം ഉയര്‍ത്തുന്നത് ഇത് അഞ്ചാം തവണ. കരിയറിലെ പതിനെട്ടാം ഗ്രാന്റ് സ്ലാം കിരീടത്തിലാണ് സ്വിസ് രാജകുമാരന്‍ ഇന്ന് മുത്തമിട്ടത്. നാലു വര്‍ഷത്തെ കിരീട വരള്‍ച്ചയ്ക്ക് അറുതിവരുത്തിയാണ് ഫെഡറര്‍ ഓസ്‌ട്രേലിയന്‍ ഓപ്പണില്‍ കിരീടം ചൂടിയിരിക്കുന്നത്. 2012 വിംബിള്‍ഡണായിരുന്നു ഫെഡറര്‍ അവസാനമായി മുത്തമിട്ട ഗ്രാന്റ് സ്ലാം കിരീടം.